Sunday, 23rd September 2018  

Vijayavani

ಜಿಮ್​ ತರಬೇತುದಾರನ ಅಪಹರಣ ಮತ್ತು ಹಲ್ಲೆ ಪ್ರಕರಣದಲ್ಲಿ ನಟ ದುನಿಯಾ ವಿಜಯ್​ ಬಂಧನ.        ವಿಧಾನ ಪರಿಷತ್​​ 3 ಸ್ಥಾನಗಳಿಗೆ ಚುನಾವಣೆ: ನಾಮಪತ್ರ ಸಲ್ಲಿಕೆಗೆ ನಾಳೆ ಕೊನೆ ದಿನ, ಬಿಜೆಪಿ ಪಟ್ಟಿ ಇಂದು ಅಂತಿಮ        ಮೋದಿ ಕಳ್ಳ ಎಂದಿದ್ದ ರಾಹುಲ್​ ವಿರುದ್ಧ ನಿರ್ಮಲಾ ಗುಡುಗು: ರಾಹುಲ್​ ಅವರದ್ದು ಕಳ್ಳರ ಕುಟುಂಬ ಎಂದ ಸಚಿವೆ        ಹಾಸನದಲ್ಲಿ ಇಂದು ಹಲವು ಅಭಿವೃದ್ಧಿ ಕಾಮಗಾರಿಗಳಿಗೆ ಚಾಲನೆ ನೀಡಲಿದ್ದಾರೆ ಮುಖ್ಯಮಂತ್ರಿ ಎಚ್​ಡಿಕೆ       
Breaking News

ಬಲೂನು ನುಂಗಿದ ಎರಡು ವರ್ಷದ ಮಗು ಸಾವು

Monday, 16.04.2018, 3:03 AM       No Comments

ಬೆಂಗಳೂರು: ತಾಯಂದಿರೇ ಎಚ್ಚರ.. ನಿಮ್ಮ ಮಕ್ಕಳು ಎಲ್ಲಿ, ಯಾರೊಂದಿಗೆ ಯಾವ ಆಟಿಕೆಯಲ್ಲಿ ಆಟವಾಡುತ್ತಿದ್ದಾರೆ ಎಂದು ನಿಗಾ ಇರಲಿ. ಮಕ್ಕಳ ಮೇಲಿನ ಗಮನ ಸ್ವಲ್ಪ ತಪ್ಪಿದರೂ ಅನಾಹುತವಾಗುವ ಸಂಭವವಿದೆ.

ಆಟವಾಡುತ್ತಿದ್ದ ಪುಟ್ಟ ಬಾಲಕ ಗಂಟಲಿನಲ್ಲಿ ಬಲೂನ್ ಸಿಲುಕಿ ಉಸಿರುಗಟ್ಟಿ ಮೃತಪಟ್ಟಿದ್ದಾನೆ.

ಚಿಕ್ಕಕಮ್ಮನಹಳ್ಳಿಯ ಅಬೂಬಕರ್ ಸಿದ್ಧಿಖಿ ಮತ್ತು ರೇಷ್ಮಾ ದಂಪತಿ ಪುತ್ರ ನವಾಜ್ (2) ಮೃತ ಬಾಲಕ. ಮನೆ ಬಳಿಯ ಗ್ಯಾರೇಜ್​ನಲ್ಲಿ ಅಬೂಬಕರ್ ಟಿಂಕರಿಂಗ್ ಕೆಲಸ ಮಾಡುತ್ತಿದ್ದು, ತಾಯಿ ಗೃಹಿಣಿೆ. ಈ ದಂಪತಿಗೆ ನಾಲ್ವರು ಮಕ್ಕಳು. ನವಾಜ್ ಕೊನೆಯ ಪುತ್ರ. ಇತರ ಮೂವರನ್ನು ಅಜ್ಜಿ-ತಾತನ ಮನೆಯಲ್ಲಿ ಬಿಟ್ಟು ಈತನನ್ನು ಜತೆಯಲ್ಲಿಟ್ಟುಕೊಂಡಿದ್ದರು.

ಸೋಮವಾರ ಬೆಳಗ್ಗೆ 7.30ರಲ್ಲಿ ಆಟವಾಡಲು ಮನೆಯಿಂದ ಹೊರಹೋಗಿದ್ದ ಬಾಲಕ, 9 ಗಂಟೆಯಲ್ಲಿ ಉಸಿರಾಡಲು ಸಾಧ್ಯವಾಗದೆ ಸುಸ್ತಾಗಿ ಮನೆಗೆ ಬಂದಿದ್ದ. ಮಗನ ನರಳಾಟ ನೋಡಿದ ತಾಯಿ, ಹಸಿವಾಗಿರಬೇಕೆಂದು ಬ್ರೆಡ್ ಕೊಟ್ಟು ನೀರು ಕುಡಿಸಿದ್ದಾರೆ. ಬ್ರೆಡ್ ತಿಂದ ಕೆಲವೇ ಕ್ಷಣಕ್ಕೆ ಬಾಲಕ ವಾಂತಿ ಮಾಡಿಕೊಂಡು ಪ್ರಜ್ಞೆ ತಪ್ಪಿಬಿದ್ದಿದ್ದಾನೆ. ತಕ್ಷಣ ಹತ್ತಿರದ ಆಸ್ಪತ್ರೆಗೆ ಕರೆದುಕೊಂಡು ಹೋದಾಗ ಪರೀಕ್ಷೆ ಮಾಡಿದ ವೈದ್ಯರು, ಪ್ರಾಥಮಿಕ ಚಿಕಿತ್ಸೆ ಕೊಟ್ಟು ಗಂಟಲಲ್ಲಿದ್ದ ಬಲೂನ್ ತುಂಡು ತೆಗೆದು ಹೆಚ್ಚಿನ ಚಿಕಿತ್ಸೆಗಾಗಿ ಮಕ್ಕಳ ಆಸ್ಪತ್ರೆಗೆ ಕರೆದುಕೊಂಡು ಹೋಗುವಂತೆ ಸಲಹೆ ನೀಡಿದ್ದರು.

