Thursday, 16th August 2018  

Vijayavani

ಅಜಾತಶತ್ರು ಅಸ್ತಂಗತ - ಅಟಲ್ ಬಿಹಾರಿ ವಾಜಪೇಯಿ ವಿಧಿವಶ - ದೆಹಲಿಯ ಏಮ್ಸ್ ಆಸ್ಪತ್ರೆಯಲ್ಲಿ ಮಾಜಿ ಪ್ರಧಾನಿ ನಿಧನ        ಚತುಷ್ಪಥ ಹೆದ್ದಾರಿಯ ಹರಿಕಾರ - ನದಿಜೋಡಣೆಯ ಗುರಿಕಾರ - ಸಭ್ಯ, ಕವಿ ರಾಜಕಾರಣಿ ಅಟಲ್ ಅಜರಾಮರ        ದೆಹಲಿ ನಿವಾಸದಲ್ಲಿ ಪಾರ್ಥಿವ ಶರೀರ - ನಾಳೆ ಪಕ್ಷದ ಕಚೇರಿಯಲ್ಲಿ ದರ್ಶನ - ರಾಜ್​ಘಾಟ್​​ನಲ್ಲಿ ಸಂಜೆ 5ಕ್ಕೆ ಅಂತ್ಯಕ್ರಿಯೆ        ದೇಶಾದ್ಯಂತ 7 ದಿನಗಳ ಶೋಕಾಚರಣೆ - ಹಲವು ರಾಜ್ಯಗಳಲ್ಲಿ ಸರ್ಕಾರಿ ರಜೆ ಘೋಷಣೆ - ರಾಜ್ಯದಲ್ಲಿಯೂ ಸರ್ಕಾರಿ ರಜೆ        ದೇಶ ಮಹಾನ್ ನಾಯಕನ್ನ ಕಳೆದುಕೊಂಡಿದೆ - ನಿಶ್ಯಬ್ದ, ಶೂನ್ಯ ನನ್ನನ್ನ ಆವರಿಸಿದೆ - ಅಟಲ್​ ಅಗಲಿಕೆಗೆ ಮೋದಿ ಕಂಬನಿ        ವಾಜಪೇಯಿ​ ನಿಧನ ವಿಷಾದಕರ - ದೇಶ ಕಂಡ ಅತ್ಯಂತ ಮಹಾನ್ ವ್ಯಕ್ತಿ - ಅಟಲ್ ನಿಧನಕ್ಕೆ ಸ್ವಾಮೀಜಿಗಳ ಸಂತಾಪ        ಮಡಿಕೇರಿಯಲ್ಲಿ ಕುಸಿದ ಮನೆ - ವೈಮಾನಿಕ ಸಮೀಕ್ಷೆಗೆ ಬಿಜೆಪಿ ಮನವಿ - ಕೇರಳದಲ್ಲಿ ರಕ್ಕಸ ವರುಣಗೆ 88 ಮಂದಿ ಬಲಿ        ಬೆಂಗಳೂರಿನ ನಾನಾ ಪ್ರದೇಶಗಳಲ್ಲಿ ಕಂಪನ - ಭಾರಿ ಸ್ಫೋಟದ ಜತೆಗೆ ಕಂಪನದ ಅನುಭವ - ಇನ್ನೂ ಗೊತ್ತಾಗಿಲ್ಲ ಅಸಲಿ ಕಾರಣ...       
Breaking News

