Sunday, 19th August 2018  

Vijayavani

ರಣಚಂಡಿ ಮಳೆಗೆ ಕುಸಿಯುತ್ತಿದೆ ಕೊಡಗು - ಮತ್ತೆ ಜೋರಾಯ್ತು ಮಳೆ ಅಬ್ಬರ - ಮುಕ್ಕೋಡ್ಲು ಗ್ರಾಮದಲ್ಲಿ 80 ಜನರ ರಕ್ಷಣೆ        ಕ್ಷಣ ಕ್ಷಣಕ್ಕೂ ಆತಂಕ, ಬಿರುಕು ಬಿಟ್ಟ ಧರೆ - ಪ್ರವಾಹದಲ್ಲಿ ಕೊಚ್ಚಿ ಹೋಗ್ತಿದೆ ಬೆಟ್ಟ,ಗುಡ್ಡ - ಕಣ್ಮುಂದೆಯೇ ನೆಲಸಮ ವಾಗ್ತಿದೆ ಬದುಕು        ಕೊಡಗಲ್ಲಿ ಇಂದು ಸಿಎಂ ಎಚ್​ಡಿಕೆ ಪ್ರವಾಸ - ಸಂತ್ರಸ್ಥರ ನೋವು ಆಲಿಸಲಿರುವ ಬಿಎಸ್​ವೈ - ನಿರಾಶ್ರಿತರಿಗೆ ನೆರವು ಅಂದ್ರು ರೇವಣ್ಣ        ಸಂತ್ರಸ್ಥರಿಗೆ ಸ್ಯಾಂಡಲ್​ವುಡ್​​​​​​​​​ ನೆರವಿನ ಹಸ್ತ - ಅಗತ್ಯವಸ್ತುಗಳ ಪೂರೈಸಿದ ಸ್ಟಾರ್ಸ್​​​​​​​​​​​ - ಕೈಲಾದ ಸಹಾಯ ಮಾಡ್ತಿದ್ದಾರೆ ಕರುನಾಡ ಜನರು        ಕೇರಳದಲ್ಲಿ ಕಡಿಮೆಯಾಗ್ತಿಲ್ಲ ನೆರೆ ಅಬ್ಬರ - ಸಾವಿನ ಸಂಖ್ಯೆ 357ಕ್ಕೇ ಏರಿಕೆ - ದೇವರನಾಡಿಗೆ ಹರಿದು ಬರ್ತಿದೆ ನೆರವಿನ ಮಹಾಪೂರ        ಭಾರತ - ಇಂಗ್ಲೆಂಡ್​ ನಡುವಿನ 3ನೇ ಟೆಸ್ಟ್​​​​ ಪಂದ್ಯ - ಬೃಹತ್ ಮೊತ್ತದತ್ತ ಟೀಂ ಇಂಡಿಯಾ - ಶತಕದ ಗಡಿಯಲ್ಲಿ ಎಡವಿದ ಕೊಹ್ಲಿ       
Breaking News

ವಿದರ್ಭಕ್ಕೆ ಅಭಿಮನ್ಯು ಮಿಥುನ್ ಕಡಿವಾಣ

Monday, 18.12.2017, 3:03 AM       No Comments

ಕೋಲ್ಕತ: ವೇಗಿ ಅಭಿಮನ್ಯು ಮಿಥುನ್ (45ಕ್ಕೆ 5) ಕಬಳಿಸಿದ ಹಾಲಿ ಋತುವಿನ 3ನೇ 5 ವಿಕೆಟ್ ಗೊಂಚಲಿನ ನೆರವಿನಿಂದ ಕರ್ನಾಟಕ ತಂಡ 84ನೇ ಆವೃತ್ತಿಯ ರಣಜಿ ಟ್ರೋ? ಸೆಮಿಫೈನಲ್ ಪಂದ್ಯದಲ್ಲಿ ವಿದರ್ಭ ತಂಡಕ್ಕೆ ಕಡಿವಾಣ ಹಾಕಿದೆ. ಆದರೆ ಪ್ರತಿಯಾಗಿ 8 ಬಾರಿಯ ಚಾಂಪಿಯನ್ ಕರ್ನಾಟಕ ತಂಡ ಕೂಡ ಆರಂಭಿಕ ಆಘಾತ ಎದುರಿಸಿದೆ. ಇದರಿಂದ ಮೊದಲ ಇನಿಂಗ್ಸ್ ಮುನ್ನಡೆಯ ಅದೃಷ್ಟ ಯಾರಿಗೆ ಒಲಿಯಲಿದೆ ಎಂಬುದು ಕುತೂಹಲಕಾರಿಯಾಗಿದೆ.

