Wednesday, 19th September 2018  

Vijayavani

ಗೌಡರ ಫ್ಯಾಮಿಲಿ ವಿರುದ್ಧ ಮತ್ತೆ ಸಿಡಿದೆದ್ದ ಮಂಜು- ಡಿಸಿ, ಕಂದಾಯ ಸಚಿವರಿಗೆ ನಾಳೆ  ದೂರು ನೀಡಲಿರುವ ಎ.ಮಂಜು        ಎದುರಾಳಿ ಇಲ್ದೇ ಚೆಸ್ ಆಡೋದೇಗೆ - ಡಿಕೆಶಿ ದರ್ಪದ ಮಾತಿಗೆ ಬಿಎಸ್​ವೈ ತಿರುಗೇಟು - ಇತ್ತ ಅಪ್ಪ-ಮಕ್ಕಳ ವಿರುದ್ಧವೂ ವಾಗ್ದಾಳಿ        ಬಿಜೆಪಿಗೆ ಹೋದ್ರೆ ಬೆಳೆಯಕ್ಕಾಗಲ್ಲ, ಪಕ್ಷದಲ್ಲಿದ್ರೆ ಹೆಚ್ಚು ಲಾಭ - ಬಂಡೆದ್ದಿದ್ದ ಬ್ರದರ್ಸ್ ಕೂಲ್ ಮಾಡಿದ್ದೇ ಸಹೋದರ ಲಖನ್        ದಿಲ್ಲಿಯಲ್ಲಿ ಸಂಪುಟ ವಿಸ್ತರಣೆ ಸರ್ಕಸ್ - ಖಾಲಿ ಇರೋ 6 ಸ್ಥಾನಗಳಿಗೆ ಲಾಬಿ ಜೋರು - ಭಿನ್ನಮತಕ್ಕೆ ರಾಹುಲ್ ಹಾಡ್ತಾರಾ ಇತಿಶ್ರೀ..?        ತ್ರಿವಳಿ ತಲಾಖ್ ಸುಗ್ರೀವಾಜ್ಞೆಗೆ ಅಸ್ತು - ಕೇಂದ್ರ ಸಚಿವ ಸಂಪುಟದಿಂದ ಒಪ್ಪಿಗೆ - ಮುಸ್ಲಿಂ ಮಹಿಳೆಯರಿಗೆ ಕೊನೆಗೂ ಸಿಕ್ತು ನ್ಯಾಯ       
Breaking News

ಸೇವೆಯೇ ಪರಮಧರ್ಮ

Sunday, 04.12.2016, 2:00 AM       No Comments

ನಮ್ಮ ಜೀವನದ ಗುರಿ ‘ಸೇವೆ’ಯೇ ಆಗಬೇಕಲ್ಲದೆ, ‘ಯಶಸ್ಸು’ ಆಗಬಾರದು. ಪ್ರಾರ್ಥನಾರಹಿತ ಸೇವೆ ಸೇವೆಯಲ್ಲ. ಸೇವಾರಹಿತ ಪ್ರಾರ್ಥನೆ ಪ್ರಾರ್ಥನೆಯಲ್ಲ. ಹಣವೇ ನಮ್ಮ ಗುರಿಯಾಗಬಾರದು. ಹಣ ನೀಡುವ ಶಕ್ತಿಯಿಂದ ಸೇವೆ ಮಾಡುವುದು ನಮ್ಮ ಗುರಿಯಾಗಬೇಕು. ಹಾರ್ದಿಕ ಕೊಡುಗೆಯೇ ಪ್ರೀತಿಯ ಅಳತೆಗೋಲು.

ಬದುಕಿನಲ್ಲಿ ಇರುವಿಕೆಯ ವಲಯ ಹಾಗೂ ಬಯಕೆಯ ವಲಯಗಳಿವೆ. ಬಹುತೇಕ ಮಂದಿ ಬಯಕೆಯ ವಲಯದಲ್ಲೇ ಕಳೆದುಹೋಗುತ್ತಾರೆ. ಬಯಕೆಯ ವಲಯದಿಂದ ಬರುವುದಕ್ಕಿಂತ, ಇರುವಿಕೆಯ ವಲಯದಿಂದ ಬರುವುದು ಹೆಚ್ಚು ಶಕ್ತಿಶಾಲಿಯಾಗಿರುತ್ತದೆ. ಬಯಕೆಯ ವಲಯ ನಮ್ಮನ್ನು ಬಂಧಿಸುತ್ತದೆ. ನಾವು ಯಶಸ್ಸು ಗಳಿಸಲು ಬಿಡುಗಡೆಯನ್ನು ಪಡೆಯಲು ಯತ್ನಿಸಬೇಕು.

