Wednesday, 21st February 2018  

Vijayavani

ಶಾಸಕ ಹ್ಯಾರಿಸ್ ಪುತ್ರ ನಲಪಾಡ್ ಗೂಂಡಾಗಿರಿ ಪ್ರಕರಣ - ಬೌರಿಂಗ್​ ಆಸ್ಪತ್ರೆಯಲ್ಲಿ ಮೆಡಿಕಲ್​ ಟೆಸ್ಟ್​ ಕಂಪ್ಲೀಟ್​​ - ಕೋರ್ಟ್​ಗೆ ಆರೋಪಿಗಳು ಹಾಜರ್​​​        ನಲಪಾಡ್ ಜಾಮೀನು ಅರ್ಜಿ ವಿಚಾರಣೆ ಆರಂಭ - ವಾದ ಮಂಡನೆಗೆ ಅವಕಾಶ ಕೋರಿ ಮಧ್ಯಂತರ ಅರ್ಜಿ - ಸರ್ಕಾರದ ಮೇಲೆ ನಂಬಿಕೆಯಿಲ್ಲ ಎಂದು ಆಲಂ ಪಾಷ ಅರ್ಜಿ        ಇಂದಿನಿಂದ ಬಾಹುಬಲಿ ಹೆಲಿ ಟೂರಿಸಂ - ಜಸ್ಟ್​​​ 2,100 ರೂಪಾಯಿಗೆ 8 ನಿಮಿಷ ಹಾರಾಟ - ಫೆಬ್ರವರಿ 25 ಬರ್ತಿದ್ದಾರೆ ಕೇಂದ್ರ ಗೃಹ ಸಚಿವರು        ಮುಗಿಯದ ಭೈರತಿ ಬಸವರಾಜ್ ಬೆಂಬಲಿಗರ ದರ್ಪ - ಪೇದೆ ಮೇಲೆ ಗೂಂಡಾಗಳ ಹಲ್ಲೆ - ಆರೋಪ ತಳ್ಳಿ ಹಾಕಿದ ಕಾಂಗ್ರೆಸ್​​​​​ ಶಾಸಕ        ಹೋಂ ಮಿನಿಸ್ಟರ್‌ ಹೆಸರಲ್ಲಿ ಭಾರಿ ಆಸ್ತಿ ಆರೋಪ - ದಿಗ್ವಿಜಯ ನ್ಯೂಸ್‌ನಲ್ಲಿ ದಾಖಲೆ ಬಯಲು - ಆರೋಪ ನಿರಾಕರಿಸಿದ ರಾಮಲಿಂಗಾರೆಡ್ಡಿ       
Breaking News

ಸರ್ಕಾರಿ ಕಾರ್ನರ್​

Friday, 29.09.2017, 3:00 AM       No Comments

ನಾನು ಪೊಲೀಸ್​ಇಲಾಖೆಯಲ್ಲಿ 2011ರ ನವೆಂಬರ್ ನಿಂದ 2016ರ ಮೇ ವರೆಗೆ ಕಾನ್​ಸ್ಟೇಬಲ್ ಆಗಿ ಕರ್ತವ್ಯ ನಿರ್ವಹಿಸಿದ್ದು, ಇಲಾಖಾ ಅನುಮತಿಯೊಂದಿಗೆ ಅಲ್ಪಸಂಖ್ಯಾತರ ಕಲ್ಯಾಣ ಇಲಾಖೆಯ ಗಣಕಯಂತ್ರ ಶಿಕ್ಷಕರ ಹುದ್ದೆಗೆ ಆಯ್ಕೆಯಾಗಿ ಕರ್ತವ್ಯಕ್ಕೆ ಹಾಜರಾಗಿರುತ್ತೇನೆ. ನಾನು ಪೊಲೀಸ್ ಇಲಾಖೆಯಲ್ಲಿ ಪ್ರೊಬೆಷನರಿ ಅವಧಿ ಮುಗಿಸಿದ್ದು, ಇದೀಗ ಮತ್ತೆ ಹೊಸ ಹುದ್ದೆಯಲ್ಲೂ ಪ್ರೊಬೆಶನರಿ ಮುಗಿಸುವುದು ಅವಶ್ಯಕವಾಗಿದೆಯೇ? ಪೊಲೀಸ್ ಹುದ್ದೆಯು ನಾನ್ ವೆಕೇಷನಲ್ ಹುದ್ದೆಯಾಗಿದ್ದು ಪ್ರಸ್ತುತ ಶಿಕ್ಷಕ ಹುದ್ದೆಯು ವೆಕೇಶನಲ್ ಹುದ್ದೆಯಾಗಿರುವುದರಿಂದ ಇಲ್ಲಿಯ ರಜಾ ನಿಯಮಗಳು ಬೇರೆಯಾಗಿರುತ್ತವೆಯೇ? ನಾನು ಪೊಲೀಸ್ ಇಲಾಖೆಗೆ ಈಗ ಹಿಂತಿರುಗಿ ಹೋಗಲು ಸಾಧ್ಯವಿದೆಯೇ ?

