Thursday, 24th August 2017  

Vijayavani

1. ಹಾವೇರಿಯಲ್ಲಿ ಇಂಜೆಕ್ಷನ್‌ ಬಳಿಕ ರೋಗಿ ಸಾವು- ಆಸ್ಪತ್ರೆ ಮುಂದೆ ಪೋಷಕರ ಪ್ರತಿಭಟನೆ- ಸಾವಿನ ಇಂಜೆಕ್ಷನ್‌ ಅಂತಾ ಆರೋಪ 2. ಡಿವೈಎಸ್‌ಪಿ ಗಣಪತಿ ಸಾವು ಪ್ರಕರಣ- ಗಣಪತಿ ಆತ್ಮಹತ್ಯೆ ವೇಳೆ ನನಗೆ ಯಾವುದೇ ಕರೆ ಬಂದಿಲ್ಲ- ಕಾಲ್‌ಡಿಟೆಲ್ಸ್‌ ಡಿಲೀಟ್‌ ಬಗ್ಗೆ ಶಾಸಕ ವಿನಯ್ ಕುಮಾರ್ ಸೊರಕೆ ಪ್ರತಿಕ್ರಿಯೆ 3. ಕೋಲಾರದಲ್ಲಿ ಮಕ್ಕಳ ಸಾವು ಪ್ರಕರಣ- ಆಸ್ಪತ್ರೆಗೆ ಬಿಜೆಪಿ ಸತ್ಯ ಶೋಧನ ಸಮಿತಿ ಭೇಟಿ- ಜಿಲ್ಲೆಗೆ ಇದು ಶೋಭೆಯಲ್ಲ ಎಂದ ಮಾಜಿ ಸಚಿವ ಸುರೇಶ್​ ಕುಮಾರ್​​​ 4. ಮತ್ತೆ ಒಂದಾದ ಸುದೀಪ್​​​​ ದಂಪತಿ- ಪ್ರಿಯಾ-ಸುದೀಪ್​​​​​​​​​​​​​​​​​​​​​ಗೆ ಕಲಾವಿದರ ಶುಭಾಶಯ- ನೂರ್ಕಾಲ ಬಾಳಲಿ ಎಂದ ಜಗ್ಗೇಶ್​​​​​​​ 5. ಬಿಡುಗಡೆಯಾಯ್ತು 200ರ ಹೊಸ ನೋಟು- ನಾಳೆಯಿಂದಲೇ ಬ್ಯಾಂಕ್​​​​​​​​​​​​​​​​​​​​​​​​​​​​​​​​​​ಗಳಿಗೆ ಪೂರೈಕೆ- ಆರ್​​​​​​​ಬಿಐನಿಂದ ಪ್ರಕಟಣೆ
Breaking News :

ವಿಜಯ್ ಜತೆ ಸಮಂತಾ ರೊಮ್ಯಾನ್ಸ್

Monday, 15.05.2017, 3:00 AM       No Comments

ಟಾಲಿವುಡ್​ನ ಯುವ ಜೋಡಿಗಳಾದ ನಾಗಚೈತನ್ಯ ಮತ್ತು ಸಮಂತಾ ರುತ್ ಪ್ರಭು ನಿಶ್ಚಿತಾರ್ಥ ಕಳೆದ ಜ. 29ರಂದು ನಡೆದಿದ್ದು, ಮುಂಬರುವ ಅಕ್ಟೋಬರ್​ನಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಡಲಿದ್ದಾರೆ ಎನ್ನುವುದು ಜಗಜ್ಜಾಹೀರಾಗಿದೆ. ಈ ಜೋಡಿ ಕಳೆದ 8 ವರ್ಷಗಳಿಂದ ಪರಸ್ಪರ ಪ್ರೀತಿಸುತ್ತಿದ್ದು, ಇದೀಗ ಹಿರಿಯರ ಆಶಿವಾದ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಮದುವೆಗೆ ಕೆಲವೇ ತಿಂಗಳು ಬಾಕಿಯಿರುವುದರಿಂದ ಉಭಯ ಕುಟುಂಬದಲ್ಲಿಯೂ ಮದುವೆಗೆ ಭರದ ತಯಾರಿ ನಡೆಯುತ್ತಿದೆ. ಆದರೆ, ಈ ಗ್ಯಾಪ್​ನಲ್ಲಿ ಸಮಂತಾ ನಟ ವಿಜಯ್ ದೇವರಕೊಂಡ ಜತೆಗೆ ರೋಮ್ಯಾನ್ಸ್ ಮಾಡಲು ನಿರ್ಧರಿಸಿದ್ದಾರೆ!

