Wednesday, 19th September 2018  

Vijayavani

ಆಸ್ಪತ್ರೆಯಿಂದ ಸಚಿವ ಡಿ.ಕೆ. ಶಿವಕುಮಾರ್​​ ಡಿಸ್ಚಾರ್ಜ್ - ಕೆಲವೇ ಕ್ಷಣಗಳಲ್ಲಿ ಸುದ್ದಿಗೋಷ್ಠಿ - ಎಟಿಎಂ ಆರೋಪಕ್ಕೆ ಉತ್ತರಿಸ್ತಾರಾ?        ಗಾಂಧಿ ಕುಟುಂಬಕ್ಕೆ ಎಟಿಎಂ ಅಂತೆ ಡಿಕೆಶಿ - ಎಐಸಿಸಿಗೆ 600 ಕೋಟಿ ಆಗಿದ್ಯಂತೆ ಡೆಪಾಸಿಟ್ - ಡಿಕೆಶಿ ವಿರುದ್ಧ ಆರೋಪಗಳ ಪಟ್ಟಿ        ಇಡಿ ಪ್ರಕರಣದಲ್ಲಿ ಡಿಕೆಶಿ ಬಂಧನ ಖಚಿತ - ಅರೆಸ್ಟ್‌ ಬೆನ್ನಲ್ಲೇ ಮೈತ್ರಿ ಸರ್ಕಾರ ಖತಂ - ಬಿಜೆಪಿ ರಾಜ್ಯಾಧ್ಯಕ್ಷ ಬಿಎಸ್‌ವೈ ಭವಿಷ್ಯ        ಬೆಂಗ್ಳೂರು ರಸ್ತೆ ಗುಂಡಿಗೆ ಹೈಕೋರ್ಟ್ ಗರಂ - ಬೆಳಗ್ಗೆಯೊಳಗೆ ಗುಂಡಿ ಮುಚ್ಚಿಸಿ - ಕೆಲ್ಸ ಮಾಡದಿದ್ರೆ ಬಿಬಿಎಂಪಿ ಬಂದ್ ಅಂದ್ರು ಸಿಜೆ        ನವಾಜ್​​ ಷರೀಫ್​ಗೆ ರಿಲೀಫ್ - ಜೈಲಿನಿಂದ ಪಾಕ್ ಮಾಜಿ ಪ್ರಧಾನಿ, ಪುತ್ರಿ ಬಿಡುಗಡೆ - ಇಸ್ಲಾಮಾಬಾದ್ ಹೈಕೋರ್ಟ್ ಆದೇಶ        ದುಬೈನಲ್ಲಿ ಏಷ್ಯಾಕಪ್ ಹಣಾಹಣಿ - ಹೈವೋಲ್ಟೇಜ್ ಮ್ಯಾಚ್​ಗೆ ಬದ್ಧ ವೈರಿಗಳು ಸಜ್ಜು - ಟಾಗ್‌ಗೆದ್ದ ಪಾಕ್‌ ಬ್ಯಾಟಿಂಗ್‌ ಆಯ್ಕೆ       
Breaking News

ವೈಜಿಗುಡ್ಡ ಸಂತ್ರಸ್ತರಿಗಿಲ್ಲ ನಿವೇಶನ

Wednesday, 11.07.2018, 3:23 AM       No Comments

ಮಾಗಡಿ: ಎತ್ತಿನ ಮನೆ ಗುರಗಂಜಿ ಗುಡ್ಡ ಜಲಾಶಯ ನಿರ್ವಣಕ್ಕಾಗಿ 1990ರಲ್ಲಿ ಮನೆ, ಜಮೀನು ಕಳೆದುಕೊಂಡ ನಾಗಬೋವಿದೊಡ್ಡಿಯ 43 ಕುಟುಂಬಗಳಿಗೆ ನಿವೇಶನ ಇನ್ನೂ ಸಿಕ್ಕಿಲ್ಲ. 28 ವರ್ಷಗಳಿಂದ ನೆತ್ತಿ ಮೇಲೊಂದು ಸೂರು ಹೊಂದಲು ಸಾಧ್ಯವಾಗದೆ ಈ ಕುಟುಂಬಗಳು ಪರದಾಡುತ್ತಿವೆ.

