Sunday, 24th June 2018  

Vijayavani

ಆಪ್ತರ ಜತೆ ಮಾಜಿ ಸಿಎಂ ಸಭೆ ಹಿನ್ನೆಲೆ - ಸಿದ್ದರಾಮಯ್ಯ ಭೇಟಿಗೆ ತೆರಳಿದ ಪರಂ - ರಾಜಕೀಯ ವಿಚಾರಗಳ ಬಗ್ಗೆ ನಾಯಕರ ಚರ್ಚೆ ಸಾಧ್ಯತೆ        ಪ್ರಕೃತಿ ಚಿಕಿತ್ಸಾಲಯದಿಂದ ಹೊರ ಬಂದ ಸಿದ್ದು - ಅಭಿಮಾನಿಗಳ ಜತೆ ಮಾಜಿ ಸಿಎಂ ಚರ್ಚೆ - ಕೈ ಕಾರ್ಯಕರ್ತರ ಜತೆ ಸೆಲ್ಫಿಗೆ ಫೋಸ್​​        ಶಿವಮೊಗ್ಗದಲ್ಲಿ ಮತ್ತೆ ಝಳಪಿಸಿದ ಮಾರಕಾಸ್ತ್ರ - ರೌಡಿ ಶೀಟರ್​​​ ಹಬೀಬ್​ ಬರ್ಬರ ಹತ್ಯೆ - ತುಂಗಾನಗರ ಠಾಣೆಯಲ್ಲಿ ಪ್ರಕರಣ        ಖಾತೆ ಹಂಚಿಕೆಯಾಯ್ತು, ಈಗ ಬಂಗಲೆ ಸರದಿ - ಒಂದೊಂದು ಬಂಗಲೆಗೆ ಮೂವರ ಪೈಪೋಟಿ - ಸಿಎಂ ಕುಮಾರಸ್ವಾಮಿಗೆ ಬಂಗಲೆ ಕೊಡೋದೇ ಚಿಂತೆ        ಹಿಟ್​​ಲಿಸ್ಟ್​​ನಲ್ಲಿದ್ದ 20 ಉಗ್ರರ ಪೈಕಿ ಇಬ್ಬರು ಫಿನಿಶ್ - ಕುಲ್ಗಾಮದಲ್ಲಿ ಇಬ್ಬರು ಎಲ್​​ಇಟಿ ಉಗ್ರರು ಉಡೀಸ್​ - ಶಸ್ತ್ರ ಸಹಿತ ಒಬ್ಬ ಟೆರರ್​ ಸರೆಂಡರ್        ಮನೆಗಾಗಿ ಕಣ್ಣೀರಿಟ್ಟ ವೃದ್ಧೆಗೆ ಶಾಸಕರ ಸಹಾಯ - 20 ಸಾವಿರ ಹಣ ನೀಡಿದ ಡಾ.ರಂಗನಾಥ - ದಿಗ್ವಿಜಯ ನ್ಯೂಸ್​ ವರದಿಗೆ ಸ್ಪಂದಿಸಿದ ಕುಣಿಗಲ್​ ಶಾಸಕ       
Breaking News

ಬೀದಿನಾಯಿಗಳಿಗೆ ಆಶ್ರಯ ಕಲ್ಪಿಸಿದ ದತ್ತು ಸ್ವೀಕಾರ ಶಿಬಿರ

Sunday, 10.06.2018, 9:33 PM       No Comments

ಉಡುಪಿ: ಅಲ್ಲಿ ಎಲ್ಲೆಂದರಲ್ಲಿ ಓಡಾಡುತ್ತಿದ್ದ ಮುದ್ದಾದ ನಾಯಿಮರಿಗಳು. ಕೈಯಲ್ಲಿ ಹಿಡಿದು ಮುದ್ದಾಡುತ್ತಿದ್ದ ಮಕ್ಕಳು. ಪುಟಾಣಿಗಳಲ್ಲಿ ಮನೆಗೆ ಕರೆದುಕೊಂಡು ಹೋಗುವ ಸಂತಸ. ಅನಾಥವಾಗಿ ರಸ್ತೆ ಬದಿ ಸಿಕ್ಕಿದ್ದ ಮರಿಗಳಿಗೆ ಮತ್ತೆ ಮನೆ ಸೇರುವ ಭಾಗ್ಯ.