ಈಡನ್ ಗಾರ್ಡನ್ಸ್ ಕ್ರೀಡಾಂಗಣದಲ್ಲಿ ಭಾನುವಾರ ಆರಂಭಗೊಂಡ ಪಂದ್ಯದ ಮೊದಲ ದಿನವೇ ಒಟ್ಟಾರೆ 13 ವಿಕೆಟ್ ಉರುಳಿತು. ಟಾಸ್ ಗೆದ್ದು ಬ್ಯಾಟಿಂಗ್​ಗೆ ಇಳಿದ ವಿದರ್ಭ ಚಹಾ ವಿರಾಮದ ವೇಳೆಗೆ 61.4 ಓವರ್​ಗಳಲ್ಲಿ 185 ರನ್​ಗೆ ಸರ್ವಪತನ ಕಂಡಿತು. ನಂತರ ಮೊದಲ ಇನಿಂಗ್ಸ್ ಆರಂಭಿಸಿದ ಕರ್ನಾಟಕ 14 ಓವರ್​ಗಳಲ್ಲೇ 36 ರನ್​ಗೆ 3 ವಿಕೆಟ್ ಕಳೆದುಕೊಂಡಿದೆ. ರಾಜ್ಯ ತಂಡ ಇನ್ನೂ 149 ರನ್ ಹಿನ್ನಡೆಯಲ್ಲಿದ್ದು, ಉಪನಾಯಕ ಕರುಣ್ ನಾಯರ್ (6) ಮತ್ತು ಸಿಎಂ ಗೌತಮ್ (9) 2ನೇ ದಿನಕ್ಕೆ ಬ್ಯಾಟಿಂಗ್ ಕಾಯ್ದುಕೊಂಡಿದ್ದಾರೆ. ಸಂಜೆ 12 ಎಸೆತಗಳ ಅಂತರದಲ್ಲಿ 3 ವಿಕೆಟ್ ಕಳೆದುಕೊಂಡು ಕರ್ನಾಟಕ ತಂಡ ತತ್ತರಿಸಿತು. ಸಮರ್ಥ್ (6) ಮತ್ತು ನಿಶ್ಚಲ್ ಡಿ. (0) ಸತತ 2 ಓವರ್​ಗಳಲ್ಲಿ ಗುರ್ಬಾನಿಗೆ ವಿಕೆಟ್ ಒಪ್ಪಿಸಿದರು. ಇದರ ನಡುವೆ, ಪ್ರಚಂಡ ಫಾಮರ್್​ನಲ್ಲಿರುವ ಬ್ಯಾಟ್ಸ್ ಮನ್ ಮಯಾಂಕ್ ಅಗರ್ವಾಲ್, ಭಾರತ ಟೆಸ್ಟ್ ತಂಡದ ವೇಗಿ ಉಮೇಶ್ ಯಾದವ್ ಎಸೆತದಲ್ಲಿ ಔಟಾದರು. -ಏಜೆನ್ಸೀಸ್

ಮಿಥುನ್ ಸ್ಪೀಡ್​ಬ್ರೇಕ್

ವಿದರ್ಭ ತಂಡಕ್ಕೆ ರಾಜ್ಯದ ವೇಗದ ಬೌಲರ್ ಪಡೆಯೇ ಮಾರಕವಾಗಿ ಪರಿಣಮಿಸಿತು. ಮಿಥುನ್​ಗೆ ನಾಯಕ ವಿನಯ್ಕುಮಾರ್ (36ಕ್ಕೆ 2) ಉತ್ತಮ ಸಾಥ್ ನೀಡಿದರು. ಆರಂಭಿಕರಾದ ಫೈಜ್ ಫಜಲ್ (12), ರಾಮಸ್ವಾಮಿ (22) ಬೇಗನೆ ಔಟಾದರೂ ವಿದರ್ಭ ತಂಡ ಭೋಜನ ವಿರಾಮದ ವೇಳೆಗೆ 2 ವಿಕೆಟ್​ಗೆ 94 ರನ್ ಗಳಿಸಿ ಚೇತರಿಕೆಯ ನಿರೀಕ್ಷೆಯಲ್ಲಿತ್ತು. ಆದರೆ ಭೋಜನ ವಿರಾಮದ ಬಳಿಕ 3ನೇ ಓವರ್​ನಲ್ಲೇ ಮಿಥುನ್ ವಿದರ್ಭ ದಿಕ್ಕುತಪ್ಪಿಸಿದರು. ಕರ್ನಾಟಕ ಮೂಲದ ಗಣೇಶ್ ಸತೀಶ್ (31) ಮಿಥುನ್​ಗೆ ಮೊದಲ ಬಲಿಯಾದರು. ಅನುಭವಿ ವಾಸಿಂ ಜಾಫರ್ ಗೆ ಎಸ್. ಅರವಿಂದ್ ಪೆವಿಲಿಯನ್ ಹಾದಿ ತೋರಿದರು. 3ನೇ ಸ್ಪೆಲ್​ನಲ್ಲಿ ವಿದರ್ಭಕ್ಕೆ ಮತ್ತಷ್ಟು ಪೆಟ್ಟು ನೀಡಿದ ಮಿಥುನ್, ವಾಖರೆ (18), ಗುಬಾನಿ (0) ವಿಕೆಟ್​ಗಳನ್ನು ಸತತ ಎಸೆತಗಳಲ್ಲಿ ಕಬಳಿಸಿ ಹ್ಯಾಟ್ರಿಕ್ ಅವಕಾಶವನ್ನೂ ಪಡೆದಿದ್ದರು. ಉಮೇಶ್ ಯಾದವ್ ಹ್ಯಾಟ್ರಿಕ್ ತಪ್ಪಿಸಿದರೂ, ಕೊನೆಗೆ ಮಿಥುನ್​ಗೇ ವಿಕೆಟ್ ಒಪ್ಪಿಸಿದರು. ತಂಡದ ಮೊತ್ತ 200ರ ಗಡಿ ದಾಟಿಸಲು ಪ್ರಯತ್ನಿಸುತ್ತಿದ್ದ ಟಾಪ್ ಸ್ಕೋರರ್ (47) ವಿಕೆಟ್ ಕೊನೆಯಲ್ಲಿ ಸ್ಪಿನ್ನರ್ ಶ್ರೇಯಸ್ ಗೋಪಾಲ್ ಪಾಲಾಯಿತು.

