Monday, 16th July 2018  

Vijayavani

ಕಾಂಗ್ರೆಸ್‌ ಕಿರುಕುಳದಿಂದಲೇ ಸಿಎಂ ಕಣ್ಣೀರು - ಕಾಂಗ್ರೆಸ್‌ ನೆಚ್ಚಿಕೊಂಡು ಹೋದ್ರೆ ಇದೇ ಸ್ಥಿತಿ - ಎಚ್​ಡಿಕೆ  ಕಣ್ಣೀರಿಗೆ ಜೇಟ್ಲಿ ಟಾಂಗ್‌        ವಾಣಿಜ್ಯ ಬ್ಯಾಂಕ್‌ನಲ್ಲಿನ ಚಾಲ್ತಿ ಸಾಲವೂ ಮನ್ನಾ - ಸಿಎಂ ನಿರ್ಧಾರ - ರೈತರಿಗೆ ಮತ್ತೊಂದು ಕೊಡುಗೆ ನೀಡಿದ ಮುಖ್ಯಮಂತ್ರಿ        ಟ್ರಾಫಿಕ್ ನಿಯಮ ಉಲ್ಲಂಘಿಸಿದ್ದ ಶಾಸಕರ ಪುತ್ರ - ಪ್ರಶ್ನಿಸಿದ ಪೇದೆಗೆ ಅವಾಚ್ಯ ಶಬ್ದಗಳಿಂದ ನಿಂದನೆ        ಬಂಗಾಳದಲ್ಲಿ ಮೋದಿ ರ್ಯಾಲಿ ವೇಳೆ ಅವಗಢ - ಪೆಂಡಾಲ್ ಕುಸಿದು 22 ಜನರಿಗೆ ಗಾಯ - ಆರೋಗ್ಯ ವಿಚಾರಿಸಿದ ಪ್ರಧಾನಿ ನಮೋ        ಕರಾವಳಿಯಲ್ಲಿ ಭಾರಿ ಮಳೆಯ ಅವಾಂತರ - ಕುಸಿದುಬಿತ್ತು ಭಟ್ಕಳದ ಬಸ್ ನಿಲ್ದಾಣ - ಹೊರ ಓಡಿದ ಪ್ರಯಾಣಿಕರು        ಕೆಆರ್​​ಎಸ್​​​ನಿಂದ ಭಾರಿ ಪ್ರಮಾಣದ ನೀರು - ರಂಗನತಿಟ್ಟು ಪಕ್ಷಿಧಾಮ ಸಂಪೂರ್ಣ ಮುಳುಗಡೆ - ಧುಮ್ಮಿಕ್ಕುತ್ತಿದೆ ಹೊಗೇನಕಲ್ ಫಾಲ್ಸ್       
Breaking News

