Tuesday, 17th July 2018  

Vijayavani

ಬಜೆಟ್​​ನಲ್ಲಿ ಅನ್ನಭಾಗ್ಯ ಅಕ್ಕಿ ಕಡಿತ ವಿಚಾರ - 5 ಕೆಜಿ ಅಲ್ಲ, ನಾವು 7 ಕೆಜಿ ಕೊಡುತ್ತೇವೆ - ಆಹಾರ ಸಚಿವ ಜಮೀರ್ ಅಹಮ್ಮದ್ ಹೇಳಿಕೆ        ಲೋಕಸಭೆ ಅಧಿವೇಶನ, ಬಿಜೆಪಿ ಸಭೆ ಹಿನ್ನೆಲೆ- ಜುಲೈ 28ರಂದು ರಾಜ್ಯಕ್ಕೆ ಅಮಿತ್ ಷಾ ಬರೋದು ಡೌಟ್- ದಿಲ್ಲಿಯಲ್ಲೇ ಉಳೀತಾರಾ ಬಿಜೆಪಿ ರಾಷ್ಟ್ರಾಧ್ಯಕ್ಷ?        ಸಚಿವ ಡಿಕೆಶಿ ಒಬ್ಬ ಹುಚ್ಚು ದೊರೆ - ಮೊಹಮ್ಮದ್ ಬಿನ್ ತುಘಲಕ್ ರೀತಿ ಆಡ್ತಿದ್ದಾರೆ - ಮಿನಿಸ್ಟರ್ ವಿರುದ್ಧ ಗುಡುಗಿದ ಮಾಜಿ ಸಂಸದ ಬಸವರಾಜು        ಮಡಿಕೇರಿಯಲ್ಲಿ ಮುಂದುವರಿದ ವರುಣನ ಆರ್ಭಟ - ಹಾರಂಗಿಯಿಂದ ಭಾರಿ ಪ್ರಮಾಣದಲ್ಲಿ ನದಿಗೆ ನೀರು - ಶಾಲಾ ಕಾಲೇಜ್‌ಗಳಿಗೆ ರಜೆ ಮುಂದುವರಿಕೆ        ನಾಳೆಯಿಂದ ಸಂಸತ್ ಮುಂಗಾರು ಅಧಿವೇಶನ - ಪಾರ್ಲಿಮೆಂಟ್​ನಲ್ಲಿ ಪ್ರಧಾನಿ ಸರ್ವ ಪಕ್ಷ ಸಭೆ - ಸುಗಮ ಕಲಾಪಕ್ಕೆ ಸಹಕರಿಸುವಂತೆ ಮನವಿ        ಯುವತಿಗೆ ಕಿರುಕುಳ ನೀಡಿದ ಹೋಮ್‌ಗಾರ್ಡ್‌ - ಆರೋಪಿಯನ್ನ ಕಂಬಕ್ಕೆ ಕಟ್ಟಿಹಾಕಿ ಹಿಗ್ಗಾಮುಗ್ಗಾ ಥಳಿತ - ಯುವತಿ ಹೊಡಿತಕ್ಕೆ ಹೋಮ್‌ಗಾರ್ಡ್‌ ಹಣ್ಣುಗಾಯಿ ನೀರ್‌ಗಾಯಿ       
Breaking News

ರಿಲೀಸ್ ಹೊಸ್ತಿಲಲ್ಲಿ ಹೆಸರಿಡಲಿ ಸಂಭ್ರಮ

Friday, 27.01.2017, 2:42 AM       No Comments

ಬ್ಬ ಗಂಡು ಮತ್ತು ಇಬ್ಬರು ಹೆಣ್ಣುಗಳು ನಡುವೆ ಇರುವ ಅವಿನಾಭಾವ ಸಂಬಂಧಕ್ಕೆ ಏನೆಂದು ಕರೆಯಬಹುದು? ಪ್ರೇಮಿಗಳಾಗಿದ್ದರೆ ತ್ರಿಕೋನ ಪ್ರೇಮ ಎನ್ನಬಹುದು. ಆದರೆ ಆ ಸಂಬಂಧ ಮಾಮೂಲಿ ಪ್ರೀತಿಯನ್ನೂ ಮೀರಿದ್ದಾಗಿದ್ದರೆ? ಆಗ ಮೂಡುವ ಪ್ರಶ್ನೆಯೇ ‘ಏನೆಂದು ಹೆಸರಿಡಲಿ’! ಇದೇ ಶೀರ್ಷಿಕೆಯಲ್ಲಿ ಸಿನಿಮಾ ಮಾಡಿದ್ದಾರೆ ನಿರ್ದೇಶಕ ರವಿ ಬಸಪ್ಪನದೊಡ್ಡಿ. ಭಾವನೆಗಳೇ ಪ್ರಧಾನವಾಗಿರುವ ಈ ಚಿತ್ರಕ್ಕೆ ಹಣ ಹೂಡಿದ್ದಾರೆ ಶ್ರೀನಿವಾಸ ಕುಲಕರ್ಣಿ. ಮೂಲತಃ ಫಾರ್ಮಸಿಟಿಕಲ್ ಉದ್ಯಮಿ ಆಗಿರುವ ಅವರಿಗೆ ಸಿನಿಮಾ ನಿರ್ಮಾಣದ ಮೇಲೆ ವಿಶೇಷ ಆಸಕ್ತಿ. ಹಾಗಾಗಿ ಕುಟುಂಬಸಮೇತರಾಗಿ ನೋಡುವಂತಹ ಚಿತ್ರ ಮಾಡಬೇಕು ಎಂಬ ಆಸೆಯಿಂದ ‘ಏನೆಂದು ಹೆಸರಿಡಲಿ’ ಚಿತ್ರಕ್ಕೆ ನಿರ್ಮಾಪಕರಾಗಿದ್ದಾರೆ.