ಇರುವಿಕೆಯನ್ನು ಘಟನೆಗಳ ಸರಮಾಲೆಯೆಂದು ತಿಳಿದುಕೊಂಡರೆ ಅದು ಶಕ್ತಿಶಾಲಿಯಾಗಬಲ್ಲದು. ಬಹುತೇಕ ವಾಗಿ, ಜೀವನದ ಅನುಭವವೆಂಬುದು ಘಟನೆಗಳನ್ನು ನಾವು ಹೇಗೆ ವ್ಯಾಖ್ಯಾನಿಸುತ್ತೇವೆ ಎನ್ನುವುದನ್ನು ಅವಲಂಬಿಸಿರುತ್ತದೆ. ಈ ಘಟನೆಗಳಿಗೆ ಯಾಂತ್ರಿಕವಾಗಿ ಪ್ರತಿಕ್ರಿಯಿಸುವುದನ್ನು ಅರಿಯುವವರೆಗೆ ಜನರು ಬದಲಾಗಲು ಸಾಧ್ಯವಿಲ್ಲ.

ಆಫೀಸಿನಲ್ಲಿ ಬಾಸ್ ನಿಮ್ಮ ಮೇಲೆ ಕೋಪಗೊಂಡರೆ, ‘ಆತನಿಗೆ ನನ್ನನ್ನು ಕಂಡರಾಗುವುದಿಲ್ಲ’ ಎಂದು ತೀರ್ವನಿಸುತ್ತೀರಿ. ಗದರಿಸುವುದೇ ಒಂದು ವಿಷಯ, ಅದಕ್ಕೆ ಅರ್ಥ ಕಲ್ಪಿಸುವುದು ಇನ್ನೊಂದು ವಿಷಯ. ಗದರಿಸುವುದು ಆತನ ಆಂತರಿಕ ಒತ್ತಡದ ಅಭಿವ್ಯಕ್ತಿ ಯಾಗಿರಬಹುದು. ‘ಇದು ನನ್ನ ಮೇಲೆ ಆತ ಇಟ್ಟುಕೊಂಡಿರುವ ದ್ವೇಷ’ ಎಂಬುದಾಗಿ ತಿಳಿಯುವುದು ನೀವು ನಿಮ್ಮ ತೀರ್ವನಕ್ಕೆ ಬಂಧಿತರಾಗಿರುವುದರ ಲಕ್ಷಣ. ಅಂಥ ತೀರ್ವನಗಳು ನಿಮ್ಮ ಶಕ್ತಿ ಸೋರುವಂತೆ ಮಾಡಿ ನಿಮ್ಮ ಅಸ್ತಿತ್ವವನ್ನು ದುರ್ಬಲಗೊಳಿಸುತ್ತವೆ.

ವ್ಯಕ್ತಿಯು ಬಲಿಷ್ಠನಾಗಬೇಕಾದರೆ, ಆತ ತನ್ನ ಪ್ರತಿಕ್ರಿಯೆಗಳ ಬಗ್ಗೆ ಪ್ರಜ್ಞಾವಂತನಾಗಬೇಕು. ಆ ಕುರಿತು ಎಚ್ಚರವಿಲ್ಲದಿರುವುದು ಅನಾವಶ್ಯಕ ನರಳಾಟಕ್ಕೆ ಕಾರಣವಾಗುತ್ತದೆ. ಹೆಚ್ಚು ಪ್ರಜ್ಞಾವಂತರಾಗುವುದೆಂದರೆ, ‘ಘಟನೆಗಳನ್ನು ಬದಲಿಸಲು ಸಾಧ್ಯವಿಲ್ಲ, ಆದರೆ ಅವುಗಳ ಬಗ್ಗೆ ನಮ್ಮ ವ್ಯಾಖ್ಯಾನವನ್ನು ಬದಲಾಯಿಸಬಹುದು’ ಎಂದು ಅರಿಯುವುದು.

