Thursday, 18th January 2018  

Vijayavani

ಹಿರಿಯ ನಟ ನಿರ್ದೇಶಕ ಕಾಶಿನಾಥ್ ಇನ್ನಿಲ್ಲ - ಬೆಂಗಳೂರಿನ ಶಂಕರ ಕ್ಯಾನ್ಸರ್​ ಆಸ್ಪ್ರೆಯಲ್ಲಿ ಕೊನೆಯುಸಿರು- ಕಳಚಿದ ಅನುಭವದ ಕೊಂಡಿ        ಡೈರೆಕ್ಟರ್​ ಎಪಿ ಅರ್ಜುನ್​ ಕಚೇರಿಯಲ್ಲಿ ಕಳ್ಳತನ - ಯಶ್​ ಬರ್ತಡೇ ದಿನ ಕೃತ್ಯ - ಮಾಜಿ ಕಾರು ಡ್ರೈವರ್ ವಿರುದ್ಧ ಅನುಮಾನದ ಹುತ್ತ         ಒಂಟಿ ಮಹಿಳೆಗೆ ಜಡೆ ಹಿಡಿದು ಥಳಿತ - ಕೊಪ್ಪಳ ಬಸ್​ಸ್ಟಾಪ್​ನಲ್ಲಿ ಪುರುಷರ ಅಟ್ಟಹಾಸ - ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೋ ವೈರಲ್         ನೈಂಟಿ ಕೊಡ್ತೇವೆ ಅಂತ ಹರಕೆ ಹೊರ್ತಾರೆ ಭಕ್ತರು - ದೇವರ ಹೆಸರಲ್ಲಿ ಸಾಮೂಹಿಕ ಮದ್ಯಾರಾಧನೆ - ಕುಣಿಗಲ್‍ನ ಒಡೇಭೈರವನಿಗೆ ಬ್ರಾಂದಿ ವಿಸ್ಕಿಯೇ ನೈವೇದ್ಯ        ಕೃಷ್ಣನಗರಿಯಲ್ಲಿ ಪರ್ಯಾಯ ಸಂಭ್ರಮ - ಕೃಷ್ಣಪೂಜೆ ನೆರವೇರಿಸಿದ ಪಲಿಮಾರು ಶ್ರೀಗಳು - ಅದ್ಧೂರಿಯಿಂದ ಸರ್ವಜ್ಞ ಪೀಠಾರೋಹಣ       
Breaking News :

ಹಲಸಿನ ಹಣ್ಣಿಗಾಗಿ ಸೆಲ್ಫಿ ಕೇಂದ್ರ ತೆರೆಯಲು ಮುಂದಾದ ಬಾಗಲಕೋಟೆ ವಿಶ್ವವಿದ್ಯಾಲಯ

Friday, 05.01.2018, 8:34 AM       No Comments

ಬಾಗಲಕೋಟೆ: ಇಲ್ಲಿನ ತೋಟಗಾರಿಕೆ ವಿಜ್ಞಾನ ವಿಶ್ವವಿದ್ಯಾಲಯವು ತನ್ನ ಆವರಣದಲ್ಲಿ ಸೆಲ್ಫಿ ಕೇಂದ್ರವೊಂದನ್ನು ತೆರೆಯಲು ನಿರ್ಧರಿಸಿದ್ದು, ಇದಕ್ಕಾಗಿ ವಿಶ್ವವಿದ್ಯಾಯಲದ ಮುಖ್ಯ ಆಡಳಿತ ಕಟ್ಟಡದ ಮುಂಭಾಗವಿರುವ ಪ್ರತಿಮೆಯನ್ನು ಆಯ್ಕೆ ಮಾಡಿಕೊಂಡಿದೆ.

ಪ್ರತಿಮೆಯ ವಿಶೇಷ
ಸೊಂಟದಲ್ಲಿ ಮಗುವನ್ನು ಹಿಡಿದಕೊಂಡು ತಲೆಯ ಮೇಲೆ ಹಲಸಿನ ಹಣ್ಣು ಹೊತ್ತುಕೊಂಡಿರುವ ಮಹಿಳಾ ಪ್ರತಿಮೆ ಇದಾಗಿದ್ದು, ಈ ವಿಶೇಷ ಹಣ್ಣು ಜಗತ್ತಿನ ಹಸಿವನ್ನು ನೀಗಿಸಬಲ್ಲದು ಎಂಬ ಸಂಕೇತ ಸೂಚಿಸುತ್ತದೆ.

