Thursday, 16th August 2018  

Vijayavani

ಅಜಾತಶತ್ರು ಅಸ್ತಂಗತ - ಅಟಲ್ ಬಿಹಾರಿ ವಾಜಪೇಯಿ ವಿಧಿವಶ - ದೆಹಲಿಯ ಏಮ್ಸ್ ಆಸ್ಪತ್ರೆಯಲ್ಲಿ ಮಾಜಿ ಪ್ರಧಾನಿ ನಿಧನ        ಚತುಷ್ಪಥ ಹೆದ್ದಾರಿಯ ಹರಿಕಾರ - ನದಿಜೋಡಣೆಯ ಗುರಿಕಾರ - ಸಭ್ಯ, ಕವಿ ರಾಜಕಾರಣಿ ಅಟಲ್ ಅಜರಾಮರ        ದೆಹಲಿ ನಿವಾಸದಲ್ಲಿ ಪಾರ್ಥಿವ ಶರೀರ - ನಾಳೆ ಪಕ್ಷದ ಕಚೇರಿಯಲ್ಲಿ ದರ್ಶನ - ರಾಜ್​ಘಾಟ್​​ನಲ್ಲಿ ಸಂಜೆ 5ಕ್ಕೆ ಅಂತ್ಯಕ್ರಿಯೆ        ದೇಶಾದ್ಯಂತ 7 ದಿನಗಳ ಶೋಕಾಚರಣೆ - ಹಲವು ರಾಜ್ಯಗಳಲ್ಲಿ ಸರ್ಕಾರಿ ರಜೆ ಘೋಷಣೆ - ರಾಜ್ಯದಲ್ಲಿಯೂ ಸರ್ಕಾರಿ ರಜೆ        ದೇಶ ಮಹಾನ್ ನಾಯಕನ್ನ ಕಳೆದುಕೊಂಡಿದೆ - ನಿಶ್ಯಬ್ದ, ಶೂನ್ಯ ನನ್ನನ್ನ ಆವರಿಸಿದೆ - ಅಟಲ್​ ಅಗಲಿಕೆಗೆ ಮೋದಿ ಕಂಬನಿ        ವಾಜಪೇಯಿ​ ನಿಧನ ವಿಷಾದಕರ - ದೇಶ ಕಂಡ ಅತ್ಯಂತ ಮಹಾನ್ ವ್ಯಕ್ತಿ - ಅಟಲ್ ನಿಧನಕ್ಕೆ ಸ್ವಾಮೀಜಿಗಳ ಸಂತಾಪ        ಮಡಿಕೇರಿಯಲ್ಲಿ ಕುಸಿದ ಮನೆ - ವೈಮಾನಿಕ ಸಮೀಕ್ಷೆಗೆ ಬಿಜೆಪಿ ಮನವಿ - ಕೇರಳದಲ್ಲಿ ರಕ್ಕಸ ವರುಣಗೆ 88 ಮಂದಿ ಬಲಿ        ಬೆಂಗಳೂರಿನ ನಾನಾ ಪ್ರದೇಶಗಳಲ್ಲಿ ಕಂಪನ - ಭಾರಿ ಸ್ಫೋಟದ ಜತೆಗೆ ಕಂಪನದ ಅನುಭವ - ಇನ್ನೂ ಗೊತ್ತಾಗಿಲ್ಲ ಅಸಲಿ ಕಾರಣ...       
Breaking News

ಹಾಲಕೆರೆಯಲ್ಲಿ ರೇನ್​ಗನ್ ಪ್ರಾತ್ಯಕ್ಷಿಕೆ

Thursday, 09.08.2018, 10:50 PM       No Comments

ನರೇಗಲ್ಲ: ಸಮೀಪದ ಹಾಲಕೆರೆಯ ರೈತ ಚಂದ್ರಶೇಖರಯ್ಯ ಸೊಪ್ಪಿಹಿರೇಮಠ ಅವರ ಹೊಲದಲ್ಲಿ ಬುಧವಾರ ನೀರು ಹರಿಸುವ ಆಧುನಿಕ ತಂತ್ರಜ್ಞಾನದ ರೇನ್ ಗನ್ ಯಂತ್ರದ ಪ್ರಾತ್ಯಕ್ಷಿಕೆ ಜರುಗಿತು.

