Saturday, 21st July 2018  

Vijayavani

ಶೀರೂರು ಶ್ರೀಗಳ ಸಾವು ಕೊಲೆಯಲ್ಲ - ಅವರಿಗೆ ಮೊದಲಿಂದಲೂ ಅನಾರೋಗ್ಯ ಇತ್ತು - ಉಡುಪಿಯಲ್ಲಿ ಪೇಜಾವರ ಶ್ರೀ ಸ್ಪಷ್ಟನೆ        ರಾಹುಲ್‌ ಅಪ್ಪುಗೆಗೆ ಬಿಜೆಪಿ ಸಿಡಿಮಿಡಿ - ಸದನದಲ್ಲಿನ ವರ್ತನೆ ಬಗ್ಗೆ ಕೋಪ - ರಾಹುಲ್‌ಗೆ ಸ್ಪೀಕರ್‌ ನೀತಿಪಾಠ        ಭಾಷಣಕ್ಕಿಂತ ರಾಹುಲ್‌ ಕಣ್ಣೇಟು ಫೇಮಸ್‌ - ಪ್ರಿಯಾ ವಾರಿಯರ್‌ ವಿಡಿಯೋಗೆ ಲಿಂಕ್‌ - ಸಾಮಾಜಿಕ ಜಾಲತಾಣಗಳಲ್ಲಿ ಫುಲ್‌ವೈರಲ್‌        ಕೆಆರ್‌ಎಸ್‌ಗೆ ಬಾಗಿನ ಅರ್ಪಿಸಿದ ಸಿಎಂ - ಕಾವೇರಿಗೆ ಮುಖ್ಯಮಂತ್ರಿ ದಂಪತಿಯಿಂದ ಪೂಜೆ - ಸಚಿವ ಡಿಕೆಶಿ, ಮಹೇಶ್‌ ಸಾಥ್‌        ಸಿಬ್ಬಂದಿ ಒತ್ತಾಯದಿಂದ ಅಲ್ಲಿಗೆ ಹೋಗಿದ್ದೆ - ಮೊಗಸಾಲೆಯಲ್ಲಿ ಬರ್ತಡೇ ಪಾರ್ಟಿ ತಪ್ಪು - ಕ್ಷಮೆ ಕೋರಿದ ವಿಧಾನಸಭೆ ಕಾರ್ಯದರ್ಶಿ        ನಿನ್ನೆ ಬೌಬೌ ಬಿರಿಯಾನಿ - ಇಂದು ಮಿಯಾಂವ್‌ ಮಿಯಾಂವ್‌ ಮಸಾಲ - ಬೆಂಗಳೂರಿನ ವಿಜಯನಗರದಲ್ಲಿ ಬೆಕ್ಕು ನಾಯಿ ಭಕ್ಷ       
Breaking News

ಸಿಂಗಲ್ ಟೇಕ್ ಸಿಂಧೂ

Sunday, 13.08.2017, 3:01 AM       No Comments

ಟಿ ಸಿಂಧೂ ಲೋಕನಾಥ್ ಸದ್ಯ ಪ್ರಯೋಗದ ಮೂಡ್​ನಲ್ಲಿದ್ದಾರೆ. ಆನ್​ಲೈನ್ ವೇದಿಕೆಯಲ್ಲಿ ‘ಲೂಸ್ ಕನೆಕ್ಷನ್’ ಶೀರ್ಷಿಕೆಯ ವೆಬ್ ಸರಣಿ ಮೂಲಕ ಹೊಸ ಪ್ರಯೋಗ ಮಾಡಿ ಗಮನ ಸೆಳೆಯುತ್ತಿರುವಾಗಲೇ, ಹಿರಿತೆರೆಯಲ್ಲಿ ಸಿಂಗಲ್​ಟೇಕ್ ಪ್ರಯೋಗಕ್ಕೆ ಅಣಿಯಾಗಿದ್ದಾರೆ. ಅರ್ಥಾತ್, ಅವರ ನಟನೆಯ ಹೊಸ ಚಿತ್ರದ ಪ್ರತಿ ದೃಶ್ಯವನ್ನೂ ಒಂದೇ ಟೇಕ್​ನಲ್ಲಿ ಸೆರೆಹಿಡಿಯಲಾಗಿದೆ. ಅವುಗಳಿಗೆ ವಿಎಫ್​ಎಕ್ಸ್ ತಂತ್ರಜ್ಞಾನದ ಸ್ಪರ್ಶ ನೀಡಿರುವುದರಿಂದ ಇಡೀ ಚಿತ್ರವೇ ಸಿಂಗಲ್​ಟೇಕ್​ನಲ್ಲಿ ಚಿತ್ರಿತವಾಗಿದೆಯೇನೋ ಎಂಬ ಫೀಲ್ ಪ್ರೇಕ್ಷಕರಿಗೆ ಬರಲಿದೆಯಂತೆ.

