Wednesday, 18th July 2018  

Vijayavani

ಸಾಲದ ಸುಳಿಯಲ್ಲಿದ್ರೂ ಐ ಫೋನ್​ ಗಿಫ್ಟ್​ - ಹತ್ತಾರು ಸಮಸ್ಯೆ ಮಧ್ಯೆ ಬೇಕಿತ್ತಾ ದುಬಾರಿ ಉಡುಗೊರೆ​ - ಇಟ್ಕೊಂಡೋರಾರು..? ವಾಪಸ್ ಕೊಟ್ಟವರಾರು.?        ದೆಹಲಿಯಲ್ಲಿದ್ರೂ ರೇವಣ್ಣಗೆ ತವರಿನ ಜಪ - ಹಾಸನದ ಅಭಿವೃದ್ಧಿ ಬಗ್ಗೆ ಕೇಂದ್ರ ಸಚಿವರ ಜತೆ ಚರ್ಚೆ - ಸಿಎಂ ಎಚ್​ಡಿಕೆಯನ್ನೇ ಓವರ್​​ಟೇಕ್​ ಮಾಡಿದ PWD ಮಿನಿಸ್ಟರ್​​​        ಜಾರಕಿಹೊಳಿ ಬ್ರದರ್ಸ್​​​​ ನಡುವೆ ಸಮರ - ದೆಹಲಿಗೆ ಶಾಸಕರನ್ನ ಕರೆದೊಯ್ದ ರಮೇಶ್​​​​​​​ ಜಾರಕಿಹೊಳಿ - ಸತೀಶ್​​ಗೆ ಮಂತ್ರಿಗಿರಿ ತಪ್ಪಿಸಲು ಶಕ್ತಿ ಪ್ರದರ್ಶನ        ಇಂದಿನಿಂದ ಸಂಸತ್ ಅಧಿವೇಶನ - ಮಹಿಳಾ ಮೀಸಲಾತಿ, ತ್ರಿಪಲ್ ತಲಾಖ್​​​​​ ಮಸೂದೆ ಅಂಗೀಕಾರ ಸಾಧ್ಯತೆ - ಸಂಜೆ ರಾಜ್ಯ ಸಂಸದರ ಜತೆ ಸಿಎಂ ಮೀಟಿಂಗ್​​        ವಸತಿ ಯೋಜನೆಯ ಹಣವನ್ನೇ ನುಂಗಿದ್ರು - 140 ಅನರ್ಹರಿಂದ 8 ಕೋಟಿ ಗುಳುಂ ಸ್ವಾಹ - ಗದಗ ನಗರಸಭೆಯಲ್ಲಿ ಬಯಲಾಯ್ತು ಗೋಲ್​ಮಾಲ್​​​​        ದೀಪಾಲಂಕಾರದಿಂದ ಕಂಗೊಳಿಸಿದ ಕೆಆರ್​ಎಸ್​ - ಗಗನ ಚುಕ್ಕಿ ಜಲಪಾತ ನಯನ ಮನೋಹರ - ಡ್ರೋಣ್​​ ಕಣ್ಣಲ್ಲಿ ಸೆರೆಯಾಯ್ತು ಜಲಧಾರೆಯ ದೃಶ್ಯ ವೈಭವ       
Breaking News

ಮುಂದೆ ತಿರುವು ಇದೆ, ಎಚ್ಚರಿಕೆ!

Friday, 05.05.2017, 3:00 AM       No Comments

ಪುರಾತನ ಕಾಲದಲ್ಲಿ ಹೇಳಿದ ಋತುಚರ್ಯುಯನ್ನು ಇಂದಿನ ಕಾಲದಲ್ಲಿ ಅಳವಡಿಸಿಕೊಳ್ಳುವುದು ಎಷ್ಟು ಸಮಂಜಸ ಎಂಬ ಪ್ರಶ್ನೆ ಮನದಲ್ಲಿ ಮೂಡುವುದು ಸಹಜ. ಹಳೆಯ ವಿಧಾನಗಳಿಗೆ ಗೊಡ್ಡು ಸಂಪ್ರದಾಯ ಎಂಬ ಹಣೆಪಟ್ಟಿ ನೀಡಿ ಹೀಗಳೆಯುವುದೂ ಇದೆ. ಜೀವನಪೂರ್ತಿ ಹೀಗೆ ಕಟ್ಟುನಿಟ್ಟಿನಿಂದ ಬಾಳುವುದೆಂದರೆ ಬದುಕು ಸಾರವೇ ಇಲ್ಲದೆ ಕಳಾಹೀನವಾಗುತ್ತದೆ ಎಂಬ ಅಳುಕೂ ಇರುತ್ತದೆ. ಆದರೆ ಜೀವನಶೈಲಿಯಲ್ಲಿ ಮಾಡಿಕೊಳ್ಳುವ ಅಲ್ಪ ಬದಲಾವಣೆಯಿಂದ ಆರೋಗ್ಯಪೂರ್ಣ ಬದುಕು ಸಾಧ್ಯವೆಂದಾದರೆ ಇವುಗಳ ಅನುಷ್ಠಾನಕ್ಕೆ ತಿಲಾಂಜಲಿ ನೀಡುವುದು ಬುದ್ಧಿವಂತಿಕೆಯ ಲಕ್ಷಣವಲ್ಲ.