ಇಂಥ ವಾತಾವರಣ ಕಂಡುಬಂದಿದ್ದು ಮಣಿಪಾಲ ರೋಟರಿ ಭವನದಲ್ಲಿ. ಭಾನುವಾರ ಇಲ್ಲಿ ಕ್ಯಾಪ್ಟೆನ್ ಅನಿಮಲ್ ಕ್ಯಾರ್ ಟ್ರಸ್ಟ್ ಆಶ್ರಯದಲ್ಲಿ ನಾಯಿಮರಿಗಳ ದತ್ತು ಸ್ವೀಕಾರ ಶಿಬಿರ ನಡೆಯಿತು. ಇದರಲ್ಲಿ ಸಾರ್ವಜನಿಕರು ಭಾಗವಹಿಸಿ ತಮಗೆ ಇಷ್ಟವಾದ ನಾಯಿಮರಿಗಳನ್ನು ಉಚಿತವಾಗಿ ಮನೆಗೆ ತೆಗೆದುಕೊಂಡು ಹೋಗಿ ಸಾಕಲು ವ್ಯವಸ್ಥೆ ಕಲ್ಪಿಸಲಾಗಿತ್ತು.

ಟ್ರಸ್ಟ್‌ನ ಸದಸ್ಯರು ಬೀದಿಯಲ್ಲಿ ದೊರೆತ ನಾಯಿಗಳನ್ನು ತಂದು ಔಷಧೋಪಚಾರ ನೀಡಿ ಸಾಕುತ್ತಾರೆ. ಬಳಿಕ ಇಂಥ ಕ್ಯಾಂಪ್‌ಗಳನ್ನು ಆಯೋಜಿಸಿ ಅವಶ್ಯಕತೆ ಇರುವವರಿಗೆ ನೀಡುತ್ತಾರೆ. ಕಳೆದ ಹತ್ತು ವರ್ಷಗಳಿಂದ ಬೀದಿನಾಯಿಗಳ ಆರೈಕೆಯಲ್ಲಿ ತೊಡಗಿಕೊಂಡಿರುವ ಸಂಸ್ಥೆ ಕಳೆದ ಬಾರಿ ಇಂಥ ಶಿಬಿರ ಆಯೋಜಿಸಿ ಮರಿಗಳನ್ನು ಉಚಿತವಾಗಿ ನೀಡುವ ಕಾರ್ಯಕ್ರಮ ಹಮ್ಮಿಕೊಂಡಿತ್ತು. ಇದಕ್ಕೆ ಜನರಿಂದ ಉತ್ತಮ ಪ್ರತಿಕ್ರಿಯೆ ದೊರೆತ ಹಿನ್ನೆಲೆಯಲ್ಲಿ ಈ ಬಾರಿಯೂ ಮಣಿಪಾಲದಲ್ಲಿ ಶಿಬಿರ ನಡೆದಿದೆ. ಟ್ರಸ್ಟ್‌ನಿಂದ ಪ್ರತಿ ತಿಂಗಳು 3 ದಿನ 60 ಬೀದಿ ನಾಯಿಗಳಿಗೆ ಸರ್ಜರಿ ನಡೆಸಿ ಮತ್ತೆ ಬಿಡಲಾಗುತ್ತದೆ. ಒಂದು ನಾಯಿಗೆ ಇದಕ್ಕಾಗಿ 1,500 ರೂ.ವ್ಯಯಿಸಲಾಗುತ್ತದೆ ಎನ್ನುತ್ತಾರೆ ಟ್ರಸ್ಟ್‌ನ ಸದಸ್ಯೆ ಗಾಯತ್ರಿ.
ಶಿಬಿರದಲ್ಲಿದ್ದ 17 ನಾಯಿ ಮರಿಗಳಲ್ಲಿ 15 ಮರಿಗಳನ್ನು ಸಾರ್ವಜನಿಕರು ದತ್ತು ಸ್ವೀಕರಿಸಿದ್ದಾರೆ. ಇದರಲ್ಲಿ ಎಲ್ಲಾ ಲೋಕಲ್ ಬ್ರೀಡ್‌ನ ಮರಿಗಳನ್ನು ದತ್ತು ಸ್ವೀಕರಿಸಿರುವುದು ವಿಶೇಷ.

Leave a Reply

Your email address will not be published. Required fields are marked *

Back To Top