Thursday, 19th July 2018  

Vijayavani

ತೆರೆದ ವಾಹನದಲ್ಲಿ ಶೀರೂರು ಶ್ರೀ ಮೆರವಣಿಗೆ - ಉಡುಪಿ ತಲುಪಿದ ಶ್ರೀಗಳ ಪಾರ್ಥಿವ ಶರೀರ - ಭಕ್ತರಲ್ಲಿ ಮಡುಗಟ್ಟಿದ ಶೋಕ        ಶೀರೂರು ಶ್ರೀ ಅಸಹಜ ಸಾವು - ರಥಬೀದಿಯಲ್ಲಿ 45 ನಿಮಿಷ ಸಾರ್ವಜನಿಕ ದರ್ಶನ - ಶೀರೂರಿಗೆ ಡಿಸಿ, ಜಿಪಂ ಸಿಇಓ ಆಗಮನ        ಶೀರೂರು ಶ್ರೀ ಅಹಸಜ ಸಾವು ಹಿನ್ನೆಲೆ - ಶೀರೂರು ಮಠಕ್ಕೆ ಫೋರೆನ್ಸಿಕ್ ತಜ್ಞರ ಭೇಟಿ - ಶ್ರೀಗಳ ಲ್ಯಾಪ್​ಟಾಪ್ ಪರಿಶೀಲನೆ        ರಾಜ್ಯದಲ್ಲಿ ಮಹಾ ಮಳೆಯ ಅಬ್ಬರ - ಮಡಿಕೇರಿಯ ಹಾರಂಗಿ ಜಲಾಶಯ ಭರ್ತಿ - ವಿಶೇಷ ಪೂಜೆ ಸಮರ್ಪಿಸಿದ ಸಿಎಂ        ನಾಳೆ ಕೇಂದ್ರ ಸರ್ಕಾರಕ್ಕೆ ಅವಿಶ್ವಾಸ ಪರೀಕ್ಷೆ - ಮೋದಿ ಸರ್ಕಾರದ ಬೆಂಬಲಕ್ಕೆ ನಿಂತ ಶಿವಸೇನೆ -ನಡೆಯೋದಿಲ್ವಾ ಸೋನಿಯಾ ಆಟ?        ಐನೂರಾಯ್ತು, 2 ಸಾವಿರ ಆಯ್ತು - ಆರ್​ಬಿಐನಿಂದ ಈಗ 100ರ ಹೊಸ ನೋಟು ಬಿಡುಗಡೆ - ನೇರಳೆ ಬಣ್ಣದಲ್ಲಿ ಬರಲಿದೆ ನೂರು ರೂ.       
Breaking News

ರೆಪೋ ದರ ಬದಲಿಲ್ಲ

Thursday, 05.10.2017, 3:02 AM       No Comments

ಮುಂಬೈ: ಭಾರತೀಯ ರಿಸರ್ವ್ ಬ್ಯಾಂಕ್ ಬುಧವಾರ ನಾಲ್ಕನೇ ದ್ವೈಮಾಸಿಕ ವಿತ್ತ ನೀತಿ ಪ್ರಕಟಿಸಿದ್ದು, ರೆಪೋ ದರದಲ್ಲಿ ಯಾವುದೇ ಬದಲಾವಣೆ ಮಾಡಿಲ್ಲ. ಆದರೆ, ದೇಶದ ಬೆಳವಣಿಗೆ ದರದ ನಿರೀಕ್ಷೆಯನ್ನು ಪ್ರಸಕ್ತ ವರ್ಷಕ್ಕೆ ಅನ್ವಯವಾಗುವಂತೆ ಶೇಕಡ 7.3ರಿಂದ ಶೇ. 6.7ಕ್ಕೆ ಇಳಿಸಿದೆ. ಅರ್ಥ ವ್ಯವಸ್ಥೆಯ ಮೇಲಿನ ಒತ್ತಡ ಕಡಿಮೆಮಾಡುವ ನಿಟ್ಟಿನಲ್ಲಿ ಬ್ಯಾಂಕುಗಳಿಗೆ 55,000 ಕೋಟಿ ರೂ. ನೆರವು ನೀಡಲು ಮುಂದಾಗಿದೆ.

