Tuesday, 25th September 2018  

Vijayavani

ಬಗರ್​ಹುಕುಂ ಭೂಮಿ ಪರಭಾರೆ ಆರೋಪ- ಮಾಜಿ ಡಿಸಿಎಂ ಆರ್. ಅಶೋಕ್​​ ಅರ್ಜಿ ವಜಾ, ಎಸಿಬಿ ತನಿಖೆಗೆ ಹೈಕೋರ್ಟ್ ಅಸ್ತು        ಪುಟ್ಟರಂಗ ಶೆಟ್ಟಿ ನನ್ನನ್ನು ಮಂತ್ರಿ ಮಾಡಿಲ್ಲ- ಕಾಂಗ್ರೆಸ್ ಗುರಿಯಾಗಿಸಿ ನಾನು ಹೇಳಿಲ್ಲ- ಎನ್​​.ಮಹೇಶ್ ತಿರುಗೇಟು        ಶಸ್ತ್ರಚಿಕಿತ್ಸೆ ಬಳಿಕ ದರ್ಶನ್ ಮೊದಲ ದರ್ಶನ- ಆಕ್ಸಿಡೆಂಟ್​ ಕೇಸಲ್ಲಿ ಬಲಿಪಶುವಾದ್ರಾ ಆಂಥೋಣಿ..?- ಅಪಘಾತಕ್ಕೂ ಮುನ್ನ ಪಾರ್ಟಿ        ಹಾಸನದಲ್ಲಿ ಮುಸ್ಲಿಂ ಯುವತಿ ಪ್ರೇಮ - ನಿನಗಿಷ್ಟ ಬಂದವರ ಕಡೆ ಹೋಗುವಂತೆ ಕೋರ್ಟ್​ ತೀರ್ಪು- ಹುಡುಗನ ಬಳಿ ಕಳಿಸದೆ ಹೈಡ್ರಾಮಾ        ನವೆಂಬರ್​​ನಲ್ಲಿ ಮತ್ತೆ ಸನ್ನಿ ಶೋಗೆ ಸಿದ್ಧತೆ- ಕನ್ನಡಪರ ಸಂಘಟನೆಗಳಿಂದ ವಿರೋಧ- ಬೆಂಗಳೂರಿಗೆ ಬರದಂತೆ ಪ್ರತಿಭಟನೆಗೆ ನಿರ್ಧಾರ        ಹ್ಯಾರೀಸ್ ಪುತ್ರ ನಲಪಾಡ್ ಈಗ ಬಾಸ್- ಎರಡು ಮುಕ್ಕಾಲು ಲಕ್ಷ ಕೊಟ್ಟು 8055 ನಂಬರ್ ಖರೀದಿ-  ದಿಗ್ವಿಜಯ ನ್ಯೂಸ್ ಎಕ್ಸ್​ಕ್ಲೂಸಿವ್       
Breaking News

ಮಾರುಕಟ್ಟೆಯಲ್ಲಿ ಖರೀದಿ ಭರಾಟೆ ಜೋರು

Saturday, 13.01.2018, 3:02 AM       No Comments

ಸುತ್ತಮುತ್ತಲ ಹಳ್ಳಿಗಳಿಂದ ವ್ಯಾಪಾರಕ್ಕೆ ಆಗಮಿಸಿದ ರೈತರು ಸಿಟಿ ಮಾರ್ಕೆಟ್​ನಲ್ಲಿ ಜನಜಂಗುಳಿ

 

ಮಕರ ಸಂಕ್ರಮಣದ ಹಿನ್ನೆಲೆಯಲ್ಲಿ ಮಾರುಕಟ್ಟೆಯಲ್ಲಿ ವ್ಯಾಪಾರ-ವಹಿವಾಟು ಗರಿಗೆದರಿದ್ದು, ಸುತ್ತಮುತ್ತಲಿನ ಹಳ್ಳಿಗಳಿಂದ ರೈತರು ತಮ್ಮ ಬೆಳೆಗಳೊಂದಿಗೆ ವ್ಯಾಪಾರಕ್ಕೆ ಆಗಮಿಸಿದ್ದಾರೆ.

ಸಂಕ್ರಾಂತಿಯಲ್ಲಿ ಹಣ್ಣು, ತರಕಾರಿ ಮಾತ್ರವಲ್ಲದೇ ಕಬ್ಬಿನ ಜಲ್ಲೆ, ಸಿಹಿ ಪದಾರ್ಥ ಗಳು ಹಾಗೂ ಹೂವಿನ ಮಾರಾಟವೂ ಜೋರಾಗಿರುತ್ತದೆ. ಜ.15ರಂದು ಬಹುತೇಕರು ಸಂಕ್ರಾಂತಿ ಆಚರಿಸುತ್ತಿದ್ದರೂ, ಶುಕ್ರವಾರದಿಂದಲೇ ಮಾರುಕಟ್ಟೆಯಲ್ಲಿ ಖರೀದಿಯ ಭರಾಟೆ ಜೋರಾಗಿದೆ.

