Wednesday, 21st February 2018  

Vijayavani

ಶಾಸಕ ಹ್ಯಾರಿಸ್ ಪುತ್ರ ನಲಪಾಡ್ ಗೂಂಡಾಗಿರಿ ಪ್ರಕರಣ - ಬೌರಿಂಗ್​ ಆಸ್ಪತ್ರೆಯಲ್ಲಿ ಮೆಡಿಕಲ್​ ಟೆಸ್ಟ್​ ಕಂಪ್ಲೀಟ್​​ - ಕೋರ್ಟ್​ಗೆ ಆರೋಪಿಗಳು ಹಾಜರ್​​​        ನಲಪಾಡ್ ಜಾಮೀನು ಅರ್ಜಿ ವಿಚಾರಣೆ ಆರಂಭ - ವಾದ ಮಂಡನೆಗೆ ಅವಕಾಶ ಕೋರಿ ಮಧ್ಯಂತರ ಅರ್ಜಿ - ಸರ್ಕಾರದ ಮೇಲೆ ನಂಬಿಕೆಯಿಲ್ಲ ಎಂದು ಆಲಂ ಪಾಷ ಅರ್ಜಿ        ಇಂದಿನಿಂದ ಬಾಹುಬಲಿ ಹೆಲಿ ಟೂರಿಸಂ - ಜಸ್ಟ್​​​ 2,100 ರೂಪಾಯಿಗೆ 8 ನಿಮಿಷ ಹಾರಾಟ - ಫೆಬ್ರವರಿ 25 ಬರ್ತಿದ್ದಾರೆ ಕೇಂದ್ರ ಗೃಹ ಸಚಿವರು        ಮುಗಿಯದ ಭೈರತಿ ಬಸವರಾಜ್ ಬೆಂಬಲಿಗರ ದರ್ಪ - ಪೇದೆ ಮೇಲೆ ಗೂಂಡಾಗಳ ಹಲ್ಲೆ - ಆರೋಪ ತಳ್ಳಿ ಹಾಕಿದ ಕಾಂಗ್ರೆಸ್​​​​​ ಶಾಸಕ        ಹೋಂ ಮಿನಿಸ್ಟರ್‌ ಹೆಸರಲ್ಲಿ ಭಾರಿ ಆಸ್ತಿ ಆರೋಪ - ದಿಗ್ವಿಜಯ ನ್ಯೂಸ್‌ನಲ್ಲಿ ದಾಖಲೆ ಬಯಲು - ಆರೋಪ ನಿರಾಕರಿಸಿದ ರಾಮಲಿಂಗಾರೆಡ್ಡಿ       
Breaking News

7 ವರ್ಷಗಳ ಬಳಿಕ ಕನ್ನಡಕ್ಕೆ ಆಶಾ ಭೋಸ್ಲೆ

Thursday, 14.09.2017, 3:00 AM       No Comments

ಬೆಂಗಳೂರು: ಆಶಾ ಭೋಸ್ಲೆ ಎಂದಾಕ್ಷಣ ಸಂಗೀತಪ್ರಿಯರ ಕಿವಿ ಒಮ್ಮೆ ನಿಮಿರಿಕೊಳ್ಳುತ್ತದೆ, ಅಂಥ ಅದ್ಭುತ ಗಾಯಕಿ ಅವರು. ಇದೀಗ ಅವರು ಹಾಡಿರುವ ಮತ್ತೊಂದು ಕನ್ನಡ ಚಿತ್ರಗೀತೆಯನ್ನು ಕೇಳುವ ಸೌಭಾಗ್ಯ ಸ್ಯಾಂಡಲ್​ವುಡ್ ಸಿನ್ರಿಪ್ರಿಯರದ್ದು. ಏಕೆಂದರೆ ಏಳು ವರ್ಷಗಳ ಬಳಿಕ ಅವರೀಗ ಇನ್ನೊಂದು ಕನ್ನಡ ಸಿನಿಮಾದಲ್ಲಿ ಹಾಡಿದ್ದಾರೆ. ಹೀಗೆ ಕನ್ನಡಿಗರಿಗೆ ಭೋಸ್ಲೆಯ ಗಾನಸುಧೆ ಆಲಿಸುವ ಅವಕಾಶ ನೀಡುತ್ತಿರುವುದು ‘19/11’ ಎಂಬ ವಿಭಿನ್ನ ಶೀರ್ಷಿಕೆಯ ಸಿನಿಮಾ. ಆರ್ಯನ್ ಎಂ. ಪ್ರತಾಪ್ ನಿರ್ದೇಶಿಸಿರುವ ಈ ಚಿತ್ರದ ‘ಕಣ್ಣು ಕಣ್ಣಲಿ ಬಣ್ಣ ಬಣ್ಣದ ಕನಸನ್ನು ಕೊಡ್ತಾಳಲ್ಲ..’ ಎಂಬ ಗೀತೆಯನ್ನು ಆಶಾ ಭೋಸ್ಲೆ ಹಾಡಿದ್ದಾರೆ.