ನಾಗಬೋವಿದೊಡ್ಡಿ, ಕಪನಯ್ಯನದೊಡ್ಡಿ, ಬಾಳೇನಹಳ್ಳಿ, ಮಾನಗಲ್, ಏಳಿಗೆಹಳ್ಳಿ, ಸೊಣ್ಣೇನಹಳ್ಳಿ, ಶೆಟ್ಟಿಹಳ್ಳಿ ಗ್ರಾಮಗಳ ನೂರಾರು ಎಕರೆ ಜಮೀನುಗಳನ್ನು ಜಲಾಶಯ ನಿರ್ವಣಕ್ಕಾಗಿ ಸರ್ಕಾರ ವಶಕ್ಕೆ ಪಡೆದು ಮನೆಗೆ 80 ಸಾವಿರ ರೂಪಾಯಿ, ಎಕೆರೆ ಜಮೀನಿಗೆ 25 ಸಾವಿರ ರೂಪಾಯಿಯಂತೆ ಪರಿಹಾರ ನೀಡಿತ್ತು. ಜತೆಗೆ ಬೆಂಗಳೂರಿನ ಸೀಗೆಹಳ್ಳಿ, ಕೆಂಪಸಾಗರ, ಕನಕಪುರ, ಬಿಸ್ಕೂರು, ಕೊಂಡಹಳ್ಳಿಗಳಲ್ಲಿ ನಿವೇಶನ ನೀಡಲಾಗುವುದು ಎಂದು ಭರವಸೆ ನೀಡಿತ್ತು. ಅದರಂತೆ ಈ ಗ್ರಾಮಗಳ ಜನ ಸ್ಥಳಾಂತರಗೊಂಡರು. ನಾಗಬೋವಿದೊಡ್ಡಿ ನಿರಾಶ್ರಿತರಿಗೆ ಸೊಣ್ಣೇನಹಳ್ಳಿಯಲ್ಲಿ 3 ಎಕರೆ ಜಾಗ ಗುರುತಿಸಿ 2010ರಲ್ಲಿ ಕಾಲನಿ ನಿರ್ವಿುಸಲಾಯಿತು. ಆದರೆ ಇಲ್ಲಿಯವರೆಗೂ ಅವರಿಗೆ ಹಕ್ಕುಪತ್ರ ನೀಡಿಲ್ಲ. ಇದರಿಂದಾಗಿ ಕೆಲವರು ಮುಳುಗಡೆಯಾದ ಪ್ರದೇಶದಲ್ಲಿಯೇ ವಾಸ ಮಾಡಬೇಕಾದ ದುಸ್ಥಿತಿ ಎದುರಾಗಿದೆ.

ಭಯದಲ್ಲೇ ಬದುಕು: ಜಲಾಶಯದ ಪಕ್ಕ ನಾಗಬೋವಿದೊಡ್ಡಿ ಇದ್ದು, ಜಲಾಶಯ ತುಂಬಿದಾಗ ಅದರಲ್ಲಿನ ವಿಷ ಜಂತುಗಳು ಮನೆಯೊಳಗೆ ಬರುತ್ತಿವೆ. ಸುತ್ತಮುತ್ತ ಬೆಟ್ಟಗುಡ್ಡ ಇರುವುದರಿಂದ ಚಿರತೆಗಳು ಗ್ರಾಮಕ್ಕೆ ದಾಳಿ ಮಾಡುತ್ತವೆ. ಇದರಿಂದ ಭಯದ ವಾತಾವರಣದಲ್ಲೇ ಕಾಲ ಕಳೆಯುವಂತಾಗಿದೆ ಎಂದು ಗ್ರಾಮದ ಕೃಷ್ಣಪ್ಪ, ರಘು, ನಾರಾಯಣಪ್ಪ, ಹನುಮ, ಸುರೇಶ್, ಮುನಿರಾಜು, ಪುಟ್ಟಸ್ವಾಮಿ ಅಳಲು ತೋಡಿಕೊಂಡಿದ್ದಾರೆ.

ಸಣ್ಣ ನೀರಾವರಿ ಇಲಾಖೆ ವಿಳಂಬ: ನಾಗಬೋವಿದೊಡ್ಡಿ ಸಂತ್ರಸ್ತರಿಗೆ ಹಕ್ಕುಪತ್ರ ನೀಡಲು ನಮ್ಮ ಇಲಾಖೆ ಮಾಡಬೇಕಾದ ಕೆಲಸಗಳನ್ನು ಮಾಡಿದೆ. ಆದರೆ ವಿಳಂಬ ಆಗುತ್ತಿರುವುದು ಸಣ್ಣ ನೀರಾವರಿ ಇಲಾಖೆಯಿಂದ. ರಾಜೀವ್ ಗಾಂಧಿ ವಸತಿ ಹೆಸರಿನಲ್ಲಿ ಖಾತೆ ಬರುವಂತೆ ಮಾಡಿದರೆ ಗ್ರಾಮಸ್ಥರಿಗೆ ಹಕ್ಕುಪತ್ರ ವಿತರಿಸಬಹುದು. ಸಣ್ಣ ನೀರವಾರಿ ಇಲಾಖೆ ಸಹಾಯಕ ಇಂಜಿನಿಯರ್ ಜತೆ ರ್ಚಚಿಸಿ ಸಮಸ್ಯೆ ಬಗೆಹರಿಸಲಾಗುವುದು ಎಂದು ಮಾಗಡಿ ತಾಪಂ ಇಒ ಮುರಡಯ್ಯ ಹೇಳಿದ್ದಾರೆ.

 

Leave a Reply

Your email address will not be published. Required fields are marked *

Back To Top