ವಿಕ್ರಮ್ ಯೋಗಾನಂದ್ ನಿರ್ದೇಶನ ಮತ್ತು ಚಂದ್ರಶೇಖರ್ ನಿರ್ವಣದ ಈ ಚಿತ್ರಕ್ಕೆ ಈ ಹಿಂದೆ ‘ಸಮಯದ ಗೊಂಬೆ’ ಎಂದು ಹೆಸರಿಡಲಾಗಿತ್ತು. ಇಡೀ ಚಿತ್ರದ ಕಥೆ ಒಂದೇ ದಿನದಲ್ಲಿ ನಡೆಯುವುದರಿಂದ ‘ಹೀಗೊಂದು ದಿನ’ ಎಂದು ಈಗ ಮರುನಾಮಕರಣ ಮಾಡಲಾಗಿದೆ. ‘ಪ್ರತಿ ದೃಶ್ಯವನ್ನೂ ಸಿಂಗಲ್​ಟೇಕ್​ನಲ್ಲಿ ಸೆರೆಹಿಡಿದಿರುವುದು ಈ ಚಿತ್ರದ ವಿಶೇಷ. ಕಟ್ ಇಲ್ಲದೆ ಚಿತ್ರಿಸಬೇಕಿದ್ದರಿಂದ ಹಲವು ಬಾರಿ ರಿಹರ್ಸಲ್ ಮಾಡಿದ ಬಳಿಕವೇ ಕ್ಯಾಮರಾ ಎದುರಿಸಿದೆವು. ನಮ್ಮ ಡೈಲಾಗ್ ಮಾತ್ರವಲ್ಲದೆ ಸಹಕಲಾವಿದರ ಡೈಲಾಗ್​ಗಳನ್ನೂ ಗಮನದಲ್ಲಿರಿಸಿಕೊಂಡು ನಟಿಸಿದ್ದು ಸವಾಲಾಗಿತ್ತು’ ಎನ್ನುತ್ತಾರೆ ಸಿಂಧೂ.

ಹಾಸ್ಯಮಯವಾಗಿ ಸಾಗುವ ‘ಹೀಗೊಂದು ದಿನ’ಕ್ಕೆ 15 ದಿನಗಳ ಕಾಲ ಶೂಟಿಂಗ್ ಮಾಡಲಾಗಿದೆ. ಬೆಳಿಗ್ಗೆ 6 ಗಂಟೆಯಿಂದ 8.30ರವರೆಗೆ ನಡೆಯುವ ಕಥೆಯಾದ್ದರಿಂದ ಪ್ರತಿದಿನ ಅದೇ ಸಮಯಕ್ಕೆ ಸರಿಯಾಗಿ ಚಿತ್ರೀಕರಣ ಮಾಡಲಾಗಿದೆ. ಇದೊಂದು ನಾಯಕಿಪ್ರಧಾನ ಚಿತ್ರವಾಗಿದ್ದು, ಸಿಂಧೂ ಅವರದ್ದೇ ಮುಖ್ಯ ಭೂಮಿಕೆ. ಅತಿಥಿ ಪಾತ್ರದಲ್ಲಿ ‘ಸಿಂಪಲ್ಲಾಗ್ ಇನ್ನೊಂದು ಲವ್​ಸ್ಟೋರಿ’ ಚಿತ್ರದ ಖ್ಯಾತಿಯ ಪ್ರವೀಣ್ ನಟಿಸಿದ್ದಾರೆ. ಇನ್ನುಳಿದ ಪಾತ್ರಗಳಲ್ಲಿ ಗಿರಿಜಾ ಲೋಕೇಶ್, ಶೋಭರಾಜ್, ಪದ್ಮಜಾ ರಾವ್, ಗುರುಪ್ರಸಾದ್, ಮಿತ್ರ ಮುಂತಾದವರು ಬಣ್ಣ ಹಚ್ಚಿದ್ದಾರೆ. ‘ಹೀಗೊಂದು ದಿನ’ಕ್ಕೆ ಇನ್ನೂ ಸೆನ್ಸಾರ್ ಪ್ರಮಾಣಪತ್ರ ಸಿಗುವುದು ಬಾಕಿ ಇದೆ. ಶೀಘ್ರದಲ್ಲೇ ಟ್ರೇಲರ್ ಬಿಡುಗಡೆ ಮಾಡಲು ಚಿತ್ರತಂಡ ಸಿದ್ಧತೆ ಮಾಡಿಕೊಳ್ಳುತ್ತಿದೆ.

 

ನಾವು ಏನಾದರೊಂದು ಪ್ರಯೋಗ ಮಾಡುತ್ತಲೇ ಇರಬೇಕು. ‘ಲೂಸ್ ಕನೆಕ್ಷನ್‘ ವೆಬ್ ಸರಣಿಗೆ ಒಳ್ಳೆಯ ಪ್ರತಿಕ್ರಿಯೆ ಸಿಕ್ಕಿತು. ಈಗ ‘ಹೀಗೊಂದು ದಿನ’ ಕೂಡ ಕ್ಲಿಕ್ ಆಗುತ್ತೆ ಎಂಬ ನಂಬಿಕೆ ಇದೆ. ಇದು ಮಹಿಳಾ ಪ್ರಧಾನ ಸಿನಿಮಾ ಎನ್ನುವುದು ಮತ್ತೊಂದು ವಿಶೇಷ.

| ಸಿಂಧೂ ಲೋಕನಾಥ್ ನಟಿ

 

Leave a Reply

Your email address will not be published. Required fields are marked *

Back To Top