Saturday, 22nd September 2018  

Vijayavani

‘ದಂಗೆ’ ಬಿಸಿ ತಟ್ಟುತ್ತಿದ್ದಂತೆ ದೇವರ ಸ್ತುತಿ - ಶಾರದಂಬೆ ಸನ್ನಿಧಿಯಲ್ಲಿ ಎಚ್​​ಡಿಕೆ - ಸಿಎಂಗೆ ಅಣ್ಣ ರೇವಣ್ಣ ಸಾಥ್​        ರಾಜ್ಯ ರಾಜಕೀಯ ಹಾಸನಕ್ಕೆ ಶಿಫ್ಟ್​ - ಇಂದು ಹಾಸನದಲ್ಲಿ ಜೆಡಿಎಲ್​​ಪಿ ಮೀಟಿಂಗ್​ - ದಳನಾಯಕರಿಂದ ರಣತಂತ್ರದ ಚರ್ಚೆ        ಸಿಎಂ ದಂಗೆ ಹೇಳಿಕೆ ವಿರುದ್ಧ ಬಿಜೆಪಿ ಆಕ್ರೋಶ - ಇಂದು ಕೂಡ ಹಲವೆಡೆ ಹೋರಾಟ ಸಂಭವ        ಇಂದು ಚಿಕ್ಕಮಗಳೂರಲ್ಲಿ ಸಿಎಂ ಮೀಟಿಂಗ್​ - ಅತಿವೃಷ್ಟಿ, ಅನಾವೃಷ್ಟಿ ಕುರಿತು ಚರ್ಚೆ - ಸಿಎಂಗೆ ವರದಿ ನೀಡಲಿರುವ ಡಿಸಿ        ರಾಫೆಲ್​​ ವಿಮಾನ​​​​ ಖರೀದಿ ಹಗರಣ - ಭಾರತವೇ ಅನಿಲ್​ ಅಂಬಾನಿ ಹೆಸರು ಸೂಚಿಸಿತ್ತು - ವಿವಾದಕ್ಕೆ ತುಪ್ಪ ಸುರಿದ ಹೊಲೆಂಡೆ ಹೇಳಿಕೆ        ಭುಗಿಲೆದ್ದಿರುವ ರಫೇಲ್​​ ಡೀಲ್​ ಹಗರಣ - ಪ್ರಕಟಣೆ ಹೊರಡಿಸಿದ ಫ್ರಾನ್ಸ್​​ ಸರ್ಕಾರ - ಕಂಪನಿಗಳ ಮೇಲೆ ಹಸ್ತಕ್ಷೇಪ ಇಲ್ಲವೆಂದು ಸ್ಪಷ್ಟನೆ       
Breaking News

ಹಣ್ಣು ಹಾರುತಿದೆ ನೋಡಿದಿರಾ!!

