Tuesday, 17th July 2018  

Vijayavani

ಕಾಂಗ್ರೆಸ್‌ ಕಿರುಕುಳದಿಂದಲೇ ಸಿಎಂ ಕಣ್ಣೀರು - ಕಾಂಗ್ರೆಸ್‌ ನೆಚ್ಚಿಕೊಂಡು ಹೋದ್ರೆ ಇದೇ ಸ್ಥಿತಿ - ಎಚ್​ಡಿಕೆ  ಕಣ್ಣೀರಿಗೆ ಜೇಟ್ಲಿ ಟಾಂಗ್‌        ವಾಣಿಜ್ಯ ಬ್ಯಾಂಕ್‌ನಲ್ಲಿನ ಚಾಲ್ತಿ ಸಾಲವೂ ಮನ್ನಾ - ಸಿಎಂ ನಿರ್ಧಾರ - ರೈತರಿಗೆ ಮತ್ತೊಂದು ಕೊಡುಗೆ ನೀಡಿದ ಮುಖ್ಯಮಂತ್ರಿ        ಟ್ರಾಫಿಕ್ ನಿಯಮ ಉಲ್ಲಂಘಿಸಿದ್ದ ಶಾಸಕರ ಪುತ್ರ - ಪ್ರಶ್ನಿಸಿದ ಪೇದೆಗೆ ಅವಾಚ್ಯ ಶಬ್ದಗಳಿಂದ ನಿಂದನೆ        ಬಂಗಾಳದಲ್ಲಿ ಮೋದಿ ರ್ಯಾಲಿ ವೇಳೆ ಅವಗಢ - ಪೆಂಡಾಲ್ ಕುಸಿದು 22 ಜನರಿಗೆ ಗಾಯ - ಆರೋಗ್ಯ ವಿಚಾರಿಸಿದ ಪ್ರಧಾನಿ ನಮೋ        ಕರಾವಳಿಯಲ್ಲಿ ಭಾರಿ ಮಳೆಯ ಅವಾಂತರ - ಕುಸಿದುಬಿತ್ತು ಭಟ್ಕಳದ ಬಸ್ ನಿಲ್ದಾಣ - ಹೊರ ಓಡಿದ ಪ್ರಯಾಣಿಕರು        ಕೆಆರ್​​ಎಸ್​​​ನಿಂದ ಭಾರಿ ಪ್ರಮಾಣದ ನೀರು - ರಂಗನತಿಟ್ಟು ಪಕ್ಷಿಧಾಮ ಸಂಪೂರ್ಣ ಮುಳುಗಡೆ - ಧುಮ್ಮಿಕ್ಕುತ್ತಿದೆ ಹೊಗೇನಕಲ್ ಫಾಲ್ಸ್       
Breaking News

ಸೆಟಲೈಟ್ ರೈಟ್ಸ್​ಗೆ ರೂ. 110 ಕೋಟಿ!

Wednesday, 15.03.2017, 5:00 AM       No Comments

ಸಾಮಾನ್ಯವಾಗಿ ಬಾಲಿವುಡ್ ಚಿತ್ರಗಳು ಬಿಡುಗಡೆಯಾದ ಎರಡು ಅಥವಾ ಮೂರು ವಾರದಲ್ಲಿ ಬಾಕ್ಸ್​ಆಫೀಸ್​ನಲ್ಲಿ ಸಖತ್ತಾಗಿ ಕಮಾಯಿ ಮಾಡುತ್ತವೆ. ಇದಕ್ಕೆ ಹೊರತಾದ ಕೆಲವು ಚಿತ್ರಗಳು ಮೊದಲ ವಾರವೇ 100 ಕೋಟಿ ಕ್ಲಬ್ ಸೇರಿದ್ದೂ ಇದೆ. ಈ ಸಾಲಿನಲ್ಲಿ ದಬಂಗ್ 2, ಸಿಂಗಂ ರಿಟರ್ನ್ಸ್, ಬಾಡಿಗಾರ್ಡ್, ಹ್ಯಾಪಿ ನ್ಯೂ ಇಯರ್, ಸುಲ್ತಾನ್, ದಂಗಲ್ ಹೀಗೆ ಪಟ್ಟಿ ಬೆಳೆಯುತ್ತದೆ. ಆದರೆ, ಸೂಪರ್​ಸ್ಟಾರ್ ರಜನಿಕಾಂತ್ ಅಭಿನಯದ ‘2.0’ಚಿತ್ರ ಬಿಡುಗಡೆಗೆ ಮುನ್ನವೇ 110 ಕೋಟಿ ರೂ. ಗಳಿಸಿದೆ. ಅದು ಸೆಟಲೈಟ್ ರೈಟ್ಸ್ ಮೂಲಕ ಎನ್ನುವುದು ವಿಶೇಷ. ಈ ಮೂಲಕ ತಲೈವಾ ತಾವೊಬ್ಬ ಬಾಕ್ಸ್ ಆಫೀಸ್ ಕಿಂಗ್ ಎನ್ನುವುದನ್ನು ಮತ್ತೊಮ್ಮೆ ಸಾಬೀತು ಮಾಡಿದ್ದಾರೆ.

