Wednesday, 19th September 2018  

Vijayavani

ಆಸ್ಪತ್ರೆಯಿಂದ ಸಚಿವ ಡಿ.ಕೆ. ಶಿವಕುಮಾರ್​​ ಡಿಸ್ಚಾರ್ಜ್ - ಕೆಲವೇ ಕ್ಷಣಗಳಲ್ಲಿ ಸುದ್ದಿಗೋಷ್ಠಿ - ಎಟಿಎಂ ಆರೋಪಕ್ಕೆ ಉತ್ತರಿಸ್ತಾರಾ?        ಗಾಂಧಿ ಕುಟುಂಬಕ್ಕೆ ಎಟಿಎಂ ಅಂತೆ ಡಿಕೆಶಿ - ಎಐಸಿಸಿಗೆ 600 ಕೋಟಿ ಆಗಿದ್ಯಂತೆ ಡೆಪಾಸಿಟ್ - ಡಿಕೆಶಿ ವಿರುದ್ಧ ಆರೋಪಗಳ ಪಟ್ಟಿ        ಇಡಿ ಪ್ರಕರಣದಲ್ಲಿ ಡಿಕೆಶಿ ಬಂಧನ ಖಚಿತ - ಅರೆಸ್ಟ್‌ ಬೆನ್ನಲ್ಲೇ ಮೈತ್ರಿ ಸರ್ಕಾರ ಖತಂ - ಬಿಜೆಪಿ ರಾಜ್ಯಾಧ್ಯಕ್ಷ ಬಿಎಸ್‌ವೈ ಭವಿಷ್ಯ        ಬೆಂಗ್ಳೂರು ರಸ್ತೆ ಗುಂಡಿಗೆ ಹೈಕೋರ್ಟ್ ಗರಂ - ಬೆಳಗ್ಗೆಯೊಳಗೆ ಗುಂಡಿ ಮುಚ್ಚಿಸಿ - ಕೆಲ್ಸ ಮಾಡದಿದ್ರೆ ಬಿಬಿಎಂಪಿ ಬಂದ್ ಅಂದ್ರು ಸಿಜೆ        ನವಾಜ್​​ ಷರೀಫ್​ಗೆ ರಿಲೀಫ್ - ಜೈಲಿನಿಂದ ಪಾಕ್ ಮಾಜಿ ಪ್ರಧಾನಿ, ಪುತ್ರಿ ಬಿಡುಗಡೆ - ಇಸ್ಲಾಮಾಬಾದ್ ಹೈಕೋರ್ಟ್ ಆದೇಶ        ದುಬೈನಲ್ಲಿ ಏಷ್ಯಾಕಪ್ ಹಣಾಹಣಿ - ಹೈವೋಲ್ಟೇಜ್ ಮ್ಯಾಚ್​ಗೆ ಬದ್ಧ ವೈರಿಗಳು ಸಜ್ಜು - ಟಾಗ್‌ಗೆದ್ದ ಪಾಕ್‌ ಬ್ಯಾಟಿಂಗ್‌ ಆಯ್ಕೆ       
Breaking News

ಮಾವು ಬೆಳೆಗಾರರಿಗೆ ಸಿಗುವುದೇ ನಷ್ಟಪರಿಹಾರ?

Tuesday, 10.07.2018, 3:45 AM       No Comments

ರಾಮನಗರ:ಇದೀಗ ಕೋಲಾರದಲ್ಲಿ ಮಾವು ಬೆಳೆಗಾರರ ಹೋರಾಟ ಆರಂಭಗೊಂಡಿದೆ. ಬೆಲೆ ಕುಸಿತದಿಂದ ಕಂಗಾಲಾಗಿರುವ ರೈತರು ಮಾವಿನ ಹಣ್ಣುಗಳನ್ನು ರಸ್ತೆಗೆ ಸುರಿದು ಪ್ರತಿಭಟನೆ ನಡೆಸಿದ್ದಾರೆ. ರೈತರ ಹೋರಾಟಕ್ಕೆ ಸ್ಪಂದಿಸಿರುವ ಸರ್ಕಾರ ಬೆಂಬಲ ಬೆಲೆ ಘೊಷಣೆ ಸಂಬಂಧ ಪೂರಕವಾಗಿ ಸ್ಪಂದಿಸಿದೆ. ಆದರೆ ರಾಮನಗರ ಜಿಲ್ಲೆಯಲ್ಲೂ ಈಗಾಗಲೇ ಬೆಳೆ ನಷ್ಟಕ್ಕೆ ಒಳಗಾದ ಮಾವು ಬೆಳೆಗಾರರು, ಸರ್ಕಾರ ನಮ್ಮ ನೆರವಿಗೂ ಬರುವುದೇ ಎಂದು ಎದುರು ನೋಡುತ್ತಿದ್ದಾರೆ.