ವಿಶ್ವವಿದ್ಯಾಲಯದ ಉಪ ಕುಲಪತಿ ಡಾ. ಡಿ. ಎಲ್​. ಮಹೇಶ್ವರ್​ ಈ ಬಗ್ಗೆ ಮಾತನಾಡಿ, ಈ ಪ್ರತಿಮೆಯನ್ನು ಒಂದು ವರ್ಷದ ಹಿಂದೆ ನಿರ್ಮಾಣ ಮಾಡಲಾಗಿದ್ದು, ಇದೀಗ ಅದನ್ನು ಸೆಲ್ಫಿ ಕೇಂದ್ರವನ್ನಾಗಿ ಮಾಡುವ ಯೋಜನೆ ಮಾಡಲಾಗಿದೆ. ಅದಕ್ಕಾಗಿ ಕೆಲವು ಪೀಠೋಪಕರಣ ಹಾಗೂ ಸಣ್ಣ ವಸ್ತುಗಳನ್ನು ಬೇಕಾಗಿದ್ದು, ಅದನ್ನು ಒದಗಿಸಲಾಗುತ್ತಿದೆ ಎಂದಿದ್ದಾರೆ.

ವಿಶ್ವವಿದ್ಯಾಲಯವು ಇಂತಹ ಸುಮಾರು ಅರ್ಧ ಡಜನ್​ ಪ್ರತಿಮೆಗಳ ವಿನ್ಯಾಸವನ್ನು ಮಾಡಿದೆ. ಒಂದೊಂದು ಪ್ರತಿಮೆಯೂ ವಿಭಿನ್ನವಾಗಿದ್ದು, ಬೇರೆ ಬೇರೆ ತೋಟಗಾರಿಕೆ ಅಂಶಗಳ ಮೇಲಿನ ಬೆಳಕು ಚೆಲ್ಲುತ್ತವೆ ಎಂದಿದ್ದಾರೆ.

ವಿಶ್ವವಿದ್ಯಾಲಯವು ಹಲಸಿನ ಹಣ್ಣಿಗೆ ವಿಶೇಷ ಹೊತ್ತನ್ನು ನೀಡಿದೆ. ಎಲ್ಲಾ ಪ್ರತಿಮೆಗಳಲ್ಲಿಯೂ ಇದರ ಇರುವಿಕೆಯ ಬಗ್ಗೆ ಯೋಚಿಸಿದ್ದು, ಹಲಸಿನ ಹಣ್ಣಿನ ಪ್ರಚಾರಕ್ಕಾಗಿ ವಿಜ್ಞಾನಿಗಳನ್ನೊಳಗೊಂಡ ವಿಶೇಷ ಕಾರ್ಯಪಡೆ ಇದೆ.

ವಿಶ್ವವಿದ್ಯಾನಿಲಯವು ಹಲಸಿನ ಹಣ್ಣಿನ ಪ್ರಚಾರಕ್ಕಾಗಿ ಸುಧಾರಿತ ಕೇಂದ್ರವನ್ನು ಹೊಂದಿದ್ದು, ಇದರಲ್ಲಿ ವಿಜ್ಞಾನಿಗಳು, ಸಂಶೋಧಕರು ಮತ್ತು ಸ್ನಾತಕೋತ್ತರ ವಿದ್ಯಾರ್ಥಿಗಳಿಂದ ಹಲವಾರು ಸಂಶೋಧನಾ ಕಾರ್ಯಕ್ರಮಗಳನ್ನು ಅಳವಡಿಸಲಾಗಿದೆ.

ನಾವು ಹಲಸಿನ ಪ್ರಭೇದಗಳ ದೊಡ್ಡ ಸಂಗ್ರಹವನ್ನು ಹೊಂದಿದ್ದೇವೆ ಮತ್ತು ತಾಂತ್ರಿಕ ಕಾರ್ಯಕ್ರಮಗಳು ಮತ್ತು ರೈತರಿಗೆ ವಿತರಿಸಲಾದ ಸಸಿಗಳನ್ನು ನಡೆಸುವ ವಿಶೇಷ ಹಲಸಿನ ಪ್ರಚಾರ ಕಾರ್ಯಕ್ರಮಗಳು ನಡೆಸುತ್ತಿದ್ದೇವೆ. ಬಹುಶಃ ನಾವು ಕರ್ನಾಟಕದಲ್ಲಿ ಹಲಸಿನ ಹಣ್ಣಿನ ಶ್ರೀಮಂತ ಸಂಪತ್ತನ್ನು ಹೊಂದಿದ್ದೇವೆ ಎಂದು ಉಪ ಕುಲಪತಿ ಹೇಳಿದ್ದಾರೆ.

ಕನ್ನಡ ಅಡಿಕೆ ಪತ್ರಿಕೆಯ ಸಂಪಾದಕರಾದ ಶ್ರೀ ಪಡ್ರೆ ಅವರು ಜಾಗತಿಕ ಹಲಸಿನ ರಾಯಭಾರಿಯಾಗಿದ್ದಾರೆ ಎಂದು ಉಪ ಕುಲಪತಿಗಳು ತಿಳಿಸಿದ್ದಾರೆ. (ಏಜೆನ್ಸೀಸ್​)

Leave a Reply

Your email address will not be published. Required fields are marked *

Back To Top