ಅಕ್ಷಯ್ಕುಮಾರ್ ಹಾಗೂ ಆಮಿ ಜಾಕ್ಸನ್ ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಂಡಿರುವ ‘2.0’ ಅದಾಗಲೇ ಪೋಸ್ಟರ್ ಮೂಲಕ ಭಾರತೀಯ ಚಿತ್ರರಂಗದಲ್ಲಿ ಸಂಚಲನ ಮೂಡಿಸಿದೆ. ಅದರಲ್ಲೂ ಅಕ್ಷಯ್ ಅವರ ಹೊಸ ಅವತಾರ ಅಭಿಮಾನಿಗಳನ್ನು ತುದಿಗಾಲ ಮೇಲೆ ನಿಲ್ಲಿಸಿದೆ. ಒಟ್ಟು ನಾನೂರು ಕೋಟಿ ರೂ. ವೆಚ್ಚದಲ್ಲಿ ಮೂಡಿಬಂದಿರುವ ಈ ಚಿತ್ರ ಅಕ್ಟೋಬರ್ 18ಕ್ಕೆ ತೆರೆಗೆಬರಲಿದೆ. ದೇಶದಲ್ಲಿಯೇ ಅತಿ ಹೆಚ್ಚು ವೆಚ್ಚದ ಹಾಗೂ ಏಷ್ಯಾದಲ್ಲಿಯೇ ಎರಡನೇ ದುಬಾರಿ ಸಿನಿಮಾ ಎಂಬ ಗೌರವಕ್ಕೆ ಪಾತ್ರವಾದ ‘2.0’ ಚಿತ್ರದ ಸೆಟಲೈಟ್ ರೈಟ್ಸ್​ಗೆ ಝೀ ಟಿವಿ ನೆಟ್ವರ್ಕ್ ಭಾರಿ ಬಂಡವಾಳ ಸುರಿದಿದೆ.

ಎಸ್. ಶಂಕರ್ ನಿರ್ದೇಶನದ ‘2.0’ ತಮಿಳು, ತೆಲುಗು ಹಾಗೂ ಹಿಂದಿ ಭಾಷೆಯಲ್ಲಿ ತೆರೆಕಾಣಲಿದೆ. ಈ ಚಿತ್ರ ವೀಕ್ಷಿಸಲು 3ಡಿ ತಂತ್ರಜ್ಞಾನ ಅಳವಡಿಕೆ ಮಾಡಲು ಈಗಾಗಲೇ ಚಿತ್ರತಂಡ ಯೋಚಿಸಿದೆ. ಒಟ್ಟಾರೆ ಈ ವರ್ಷದ ದೀಪಾವಳಿ ಸಿನಿಪ್ರಿಯರ ಪಾಲಿಗಂತೂ ಸಂಭ್ರಮ ಇಮ್ಮಡಿಸಲಿದೆ. ಏಜೆನ್ಸೀಸ್

Leave a Reply

Your email address will not be published. Required fields are marked *

Back To Top