ನಗರದ ಪ್ರಮುಖ ಮಾರುಕಟ್ಟೆಗಳಾದ ಕೃಷ್ಣರಾಜೇಂದ್ರ ಮಾರುಕಟ್ಟೆ, ಗಾಂಧಿಬಜಾರ್, ಜಯನಗರ ನಾಲ್ಕನೇ ಹಂತ, ಕೆಆರ್​ಪುರ, ಮಲ್ಲೇಶ್ವರ ಮಾತ್ರವಲ್ಲದೇ ನಂದಿನಿ ಬಡಾವಣೆ, ವಿಜಯನಗರ, ಬನಶಂಕರಿಯ ಕನಕಪುರ ಮುಖ್ಯರಸ್ತೆ ಸೇರಿದಂತೆ ವಿವಿಧ ಮಾರುಕಟ್ಟೆಗಳಲ್ಲಿ ಜನಜಂಗುಳಿ ಕಂಡು ಬರುತ್ತಿದೆ.

ತರಹೇವಾರಿ ಹೂವು-ಹಣ್ಣು: ಸಂಕ್ರಾಂತಿ ಹಬ್ಬದ ಹಿನ್ನೆಲೆಯಲ್ಲಿ ಮಾರುಕಟ್ಟೆಯಲ್ಲಿ ತರಹೇವಾರಿ ಹೂವು, ಹಣ್ಣುಗಳನ್ನು ಲಭ್ಯವಿವೆ. ಸುಗ್ಗಿ ಪೂಜೆಗೆ ಹೆಚ್ಚು ಪ್ರಾಶಸ್ಱವಿರುವುದರಿಂದ ಅದಕ್ಕೆ ಬೇಕಾದ ಪದಾರ್ಥಗಳಿಗೆ ಹೆಚ್ಚು ಬೇಡಿಕೆ ಇರುತ್ತದೆ. ಮನೆಗಳಲ್ಲಿ ಎಳ್ಳು, ಬೆಲ್ಲ ಹಾಗೂ ಕಬ್ಬಿನ ಜಲ್ಲೆಯನ್ನು ಇರಿಸಿ ಪೂಜಿಸಲಾಗುತ್ತದೆ. ಹೂವುಗಳು ಕಡಿಮೆ ಬಳಕೆಯಾದರೂ ಮಾರುಕಟ್ಟೆಯಲ್ಲಿ ಸಾಮಾನ್ಯ ದಿನಗಳಲ್ಲಿ ನಡೆಯುವ ವ್ಯಾಪಾರಕ್ಕಿಂತ ಹೆಚ್ಚಿನ ವಹಿವಾಟು ನಡೆಯುವುದರಿಂದ ತರೇಹವಾರಿ ಹೂವುಗಳು ಬಂದಿವೆ.

ಕಬ್ಬಿನ ಜಲ್ಲೆ ಮಾರಾಟ ಜೋರಾಗಿದ್ದು, ಪ್ರತಿ ಕಬ್ಬಿನ ಜಲ್ಲೆಗೆ ಹಾಪ್​ಕಾಮ್ಸ್​ನಲ್ಲಿ 35ರೂ. (ಕಪು್ಪ) ಹಾಗೂ 25ರೂ. (ಬಿಳಿ) ಬೆಲೆ ನಿಗದಿಪಡಿಸಲಾಗಿದೆ. ಪ್ರತಿ ಜೋಡಿಗೆ 50 ರಿಂದ 60 ರೂ.ಗೆ ಮಾರಾಟವಾಗುತ್ತಿದ್ದರೆ, ಮಾರುಕಟ್ಟೆಯಲ್ಲಿ 80 ರೂ.ಗೆ ಮಾರಾಟವಾಗುತ್ತಿದೆ.

ಎಳ್ಳು, ಬೆಲ್ಲ ಮಾರಾಟ ಜೋರು

ಪರಸ್ಪರ ಸಿಹಿ ಹಂಚಿ ಆಚರಿಸುವ ಸಂಕ್ರಾಂತಿ ಹಿನ್ನೆಲೆಯಲ್ಲಿ ಎಳ್ಳು- ಬೆಲ್ಲ ಮಿಶ್ರಣದ ಪ್ಯಾಕೆಟ್​ಗಳು ಕೂಡ ಲಭ್ಯವಿದೆ. ಇದಲ್ಲದೇ ಕುಸರೆಳ್ಳಿನ ಮಾರಾಟವೂ ಸಹ ಜೋರಾಗಿದ್ದು, ಗ್ರಾಹಕರಿಗೆ ಉಪಯುಕ್ತವಾಗುವ ರೀತಿ ಮಳಿಗೆಗಳಲ್ಲಿ ಚಿಕ್ಕ ಪ್ಯಾಕೆಟ್​ಗಳನ್ನು ಸಿದ್ಧಪಡಿಸಲಾಗಿದೆ. 5 ರೂ.ಗಳಿಂದ ಹಿಡಿದು ವಿವಿಧ ರೀತಿಯ ಪ್ಯಾಕೆಟ್​ಗಳು ಹಾಗೂ ಬಿಡಿಯಾಗಿಯೂ ಮಾರಾಟ ಮಾಡಲಾಗುತ್ತಿದೆ.

Leave a Reply

Your email address will not be published. Required fields are marked *

Back To Top