Friday, 20th April 2018  

Vijayavani

ಬಿಜೆಪಿ ಅಭ್ಯರ್ಥಿಗಳ 3 ನೇ ಪಟ್ಟಿ ರಿಲೀಸ್​- 59 ಅಭ್ಯರ್ಥಿಗಳ ಹೆಸರು ಪ್ರಕಟ- ವರುಣಾ, ಬಾದಾಮಿ ಇನ್ನೂ ನಿಗೂಢ        ಜೆಡಿಎಸ್​ನಿಂದ ಸೆಕೆಂಡ್​ ಲಿಸ್ಟ್​ ರಿಲೀಸ್​- ಕೈ, ಕಮಲ ರೇಬಲ್​ಗಳಿಗೆ ಮಣೆ- 57 ಅಭ್ಯರ್ಥಿಗಳ ಪಟ್ಟಿ ಬಿಡುಗಡೆ        ಎಚ್​ಡಿಕೆ ಆಸ್ತಿ ವಿವರ ಘೋಷಣೆ- ಕುಮಾರಸ್ವಾಮಿ 12 ಕೋಟಿ ಒಡೆಯ- ಗುತ್ತೇದಾರ್​ಗಿಂತ ಪತ್ನಿ ಶ್ರೀಮಂತೆ        ನಟಿ ಉಮಾಶ್ರೀ ಆಸ್ತಿ ವಿವರ ಘೋಷಣೆ- ಸಾಕವ್ವ 1 ಕೆ.ಜಿ ಚಿನ್ನಾಭರಣದ ಒಡತಿ- ಅವಲಂಬಿತರು ಯಾರು ಇಲ್ಲವೆಂದು ಪ್ರಮಾಣಪತ್ರ        ಚಾಮುಂಡೇಶ್ವರಿಯಲ್ಲಿ ಸಿಎಂ, ವರುಣಾದಲ್ಲಿ ಯತೀಂದ್ರ- ಅಪ್ಪ-ಮಗ ನಾಮಪತ್ರ ಸಲ್ಲಿಕೆ- ಭಾರಿ ಬೆಂಬಲಿಗರ ಜತೆ ತೆರಳಿ ನಾಮಿನೇಷನ್​​​​​​        ಬೆಂಗಳೂರಿನಲ್ಲಿ ಗಾಳಿ ಸಹಿತ ಮಳೆ- ಮನೆಗೆ ಹೋಗಲು ವರುಣನ ಅಡ್ಡಿ- ಸಂಜೆಯ ಮಳೆಗೆ ವಾಹನ ಸವಾರರು ಕಂಗಾಲು       
Breaking News

ವಿಮಾನದಲ್ಲಿ ಹುಟ್ಟುತ್ತಲೇ ಅದೃಷ್ಟ! ಮಗುವಿಗೆ ಜೀವನಪರ್ಯಂತ ಏರ್ ಪಾಸ್!

Monday, 19.06.2017, 10:31 AM       No Comments

ನವದೆಹಲಿ: ಸೌದಿ ಅರೇಬಿಯಾದಿಂದ ಭಾರತಕ್ಕೆ ಬರುತ್ತಿದ್ದ ವಿಮಾನದಲ್ಲಿ ಭಾನುವಾರ ಮಹಿಳೆಯೊಬ್ಬರು ಮಗುವಿಗೆ ಜನ್ಮ ನೀಡಿದ್ದರು. ಆ ಮಗುವಿಗೆ ಈಗ ಅದೃಷ್ಟ ಖುಲಾಯಿಸಿದ್ದು, ಜೆಟ್​ ಏರ್​ ವೇಸ್​ ಸಂಸ್ಥೆ ಮಗುವಿಗೆ ಲೈಫ್​ ಟೈಮ್​ ಏರ್​ ಟಿಕೆಟ್ ನೀಡಲು ನಿರ್ಧರಿಸಿದೆ. ಅಂದರೆ ಜೀವನಪರ್ಯಂತ ಆ ಮಗು ಜೆಟ್​ ಏರ್​ ವೇಸ್​ ಸಂಸ್ಥೆಯ ವಿಮಾನದಲ್ಲಿ ಉಚಿತವಾಗಿ ಯಾನ ಮಾಡಬಹುದು.

ಕೇರಳದ ಮಹಿಳೆಯೊಬ್ಬರು ಸೌದಿ ಅರೇಬಿಯಾದ ಡಮ್ಮಮ್​ನಿಂದ ಕೊಚ್ಚಿಗೆ ಪ್ರಯಾಣಿಸುತ್ತಿದ್ದರು. ಆದರೆ ಅವರಿಗೆ ಮಾರ್ಗ ಮಧ್ಯೆ 35 ಸಾವಿರ ಅಡಿ ಎತ್ತರಲ್ಲಿ ಹೆರಿಗೆ ನೋವು ಕಾಣಿಸಿಕೊಂಡಿದೆ. ತಕ್ಷಣ ನೆರವಿಗೆ ಧಾವಿಸಿದ ವಿಮಾನದ ಸಿಬ್ಬಂದಿ ಮತ್ತು ವಿಮಾನದಲ್ಲಿದ್ದ ನರ್ಸ್​ ಮಹಿಳೆಗೆ ಹೆರಿಗೆ ಮಾಡಿಸಿದ್ದರು. ನಂತರ ವಿಮಾನವನ್ನು ಮುಂಬೈನಲ್ಲಿ ಇಳಿಸಿ ಮಹಿಳೆ ಮತ್ತು ಮಗುವನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ತಾಯಿ ಮತ್ತು ಮಗು ಆರೋಗ್ಯದಿಂದಿದ್ದಾರೆ.

ಇದೇ ಮೊದಲ ಬಾರಿಗೆ ಜೆಟ್ ಏರ್​ವೇಸ್​ ಸಂಸ್ಥೆಯ ವಿಮಾನದಲ್ಲಿ ಮಗು ಜನಿಸಿದೆ. ಹಾಗಾಗಿ ಜೆಟ್​ ಏರ್​ವೇಸ್​ ಮಗುವಿಗೆ ಲೈಫ್​ ಟೈಮ್​ ಏರ್​ ಟ್ರಾವಲ್​ ಪಾಸ್​ ನೀಡಲು ನಿರ್ಧರಿಸಿದಿದೆ. ಮಗು ಜೆಟ್​ ಏರ್​ವೇಸ್​ ವಿಮಾನದಲ್ಲಿ ಯಾವುದೇ ಸ್ಥಳಕ್ಕೆ ಉಚಿತವಾಗಿ ಪ್ರಯಾಣಿಸಲು ಈ ಪಾಸ್​ ಅನ್ನು ಬಳಸಬಹುದು ಎಂದು ಸಂಸ್ಥೆ ತಿಳಿಸಿದೆ. ಹುಟ್ಟುತ್ತಲೇ ಅದೃಷ್ಟ ಕುಲಾಯಿಸುವುದೆಂದ್ರೆ ಇದೇ ಇರಬೇಕು!

– ಏಜೆನ್ಸೀಸ್​

Leave a Reply

Your email address will not be published. Required fields are marked *

Back To Top