Tuesday, 12.06.2018, 3:01 AM       No Comments

‘ಹಕ್ಕಿ ಹಾರುತಿದೆ ನೋಡಿದಿರಾ?’ ಎಂಬುದು ದ.ರಾ. ಬೇಂದ್ರೆ ಅವರ ಸುಪ್ರಸಿದ್ಧ ಕವಿತೆಗಳಲ್ಲೊಂದು. ಮುಂದಿನ ಸುದ್ದಿ ಓದಿದರೆ, ‘ಹಣ್ಣು ಹಾರುತಿದೆ ನೋಡಿದಿರಾ!’ ಎಂದು ನೀವು ಉದ್ಗರಿಸಬಹುದು! ರುಚಿಯಿಂದಾಗಿ ಖ್ಯಾತಿಯನ್ನೂ, ಘಾಟು ವಾಸನೆಯಿಂದಾಗಿ ಕುಖ್ಯಾತಿಯನ್ನೂ ಏಕಪ್ರಕಾರವಾಗಿ ಗಳಿಸಿರುವ ‘ಡುರಿಯನ್’ ಎಂಬ ಹಣ್ಣು ನಿಮಗೆ ಗೊತ್ತಿರಬಹುದು. ಇದರ ಹೊರಮೈ ನೋಡುವುದಕ್ಕೆ ಹಲಸಿನ ಹಣ್ಣಿನಂತೆ ಇರುತ್ತದೆ. ಹಣ್ಣು ಯಾವುದೇ ಇರಲಿ, ಅದನ್ನು ಹೊಟ್ಟೆಗೆ ‘ಇಳಿಸಲು’ ಆಲೋಚಿಸಿದರೆ ಅದನ್ನು ಸಹಜ ವರ್ತನೆ ಎನ್ನಬಹುದು; ಆದರೆ ಆಕಾಶಕ್ಕೆ ‘ಏರಿಸಲು’ ಆಲೋಚಿಸಿದರೆ ಅದನ್ನು ಏನನ್ನಬೇಕು? ಇಂಥ ಸುದ್ದಿ ಥಾಯ್ಲೆಂಡ್​ನಿಂದ ವರದಿಯಾಗಿದೆ. ಡುರಿಯನ್ ಹಣ್ಣನ್ನು ಭೂಕಕ್ಷೆಗೆ ಉಡಾಯಿಸಿ, ಅದರ ಬಾಳಿಕೆಯನ್ನು ಪರೀಕ್ಷಿಸಲು ಥಾಯ್ಲೆಂಡ್ ಬಯಸಿದೆ. ಮುಂದೊಮ್ಮೆ ತನ್ನ ಗಗನಯಾತ್ರಿಗಳು ‘ಥಾಯ್’ ಶೈಲಿಯ ಆಹಾರವನ್ನೇ ತಿನ್ನುವಂತಾಗಬೇಕು ಎಂಬುದು ಅದರ ‘ಬಸುರಿ-ಬಯಕೆ!’. ಹೀಗಾಗಿ ‘ಶೂನ್ಯ-ಗುರುತ್ವಾಕರ್ಷಣೆ’ ಪರಿಸ್ಥಿತಿಗಳಲ್ಲಿ ಈ ಹಣ್ಣನ್ನು ಸೇವಿಸಬಹುದೇ ಎಂಬುದರ ಅವಲೋಕನಕ್ಕೆ ಈ ಪರೀಕ್ಷೆಯಂತೆ. ಹಾಗಂತ ಹಣ್ಣನ್ನು ಉಡಾಯಿಸಿ ಬಾಹ್ಯಾಕಾಶ ವಿಜ್ಞಾನಿಗಳು ಕೈತೊಳೆದುಕೊಂಡು ಕೂರುವುದಿಲ್ಲವಂತೆ; ಅದನ್ನು ಭೂಮಿಗೆ ಮರಳಿ ತಂದಾಗ ಅದರಲ್ಲೇನಾದರೂ ಭೌತಿಕ ಬದಲಾವಣೆಗಳಾಗಿವೆಯೇ (ಅಂದರೆ ಗಾತ್ರ ಚಿಕ್ಕದಾಗಿದೆಯೇ ಅಥವಾ ಸೀಳಿದೆಯೇ) ಎಂಬುದನ್ನು ಅವಲೋಕಿಸುತ್ತಾರಂತೆ. ಆದರೆ ಘಾಟು ವಾಸನೆಯ ಕಾರಣದಿಂದಾಗಿ ಹೋಟೆಲ್ ಕೋಣೆಗಳು, ಎಲಿವೇಟರ್​ಗಳು ಮತ್ತು ವಿಮಾನದ ಕ್ಯಾಬಿನ್​ಗಳಲ್ಲಿ ನಿಷೇಧಿಸಲ್ಪಟ್ಟಿರುವ ಈ ಹಣ್ಣನ್ನು ಬಾಹ್ಯಾಕಾಶ ನೌಕೆಯಂಥ ಮುಚ್ಚಿದ ವಾತಾವರಣವು ಹೇಗೆ ಸ್ವೀಕರಿಸುತ್ತದೆ ಎಂಬುದು ಕೆಲವರ ಕುತೂಹಲ.

Leave a Reply

Your email address will not be published. Required fields are marked *

Back To Top