Sunday, 24th June 2018  

Vijayavani

ಆಪ್ತರ ಜತೆ ಮಾಜಿ ಸಿಎಂ ಸಭೆ ಹಿನ್ನೆಲೆ - ಸಿದ್ದರಾಮಯ್ಯ ಭೇಟಿಗೆ ತೆರಳಿದ ಪರಂ - ರಾಜಕೀಯ ವಿಚಾರಗಳ ಬಗ್ಗೆ ನಾಯಕರ ಚರ್ಚೆ ಸಾಧ್ಯತೆ        ಪ್ರಕೃತಿ ಚಿಕಿತ್ಸಾಲಯದಿಂದ ಹೊರ ಬಂದ ಸಿದ್ದು - ಅಭಿಮಾನಿಗಳ ಜತೆ ಮಾಜಿ ಸಿಎಂ ಚರ್ಚೆ - ಕೈ ಕಾರ್ಯಕರ್ತರ ಜತೆ ಸೆಲ್ಫಿಗೆ ಫೋಸ್​​        ಶಿವಮೊಗ್ಗದಲ್ಲಿ ಮತ್ತೆ ಝಳಪಿಸಿದ ಮಾರಕಾಸ್ತ್ರ - ರೌಡಿ ಶೀಟರ್​​​ ಹಬೀಬ್​ ಬರ್ಬರ ಹತ್ಯೆ - ತುಂಗಾನಗರ ಠಾಣೆಯಲ್ಲಿ ಪ್ರಕರಣ        ಖಾತೆ ಹಂಚಿಕೆಯಾಯ್ತು, ಈಗ ಬಂಗಲೆ ಸರದಿ - ಒಂದೊಂದು ಬಂಗಲೆಗೆ ಮೂವರ ಪೈಪೋಟಿ - ಸಿಎಂ ಕುಮಾರಸ್ವಾಮಿಗೆ ಬಂಗಲೆ ಕೊಡೋದೇ ಚಿಂತೆ        ಹಿಟ್​​ಲಿಸ್ಟ್​​ನಲ್ಲಿದ್ದ 20 ಉಗ್ರರ ಪೈಕಿ ಇಬ್ಬರು ಫಿನಿಶ್ - ಕುಲ್ಗಾಮದಲ್ಲಿ ಇಬ್ಬರು ಎಲ್​​ಇಟಿ ಉಗ್ರರು ಉಡೀಸ್​ - ಶಸ್ತ್ರ ಸಹಿತ ಒಬ್ಬ ಟೆರರ್​ ಸರೆಂಡರ್        ಮನೆಗಾಗಿ ಕಣ್ಣೀರಿಟ್ಟ ವೃದ್ಧೆಗೆ ಶಾಸಕರ ಸಹಾಯ - 20 ಸಾವಿರ ಹಣ ನೀಡಿದ ಡಾ.ರಂಗನಾಥ - ದಿಗ್ವಿಜಯ ನ್ಯೂಸ್​ ವರದಿಗೆ ಸ್ಪಂದಿಸಿದ ಕುಣಿಗಲ್​ ಶಾಸಕ       
Breaking News

ವಂದಿಸುವೆ ಗುರುವ ಶ್ರೀ ಸತ್ಯಸಂಧ ಮುನಿಯ

Thursday, 14.06.2018, 3:03 AM       No Comments

ಶ್ರೀಮನ್ಮದ್ವಾಚಾರ್ಯರ ಪರಂಪರೆಯಲ್ಲಿ ಬಂದ ಯತಿಶಿರೋಮಣಿಗಳಲ್ಲಿ ಮಹಾಮಹಿಮರಾದ ಶ್ರೀ ಸತ್ಯಸಂಧತೀರ್ಥರು ಪ್ರಮುಖರು. ಉತ್ತರಾದಿಮಠದ ಗುರುಪರಂಪರೆಯಲ್ಲಿ 25ನೆಯ ಯತಿಶ್ರೇಷ್ಠರಾಗಿ 1784ರಿಂದ 1794ರವರೆಗೆ ಸರ್ವಜ್ಞಪೀಠದಲ್ಲಿ ವಿರಾಜಮಾನರಾಗಿದ್ದರು.

ಪೂರ್ವಾಶ್ರಮ

ಶ್ರೀ ಸತ್ಯಸಂಧತೀರ್ಥರ ಪೂರ್ವಾಶ್ರಮದ ನಾಮ ಹಾವೇರಿ ರಾಮಾಚಾರ್ಯ. ಬಿದರಹಳ್ಳಿಯ ಅಶ್ವತ್ಥನಾರಾಯಣದೇವರ ಅನುಗ್ರಹದಿಂದ ಜನಿಸಿದ ರಾಮಾಚಾರ್ಯರು ಸವಣೂರಿನ ಶ್ರೀ ಸತ್ಯಬೋಧತೀರ್ಥರ ಪ್ರೀತಿಯ ಶಿಷ್ಯರು. ಇವರ ಹೆಚ್ಚಿನ ವಿದ್ಯಾಭ್ಯಾಸವೆಲ್ಲ ಸತ್ಯಬೋಧರಲ್ಲಿಯೇ ನಡೆಯಿತು.