ಸಿನಿಮಾ ಮಾಡುವುದು ಸುಲಭ. ಆದರೆ ಗಾಂಧಿನಗರದ ವ್ಯಾಕರಣ ತಿಳಿಯದಿದ್ದರೆ ಸಿನಿಮಾ ರಿಲೀಸ್ ಮಾಡುವುದು ತುಂಬ ಕಷ್ಟ. ಆದರೆ ‘..ಹೆಸರಿಡಲಿ’ ಬಳಗಕ್ಕೆ ಆ ಕಷ್ಟ ಎದುರಾಗಿಲ್ಲ. ಯಾಕೆಂದರೆ ವಿತರಕ ಜಾಕ್ ಮಂಜು ಅವರು ಈ ಚಿತ್ರವನ್ನು ರಾಜ್ಯಾದ್ಯಂತ ಬಿಡುಗಡೆ ಮಾಡುವ ಜವಾಬ್ದಾರಿ ವಹಿಸಿಕೊಂಡಿದ್ದಾರಂತೆ. ಸಿನಿಮಾ ನೋಡಿ ಇಂಪ್ರೆಸ್ ಆಗಿರುವ ಅವರು ಖುಷಿಯಿಂದಲೇ ವಿತರಣೆಗೆ ಮುಂದಾಗಿರುವುದು ಇಡೀ ಚಿತ್ರತಂಡಕ್ಕೆ ಸಂತಸ ಮೂಡಿಸಿದೆ. ಎಮೋಷನ್ಸ್​ಗೆ ಹೆಚ್ಚು ಪ್ರಾಮುಖ್ಯತೆ ಇರುವುದರಿಂದ ಪ್ರೇಕ್ಷಕರಿಗೆ ಹೇಳಬೇಕಾದ ವಿಷಯವನ್ನು ಸಂಗೀತದ ಮೂಲಕವೇ ತಿಳಿಸಿದರೆ ಒಳಿತು ಎಂಬ ಕಾರಣಕ್ಕಾಗಿ ಇಲ್ಲಿ ಹಾಡುಗಳಿಗೆ ಹೆಚ್ಚಿನ ಆದ್ಯತೆ ನೀಡಲಾಗಿದೆಯಂತೆ. ಹಾಗಾಗಿ ಆ ವಿಚಾರದಲ್ಲಿ ರಾಜಿ ಆಗದೆ ಖ್ಯಾತ ಗೀತರಚನಾಕಾರರಾದ ಜಯಂತ ಕಾಯ್ಕಿಣಿ, ಕವಿರಾಜ್, ನಾಗೇಂದ್ರ ಪ್ರಸಾದ್ ಮತ್ತು ದೊಡ್ಡ ರಂಗೇಗೌಡ ಅವರಿಂದ ಸಾಹಿತ್ಯ ಬರೆಸಲಾಗಿದೆ. ಮಾಂಟಾಜ್ ಹಾಡುಗಳ ಮೂಲಕವೇ ಬಹುಪಾಲು ಕಥೆ ಬಿತ್ತರವಾಗುವುದು ಈ ಚಿತ್ರದ ವಿಶೇಷವಂತೆ. ಈಗಾಗಲೇ ಆಡಿಯೋ ಬಿಡುಗಡೆ ಆಗಿದ್ದು, ಅದಕ್ಕೆ ಸಿಗುತ್ತಿರುವ ರೆಸ್ಪಾನ್ಸ್ ನೋಡಿದರೆ ಚಿತ್ರ ಕೂಡ ಖಂಡಿತ ಹಿಟ್ ಆಗಲಿದೆ ಎಂಬ ನಂಬಿಕೆ ನಿರ್ದೇಶಕರದ್ದು. ಹಾಡುಗಳಿಗೆ ಸುರೇಂದ್ರನಾಥ್ ಸಂಗೀತ ನೀಡಿದ್ದಾರೆ. ‘ಸಿನಿಮಾ ನಿರ್ವಣದ ಮೇಲೆ ಪ್ರೀತಿ ಇರುವ ನಿರ್ವಪಕರು ಸಿಕ್ಕರೆ ಎಂಥ ಪ್ರಾಡಕ್ಟ್ ತಯಾರಾಗುತ್ತದೆ ಎಂಬುದಕ್ಕೆ ನಮ್ಮ ಚಿತ್ರವೇ ಸಾಕ್ಷಿ’ ಎಂದು ನಿರ್ವಪಕರ ಗುಣಗಾನ ಮಾಡುತ್ತಾರೆ ಸುರೇಂದ್ರನಾಥ್

‘..ಹೆಸರಿಡಲಿ’ಗೆ ಅರ್ಜುನ್ ಮತ್ತು ರೋಜಾ ನಾಯಕ-ನಾಯಕಿಯಾಗಿ ಅಭಿನಯಿಸಿದ್ದಾರೆ. ಅರ್ಜುನ್​ಗೆ ಈ ಚಿತ್ರದಲ್ಲಿ ಎರಡು ಶೇಡ್ ಇರುವ ಪಾತ್ರವಂತೆ. ಅಂದಹಾಗೆ, ಇದು ಸಂಕೇತ್ ಕಾಶಿ ಅಭಿನಯಿಸಿರುವ ಕೊನೇ ಚಿತ್ರ. ಫೆಬ್ರವರಿ ಮೊದಲ ಅಥವಾ ಎರಡನೇ ವಾರದಲ್ಲಿ ‘..ಹೆಸರಿಡಲಿ’ ತೆರೆಗೆ ಬರುವ ಸಾಧ್ಯತೆಗಳಿವೆ.

Leave a Reply

Your email address will not be published. Required fields are marked *

Back To Top