ನೂತನ ತಂತ್ರಜ್ಞಾನ ವೀಕ್ಷಿಸಲು ರೈತರು ತಂಡೋಪತಂಡವಾಗಿ ಆಗಮಿಸಿ ಮಾಹಿತಿ ಪಡೆದರು. ಜಿಲ್ಲೆಯಲ್ಲಿಯೇ ಪ್ರಥಮವಾಗಿ ಹಾಲಕೆರೆಯಲ್ಲಿ ಈ ಯಂತ್ರದ ಪ್ರಾತ್ಯಕ್ಷಿಕೆ ನಡೆದಿರುವುದು ವಿಶೇಷ. ಮಳೆಯಾಗದೇ ಬೆಳೆಗಳನ್ನು ಸಂರಕ್ಷಿಸಲು ಪರದಾಡುವ ರೈತರಿಗೆ ಈ ನೂತನ ಯಂತ್ರ ಸಹಾಯಕವಾಗಲಿದೆ.

ಯಂತ್ರದ ಬಗ್ಗೆ ಪ್ರಾತ್ಯಕ್ಷಿಕೆ ನೀಡಿ ಮಾತನಾಡಿದ ಅಗ್ರಿ ಇಂಡಸ್ಟ್ರೀಜ್ ಇಂಡಿಯಾ ಲಿ. ಸಂಸ್ಥೆಯ ವ್ಯವಸ್ಥಾಪಕ ಶಿವರಾಂ ಮೋಹನ, ‘ಯಂತ್ರದ ಸಹಾಯದಿಂದ ಒಂದು ನಿಮಿಷಕ್ಕೆ 365 ಲೀಟರ್ ನೀರನ್ನು ಬೆಳೆಗಳಿಗೆ ಸಿಂಪಡಿಸಬಹುದು. ಒಂದು ಗಂಟೆಯಲ್ಲಿ ಅರ್ಧ ಎಕರೆ ಪ್ರದೇಶಕ್ಕೆ ನೀರು ಹರಿಸಬಹುದು. ಕೆರೆ ಅಥವಾ ಕೃಷಿ ಹೊಂಡಗಳಲ್ಲಿ ಸಂಗ್ರಹಿಸಿದ ನೀರನ್ನು ಪೈಪ್ ಮೂಲಕ ಯಂತ್ರಕ್ಕೆ ರವಾನಿಸಲಾಗುತ್ತದೆ. 230 ಮೀಟರ್ ಪೈಪ್ ಹೊಂದಿರುವ ಯಂತ್ರದ ಸಹಾಯದಿಂದ ಹೊಲದಲ್ಲಿ ಎತ್ತರಕ್ಕೆ ಚಿಮ್ಮುತ್ತದೆ. ಇದರಿಂದ ಕೃತಕ ಮಳೆ ಸೃಷ್ಟಿಯಾದ ರೀತಿಯಲ್ಲಿ ಕಂಡುಬರುತ್ತದೆ. ಎತ್ತರಕ್ಕೆ ನೀರು ಚಿಮ್ಮುವುದರಿಂದ ನೀರು ಸುಮಾರು 250ಮೀಟರ್ ವಿಸ್ತಿರ್ಣದವರೆಗೆ ಸಿಂಪಡಣೆಯಾಗುತ್ತದೆ. ಕೂಲಿ ಕಾರ್ವಿುಕರ ಸಹಾಯವಿಲ್ಲದೆ ಕಡಿಮೆ ಖರ್ಚಿನಲ್ಲಿ ನೀರು ಹಾಯಿಸಬಹುದಾಗಿದೆ’ ಎಂದರು.