ಅರ್ಧ ಗಂಟೆ ವಿಳಂಬ

ಕೋಲ್ಕತ 25ಕೆ ಓಟದ ಕಾರಣದಿಂದಾಗಿ ಉಂಟಾದ ಟ್ರಾಫಿಕ್​ ಜಾಮ್​ನಲ್ಲಿ ವಿದರ್ಭ ತಂಡ ಸಿಲುಕಿಕೊಂಡಿದ್ದ ಕಾರಣ ಕರ್ನಾಟಕ ವಿರುದ್ಧದ ಸೆಮಿಫೈನಲ್ ಪಂದ್ಯ ಅರ್ಧಗಂಟೆ ತಡವಾಗಿ ಆರಂಭಗೊಂಡಿತು. ಈಡನ್ ಗಾರ್ಡನ್ಸ್ ಸಮೀಪದಲ್ಲೇ ಈ ಕೂಟ ನಡೆಯುತ್ತಿತ್ತು. ಹೀಗಾಗಿ, 4 ಕಿಮೀ. ದೂರದ ತಾಜ್ ಬೆಂಗಾಲ್ ಹೋಟೆಲ್​ನಲ್ಲಿ ಉಳಿದುಕೊಂಡಿದ್ದ ವಿದರ್ಭ ತಂಡದ ಆಟಗಾರರು ಕ್ರೀಡಾಂಗಣಕ್ಕೆ ಆಗಮಿಸುವ ದಾರಿ ಮಧ್ಯೆ ಟ್ರಾಫಿಕ್​ ಜಾಮ್​ನಲ್ಲಿ ಸಿಲುಕಿಕೊಂಡರು. ಅವರು ಕ್ರೀಡಾಂಗಣಕ್ಕೆ ಆಗಮಿಸುವಾಗಲೇ 8.45 ಆಗಿತ್ತು. ಇದರಿಂದಾಗಿ ಬೆಳಗ್ಗೆ 9 ಗಂಟೆಗೆ ಆರಂಭಗೊಳ್ಳಬೇಕಿದ್ದ ಪಂದ್ಯ ಕೊನೆಗೆ 9.30ಕ್ಕೆ ಆರಂಭಗೊಂಡಿತ್ತು. ಸಮೀಪದ ಹೋಟೆಲ್​ನಲ್ಲೇ ಉಳಿದುಕೊಂಡಿದ್ದ ಕರ್ನಾಟಕ ತಂಡದ ಆಟಗಾರರಿಗೆ ಯಾವುದೇ ಟ್ರಾಫಿಕ್​ ಅಡೆತಡೆ ಉಂಟಾಗಿರಲಿಲ್ಲ.

ಉತ್ತಮ ಮೊತ್ತದತ್ತ ಬಂಗಾಳ ತಂಡ

ಪುಣೆಯಲ್ಲಿ ನಡೆಯುತ್ತಿರುವ ಇನ್ನೊಂದು ಸೆಮಿಫೈನಲ್ ಪಂದ್ಯದಲ್ಲಿ ದೆಹಲಿ ವಿರುದ್ಧ ಬಂಗಾಳ ಉತ್ತಮ ಮೊತ್ತದತ್ತ ಮುನ್ನಡೆದಿದೆ. ಟಾಸ್ ಗೆದ್ದು ಬ್ಯಾಟಿಂಗ್​ಗೆ ಇಳಿದ ಬಂಗಾಳ, ಸುದೀಪ್ ಚಟರ್ಜಿ (83) ಆಸರೆಯಲ್ಲಿ ದಿನದಂತ್ಯಕ್ಕೆ 7 ವಿಕೆಟ್​ಗೆ 269 ರನ್ ಗಳಿಸಿದೆ.

Leave a Reply

Your email address will not be published. Required fields are marked *

Back To Top