ಋತುಚರ್ಯುಯನ್ನು ಸಂಪೂರ್ಣವಾಗಿ ಅರ್ಥಮಾಡಿಕೊಂಡರೆ ಗೋಚರವಾಗುವ ವಿಚಾರವೇ ಬೇರೆ. ಋತುಚರ್ಯು ಹೇಳಿದ್ದು ಜೀವನವನ್ನು ಕಷ್ಟದಿಂದ ಕಳೆಯಲೆಂದಲ್ಲ! ರೋಗರಹಿತ ಮಾಡುವ ಗುರಿ ಒಂದೆಡೆಯಾದರೆ, ವರ್ಷಪೂರ್ತಿ ಅತಿ ಜಾಗರೂಕರಾಗಿರುವ ಬದಲು ಕೇವಲ ಎರಡರಿಂದ ನಾಲ್ಕುತಿಂಗಳು ಮಾತ್ರ ಮುತುವರ್ಜಿವಹಿಸಿ ಅಳವಡಿಸಿಕೊಂಡರೆ ಇಡೀವರ್ಷ ಚೆನ್ನಾಗಿರುತ್ತದೆ ಎಂಬುದು ಋತುಚರ್ಯುಯ ಮರ್ಮ! ವಾಹನ ಚಲಾಯಿಸುವಾಗ ರಸ್ತೆಯಲ್ಲಿ ಪ್ರತಿಕ್ಷಣವೂ ಜಾಗೃತರಾಗಿ ಇರಲೇಬೇಕು. ಅಪಘಾತವಲಯ, ತೀವ್ರತಿರುವು ಇರುವಲ್ಲಿ ಇನ್ನೂಹೆಚ್ಚಿನ ಎಚ್ಚರಿಕೆ ವಹಿಸಿಕೊಂಡರೆ ಪ್ರಯಾಣ ಸುಗಮವಾಗಿರುತ್ತದೆ. ಹೀಗೆ ಎಚ್ಚರಿಕೆಯ ಫಲಕಗಳೂ ಕಾಣಿಸುತ್ತವೆ. ಇದರರ್ಥ ಉಳಿದೆಡೆ ಬೇಕಾಬಿಟ್ಟಿ ವಾಹನ ಚಲಾಯಿಸಬಹುದೆಂದಲ್ಲ. ಅಂತೆಯೇ ಋತುಚರ್ಯು! ಋತುಚರ್ಯುಗೂ ದೇಹಪ್ರಕೃತಿಗೂ ನೇರಸಂಬಂಧವಿದೆ. ವಾತವು ಎಲ್ಲೆಡೆ ಸಂಚಯವಾಗುವುದು ಗ್ರೀಷ್ಮಋತುವಿನಲ್ಲಿ. ಮಿತಿದಾಟಿ ರೋಗಗಳಹಾದಿ ಹಿಡಿಯುವುದು ನಂತರದ ವರ್ಷಾಋತುವಿನಲ್ಲಿ. ಇದೇರೀತಿ ಪಿತ್ತವು ಶೇಖರಗೊಳ್ಳುವುದು ವರ್ಷಾಋತು ಅರ್ಥಾತ್ ಮಳೆಗಾಲದಲ್ಲಿ! ಉಲ್ಬಣವಾಗುವುದು ಶರತ್​Mುತುವಿನಲ್ಲಿ. ಕಫವು ಹೇಮಂತ, ಶಿಶಿರಋತುಗಳಲ್ಲಿ ಸಂಗ್ರಹಿತವಾಗಿ ವಸಂತಕಾಲದಲ್ಲಿ ಪ್ರಕೋಪಗೊಳ್ಳುವುದು. ತ್ರಿದೋಷಗಳ ಸಂಚಯವಾಗುವುದನ್ನೇ ತಡೆದರೆ ಮುಂದಿನ ಋತುವಿನಲ್ಲಿ ಉಲ್ಬಣಗೊಳ್ಳುವ ಪರಿಸ್ಥಿತಿಯೇ ಇರುವುದಿಲ್ಲ. ಇದರಿಂದ ರೋಗಸಾಧ್ಯತೆ ಬಹಳಷ್ಟು ಕಡಿಮೆಯಾಗುತ್ತದೆ. ಉದಾಹರಣೆಗೆ ವಾತಪ್ರಕೃತಿಯವರು ಬೇಸಿಗೆಯ ಎರಡುತಿಂಗಳು ಹೆಚ್ಚಿನ ಜಾಗರೂಕತೆಯೊಂದಿಗೆ ಋತುಚರ್ಯು ಅನುಷ್ಠಾನಿಸಿದರೆ ವರ್ಷಪೂರ್ಣ ಚೆನ್ನಾಗಿರಬಹುದು! ಜೀವನ ನಿಯಮಗಳನ್ನು ಸರಳಗೊಳಿಸಿ ಸಡಿಲಗೊಳಿಸಿದ್ದು ಈ ಋತುಕಾಲ ಮಾಹಿತಿ. ಅದಕ್ಕೇ ಹೇಳಿದ್ದು, ಋತುಚರ್ಯು ಮೂಢನಂಬಿಕೆಯಲ್ಲ, ಭಾರತೀಯ ವಿಜ್ಞಾನದ ಗಾಢನಂಬಿಕೆ.

ಪಂಚಸೂತ್ರಗಳು

  • ಎಕ್ಕೆಗಿಡ: ಹೃದಯ ಬಡಿತ ವೇಗವಾಗಿಸುವುದು.
  • ಪಪ್ಪಾಯ: ಆನೆಕಾಲು ರೋಗವಿದ್ದಾಗ ಹಿತಕರ.
  • ಅಲಸಂಡೆ: ಮಲದ ಪ್ರಮಾಣ ಹೆಚ್ಚಿಸುವುದು.
  • ಉದ್ದು: ಮಾಂಸಖಂಡ ಬೆಳವಣಿಗೆಗೆ ಸಹಾಯಕ.
  • ಈರುಳ್ಳಿ: ಅಧಿಕವಾದ ರಕ್ತದೊತ್ತಡ ತಗ್ಗಿಸುವುದು.

 

Leave a Reply

Your email address will not be published. Required fields are marked *

Back To Top