6 ತಿಂಗಳ ಕನಿಷ್ಠ ಮಟ್ಟಕ್ಕೆ ಕುಸಿದ ರೂಪಾಯಿ

Wednesday, 27.09.2017, 3:00 AM       No Comments

ನವದೆಹಲಿ: ಷೇರುಮಾರುಕಟ್ಟೆಯಲ್ಲಿ ದಿನದಂತ್ಯಕ್ಕೆ ಮಂಗಳವಾರ ರೂಪಾಯಿ ಮೌಲ್ಯ 35 ಪೈಸೆ ಕುಸಿಯುವುದರೊಂದಿಗೆ ಕಳೆದ ಆರು ತಿಂಗಳಲ್ಲಿಯೇ ಅತೀ ಕನಿಷ್ಠ ಎನ್ನಲಾದ ರೂ.65.45 ದಾಖಲೆಯಾಗಿದೆ. ಡಿಸೆಂಬರ್​ನಲ್ಲಿ ಅಮೆರಿಕದ ಕೇಂದ್ರೀಯ ಬ್ಯಾಂಕ್ ಬಡ್ಡಿ ದರಗಳಲ್ಲಿ ಏರಿಕೆ ಕುರಿತು ನೀಡಿರುವ ಸ್ಪಷ್ಟನೆ, ಒತ್ತಡದಲ್ಲಿರುವ ಜಿಡಿಪಿ, ವಿದೇಶಿ ಹೂಡಿಕೆದಾರರಿಂದ ಬೃಹತ್ ಪ್ರಮಾಣದಲ್ಲಿ ಷೇರುಗಳ ಮಾರಾಟ, ನಿಫ್ಟಿ ಮತ್ತು ಸೆನ್ಸೆಕ್ಸ್​ನಲ್ಲಿ ಕಾಣದ ಚೇತರಿಕೆ ರೂಪಾಯಿ ಕುಸಿತಕ್ಕೆ ಪ್ರಮುಖ ಕಾರಣ ಎಂದು ಆರ್ಥಿಕ ತಜ್ಞರು ವಿಶ್ಲೇಷಿಸಿದ್ದಾರೆ. ಅಮೆರಿಕ-ಉತ್ತರ ಕೊರಿಯಾ ನಡುವೆ ತಿಕ್ಕಾಟದಿಂದ ಕವಿಯುತ್ತಿರುವ ಯುದ್ಧದ ಭೀತಿ ವಿದೇಶಿ ಹೂಡಿಕೆದಾರರನ್ನು ಭಾರತದ ಷೇರುಪೇಟೆಯಿಂದ ಕಾಲು ಕೀಳುವಂತೆ ಮಾಡಿದೆ. ಜತೆಗೆ ಆಮದುದಾರು ಮತ್ತು ಬ್ಯಾಂಕ್​ಗಳಿಂದ ಅಮೆರಿಕದ ಡಾಲರ್​ಗೆ ಹೆಚ್ಚುತ್ತಿರುವ ಬೇಡಿಕೆಯೂ ರೂಪಾಯಿಯನ್ನು ದುರ್ಬಲಗೊಳಿಸಿದೆ ಎನ್ನಲಾಗಿದೆ. ಕಳೆದ ಮಾರ್ಚ್​ನಲ್ಲಿ ಡಾಲರ್ ಎದುರು ರೂ.65.52ಕ್ಕೆ ರೂಪಾಯಿ ಕುಸಿದಿತ್ತು. ಇತ್ತೀಚೆಗೆ ಆರ್​ಬಿಐ ಬಿಡುಗಡೆಗೊಳಿಸಿದ್ದ ಮಾಹಿತಿ ಪ್ರಕಾರ ಸೆ.15ರಂದು ವಿದೇಶಿ ವಿನಿಮಯ 1,782.5 ಡಾಲರ್ ದಾಖಲಾಗುವ ಮೂಲಕ ಗಣನೀಯ ಏರಿಕೆ ಪ್ರದರ್ಶಿಸಿತ್ತು.

ಮಾರುಕಟ್ಟೆ ಆತಂಕಗಳು

  • ಸರ್ಕಾರದಿಂದ ಇನ್ನೂ ಘೋಷಣೆಯಾಗದ ವಿತ್ತೀಯ ಚೇತರಿಕೆ ಪ್ಯಾಕೇಜ್ (ಅಂದಾಜು ರೂ.50 ಸಾವಿರ ಕೋಟಿ)
  • ಚೀನಾ ಪಾಲಾಗುತ್ತಿರುವ ಭಾರತದ ಅತಿ ವೇಗ ಬೆಳವಣಿಗೆಯ ಆರ್ಥಿಕತೆ ಪಟ್ಟ.
  • ಕಳೆದ ವಾರ ರೂ.2, 491.18 ಕೋಟಿ ಮೊತ್ತದ ಷೇರುಗಳನ್ನು ಮಾರಾಟ ಮಾಡಿದ ವಿದೇಶಿ ಹೂಡಿಕೆದಾರರು.
  • 915 ಸೂಚ್ಯಂಕ ಕುಸಿದ ಸೆನ್ಸೆಕ್ಸ್.

ಭಾರತದ ಜಿಡಿಪಿ 7% ಏರಿಕೆ ಮಾತ್ರ?

ಖಾಸಗಿ ಕ್ಷೇತ್ರದಲ್ಲಿ ಹೂಡಿಕೆ ಇಳಿಕೆ ಮತ್ತು ಉತ್ಪಾದನೆ ವಲಯದಲ್ಲಿ ಕುಸಿತದ ಪರಿಣಾಮ ಪ್ರಸಕ್ತ ವರ್ಷ ಭಾರತ 7% ಮಾತ್ರ ಜಿಡಿಪಿ ಬೆಳವಣಿಗೆ ದಾಖಲಿಸಲಿದೆ ಎಂದು ಏಷ್ಯನ್ ಡೆವಲಪ್​ವೆುಂಟ್ ಬ್ಯಾಂಕ್ (ಎಡಿಬಿ) ಹೇಳಿದೆ. ಆದರೆ ಚೀನಾ ಆರ್ಥಿಕತೆ ಬೆಳವಣಿಗೆ 2017ರಲ್ಲಿ 6.7% ದಾಖಲಾಗಲಿದೆ ಎಂದು ಎಡಿಬಿ ಹೇಳಿದೆ.

Leave a Reply

Your email address will not be published. Required fields are marked *

Back To Top