ಹೊಸ ಊರ್ವಶಿ ಕಿಯಾರಾ

Friday, 10.08.2018, 3:02 AM       No Comments

ಳೇ ಸೂಪರ್ ಹಿಟ್ ಹಾಡನ್ನು ಮರುಸೃಷ್ಟಿ ಮಾಡಿದರೆ ಗೆಲುವು ಗ್ಯಾರಂಟಿ ಎಂಬ ಸೂತ್ರ ಬಾಲಿವುಡ್ ಮಂದಿಗೆ ಗೊತ್ತಾಗಿಬಿಟ್ಟಿದೆ. 1999ರಲ್ಲಿ ತೆರೆಕಂಡ ‘ಸಿರ್ಫ್ ತುಮ್ ಚಿತ್ರದಲ್ಲಿ ನಟಿ ಸುಷ್ಮಿತಾ ಸೇನ್ ನರ್ತಿಸಿದ್ದ ‘ದಿಲ್ಬರ್ ದಿಲ್ಬರ್..’ ಗೀತೆಯನ್ನು ಈಗ ‘ಸತ್ಯಮೇವ ಜಯತೇ’ ಸಿನಿಮಾದಲ್ಲಿ ಮರುಬಳಕೆ ಮಾಡಿಕೊಳ್ಳಲಾಗಿದೆ. ನೋರಾ ಫತೇಹಿ ಕುಣಿದಿರುವ ಈ ಹಾಡು ಸದ್ಯಕ್ಕಂತೂ ಎಲ್ಲರ ಹಾಟ್ ಫೇವರಿಟ್. ಅದೇ ರೀತಿ ಈಗಾಗಲೇ ಹತ್ತಾರು ಹಳೇ ಗೀತೆಗಳು ಹೊಸ ಅವತಾರದಲ್ಲಿ ಆಗಮಿಸಿ ಪ್ರೇಕ್ಷಕರನ್ನು ರಂಜಿಸಿವೆ. ಸಂಗೀತ ಸಂಯೋಜಕ, ಗಾಯಕ ಹನಿ ಸಿಂಗ್ ಕಣ್ಣು ಕೂಡ ಒಂದು ಕ್ಲಾಸಿಕ್ ಗೀತೆಯ ಮೇಲೆ ಬಿದ್ದಿದೆ. 1994ರಲ್ಲಿ ಪ್ರಭುದೇವ ನಟಿಸಿದ್ದ ‘ಕಾದಲನ್’ ಚಿತ್ರದ ಮೂಲಕ ಖ್ಯಾತಿ ಗಳಿಸಿತ್ತು ‘ಊರ್ವಶಿ ಊರ್ವಶಿ..’ ಹಾಡು. ಎ.ಆರ್. ರೆಹಮಾನ್ ಬತ್ತಳಿಕೆಯಿಂದ ಬಂದ ಆ ಗೀತೆಯಲ್ಲಿ ಪ್ರಭುದೇವ ನರ್ತಿಸಿದ ಪರಿಗೆ ಇಡೀ ವಿಶ್ವವೇ ಬೆರಗಾಗಿತ್ತೆಂದರೂ ಅತಿಶಯೋಕ್ತಿ ಇಲ್ಲ. ಈಗ ಅದೇ ಹಾಡಿಗೆ ಹೊಸ ಸಾಹಿತ್ಯ ಬರೆದು, ಅಲ್ಪ ಸ್ವಲ್ಪ ರಾಗ ಬದಲಾಯಿಸಿ, ಹೊಸ ಮೆರುಗು ತುಂಬಿದ್ದಾರಂತೆ ಹನಿ ಸಿಂಗ್. ಅದರಲ್ಲಿ ನಟಿ ಕಿಯಾರಾ ಅಡ್ವಾಣಿ ಮತ್ತು ನಟ ಶಾಹಿದ್ ಕಪೂರ್ ಹೆಜ್ಜೆ ಹಾಕಲಿದ್ದಾರೆ. ಈಗಾಗಲೇ ಮುಂಬೈನಲ್ಲಿ ಶೂಟಿಂಗ್ ನಡೆಯುತ್ತಿದ್ದು ಕಿಯಾರಾ ಕೊಂಚ ನರ್ವಸ್ ಆಗಿದ್ದಾರಂತೆ. ಜನರು ಪ್ರಭುದೇವ ಡಾನ್ಸ್ ಜತೆ ಹೋಲಿಕೆ ಮಾಡುತ್ತಾರೆ ಎಂಬುದು ಅದಕ್ಕೆ ಕಾರಣವಂತೆ. ಈ ಹಾಡಿಗೆ ನೃತ್ಯ ನಿರ್ದೇಶನ ಮಾಡುತ್ತಿದ್ದಾರೆ ಸಂಜಯ್ ಶೆಟ್ಟಿ. ‘ಮೂಲ ಹಾಡಿನ ಕೆಲವು ಮುಖ್ಯ ಸಾಲುಗಳನ್ನು ಹಾಗೆಯೇ ಉಳಿಸಿಕೊಂಡು ಹೊಸ ಸಾಹಿತ್ಯ ಬರೆದಿದ್ದೇವೆ. ವಿವಿಧ ಲೊಕೇಷನ್​ಗಳಲ್ಲಿ ಚಿತ್ರೀಕರಿಸಿ, ಇಂದಿನ ಟ್ರೆಂಡ್​ಗೆ ತಕ್ಕಂತೆ ಹಾಡನ್ನು ಮರುಸೃಷ್ಟಿಸುತ್ತಿದ್ದೇವೆ’ ಎಂದಿದ್ದಾರೆ ಹನಿ ಸಿಂಗ್. ಅಂದಹಾಗೆ, ‘ಊರ್ವಶಿ..’ ಗೀತೆಯನ್ನು ಮರುಬಳಕೆ ಮಾಡಿಕೊಂಡಿದ್ದು ಇದೇ ಮೊದಲೇನಲ್ಲ. ಅಮೆರಿಕದ ಪಾಪ್ ಗಾಯಕ ವಿಲ್.ಐ.ಆಮ್ (ವಿಲಿಯಂ ಜೇಮ್್ಸ ಆಡಮ್್ಸ ಜೂನಿಯರ್) 2014ರಲ್ಲಿ ‘ಇಟ್ಸ್ ಮೈ ಬರ್ತ್​ಡೇ..’ ಹಾಡಿನಲ್ಲಿ ‘ಊರ್ವಶಿ..’ ಟ್ಯೂನ್ ಬಳಸಿಕೊಂಡಿದ್ದರು. 2016ರಲ್ಲಿ ಬಂದ ಆಸ್ಟ್ರೇಲಿಯನ್ ಚಿತ್ರ ‘ಲಯನ್’ನಲ್ಲೂ ಈ ಹಾಡು ಜಾಗ ಪಡೆದಿತ್ತು. ಈಗ ಹನಿ ಸಿಂಗ್, ಕಿಯಾರಾ, ಶಾಹಿದ್, ಸಂಜಯ್ ಶೆಟ್ಟಿ ಕಾಂಬಿನೇಷನ್​ನಲ್ಲಿ ಹೊಸ ‘ಊರ್ವಶಿ..’ ಹೇಗೆ ಮೂಡಿಬರಲಿದ್ದಾಳೆ ಎಂಬ ಕುತೂಹಲವಿದೆ.

Leave a Reply

Your email address will not be published. Required fields are marked *

Back To Top