Monday, 22nd January 2018  

Vijayavani

ಸರಹದ್ದು ಮೀರಿ ವರ್ತಿಸ್ತಿದೆ ಪಾಪಿ ಪಾಕ್​- ಐದು ದಿನಗಳಿಂದ ಗುಂಡಿನ ದಾಳಿಗೆ ಪರಿಸ್ಥಿತಿ ಉಲ್ಭಣ- ಗಡಿಯಲ್ಲಿ ಯುದ್ಧ ಸ್ಥಿತಿ ನಿರ್ಮಾಣ        ದಾವೋಸ್​ನಲ್ಲಿ 48ನೇ ವಿಶ್ವ ಆರ್ಥಿಕ ವೇದಿಕೆ ಸಮಾವೇಶ- ಸ್ವಿಸ್​ಗೆ ಹಾರಿದ ಪ್ರಧಾನಿ ಮೋದಿ- ವಿದೇಶಿ ಬಂಡವಾಳ ಸೆಳೆಯುವತ್ತ ಹಲವುಸೂತ್ರ        ಗ್ಯಾಸ್​ ರೀಫಿಲ್ಲಿಂಗ್ ವೇಳೆ ಲೀಕ್​ಆಗಿ ಹೊತ್ತಿಕೊಂಡ ಬೆಂಕಿ- ಆರು ಜನರಿಗೆ ಗಂಭೀರ ಗಾಯ- ಬೆಂಗಳೂರಿನಲ್ಲಿ ತಪ್ಪಿದ ಭಾರಿ ದುರಂತ        ಬೀದರ್​ನಲ್ಲಿ ವೀರಭದ್ರನ ಪಲ್ಲಕ್ಕಿ ಉತ್ಸವ- ಶಸ್ತ್ರಧಾರಣೆ ಮೂಲಕ ಭಕ್ತಿಯ ಪರಾಕಷ್ಠೆ- ಅತ್ತ ಮಂಗಳೂರಿನಲ್ಲಿ ಕಲವರದ ಪುತ್ತೂರು ಕಂಬಳ        ರಿಲೀಸ್​ ಡೇಟ್ ಫಿಕ್ಸ್​ ಆದ್ರೂ ಪದ್ಮಾವತ್​​ಗೆ ಸಂಕಷ್ಟ- 25ಕ್ಕೆ ಬಿಡುಗಡೆಯಾದ್ರೆ ದೇಶಾದ್ಯಂತ ಬಂದ್​- ಕರ್ಣಿಸೇನಾ ರಕ್ತಪಾತದ ಡೈಲಾಗ್​ಗೆ ಬೆವರಿದ ಬನ್ಸಾಲಿ       
Breaking News :

ವಿನಯ್ Vs ಲತಾ

Wednesday, 13.09.2017, 3:04 AM       No Comments

 

ಬೆಂಗಳೂರು: ‘ಅತಿರಥ’ನಿಗೆ ಜೋಡಿಯಾಗಿರುವ ನ್ಯೂಜಿಲೆಂಡ್ ಬೆಡಗಿ ಲತಾ ಹೆಗಡೆ ಸದ್ಯದಲ್ಲೇ ‘ಅನಂತು’ಗೂ ಜೋಡಿಯಾಗಲಿದ್ದಾರೆ. ಅದಕ್ಕೆಂದೇ ಅವರು ಮುಸ್ಲಿಂ ಗೆಟಪ್​ನಲ್ಲಿ ಕಾಣಿಸಿಕೊಂಡು ‘ನುಸ್ರತ್’ ಆಗಲಿದ್ದಾರೆ. ಅರ್ಥಾತ್, ರಾಘವೇಂದ್ರ ರಾಜ್​ಕುಮಾರ್ ಅವರ ಪುತ್ರ ವಿನಯ್ ರಾಜ್​ಕುಮಾರ್ ಅಭಿನಯಿಸಲಿರುವ ಹೊಸ ಚಿತ್ರ ‘ಅನಂತು ್ಖಖ ನುಸ್ರತ್’ಗೆ ಲತಾ ಹೆಗಡೆಯೇ ನಾಯಕಿಯಂತೆ.