ಆರ್​ಬಿಐ ಗವರ್ನರ್ ಉರ್ಜಿತ್ ಪಟೇಲ್ ಅಧ್ಯಕ್ಷತೆಯಲ್ಲಿ ನಡೆದ ಆರು ಸದಸ್ಯರ ಮಾನಿಟರಿ ಪಾಲಿಸಿ ಕಮಿಟಿ(ಎಂಪಿಸಿ)ಯ ಐವರು ಸದಸ್ಯರು ರೆಪೋ ದರ ಹಾಗೇ ಉಳಿಸುವಂತೆ ಮತ ಚಲಾಯಿಸಿದರು. ಪರಿಣಾಮ ರೆಪೋ ದರ ಶೇ.6 ಮತ್ತು ರಿವರ್ಸ್ ರೆಪೋದರ ಶೇ.5.75 ಉಳಿದುಕೊಂಡಿದೆ. ಹಾಗೆಯೇ, ಈ ಹಣಕಾಸು ವರ್ಷಕ್ಕೆ ಸಂಬಂಧಿಸಿ ಹಣದುಬ್ಬರ ಶೇ. 4ರಿಂದ 4.5 ಇರಬಹುದೆಂದು ಅಂದಾಜಿಸಲಾ ಗಿತ್ತಾದರೂ, ಅದೀಗ ಶೇ. 4.2ರಿಂದ 4.6ರ ತನಕ ಆಗಬಹುದೆಂದು ನಿರೀಕ್ಷಿಸಲಾಗಿದೆ. ಆರ್​ಬಿಐ ಘೋಷಿಸಿದ ಈ ನೀತಿ ಅಕ್ಟೋಬರ್ 14ರಿಂದ ಜಾರಿಗೆ ಬರಲಿದೆ. ಮುಂದಿನ ಎಂಪಿಸಿ ಸಭೆ ಡಿಸೆಂಬರ್ 5-6ರಂದು ನಡೆಯಲಿದೆ.

ಷೇರುಪೇಟೆ ಸಂಭ್ರಮ

ರೆಪೋದರ ಬದಲಾಯಿಸದ ಆರ್​ಬಿಐ ನೀತಿಯನ್ನು ಷೇರುಪೇಟೆ ಸ್ವಾಗತಿಸಿದೆ. ಬಿಎಸ್​ಇ ಸೆನ್ಸೆಕ್ಸ್ ದಿನದ ವಹಿವಾಟಿನಲ್ಲಿ ಗರಿಷ್ಠ 31752.16 ಅಂಶಕ್ಕೇರಿದ್ದಲ್ಲದೆ, 230 ಅಂಶಗಳ ಏರಿಕೆ ದಾಖಲಿಸಿತು. ಹಾಗೆಯೇ ಎನ್​ಎಸ್​ಇ ನಿಫ್ಟಿ 79 ಅಂಶ ಏರಿಕೆಯೊಂದಿಗೆ ದಿನದ ಗರಿಷ್ಠ ಮಟ್ಟ 9938.3 ಅಂಶ ದಾಖಲಿಸಿದೆ. ದಿನದ ವಹಿವಾಟು ಮುಕ್ತಾಯವಾದಾಗ ಸೆನ್ಸೆಕ್ಸ್ 174.33 ಅಂಶಗಳ ಏರಿಕೆಯೊಂದಿಗೆ 31671.71 ಅಂಶ ತಲುಪಿತ್ತು. ನಿಫ್ಟಿ ಸೂಚ್ಯಂಕ 55.40 ಅಂಶದ ಏರಿಕೆಯೊಂದಿಗೆ 9914.90 ಅಂಶದೊಂದಿಗೆ ದಿನದ ವಹಿವಾಟು ಕೊನೆಗೊಳಿಸಿದೆ.

ಚಿನ್ನದ ಬೆಲೆ ಕುಸಿತ

ಜಾಗತಿಕ ವಿದ್ಯಮಾನಗಳ ಕಾರಣದಿಂದಾಗಿ ದೀಪಾವಳಿ ಹಬ್ಬ ಹತ್ತಿರ ಬಂದರೂ ಚಿನ್ನದ ಬೆಲೆ ಇಳಿಮುಖವಾಗಿದೆ. ಮಂಗಳವಾರ ಏಳು ವಾರಗಳ ಕನಿಷ್ಠ ಮಟ್ಟ ತಲುಪಿದ್ದ ಚಿನ್ನದ ಬೆಲೆ ಪ್ರಾದೇಶಿಕ ಮಾರುಕಟ್ಟೆಯಲ್ಲಿ 29,000 ರೂಪಾಯಿ ಆಸುಪಾಸಿಗೆ ತಲುಪಿದೆ. ಡಿಸೆಂಬರ್ ವೇಳೆಗೆ ಅಮೆರಿಕದ ಫೆಡರಲ್ ರಿಸರ್ವ್ ಬಡ್ಡಿದರ ಏರಿಕೆಯ ನಿರೀಕ್ಷೆ ಮತ್ತು ಷೇರುಪೇಟೆ ಚೇತರಿಸಿಕೊಂಡ ಬೆನ್ನಲ್ಲೇ ಚಿನ್ನದ ಬೆಲೆ ಕುಸಿತ ಉಂಟಾಗಿದೆ. ಉತ್ತರ ಕೊರಿಯಾ ಕ್ಷಿಪಣಿ ಪರೀಕ್ಷೆಯಿಂದ ಆಗುತ್ತಿರುವ ಜಾಗತಿಕ ಒತ್ತಡದ ಪರಿಣಾಮ ಹಳದಿ ಲೋಹದ ಬೆಲೆ ಔನ್ಸ್(28.35 ಗ್ರಾಂ)ಗೆ 1274.9 ಡಾಲರ್(82908.40 ರೂಪಾಯಿ)ಗೆ ಸೋಮವಾರ ತಲುಪಿತ್ತು. ಇದು ಇನ್ನಷ್ಟು ಕುಸಿಯುವ ನಿರೀಕ್ಷೆ ಇದೆ.

Leave a Reply

Your email address will not be published. Required fields are marked *

Back To Top