Saturday, 16th December 2017  

Vijayavani

1. ಭಯೋತ್ಪಾದನೆಗೆ ಒತ್ತಡ ಆರೋಪ ವಿಚಾರ- ಆತ್ಮಹತ್ಯೆಗೆ ಯತ್ನಿಸಿದ ಯುವಕನ ಸ್ಥಿತಿ ಗಂಭೀರ- ಬಾಗಲಕೋಟೆ ಆಸ್ಪತ್ರೆಯಲ್ಲಿ ಮುಂದುವರಿದ ಚಿಕಿತ್ಸೆ 2. ಎಐಸಿಸಿ ಅಧ್ಯಕ್ಷರಾಗಿ ಇಂದು ರಾಹುಲ್​​​ ಅಧಿಕಾರ- ದೆಹಲಿ ಕಚೇರಿಯಲ್ಲಿ ಪದಗ್ರಹಣ ಕಾರ್ಯಕ್ರಮ- ರಾಹುಲ್​​​​ ಮುಂದಿದೆ ನೂರಾರು ಸವಾಲು 3. ಸುನಿಲ್​​ ಹೆಗ್ಗರವಳ್ಳಿ ಕೊಲೆಗೆ ಸುಪಾರಿ ಪ್ರಕರಣ- ಇಂದು ಬೆಳಗೆರೆ ಜಾಮೀನು ಅರ್ಜಿ ವಿಚಾರಣೆ- ಇತ್ತ ಜಯದೇವದಲ್ಲಿ ಮುಂದುವರಿದ ಚಿಕಿತ್ಸೆ 4. ಕಲಬುರಗಿಯತ್ತ ಸಾಗಿದ ಸಿಎಂ ಸಾಧನ ಸಂಭ್ರಮ- ಜೇವರ್ಗಿಯಲ್ಲಿ ಹಲವು ಕಾಮಗಾರಿಗೆ ಚಾಲನೆ- ಸಿಎಂಗೆ ಹಲವು ಸಚಿವರಿಂದ ಸಾಥ್​​​ 5. ಸನ್ನಿ ನೈಟ್​​ಗೆ ಸರ್ಕಾರದ ಬ್ರೇಕ್​- ನಿರ್ಧಾರದ ವಿರುದ್ಧ ಪರ-ವಿರುದ್ಧ ಚರ್ಚೆ- ಸಚಿವರ ಕ್ರಮಕ್ಕೆ ಕೆಂಡಕಾರಿದ ಅಭಿಮಾನಿಗಳು
Breaking News :

ಲೇಡೀಸ್ ಟಾಯ್ಲೆಟ್​ಗೆ ನುಗ್ಗಿ ಮುಜುಗರಕ್ಕೀಡಾದ ರಾಹುಲ್

Friday, 13.10.2017, 3:00 AM       No Comments

ಛೋಟಾ ಉದಯಪುರ: ಮುಂಬರುವ ಗುಜರಾತ್ ವಿಧಾನಸಭಾ ಚುನಾವಣೆ ಪ್ರಚಾರಕ್ಕಾಗಿ ಗುಜರಾತ್​ಗೆ ತೆರಳಿದ್ದ ಕಾಂಗ್ರೆಸ್ ಉಪಾಧ್ಯಕ್ಷ ರಾಹುಲ್ ಗಾಂಧಿ, ಆಕಸ್ಮಿಕವಾಗಿ ಮಹಿಳಾ ಶೌಚಗೃಹಕ್ಕೆ ತೆರಳಿ ಮುಜುಗರ ಅನುಭವಿಸಿದ್ದಾರೆ. ಅವರು ಲೇಡಿಸ್ ಟಾಯ್ಲೆಟ್​ನಿಂದ ಹೊರ ಬರುತ್ತಿರುವ ವಿಡಿಯೋ ಮತ್ತು ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ.

ಯುವಕರೊಂದಿಗೆ ಸಂವಾದ ನಡೆಸಲು ರಾಹುಲ್, ಛೋಟಾ ಉದಯಪುರಕ್ಕೆ ಆಗಮಿಸಿದ್ದರು. ಸಭೆ ಮುಗಿಸಿ ಅವರು ಟಾಯ್ಲೆಟ್​ಗೆ ತೆರಳಿದ್ದರು. ಆದರೆ ಗಡಿಬಿಡಿಯಲ್ಲಿ ಅವರು ನುಗ್ಗಿದ್ದು ಮಹಿಳಾ ಟಾಯ್ಲೆಟ್​ಗೆ! ರಕ್ಷಣೆಗಿದ್ದ ಎಸ್​ಪಿಜಿ ಕಮಾಂಡೋಗಳಿಗೆ ಇದು ಗಮನಕ್ಕೆ ಬಂದಿದೆ. ಈ ಬಗ್ಗೆ ತಿಳಿಸಲು ಒಳಗೆ ತೆರಳುತ್ತಿದ್ದಂತೆ, ರಾಹುಲ್ ಗಾಂಧಿ ತಪ್ಪಿನ ಅರಿವಾಗಿ ವಾಪಸಾಗಿದ್ದಾರೆ. ಈ ವೇಳೆ ಸ್ಥಳದಲ್ಲಿ ನೆರೆದಿದ್ದವರು ಗೊಳ್ಳೆಂದು ನಕ್ಕಿದ್ದಾರೆ. ನಂತರ ರಾಹುಲ್ ಸ್ಥಳದಲ್ಲಿ ನಿಲ್ಲದೇ ಹೊರ ನಡೆದಿದ್ದಾರೆ.

ಟಾಯ್ಲೆಟ್ ಹೊರಭಾಗದಲ್ಲಿ ಪುರುಷರ ಶೌಚಗೃಹವೋ ಅಥವಾ ಮಹಿಳೆಯರ ಶೌಚಗೃಹವೋ ಎಂದು ಗುರುತಿಸುವ ಚಿಹ್ನೆ ಇರಲಿಲ್ಲ. ಗುಜರಾತಿ ಭಾಷೆಯಲ್ಲಿ ‘ಮಹಿಳೆಯರ ಶೌಚಗೃಹ’ ಎಂದು ಬರೆದುಕೊಂಡಿತ್ತು. ಈ ವೇಳೆ ಯಾರನ್ನೂ ಪ್ರಶ್ನಿಸದೇ ಒಳಗೆ ನುಗ್ಗಿದ್ದು ಎಡವಟ್ಟಿಗೆ ಕಾರಣ ಎನ್ನಲಾಗಿದೆ. -ಏಜೆನ್ಸೀಸ್

Leave a Reply

Your email address will not be published. Required fields are marked *

Back To Top