Friday, 21st September 2018  

Vijayavani

Breaking News

ಬಿಜೆಪಿಯಿಂದ ನಾಲ್ವರ ಉಚ್ಛಾಟನೆ

Thursday, 14.06.2018, 6:05 PM       No Comments

<<ಪಕ್ಷದ ಜವಾಬ್ದಾರಿಯಿಂದ ಹಲವರಿಗೆ ಕೊಕ್>>

ಬಳ್ಳಾರಿ: ಉಜ್ಜಯಿನಿ ಕ್ಷೇತ್ರದ ಜಿಪಂ ಸದಸ್ಯ ಹರ್ಷವರ್ಧನ ಸೇರಿ ನಾಲ್ವರನ್ನು ಬಿಜೆಪಿಯಿಂದ ಉಚ್ಛಾಟಿಸಲಾಗಿದೆ. ಪಕ್ಷದ ಕೆಲವು ಪದಾಧಿಕಾರಿಗಳಿಗೂ ಕೋಕ್ ನೀಡಿ ಬಿಜೆಪಿ ಜಿಲ್ಲಾ ಅಧ್ಯಕ್ಷ ಚನ್ನಬಸವನಗೌಡ ಪಾಟೀಲ್ ಆದೇಶ ಹೊರಡಿಸಿದ್ದಾರೆ. ಜಿಪಂ ಸದಸ್ಯ ಹರ್ಷವರ್ಧನ, ಒಬಿಸಿ ಮೋರ್ಚಾ ಜಿಲ್ಲಾ ಅಧ್ಯಕ್ಷ ಮುಟುಗನಹಳ್ಳಿ ಕೊಟ್ರೇಶ್, ಹಬೊಹಳ್ಳಿ ತಾಪಂ ಸದಸ್ಯ ಬುಡ್ಡಿ ಬಸವರಾಜ್, ಒಬಿಸಿ ಮೋರ್ಚಾ ಮಂಡಲ ಅಧ್ಯಕ್ಷ ಅನಿಲ್ ಜಾಣರನ್ನು ಬಿಜೆಪಿಯಿಂದ ಉಚ್ಛಾಟಿಸಲಾಗಿದೆ. ವಿಧಾನಸಭೆ ಚುನಾವಣೆಯಲ್ಲಿ ಪಕ್ಷದ ಅಧಿಕೃತ ಅಭ್ಯರ್ಥಿ ವಿರುದ್ಧ ಪ್ರಚಾರ ಕಾರ್ಯದಲ್ಲಿ ತೊಡಗಿದ್ದರಿಂದ 2018ರ ಮೇ 9ರಂದು ಜಿಲ್ಲಾ ಸಮಿತಿಯಲ್ಲಿ ಕೈಗೊಂಡ ತೀರ್ಮಾನದಂತೆ ಪಕ್ಷದಿಂದ ಉಚ್ಛಾಟಿಸಲಾಗಿದೆ. ಹಡಗಲಿ ತಾಲೂಕಿನ ಜಿಪಂ ಸದಸ್ಯ ಬಿ.ವಿಜಯಕುಮಾರ್‌ರನ್ನು ಬಿಜೆಪಿ ಜಿಲ್ಲಾ ಕಾರ್ಯದರ್ಶಿ ಸ್ಥಾನದಿಂದ, ಎಲ್.ಕೊಟ್ರೇಶ್‌ನಾಯ್ಕರನ್ನು ಎಸ್‌ಸಿ ಮೋರ್ಚಾ ಜಿಲ್ಲಾ ಅಧ್ಯಕ್ಷ ಸ್ಥಾನದಿಂದ ಕೈಬಿಡಲಾಗಿದೆ ಎಂದು ಚನ್ನಬಸವನಗೌಡ ಪಾಟೀಲ್ ತಿಳಿಸಿದ್ದಾರೆ.

Leave a Reply

Your email address will not be published. Required fields are marked *

Back To Top