ಸರ್ಕಾರ ಮಾವಿಗೆ ಬೆಂಬಲ ಬೆಲೆ ನೀಡುವುದಾಗಿ ಘೊಷಣೆ ಮಾಡಿದೆಯಾದರೂ, ಈಗಾಗಲೇ ನಷ್ಟಕ್ಕೆ ಒಳಗಾಗಿರುವ ರಾಮನಗರ ಜಿಲ್ಲೆಯ ಮಾವು ಬೆಳೆಗಾರರಿಗೂ ನಷ್ಟವನ್ನು ತುಂಬಿಕೊಡಲಿದೆಯೇ ಎಂದು ರೈತರು ಎದರು ನೋಡುತ್ತಿದ್ದಾರೆ.

ಜಿಲ್ಲೆಯಿಂದ ಮೊದಲು ಮಾವು:ರಾಮನಗರ ಜಿಲ್ಲೆಯ ಮಾವು ವಾತಾವರಣ ಅನುಕೂಲದಿಂದ ಮಾರುಕಟ್ಟೆಗೆ ಮೊದಲು ಪ್ರವೇಶ ಮಾಡುತ್ತದೆ. 23 ಸಾವಿರ ಹೆಕ್ಟೇರ್ ಪ್ರದೇಶದಲ್ಲಿ ಮಾವು ಬೆಳೆಯಲಾಗುತ್ತಿದ್ದು, ರಾಮನಗರ ತಾಲೂಕಿನಲ್ಲಿ 7300 ಹೆಕ್ಟೇರ್, ಚನ್ನಪಟ್ಟಣದಲ್ಲಿ 5300, ಮಾಗಡಿಯಲ್ಲಿ 5700 ಮತ್ತು ಕನಕಪುರದಲ್ಲಿ 4600 ಹೆಕ್ಟೇರ್ ಪ್ರದೇಶದಲ್ಲಿ ಮಾವು ಬೆಳೆಯಲಾಗುತ್ತದೆ. ಹೆಚ್ಚು ಪ್ರದೇಶವನ್ನು ಬಾದಾಮಿ ಜಾತಿಗೆ ಸೇರಿದ ಮರಗಳು ಆವರಿಸಿವೆ. ಪ್ರತಿ ಹೆಕ್ಟೇರ್​ಗೆ 10 ಮೆಟ್ರಿಕ್ ಟನ್ ಮಾವು ಇಳಿವರಿಯಾಗಬೇಕಿತ್ತು. ಆದರೆ ಈ ಬಾರಿ ರಾಮನಗರ ಮಾರುಕಟ್ಟೆಗೆ 64,127 ಕ್ವಿಂಟಾಲ್ ಹಾಗೂ ಚನ್ನಪಟ್ಟಣಕ್ಕೆ 1.85 ಲಕ್ಷ ಕ್ವಿಂಟಾಲ್ ಮಾವು ಮಾತ್ರ ಬಂದಿದೆ.

ಮಾವು ರಸ್ತೆಗೆ ಸುರಿದಿದ್ದರು: ಮೂರ್ನಾಲ್ಕು ವರ್ಷಗಳಿಂದ ಮಳೆ ಇಲ್ಲದೆ ಸೊರಗಿದ್ದ ಜಿಲ್ಲೆಯ ಮಾವು ಬೆಳೆಗಾರರು, ಈ ಬಾರಿ ಅತಿಯಾದ ಮಳೆಯಿಂದಾಗಿ ನಷ್ಟಕ್ಕೆ ಒಳಗಾದರು. ಹವಾಮಾನ ವೈಪರೀತ್ಯದಿಂದಾಗಿ ಕಟಾವಿಗೆ ಬಂದ ಮಾವು ಮಣ್ಣು ಸೇರಿತು. ಕೀಟಬಾಧೆ ಹಾಗೂ ಮಳೆಯಿಂದ ಕಾಯಿ ಕಪ್ಪು ಬಣ್ಣಕ್ಕೆ ತಿರುಗಿದ್ದರಿಂದ ಮಾರುಕಟ್ಟೆಯಲ್ಲಿ ಹಣ್ಣುಗಳಿಗೆ ಬೆಲೆ ಇಲ್ಲದಂತೆ ಆಯಿತು. ಪ್ರತಿ ಕೆಜಿಗೆ 70-80 ರೂ.ವರೆಗೂ ಮಾರಾಟವಾಗಬೇಕಿದ್ದ ಬಾದಾಮಿ ಕಾಯಿಗಳನ್ನು ಕೇವಲ 3-4 ರೂ.ಗೆ ಮಾರಾಟ ಮಾಡಬೇಕಾದ ಅನಿವಾರ್ಯತೆ ಸೃಷ್ಟಿಯಾಯಿತು. ಇದರಿಂದ ಬೇಸತ್ತ ರೈತರು ಕಾಯಿಯನ್ನು ಕೋಯ್ಲು ಮಾಡದೆ ಮರಗಳಲ್ಲಿಯೇ ಬಿಟ್ಟರೆ, ಕೋಯ್ಲಾದ ಮಾವನ್ನು ರಸ್ತೆಯಲ್ಲಿ ಸುರಿದು ಆಕ್ರೋಶ ವ್ಯಕ್ತಪಡಿಸಿದ್ದರು.

