ಅಮೆರಿಕ: ಅತಿಯಾದ ಅಂತರ್ಜಲ ಪಂಪಿಂಗ್ನಿಂದಾಗಿ ಅಮೆರಿಕಾ ಪರಿಸರ ಬಿಕ್ಕಟ್ಟನ್ನು ಎದುರಿಸುತ್ತಿದೆ. ಫಿಶರ್ಸ್ ಎಂದು ಕರೆಯಲ್ಪಡುವ ಈ ದೈತ್ಯ ಬಿರುಕುಗಳು ಅರಿಜೋನಾ, ಉತಾಹ್ ಮತ್ತು ಕ್ಯಾಲಿಫೋರ್ನಿಯಾ ಸೇರಿದಂತೆ ಅನೇಕ ರಾಜ್ಯಗಳಲ್ಲಿ ಗುರುತಿಸಲ್ಪಟ್ಟಿವೆ.
ದೇಶದ ನೈಋತ್ಯ ಭಾಗಗಳಲ್ಲಿ ನೆಲದಲ್ಲಿ ಬೃಹತ್ ಗಾತ್ರದ ಬಿರುಕು ಕಾಣಿಸಲು ಪ್ರಾರಂಭಿಸಿರುವುದರಿಂದ ಯುನೈಟೆಡ್ ಸ್ಟೇಟ್ಸ್ ತೀವ್ರ ಪರಿಸರ ಬಿಕ್ಕಟ್ಟನ್ನು ಎದುರಿಸುತ್ತಿದೆ.
ಜಾಗತಿಕ ನೀರಾವರಿಯ ಸುಮಾರು 40% ಅನ್ನು ಒದಗಿಸುವ ಅಂತರ್ಜಲ ಭೂಮಿಯಲ್ಲಿ ನೈಸರ್ಗಿಕವಾಗಿ ಮರುಪೂರಣಗೊಳಿಸುವುದಕ್ಕಿಂತ ವೇಗವಾಗಿ ಪಂಪ್ ಮಾಡಲಾಗುತ್ತಿದೆ. ಇದರಿಂದ ಭೂಮಿ ಬಾಯಿ ತೆರೆದುಕೊಳ್ಳುತ್ತಿದೆ ಎಂದು ಬಿಸಿನೆಸ್ ಇನ್ಸೈಡರ್ ವರದಿ ಮಾಡಿದೆ.
ಪ್ರಸ್ತುತ ಅರಿಝೋನಾ ಭೂವೈಜ್ಞಾನಿಕ ಸಮೀಕ್ಷೆಯ ಪ್ರಕಾರ 169 ಮೈಲುಗಳಷ್ಟು ಬಿರುಕುಗಳಿವೆ. ಈ ಬಗ್ಗೆ ಅರಿಝೋನಾ ಭೂವೈಜ್ಞಾನಿಕ ಸಮೀಕ್ಷೆ ಮಾಡುತ್ತಿದೆ. ಅರಿಝೋನಾವು ಈ ಸಮಸ್ಯೆಯ ಬಗ್ಗೆ ಬಹಳ ಸಮಯದಿಂದ ಅರಿತಿದೆ. 2002 ರಿಂದ ಅದನ್ನು ಮೇಲ್ವಿಚಾರಣೆ ಮಾಡುತ್ತಿದೆ.
ನೈಋತ್ಯದಾದ್ಯಂತ ರೈತರಿಗೆ ಪ್ರಮುಖ ಸಿಹಿನೀರಿನ ಮೂಲವಾದ ಕೊಲೊರಾಡೋ ನದಿಯು ಈಗಾಗಲೇ 2000 ರಿಂದ ಸುಮಾರು 20% ರಷ್ಟು ಬತ್ತಿದೆ. ಹವಾಮಾನ ಬದಲಾವಣೆಯಿಂದ ಪರಿಸ್ಥಿತಿ ಮತ್ತಷ್ಟು ಉಲ್ಬಣಗೊಂಡಿದೆ. ಜಾಗತಿಕ ತಾಪಮಾನವು ಹೆಚ್ಚಾದಂತೆ ನದಿಗಳು ಬತ್ತುತ್ತಿವೆ.
ಸಿಹಿನೀರಿಗಾಗಿ ರೈತರು ಅಂತರ್ಜಲವನ್ನು ಅವಲಂಬಿಸಿದ್ದಾರೆ. ಆದರೆ ಸಿಹಿನೀರಿನ ಮೂಲವಾದ ಕೊಲೊರಾಡೋ ನದಿ ಬತ್ತಿ ಹೋಗುತ್ತಿರುವುದು ಜನರ ಆತಂಕಕ್ಕೆ ಕಾರಣವಾಗಿದೆ.