30ರ ಹರೆಯದ ನಟಿ ತೆಲುಗು, ತಮಿಳು ಭಾಷೆಗಳಲ್ಲಿ ಸದ್ಯ 6 ಚಿತ್ರದಲ್ಲಿ ಅಭಿನಯಿಸುವ ಮೂಲಕ ‘ಸಿಕ್ಸರ್’ ಬಾರಿಸುತ್ತಿದ್ದಾರೆ. ಈ ಮೂಲಕ ‘ವೈಯಕ್ತಿಕ ಜೀವನದಷ್ಟೇ ಸಿನಿಮಾ ಕರಿಯರ್ ಸಹ ಮುಖ್ಯ’ ಎನ್ನುವುದನ್ನು ಸಮಂತಾ ಪರೋಕ್ಷವಾಗಿ ಸಾಬೀತು ಮಾಡಿದ್ದಾರೆ. ‘ಇರುಂಬು ತಿರೈ’, ‘ಅನಿಥಿ ಕಥೈಗಲ್’, ‘ವಿಜಯ್ 61’, ‘ರಾಜು ಗರಿ ಗಢಿ 2’, ‘ಆರ್​ಸಿ 11’ ಹಾಗೂ ‘ಮಹಂತಿ’ ಚಿತ್ರಗಳಲ್ಲಿ ಸಮಂತಾ ಬಿಜಿಯಾಗಿದ್ದಾರೆ.

ಬಹುಭಾಷಾ ನಟಿ, ನೃತ್ಯಗಾರ್ತಿ ಸಾವಿತ್ರಿಯ ಜೀವನಾಧಾರಿತ ‘ಮಹಂತಿ’ಚಿತ್ರದಲ್ಲಿ ಸಾವಿತ್ರಿ ಪಾತ್ರವನ್ನು ಕೀರ್ತಿ ಸುರೇಶ್ ನಿರ್ವಹಿಸುತ್ತಿದ್ದು, ಪತಿಯ ಪಾತ್ರದಲ್ಲಿ ದುಲ್ಕರ್ ಸಲ್ಮಾನ್ ಕಾಣಿಸಿಕೊಳ್ಳಲಿದ್ದಾರೆ. ನಾಗ್ ಅಶ್ವಿನ್ ನಿರ್ದೇಶನದ ಈ ಚಿತ್ರದಲ್ಲಿ ಸಮಂತಾ ಸಹ ಬಣ್ಣಹಚ್ಚಿದ್ದು, ನಟ ವಿಜಯ್ ದೇವರಕೊಂಡ ಜತೆಗೆ ರೊಮ್ಯಾನ್ಸ್ ಮಾಡಲಿದ್ದಾರೆ ಎಂದು ಚಿತ್ರತಂಡ ಹೇಳಿಕೊಂಡಿದೆ. ತಮಿಳು, ತೆಲುಗು ಎರಡು ಭಾಷೆಗೂ ಡಬ್ ಆಗಲಿರುವ ಈ ಚಿತ್ರದಲ್ಲಿ ಸಮಂತಾ ಪಾತ್ರ ಯಾವುದೆನ್ನುವುದು ಸದ್ಯದ ಕುತೂಹಲ. ಮೂಲಗಳ ಪ್ರಕಾರ, ಸಮಂತಾ ಪತ್ರಕರ್ತೆಯಾಗಿ ಕಾಣಿಸಿಕೊಳ್ಳಲಿದ್ದಾರಂತೆ! – ಏಜೆನ್ಸೀಸ್

 

 

Leave a Reply

Your email address will not be published. Required fields are marked *

Back To Top