ಕೃಷಿ ಇಲಾಖೆ ಜಂಟಿ ನಿರ್ದೇಶಕ ಸಿ.ಬಿ. ಬಾಲರಡ್ಡಿ ಮಾತನಾಡಿ, ರೈತರ ಅನುಕೂಲಕ್ಕಾಗಿ ಪ್ರಾತ್ಯಕ್ಷಿಕೆ ನಡೆಸಲಾಗಿದೆ. ಈ ಭಾಗದ ರೈತರು ರೇನ್​ಗನ್ ಬಗೆಗೆ ಮೆಚ್ಚುಗೆ ವ್ಯಕ್ತಡಿಸಿದ್ದಾರೆ. ಸರ್ಕಾರದ ಗಮನಕ್ಕೆ ತಂದು ರೈತರಿಗೆ ಅನುಕೂಲವಾಗುವಂತೆ ಸಬ್ಸಿಡಿ ದರದಲ್ಲಿ ರೈತರಿಗೆ ಯಂತ್ರ ವಿತರಿಸುವಂತೆ ಕೋರಲಾಗುತ್ತದೆ. ಅಲ್ಲದೆ, ಕೃಷಿ ಯಂತ್ರಧಾರೆ ಯೋಜನೆಯಡಿ ಬಾಡಿಗೆ ಆಧಾರದಲ್ಲಿ ನೀಡಲು ರ್ಚಚಿಸಲಾಗುತ್ತದೆ ಎಂದರು.

ನರೇಗಲ್ಲ ರೈತ ಸಂಪರ್ಕ ಕೇಂದ್ರದ ಅಧಿಕಾರಿ ಸಾವಿತ್ರಿ ಶಿವನಗೌಡ್ರ, ಹುಲಕೋಟಿ ಕೆವಿಜಿಯ ಎಂ. ಕೊರವಣ್ಣವರ, ಶರಣಯ್ಯ ರುದ್ರಾಕ್ಷಿಮಠ, ಬಸವರಾಜ ಅಂಗಡಿ, ಹನುಮಪ್ಪ ಪ್ರಭಣ್ಣವರ, ಬಸಪ್ಪ ಬಂಗಾಳಿಗಿಡದ, ಮುದಕಪ್ಪ ಮುಲಿಮನಿ ಇತರರಿದ್ದರು.

ಹೆಚ್ಚು ತೇವಾಂಶ….: ಕೆಲವೆಡೆ ರೈತರು ಕೃಷಿ ಹೊಂಡದ ನೀರನ್ನು ಬಳಸಿಕೊಂಡು ಡೀಸೆಲ್ ಇಂಜಿನ್ ಸಹಾಯದಿಂದ ಸ್ಪಿಂಕ್ಲರ್ ಮೂಲಕ ನೀರು ಹರಿಸುತ್ತಿದ್ದಾರೆ. ಆದರೆ, ಸ್ಪಿಂಕ್ಲರ್ ಮೂಲಕ ನೀರು ಹಾಯಿಸಲು ಕಾರ್ವಿುಕರ ಅವಶ್ಯಕತೆ ಇದೆ. ಅಲ್ಲದೆ, 20 ಅಡಿಯ ಪೈಪ್​ಗಳನ್ನು ಸ್ಥಳಾಂತರಿಸುವ ಸಂದರ್ಭದಲ್ಲಿ ಬೆಳೆಗಳಿಗೂ ಧಕ್ಕೆಯಾಗುತ್ತದೆ. ಆದರೆ, ರೇನ್ ಗನ್ ಬೆಳೆಗಳ ಮಧ್ಯದಲ್ಲಿ ಸ್ವಯಂ ಚಾಲಿತವಾಗಿ ಸಂಚರಿಸುವ ಮೂಲಕ, ಬೆಳೆಗಳಿಗೆ ಯಾವುದೇ ಹಾನಿ ಮಾಡದೇ ಸುಮಾರು 10 ಎಂ.ಎಂ ಮಳೆ ಬಿದ್ದಾಗ ಸಿಗುವಷ್ಟು ತೇವಾಂಶ ನೀಡುತ್ತದೆ. ಕೃಷಿ ಹೊಂಡ ಇಲ್ಲದಿದ್ದರೂ ಟ್ಯಾಂಕರ್ ಮೂಲಕ ನೀರನ್ನು ಈ ಯಂತ್ರದ ಸಹಾಯದಿಂದ ಜಮೀನುಗಳಿಗೆ ಹಾಯಿಸಬಹುದು.

Leave a Reply

Your email address will not be published. Required fields are marked *

Back To Top