ಮಗನನ್ನು ಸ್ಥಳೀಯರ ಸಹಾಯದಿಂದ ಬನ್ನೇರುಘಟ್ಟ ರಸ್ತೆ ಅಪೋಲೋ ಆಸ್ಪತ್ರೆಗೆ ಬೆಳಗ್ಗೆ 11 ಗಂಟೆಗೆ ಕರೆದುಕೊಂಡು ಹೋಗಿದ್ದರು. ತುರ್ತು ನಿಗಾ ಘಟಕದಲ್ಲಿ ಚಿಕಿತ್ಸೆ ನೀಡುತ್ತಿದ್ದರು. ಆದರೆ, ಅರ್ಧ ತಾಸಿನಲ್ಲಿ ನವಾಜ್ ಅಸುನೀಗಿದ್ದಾನೆ ಎಂದು ಹುಳಿಮಾವು ಪೊಲೀಸರು ತಿಳಿಸಿದ್ದಾರೆ.

ಮರಣೋತ್ತರ ಪರೀಕ್ಷೆಗಾಗಿ ವಿಕ್ಟೋರಿಯಾ ಆಸ್ಪತ್ರೆಗೆ ದೇಹವನ್ನು ರವಾನಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಶವಪರೀಕ್ಷೆಗೆ ಒಪ್ಪದ ತಂದೆ

ಮರಣೋತ್ತರ ಪರೀಕ್ಷೆಗೆ ಒಳಪಡಿಸಲು ವಿಕ್ಟೋರಿಯಾ ಆಸ್ಪತ್ರೆಗೆ ಶವವನ್ನು ತರಲಾಯಿತು. ಜತೆಗೆ ಬಂದಿದ್ದ ತಂದೆ ತನ್ನ ಮಗನ ಶವವನ್ನು ಹಿಡಿದು ಶವಗಾರದ ಒಳಗೆ ತೆಗೆದುಕೊಂಡು ಹೋಗಿ ವಾಪಸ್ ಹೊರಗೆ ಬಂದು ಮಗನ ದೇಹ ಕತ್ತರಿಸಲು ಬಿಡುವುದಿಲ್ಲ ಎಂದು ಗೋಳಾಡುತ್ತಿದ್ದ ದೃಶ್ಯ ಎಲ್ಲರ ಮನಕಲಕಿತು.

ಆಟವಾಡಿ ಸುಸ್ತಾಗಿರಬೇಕೆಂದು ಮಗನಿಗೆ ಬ್ರೆಡ್ ಕೊಟ್ಟು ನೀರು ಕುಡಿಸಿದೆ. ವಾಂತಿ ಮಾಡಿ ಪ್ರಜ್ಞೆ ತಪ್ಪಿದ. ಏನಾಯಿತು ಎಂಬುದು ಗೊತ್ತಾಗದೆ ತಕ್ಷಣ ಆಸ್ಪತ್ರೆಗೆ ಕರೆದುಕೊಂಡು ಹೋದೆ.

| ರೇಷ್ಮಾ ಬಾಲಕನ ತಾಯಿ

ಶ್ವಾಸಕೋಶದಲ್ಲಿ ಸಿಲುಕಿದ ಬಲೂನ್?

ಮಗ ಬಲೂನ್ ನುಂಗಿರುವ ಸಂಗತಿ ತಾಯಿಗೆ ಗೊತ್ತಿರಲಿಲ್ಲ. ಬಲೂನ್ ಶ್ವಾಸಕೋಶದ ಒಳಗೆ ನುಗ್ಗಿ ಮತ್ತಷ್ಟು ಕ್ಲಿಷ್ಟಕರವಾಗಿದೆ. ಆ ನಂತರ ಹತ್ತಿರದ ಆಸ್ಪತ್ರೆಗೆ ಕರೆದುಕೊಂಡು ಹೋದಾಗ ವೈದ್ಯರು ಪ್ರಾಥಮಿಕ ಚಿಕಿತ್ಸೆ ಕೊಟ್ಟು ಮಕ್ಕಳ ವೈದ್ಯರನ್ನು ಸಂಪರ್ಕ ಮಾಡುವಂತೆ ಸಲಹೆ ಮಾಡಿದ್ದರು. ಅಪೋಲೊ ಆಸ್ಪತ್ರೆಗೆ ಹೋದಾಗ ವೈದ್ಯರು ಪರೀಕ್ಷೆ ನಡೆಸಿ ಬಲೂನ್ ತೆಗೆಯುತ್ತಿದ್ದಾಗಲೇ ಬಾಲಕ ಅಸುನೀಗಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.

Leave a Reply

Your email address will not be published. Required fields are marked *

Back To Top