Thursday, 18th January 2018  

Vijayavani

ಹಿರಿಯ ನಟ ನಿರ್ದೇಶಕ ಕಾಶಿನಾಥ್ ಇನ್ನಿಲ್ಲ - ಬೆಂಗಳೂರಿನ ಶಂಕರ ಕ್ಯಾನ್ಸರ್​ ಆಸ್ಪ್ರೆಯಲ್ಲಿ ಕೊನೆಯುಸಿರು- ಕಳಚಿದ ಅನುಭವದ ಕೊಂಡಿ        ಡೈರೆಕ್ಟರ್​ ಎಪಿ ಅರ್ಜುನ್​ ಕಚೇರಿಯಲ್ಲಿ ಕಳ್ಳತನ - ಯಶ್​ ಬರ್ತಡೇ ದಿನ ಕೃತ್ಯ - ಮಾಜಿ ಕಾರು ಡ್ರೈವರ್ ವಿರುದ್ಧ ಅನುಮಾನದ ಹುತ್ತ         ಒಂಟಿ ಮಹಿಳೆಗೆ ಜಡೆ ಹಿಡಿದು ಥಳಿತ - ಕೊಪ್ಪಳ ಬಸ್​ಸ್ಟಾಪ್​ನಲ್ಲಿ ಪುರುಷರ ಅಟ್ಟಹಾಸ - ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೋ ವೈರಲ್         ನೈಂಟಿ ಕೊಡ್ತೇವೆ ಅಂತ ಹರಕೆ ಹೊರ್ತಾರೆ ಭಕ್ತರು - ದೇವರ ಹೆಸರಲ್ಲಿ ಸಾಮೂಹಿಕ ಮದ್ಯಾರಾಧನೆ - ಕುಣಿಗಲ್‍ನ ಒಡೇಭೈರವನಿಗೆ ಬ್ರಾಂದಿ ವಿಸ್ಕಿಯೇ ನೈವೇದ್ಯ        ಕೃಷ್ಣನಗರಿಯಲ್ಲಿ ಪರ್ಯಾಯ ಸಂಭ್ರಮ - ಕೃಷ್ಣಪೂಜೆ ನೆರವೇರಿಸಿದ ಪಲಿಮಾರು ಶ್ರೀಗಳು - ಅದ್ಧೂರಿಯಿಂದ ಸರ್ವಜ್ಞ ಪೀಠಾರೋಹಣ       
Breaking News :

ವಿಸಾರಣೈ ರಿಮೇಕ್​ನಲ್ಲಿ ಪುನೀತ್ ನಟಿಸಲ್ಲ

Monday, 17.07.2017, 3:03 AM       No Comments

ವಿಜಯವಾಣಿ ಸುದ್ದಿಜಾಲ ಬೆಂಗಳೂರು

ಮಿಳಿನ ಖ್ಯಾತ ನಿರ್ದೇಶಕ ವೆಟ್ರಿಮಾರನ್ ನಿರ್ದೇಶನದ ಸೂಪರ್ ಹಿಟ್ ಚಿತ್ರ ‘ವಿಸಾರಣೈ’ನ ಕನ್ನಡ ರಿಮೇಕ್​ಹಕ್ಕುಗಳನ್ನು ರಾಕ್​ಲೈನ್ ವೆಂಕಟೇಶ್ ಪಡೆದುಕೊಂಡಿದ್ದಾರೆ ಎಂಬ ವಿಷಯ ಕೆಲವು ತಿಂಗಳುಗಳಿಂದ ಕೇಳಿ ಬರುತ್ತಲೇ ಇತ್ತು. ಇತ್ತೀಚೆಗಷ್ಟೇ ಬೆಂಗಳೂರಿನಲ್ಲಿ ‘ಪವರ್ ಸ್ಟಾರ್’ ಪುನೀತ್ ರಾಜ್​ಕುಮಾರ್ ಜತೆ ವೆಟ್ರಿಮಾರನ್ ಹಾಗೂ ರಾಕ್​ಲೈನ್ ಮಾತುಕತೆಗೆ ತೊಡಗಿಕೊಂಡಿದ್ದನ್ನು ಕಂಡು, ಮೂವರೂ ಸೇರಿ ‘ವಿಸಾರಣೈ’ ಕನ್ನಡ ರಿಮೇಕ್ ಮಾಡುತ್ತಿದ್ದಾರೆಂದೇ ಹೇಳಲಾಗಿತ್ತು. ಆದರೆ ಅದು ನಿಜವಲ್ಲ ಎಂಬುದು ಈಗ ಖಚಿತವಾಗಿದೆ. ವೆಟ್ರಿಮಾರನ್, ಪುನೀತ್ ಮತ್ತು ರಾಕ್​ಲೈನ್ ಕಾಂಬಿನೇಷನ್​ನಲ್ಲಿ ಬರುತ್ತಿರುವುದು ‘ವಿಸಾರಣೈ’ ಕನ್ನಡ ರಿಮೇಕ್ ಅಲ್ಲವೇ ಅಲ್ಲ ಎಂದು ಖುದ್ದು ವೆಂಕಟೇಶ್ ಅವರೇ ಸ್ಪಷ್ಟಪಡಿಸಿದ್ದಾರೆ.