| ಲೋಕೇಶ ತುಮಕೂರು

ಕರ್ನಾಟಕ ಸರ್ಕಾರಿ ಸೇವಾ (ಪ್ರೊಬೆಷನ್) ನಿಯಮಗಳು 1977ರ 4ರ ಪ್ರಕಾರ ಪ್ರತಿಯೊಬ್ಬ ಸರ್ಕಾರಿ ನೌಕರನು ತನ್ನ ಹುದ್ದೆಗೆ ಸಂಬಂಧಿಸಿದಂತೆ 2 ವರ್ಷಗಳ ಕಾಲ ಪ್ರೊಬೆಷನರಿ ಅವಧಿ ಮುಗಿಸಬೇಕಾಗಿರುತ್ತದೆ. ನೀವು ಪೊಲೀಸ್ ಇಲಾಖೆಯಲ್ಲಿ ಕಾನ್​ಸ್ಟೇಬಲ್ ಹುದ್ದೆಯು ಹಾಗೂ ಅಲ್ಪಸಂಖ್ಯಾತರ ಇಲಾಖೆಯ ಗಣಕ ಯಂತ್ರ ಶಿಕ್ಷಕ ಹುದ್ದೆಯು ಬೇರೆ ಬೇರೆ ವೃಂದವಾಗಿರುವುದರಿಂದ ಮತ್ತೆ ಪ್ರೊಬೆಷನರಿ ಅವಧಿ ಮುಗಿಸುವುದು ಅವಶ್ಯಕ. ಪ್ರಸ್ತುತ ಶಿಕ್ಷಕ ಹುದ್ದೆಯು ವೆಕೆಶನಲ್ ಹುದ್ದೆಯಾಗಿರುವುದರಿಂದ ನಿಮಗೆ ವಾರ್ಷಿಕವಾಗಿ 10 ದಿವಸಗಳ ಗಳಿಕೆ ರಜೆ ಇದ್ದು ನೀವು ನಿಯಮ 114ನ್ನು ನೋಡಬಹುದು. ನಿಮಗೆ ಈ ಶಿಕ್ಷಕ ಹುದ್ದೆ ಇಷ್ಟವಿಲ್ಲದಿದ್ದರೆ ಕರ್ನಾಟಕ ಸರ್ಕಾರಿ ಸೇವಾ ನಿಯಮಾವಳಿಯ ನಿಯಮ 20ರಂತೆ ಪೊಲೀಸ್ ಇಲಾಖೆಗೆ 2 ವರ್ಷ ಅವಧಿಯೊಳಗೆ ವಾಪಸಾಗಲು ಮನವಿ ಸಲ್ಲಿಸಬಹುದು.

ಪ್ರಶ್ನೆ ಕೇಳಿ ಪರಿಹಾರ ಪಡೆಯಿರಿ

ನಿಮ್ಮ ಪ್ರಶ್ನೆಗಳನ್ನು ನಮಗೆ ಕಳುಹಿಸಿ. ನಮ್ಮ ವಿಳಾಸ: ವಿಜಯವಾಣಿ, ನಂ.24, ಶ್ರೀ ಸಾಯಿರಾಂ ಟವರ್ಸ್, ಮೊದಲ ಮಹಡಿ, 5ನೇ ಮುಖ್ಯರಸ್ತೆ, ಚಾಮರಾಜಪೇಟೆ, ಬೆಂಗಳೂರು 560018.

ಇ-ಮೇಲ್: [email protected]

ದೂರವಾಣಿ: 8884431909, ಫ್ಯಾಕ್ಸ್: 080-26257464.

Leave a Reply

Your email address will not be published. Required fields are marked *

Back To Top