Wednesday, 22nd November 2017  

Vijayavani

1. ಉಗ್ರನ ವಿರುದ್ಧ ಕೊಡಲಿಲ್ಲ ಪಾಕ್ ಸಾಕ್ಷ್ಯ – LET ಕ್ರಿಮಿ ಹಫೀಜ್ ಸಯೀದ್​ಗೆ ಕ್ಲೀನ್​ಚಿಟ್ – ಮನೆಯಿಂದ ಹೊರಬರ್ತಾನೆ ಮುಂಬೈ ದಾಳಿ ಮಾಸ್ಟರ್ ಮೈಂಡ್ 2. ಅಲೆಮಾರಿಗಳ ಮನೆ ತೆರವು ವೇಳೆ ಅಮಾನವೀಯ ವರ್ತನೆ – ನಡುರಸ್ತೆಯಲ್ಲಿ ಮಹಿಳೆಗೆ ಹೆರಿಗೆ – ದಿಗ್ವಿಜಯ ನ್ಯೂಸ್​ ವರದಿಗೆ ಡಿಸಿ ಸ್ಪಂದನೆ 3. ಹೆರಿಗೆ ವೇಳೆ ಮೃತಪಟ್ಟಿದ್ದಾಳೆ ಅಂದ್ರು ಡಾಕ್ಟರ್ಸ್​ – ಅಂತ್ಯ ಸಂಸ್ಕಾರದ ವೇಳೆ ಕಣ್ಣು ಬಿಟ್ಲಂತೆ ಬಾಣಂತಿ – ಮನೆಗೆ ತರೋವಷ್ಟರಲ್ಲಿ ಮತ್ತೆ ಸಾವಿನ ದರ್ಶನ 4. ಕೊಪ್ಪಳ ಜಿಲ್ಲಾಪ್ರವಾಸದಲ್ಲಿ ಎಚ್​ಡಿಡಿ – ಗವಿಮಠಕ್ಕೆ ಮಾಜಿ ಪ್ರಧಾನಿ ಭೇಟಿ – ಇಳಿವಯಸ್ಸಿನಲ್ಲೂ ಕಿಂಡಿಯಲ್ಲೆ ತೆರಳಿ ದರ್ಶನ 5. ಯೂರ್ಟನ್​ ವೇಳೆ ಕಾರಿಗೆ ಲಾರಿ ಡಿಕ್ಕಿ – ಡಿಕ್ಕಿ ಹೊಡೆದ ಲಾರಿಗೆ ಟ್ರಕ್ ಡ್ಯಾಶ್ – ಸೌದಿ ಹೈವೇಯಲ್ಲಿ ಹಾರಿಬಲ್ ಆಕ್ಸಿಡೆಂಟ್
Breaking News :

100ನೇ ಟೆಸ್ಟ್​ನಲ್ಲಿ ಬಾಂಗ್ಲಾ ಐತಿಹಾಸಿಕ ಜಯ

Monday, 20.03.2017, 7:57 AM       No Comments

ಕೊಲಂಬೊ: ಬಾಂಗ್ಲಾದೇಶ ತಂಡ ತನ್ನ 100ನೇ ಟೆಸ್ಟ್ ಪಂದ್ಯವನ್ನು ಐತಿಹಾಸಿಕ ಗೆಲುವಿನೊಂದಿಗೆ ಅವಿಸ್ಮರಣೀಯಗೊಳಿಸಿದೆ. ಆತಿಥೇಯ ಶ್ರೀಲಂಕಾ ವಿರುದ್ಧದ ಸರಣಿಯ 2ನೇ ಹಾಗೂ ಅಂತಿಮ ಪಂದ್ಯದಲ್ಲಿ ಆರಂಭಿಕ ತಮೀಮ್ ಇಕ್ಬಾಲ್(82 ರನ್, 125 ಎಸೆತ, 7 ಬೌಂಡರಿ, 1 ಸಿಕ್ಸರ್) ಬಿರುಸಿನ ಅರ್ಧಶತಕದ ನೆರವಿನಿಂದ ಬಾಂಗ್ಲಾ 4 ವಿಕೆಟ್ ಜಯ ಸಾಧಿಸಿತು. ಇದರೊಂದಿಗೆ ಬಾಂಗ್ಲಾ 2ಪಂದ್ಯಗಳ ಸರಣಿಯಲ್ಲಿ 1-1 ಸಮಬಲದ ಗೌರವ ಹಂಚಿಕೊಂಡಿತು.