ನಿರ್ದೇಶಕ ವೆಟ್ರಿಮಾರನ್ ಹಾಗೂ ಪುನೀತ್ ಕಾಂಬಿನೇಷನ್​ನಲ್ಲಿ ರಾಕ್​ಲೈನ್ ನಿರ್ವಿುಸಲು ಹೊರಟಿರುವುದು ಬೇರೆಯದೇ ಸಿನಿಮಾ. ಭರ್ಜರಿ ಬಜೆಟ್​ನಲ್ಲಿ ನಿರ್ವಣವಾಗುತ್ತಿರುವ ಈ ಚಿತ್ರಕ್ಕೂ ‘ವಿಸಾರಣೈ’ಗೂ ಯಾವುದೇ ಸಂಬಂಧ ಇರುವುದಿಲ್ಲವಂತೆ. ‘ವೆಟ್ರಿಮಾರನ್ ಅವರ ಬಳಿ ಅತ್ಯುತ್ತಮವಾದ ಒಂದು ಕಥೆ ಇತ್ತು. ಅದನ್ನು ಅವರು ಪುನೀತ್ ಜತೆಗೆ ಹಂಚಿಕೊಂಡಿದ್ದರು. ಕಥೆ ಕೇಳಿ ಇಷ್ಟಪಟ್ಟ ಪುನೀತ್, ‘ಸಿನಿಮಾ ಮಾಡೋಣ್ವಾ?’ ಎಂದು ಕೇಳಿದ್ದರು. ನಾನು ‘ಓಕೆ’ ಎಂದು ನಿರ್ವಣಕ್ಕೆ ಮುಂದಾಗಿದ್ದೇನೆ’ ಎಂದು ಮೊನ್ನೆಮೊನ್ನೆಯಷ್ಟೇ ನಡೆದ ಮಾತುಕತೆ ಬಗ್ಗೆ ರಾಕ್​ಲೈನ್ ಹೇಳಿದ್ದಾರೆ.

‘ಇದೊಂದು ವಿಭಿನ್ನ ಸಿನಿಮಾ. ಇನ್ನೂ ಸ್ಕ್ರಿಪ್ಟ್ ಹಂತದಲ್ಲಿದೆ. ಸದ್ಯ ಪುನೀತ್ ಅವರಷ್ಟೇ ಪಕ್ಕಾ ಆಗಿದ್ದು ಉಳಿದ ತಾರಾಗಣದ ಆಯ್ಕೆ ಆಗಬೇಕಿದೆ. ಎಲ್ಲ ತಯಾರಿ ಪೂರ್ಣವಾಗುತ್ತಿದ್ದಂತೆ ಚಿತ್ರೀಕರಣ ಆರಂಭಿಸಲಾಗುವುದು’ ಎಂದು ವಿವರಿಸುವ ನಿರ್ವಪಕರು, ಚಿತ್ರದ ಬಗ್ಗೆ ಹೆಚ್ಚಿನ ವಿವರ ಬಿಟ್ಟುಕೊಡಲು ನಿರಾಕರಿಸುತ್ತಾರೆ.

ವಿಸಾರಣೈ ಕಥೆ ಪುನೀತ್​ಗೆ ಸೂಕ್ತ ಎನಿಸುವಂಥದ್ದಲ್ಲ. ಆ ಚಿತ್ರದ ಹಕ್ಕು ಇನ್ನೂ ನನ್ನ ಬಳಿಯೇ ಇದೆ. ಪುನೀತ್ ಅಭಿನಯದ ಈ ಚಿತ್ರ ಮುಗಿದ ಮೇಲೆ ಹೊಸಬರನ್ನು ಹಾಕಿಕೊಂಡು ‘ವಿಸಾರಣೈ’ ಚಿತ್ರವನ್ನು ಕನ್ನಡಕ್ಕೆ ರಿಮೇಕ್ ಮಾಡಲಾಗುವುದು.

| ರಾಕ್​ಲೈನ್ ವೆಂಕಟೇಶ್ ನಿರ್ಮಾಪಕ

Leave a Reply

Your email address will not be published. Required fields are marked *

Back To Top