ವೇದಾಂತ ಸಾಮ್ರಾಜ್ಯಕ್ಕೆ ಅಧಿಪತಿ

ಪ್ರಚಂಡ ವಾಗ್ಮಿಗಳೂ ಮತ್ತು ಸಹನಶೀಲರೂ ಆಗಿದ್ದು ಸಮಾಜಕ್ಕೆ ಸ್ಪಂದಿಸುವ ಕೌಶಲವುಳ್ಳ ರಾಮಾಚಾರ್ಯರ ಗುರುಭಕ್ತಿ, ಪ್ರತಿಭೆ-ಪಾಂಡಿತ್ಯಗಳನ್ನು ಮನಗಂಡ ಸತ್ಯಬೋಧತೀರ್ಥರು ಶ್ರೀರಾಮದೇವರ ಪ್ರೇರಣೆಯಂತೆ ಚತುರಾಶ್ರಮ ನೀಡಿ, ಶ್ರೀ ಸತ್ಯಸಂಧತೀರ್ಥ ಎಂದು ನಾಮಕರಣ ಮಾಡಿ ಉತ್ತರಾದಿಮಠದ ಸರ್ವಜ್ಞಪೀಠದಲ್ಲಿ ಪಟ್ಟಾಭಿಷೇಕಿಸಿದರು.

ಗಯಾಕ್ಷೇತ್ರ ಸಂದರ್ಶನ

ಆಶ್ರಮದ ನಂತರ ಧರ್ಮಪ್ರಚಾರ ಮತ್ತು ಶಿಷ್ಯಕೋಟಿಯನ್ನು ಅನುಗ್ರಹಿಸಲು ಅನೇಕ ತೀರ್ಥಕ್ಷೇತ್ರಗಳನ್ನು ಸಂಚರಿಸುತ್ತ ಗಯಾಕ್ಷೇತ್ರಕ್ಕೆ ಭೇಟಿಯಿತ್ತರು. ಅಲ್ಲಿನ ಗಯಾವಾಡರು ಧನಕನಕಗಳ ಆಶೆಗಾಗಿ ವಿಷ್ಣುಮಂದಿರ ಪ್ರವೇಶಿಸದಂತೆ ತಡೆದು ಬಾಗಿಲು ಮುಚ್ಚಿದಾಗ ಸಾಕ್ಷಾತ್ ನಾರಾಯಣನೇ ಪ್ರಸನ್ನನಾಗಿ ಬಾಗಿಲು ತೆರೆದು ಇವರಿಗೆ ದರ್ಶನ ನೀಡಿದ್ದು ಅಪೂರ್ವ ಘಟನೆ. ಇಂದಿಗೂ ಗಯಾದ ವಿಷ್ಣಪಾದ ದೇವಸ್ಥಾನದಲ್ಲಿ ಉತ್ತರಾದಿಮಠದ ಸ್ವಾಮಿಗಳಿಗೆ ದೇವಸ್ಥಾನದ ಗೌರವ-ಮರ್ಯಾದೆಗಳನ್ನು ನೀಡಿ ಬರಮಾಡಿಕೊಳ್ಳಲಾಗುತ್ತದೆ.

ಮಹಿಷಿಯ ಮಹಾಮಹಿಮ

ಉಡುಪಿಯಿಂದ ಹಿಂದಿರುಗಿ ಬರುವಾಗ ನಂದನ ಸಂವತ್ಸರದ ಜ್ಯೇಷ್ಠ ಶುದ್ಧ ದ್ವಿತೀಯದಂದು ಶಿವಮೊಗ್ಗ ಬಳಿಯ ಮಹಿಷಿಕ್ಷೇತ್ರದ ಅಶ್ವತ್ಥನಾರಾಯಣನ ಸನ್ನಿಧಿಯಲ್ಲಿ ವೃಂದಾವನಸ್ಥರಾದರು. ಉತ್ತರಾದಿಮಠದ ಪೀಠಾಧಿಪತಿಗಳಾದ ಶ್ರೀ ಸತ್ಯಾತ್ಮತೀರ್ಥ ಶ್ರೀಪಾದರ ನೇತೃತ್ವದಲ್ಲಿ ಇದೇ ಜೂನ್ 15ರಂದು ಶ್ರೀ ಸತ್ಯಸಂಧತೀರ್ಥರ ಆರಾಧನೆ ಜರುಗಲಿದೆ.

ಶ್ರೀಗಳ ಪವಾಡಗಳು

ಕಾಶಿಯಲ್ಲಿ ಗಂಗಾಪೂಜೆಯ ದಿನದಂದು ಮೊರದ ಬಾಗಿನ ಸಮರ್ಪಿಸುತ್ತಿದ್ದಾಗ ಸಾಕ್ಷಾತ್ ಭಾಗೀರಥಿದೇವಿಯೇ ಇವರ ಕೈಗಳಿಂದ ಬಾಗಿನ ಸ್ವೀಕರಿಸಿದ್ದು, ಪಂಢರಪುರದ ಪಾಂಡುರಂಗನೇ ಮಾನವರೂಪದಿಂದ ಬಂದು ತಪ್ತಮುದ್ರಾಧಾರಣೆ ಪಡೆದಿದ್ದು ಇವರ ಜ್ಞಾನ, ಭಕ್ತಿ, ವೈರಾಗ್ಯಗಳಿಗೆ ಜಲ್ವಂತ ನಿದರ್ಶನ. ವ್ಯಾಖ್ಯಾನಚತುರರೂ, ಮಹಾ ಮೇಧಾವಿಗಳೂ ಆಗಿದ್ದ ಶ್ರೀ ಸತ್ಯಸಂಧತೀರ್ಥರು ಪುರುಷಸೂಕ್ತ ಹಾಗೂ ವಿಷ್ಣುಸಹಸ್ರನಾಮಕ್ಕೆ ರಚಿಸಿದ ವ್ಯಾಖ್ಯಾನಗಳು ಸಾರಸ್ವತಲೋಕಕ್ಕೆ ನೀಡಿದ ಅಪೂರ್ವ ಕೊಡುಗೆಗಳು.

|ಮನೋಹರ ಜೋಶಿ

Leave a Reply

Your email address will not be published. Required fields are marked *

Back To Top