ಸುಧೀರ್ ಶ್ಯಾನಭೋಗ್ ಚೊಚ್ಚಲ ನಿರ್ದೇಶನದ ‘ಅನಂತು ್ಖಠ ನುಸ್ರತ್’ ಚಿತ್ರದಲ್ಲಿ ನಾಯಕ-ನಾಯಕಿ ಇಬ್ಬರೂ ವಕೀಲರು. ಇತ್ತೀಚೆಗಷ್ಟೇ ಸೆಟ್ಟೇರಿರುವ ಈ ಚಿತ್ರದಲ್ಲಿ ವಿನಯ್ ‘ಅನಂತು’ ಪಾತ್ರದಲ್ಲಿ ಕಾಣಿಸಲಿದ್ದು, ‘ನುಸ್ರತ್’ ಅಂದರೆ ನಾಯಕಿಯ ಪಾತ್ರಕ್ಕೆ ಯಾರು ಎಂಬುದು ಬಹಿರಂಗವಾಗಿರಲಿಲ್ಲ. ಆದರೆ ಲಭ್ಯ ಮಾಹಿತಿ ಪ್ರಕಾರ, ನುಸ್ರತ್ ಪಾತ್ರಕ್ಕೆ ಲತಾ ಆಯ್ಕೆ ಆಗಿದ್ದಾರೆ ಎನ್ನಲಾಗುತ್ತಿದೆ. ವಿನಯ್ಗೆ ಇದು ಕನ್ನಡದಲ್ಲಿ ಮೂರನೇ ಹಾಗೂ ಮಹತ್ವಾಕಾಂಕ್ಷಿ ಚಿತ್ರ. ಇದು ನಾಯಕ ವರ್ಸಸ್ ನಾಯಕಿ ಎಂಬಂತಿರುವ ಕಥೆಯಾದ್ದರಿಂದ ನಾಯಕಿ ಆಯ್ಕೆಗೆ ಹೆಚ್ಚಿನ ಪ್ರಾಮುಖ್ಯತೆ ನೀಡಲಾಗುತ್ತಿದೆಯಂತೆ. ಅದೇ ನಿಟ್ಟಿನಲ್ಲಿ ಚಿತ್ರತಂಡ ರ್ಚಚಿಸಿದ್ದು ಲತಾ ಹೆಗಡೆ ಅವರನ್ನು ನಾಯಕಿ ಆಗಿಸಲು ಚಿಂತನೆ ನಡೆಸಿದೆಯಂತೆ. ಮಹೇಶ್​ಬಾಬು ನಿರ್ದೇಶನದ ‘ಅತಿರಥ’ ಚಿತ್ರಕ್ಕೆ ನಾಯಕಿಯಾಗುವ ಮೂಲಕ ಸ್ಯಾಂಡಲ್​ವುಡ್​ಗೆ ಪ್ರವೇಶಿಸಿರುವ ಲತಾ, ಈಗಾಗಲೇ ತಮಿಳು ಹಾಗೂ ತೆಲುಗು ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ. ಎಲ್ಲವೂ ಅಂದುಕೊಂಡಂತೆಯೇ ಆದಲ್ಲಿ ಲತಾಗೆ ಇದು ಕನ್ನಡದ ಎರಡನೇ ಚಿತ್ರವಾಗಲಿದೆ. ಮೂಲತಃ ಶಿರಸಿಯವರಾದ ಲತಾ, ಓದಿದ್ದು ಬೆಳೆದಿದ್ದೆಲ್ಲ ನ್ಯೂಜಿಲೆಂಡ್​ನ ಆಕ್ಲೆಂಡ್​ನಲ್ಲಿ. ಎಂಬಿಎ ಪದವೀಧರೆಯಾಗಿರುವ ಇವರು ರೂಪದರ್ಶಿಯೂ ಆಗಿದ್ದಾರೆ. ಅಂದಹಾಗೆ, ಈ ಬಗ್ಗೆ ಅಧಿಕೃತ ಮಾಹಿತಿ ನೀಡದ ಚಿತ್ರತಂಡ ನಾಯಕಿ ಯಾರು ಎಂಬ ಗುಟ್ಟನ್ನು ಇನ್ನೂ ಬಿಟ್ಟು ಕೊಡುತ್ತಿಲ್ಲ.

 

Leave a Reply

Your email address will not be published. Required fields are marked *

Back To Top