* ನಾವು ಯಾಂತ್ರಿಕ ಜೀವನಕ್ಕೆ ಅಂಟಿಕೊಂಡಿರುವೆವೋ ಅಥವಾ ಶಕ್ತಿಶಾಲಿಯಾದ, ಅಯಸ್ಕಾಂತೀಯ ಜೀವನದಲ್ಲಿ ತೊಡಗಿಸಿಕೊಂಡಿರುವೆವೋ?

ಯಾಂತ್ರಿಕ ಜೀವನದಲ್ಲಿ ಘಟನೆಗಳೇ ನಮ್ಮನ್ನು ನಿಯಂತ್ರಿಸುತ್ತವೆ. ಅಯಸ್ಕಾಂತೀಯ ಜೀವನದಲ್ಲಿ ಬದ್ಧತೆ ನಮಗೆ ದಾರಿ ತೋರುತ್ತದೆ. ಅಯಸ್ಕಾಂತೀಯ ಜೀವನದ ದಾರಿ ಕಂಡಾಗ ಜೀವನವು ಪರಸ್ಪರ ಅವಲಂಬಿತವಾಗಿರುವುದೆಂಬ ಸತ್ಯದ ಅರಿವಾಗುತ್ತದೆ. ಜೀವನ ಅವಲಂಬಿತವೂ ಅಲ್ಲ, ಸ್ವತಂತ್ರವೂ ಅಲ್ಲ. ಅದು ಅನ್ಯೋನ್ಯ ಆಶ್ರಯವಾಗಿರುತ್ತದೆ. ಆದ್ದರಿಂದ ನಮ್ಮ ಜೀವನ ಸೇವಾಕ್ಷೇತ್ರವಾಗಬೇಕು.

ಸೂರ್ಯ, ಚಂದ್ರ, ಪ್ರಾಣಿಗಳು, ಸಸ್ಯಗಳು- ಇವೆಲ್ಲವೂ ನಮ್ಮನ್ನು ಅನುಗ್ರಹಿಸುತ್ತಿವೆ. ಈ ಅನುಗ್ರಹದ ಮೂಲಗಳ ಸೇವೆಮಾಡುವುದು ನಮ್ಮ ದುಡಿಮೆಯ ಆದ್ಯ ಕರ್ತವ್ಯ. ದುಡಿಮೆಯಲ್ಲಿ ನಾವು ಗಳಿಸುವ ಯಶಸ್ಸು ಸೇವೆಯಲ್ಲಿ ಸಾರ್ಥಕತೆಯನ್ನು ಪಡೆಯಬೇಕು.

ಸಜ್ಜನಿಕೆ ಮತ್ತು ಸಂತೋಷ ಎಂಬೆರಡು ವಿಶಿಷ್ಟ ಅಂಶಗಳು ನಿಮ್ಮ ಜೀವನದ ತಳಹದಿಯನ್ನು ಮತ್ತಷ್ಟು ಗಟ್ಟಿಗೊಳಿಸುವಂತಾಗಲಿ. ಆಗ ಅನ್ಯರನ್ನು ಸಂತುಷ್ಟರೂ, ಸಜ್ಜನರೂ ಆಗಿ ಪರಿವರ್ತಿಸಲು ಸಾಧ್ಯವಾಗುತ್ತದೆ. ನಿಮ್ಮ ಬದುಕು ಪ್ರಯೋಜನಕಾರಿಯಾಗಿ ಪರಿಣಮಿಸುತ್ತದೆ, ಸಾರ್ಥಕತೆಯನ್ನು ಪಡೆದುಕೊಳ್ಳುತ್ತದೆ.

(ಲೇಖಕರು ಅಂತಾರಾಷ್ಟ್ರೀಯ ಮ್ಯಾನೇಜ್ವೆುಂಟ್ ಗುರುಗಳು)

Leave a Reply

Your email address will not be published. Required fields are marked *

Back To Top