ಅವರೊಂದಿಗೆ ಗಾಯಕ ಚೇತನ್ ನಾಯಕ್ ದನಿಗೂಡಿಸಿದ್ದಾರೆ. ಇದರ ಸಾಹಿತ್ಯವನ್ನು ನಿರ್ದೇಶಕ ಆರ್ಯನ್ ಹಾಗೂ ರಾಘವೇಂದ್ರ ಕಾಮತ್ ಜತೆಯಾಗಿ ರಚಿಸಿದ್ದಾರೆ. ಮಾತ್ರವಲ್ಲ ಚಿತ್ರಕ್ಕೆ ಕಥೆ ಹಾಗೂ ಚಿತ್ರಕಥೆ ರಚನೆ ಕೂಡ ನಿರ್ದೇಶಕರದ್ದೇ. ವಿಶೇಷವೆಂದರೆ, ಈ ಹಾಡಿನ ಧ್ವನಿಮುದ್ರಣ ನಡೆದಿರುವುದು ಮುಂಬೈನ ಯಶ್​ರಾಜ್ ಸ್ಟುಡಿಯೊದಲ್ಲಿ. ಈ ಸಿನಿಮಾಗೆ ಜೋಯೆಲ್ ಹಾಗೂ ಅಭಿಲಾಷ್ ಜತೆಯಾಗಿ ಸಂಗೀತ ಸಂಯೋಜಿಸಿದ್ದಾರೆ. ‘ಅಮರಾವತಿ’ ಖ್ಯಾತಿಯ ‘ಶ್ರೀನಿಲಯಂ ಸಿನಿ ಕ್ರಿಯೇಷನ್ಸ್’ ಬ್ಯಾನರ್​ನಲ್ಲಿ ಮಾಧವ ರೆಡ್ಡಿ ಅವರು ನಿರ್ವಿುಸಿರುವ ಈ ಚಿತ್ರದಲ್ಲಿ ಪಲ್ಲವಿ ನಾಯಕ್ ಹಾಗೂ ರಕ್ಷಕ್ ಪ್ರಮುಖ ಪಾತ್ರದಲ್ಲಿ ಅಭಿನಯಿಸಿದ್ದಾರೆ. ಅಂದಹಾಗೆ, ಆಶಾ ಭೋಸ್ಲೆ ಕನ್ನಡದಲ್ಲಿ ಪ್ರಪ್ರಥಮವಾಗಿ ಹಾಡಿದ್ದು ‘ಮತ್ತೆ ಮುಂಗಾರು’ ಚಿತ್ರಕ್ಕೆ. ದ್ವಾರ್ಕಿ ರಾಘವ್ ನಿರ್ದೇಶನ ಮತ್ತು ಶ್ರೀನಗರ ಕಿಟ್ಟಿ ಅಭಿನಯದಲ್ಲಿ ಮೂಡಿಬಂದಿದ್ದ ಚಿತ್ರದ ‘ಹೇಳದೆ ಕಾರಣ..’ ಹಾಡು ಆಶಾ ಅವರ ಕಂಠಸಿರಿಯಲ್ಲಿ ಸುಶ್ರಾವ್ಯವಾಗಿ ಮೂಡಿಬಂದಿತ್ತು. ದ್ವಾರ್ಕಿ ರಚಿಸಿರುವ ಇದಕ್ಕೆ ಸಾಹಿತ್ಯ ಬರೆದಿದ್ದರು.

Leave a Reply

Your email address will not be published. Required fields are marked *

Back To Top