8 ವಿಕೆಟ್​ಗೆ 268 ರನ್​ಗಳಿಂದ ಭಾನುವಾರ ಅಂತಿಮ ದಿನದಾಟ ಮುಂದುವರಿಸಿದ ಲಂಕಾ, 319 ರನ್​ಗೆ ದ್ವಿತೀಯ ಇನಿಂಗ್ಸ್ ಮುಗಿಸಿತು. ಇದರಿಂದ 191 ರನ್ ಗೆಲುವಿನ ಸವಾಲು ಪಡೆದ ಬಾಂಗ್ಲಾ, 6 ವಿಕೆಟ್​ಗೆ 191ರನ್ ಗಳಿಸಿ ಐತಿಹಾಸಿಕ ಜಯದ ಸಂಭ್ರಮಾಚರಿಸಿತು. ಒಂದು ಹಂತದಲ್ಲಿ ಬಾಂಗ್ಲಾ 22 ರನ್​ಗೆ 2 ವಿಕೆಟ್ ಕಳೆದುಕೊಂಡು ಪರದಾಡಿದರೂ, ತಮೀಮ್ ಸಾಹಸದಿಂದ ಗೆಲುವು ಕಂಡಿತು. ಇದು ಬಾಂಗ್ಲಾಗೆ ಶ್ರೀಲಂಕಾ ವಿರುದ್ಧ ಸಿಕ್ಕ ಚೊಚ್ಚಲ ಟೆಸ್ಟ್ ಗೆಲುವು ಮತ್ತು ಇದೇ ಮೊದಲ ಬಾರಿಗೆ ಸರಣಿ ಹಂಚಿಕೊಂಡಿತು. ಈ ಹಿಂದೆ ಆಡಿದ್ದ 7 ಸರಣಿಯಲ್ಲೂ ಬಾಂಗ್ಲಾ ಸೋತಿತ್ತು.

ಶ್ರೀಲಂಕಾ: 338 ಮತ್ತು 319 (ದಿಲ್ರುವಾನ್ ಪೆರೇರಾ 50, ಸುರಂಗಾ ಲಕ್ಮಲ್ 40, ಶಕೀಬ್ 74ಕ್ಕೆ 4), ಬಾಂಗ್ಲಾದೇಶ: 467 ಮತ್ತು 6 ವಿಕೆಟ್​ಗೆ 191(ತಮೀಮ್ 82, ಶಬ್ಬೀರ್ ರೆಹಮಾನ್ 41, ಪೆರೇರಾ 59ಕ್ಕೆ 3, ಹೆರಾತ್ 75ಕ್ಕೆ 3). -ಏಜೆನ್ಸೀಸ್

4 – 100ನೇ ಟೆಸ್ಟ್ ಪಂದ್ಯದಲ್ಲಿ ಗೆಲುವು ಕಂಡ ವಿಶ್ವದ ನಾಲ್ಕನೇ ತಂಡ ಬಾಂಗ್ಲಾದೇಶ. ಇದಕ್ಕೂ ಮುನ್ನ ಆಸ್ಟ್ರೇಲಿಯಾ, ಪಾಕಿಸ್ತಾನ ಮತ್ತು ವೆಸ್ಟ್ ಇಂಡೀಸ್ ಈ ಸಾಧನೆ ಮಾಡಿತ್ತು.

4 – ವಿದೇಶಿ ನೆಲದಲ್ಲಿ ಬಾಂಗ್ಲಾಕ್ಕೆ ಇದು 4ನೇ ಟೆಸ್ಟ್ ಗೆಲುವಾಗಿದೆ. 2009ರ ವೆಸ್ಟ್ ಇಂಡೀಸ್ ಪ್ರವಾಸದಲ್ಲಿ 2, ಜಿಂಬಾಬ್ವೆಯಲ್ಲಿ 1 ಟೆಸ್ಟ್ ಜಯಿಸಿತ್ತು.

Leave a Reply

Your email address will not be published. Required fields are marked *

Back To Top