ನಷ್ಟ ತುಂಬುವುದೇ ಸರ್ಕಾರ?: ಸರ್ಕಾರ ಪ್ರಸ್ತುತ ಪ್ರತಿ ಟನ್ ಮಾವಿಗೆ 2500 ರೂಪಾಯಿ ಬೆಂಬಲ ಬೆಲೆ ನೀಡುವುದಾಗಿ ಘೊಷಣೆ ಮಾಡಿದೆ. ಇದು ಮಾರುಕಟ್ಟೆಗೆ ಬರುವ ಮಾವು ಖರೀದಿಗೆ ಅಲಂಬಿತವಾಗಿರುತ್ತದೆ. ಆದರೆ, ಈಗಾಗಲೇ ನಷ್ಟಕ್ಕೆ ಒಳಗಾಗಿರುವ ರಾಮನಗರ ಜಿಲ್ಲೆಯ ಸಾವಿರಾರು ಮಾವು ಬೆಳೆಗಾರರ ಸಂಕಷ್ಟಕ್ಕೆ ರಾಜ್ಯ ಸರ್ಕಾರ ಧಾವಿಸಬೇಕು. ಇನ್ನು ಮಾರುಕಟ್ಟೆಗೆ ಬರುವ ಕಾಯಿ ಪ್ರಮಾಣ ಬಹುತೇಕ ಕಡಿಮೆ ಇದೆ. ಅಲ್ಲದೆ, ಕೋಯ್ಲು ಮಾಡದೆ ಬಿಟ್ಟಿದ್ದರಿಂದ ಕೀಟಬಾಧೆಗೆ ಕಾಯಿ ತುತ್ತಾಗಿದೆ. ಸರ್ಕಾರ ಪ್ರತಿ ಹೆಕ್ಟೇರ್​ಗೆ ಉಂಟಾಗಿರುವ ನಷ್ಟವನ್ನು ಪರಿಹಾರದ ರೂಪದಲ್ಲಿ ತುಂಬಿಕೊಡಲಿ. ಇದರಿಂದ ಅಲ್ಪ ಸ್ವಲ್ಪ ಚೇತರಿಕೆ ಕಾಣಬಹುದಾಗಿದೆ ಎನ್ನುವುದು ಜಿಲ್ಲೆಯ ರೈತರ ಆಗ್ರಹ.

ಸಿಎಂ ನಮ್ಮವರೇ?: ವಿಧಾನಸಭೆ ಸ್ಪೀಕರ್ ರಮೇಶ್ ಕುಮಾರ್ ಅವರ ಮಧ್ಯ ಪ್ರವೇಶದಿಂದಾಗಿ ಮಾವಿಗೆ ಬೆಂಬಲ ನೀಡುವ ನಿರ್ಧಾರವನ್ನು ಸರ್ಕಾರ ಘೊಷಣೆ ಮಾಡಿದೆ. ಅದೇರೀತಿ ಮುಖ್ಯಮಂತ್ರಿ ಎಚ್.ಡಿ.ಕುಮಾರಸ್ವಾಮಿ ಅವರು ರಾಮನಗರ ಜಿಲ್ಲೆಯವರೇ ಆಗಿದ್ದು, ಜಿಲ್ಲೆಯ ರೈತರ ನೆರವಿಗೆ ಈಗಲಾದರೂ ಧಾವಿಸಬೇಕು ಎನ್ನುವ ಕೂಗು ಮಾವು ಬೆಳೆಗಾರರ ವಲಯದಿಂದ ಕೇಳಿ ಬಂದಿದೆ.

 

Leave a Reply

Your email address will not be published. Required fields are marked *

Back To Top