Monday, 19th February 2018  

Vijayavani

ನನ್ನ ಮಗನನ್ನ ನಾನೇ ಸರೆಂಡರ್​ ಮಾಡಿಸುತ್ತೇನೆ - ಪೊಲೀಸರಿಗೆ ಶೀಘ್ರವೇ ಒಪ್ಪಿಸುತ್ತೇನೆ - ಗೂಂಡಾ ನಲಪಾಡ್​​ ಕುರಿತು ಹ್ಯಾರಿಸ್​ ಪ್ರತಿಕ್ರಿಯೆ        ನಿನ್ನೆ ಚಿಕ್ಕವನು.. ಇಂದು ಬೆಳೆದ ಮಗ - ಬೈದ ನಂತರ ಮೊಬೈಲ್​ ಸ್ವಿಚ್​​ ಆಫ್​​ ಮಾಡ್ಕೊಂಡಿದ್ದ - ಕೇಸ್​ ಭೀತಿಯಲ್ಲಿ ಉಲ್ಟಾ ಹೊಡೆದ ಹ್ಯಾರಿಸ್​​        ರಾಜ್ಯದಲ್ಲಿ ಇಡೀ ದಿನ ಮೋದಿ ಮೇನಿಯಾ - ಮಧ್ಯಾಹ್ನ ಬಾಹುಬಲಿ ಸನ್ನಿಧಿಗೆ ಪ್ರಧಾನಿ - ಮತ್ತಷ್ಟು ಮೇಳೈಸಲಿದೆ ಮಹಾಮಜ್ಜನ        ಪರಿವರ್ತನಾ ರ‍್ಯಾಲಿಯಲ್ಲಿಂದು ಮೋದಿ ಅಬ್ಬರ - ಬಿಜೆಪಿಯಿಂದ ಗಣಪತಿ ಉಡುಗೊರೆ - ಮೈಸೂರು ಪೇಟ ತೊಡಿಸಿ ಸ್ವಾಗತ        ರೈತ ನಾಯಕ, ಶಾಸಕ ಕೆ.ಎಸ್ ಪುಟ್ಟಣ್ಣಯ್ಯ ವಿಧಿವಶ - ವಿದೇಶದಿಂದ ಮಕ್ಕಳ ಬಂದ ಬಳಿಕ ಅಂತ್ಯಕ್ರಿಯೆ - ಕಂಬನಿ ಮಿಡಿದ ಗಣ್ಯರು       
Breaking News

ಮಾತೃದೇವೋ ಭವ

Thursday, 14.09.2017, 3:00 AM       No Comments

ಒಬ್ಬ ಶಿಷ್ಯ ಗುರುದೇವರ ಬಳಿ ಬಂದಾಗ ಯಾವುದಾದರೂ ಮಂತ್ರೋಪದೇಶವನ್ನು ಪಡೆಯಬೇಕೆಂಬ ಬಯಕೆ ಇಟ್ಟುಕೊಂಡಿದ್ದನು. ಅದರಂತೆ ಗುರುಗಳ ದರ್ಶನಕ್ಕೆ ಬಂದಾಗ ಗುರುಗಳ ಬಳಿ ‘ಯಾವುದಾದರೂ ಮಂತ್ರವನ್ನು ಉಪದೇಶಿಸಿದರೆ ಕೃತಾರ್ಥನಾಗುತ್ತೇನೆ’ ಎಂದು ಬಿನ್ನವಿಸಿಕೊಂಡನು. ತ್ರಿಕಾಲಜ್ಞಾನಿಗಳಾಗಿದ್ದ ಗುರುಗಳಿಗೆ ಆ ವ್ಯಕ್ತಿಯ ಪೂರ್ವಾಪರ ತಿಳಿದುಹೋಗಿತ್ತು.

ಗುರುಗಳು: ಮಾತೃದೇವೋಭವ ಎನ್ನುವ ವೇದವಾಕ್ಯ ಕೇಳಿದ್ದೀರೋ?

ಶಿಷ್ಯ: ಕೇಳಿದ್ದೇನೆ.

ಗುರುಗಳು: ಪಿತೃದೇವೋಭವ ಎನ್ನುವುದನ್ನು ಕೇಳಿದ್ದೀರೋ?

ಶಿಷ್ಯ: ಕೇಳಿದ್ದೇನೆ

ಗುರುಗಳು: ಮೊದಲು ಅವೆರಡನ್ನು ಪಾಲಿಸಿ. ನೀವು ನಿಮ್ಮ ತಂದೆ-ತಾಯಿಗಳನ್ನು ಈ ಇಳಿವಯಸ್ಸಿನಲ್ಲಿ ದೂರಮಾಡಿ ನಮ್ಮ ಬಳಿ ಮಂತ್ರೋಪದೇಶ ಪಡೆಯಲು ಬಂದಿದ್ದೀರಿ. ಮೊದಲು ಅವರನ್ನು ಮನೆಗೆ ಕರೆಸಿ ಚೆನ್ನಾಗಿ ನೋಡಿಕೊಳ್ಳಿ. ಮೊದಲು ಮಾತೃದೇವೋಭವ, ಪಿತೃದೇವೋಭವ, ನಂತರ ಆಚಾರ್ಯದೇವೋಭವ. ಮೊದಲೆರಡನ್ನು ಪಾಲಿಸಿ ನಂತರ ನಮ್ಮ ಬಳಿ ಬನ್ನಿ, ಆಗ ಮಂತ್ರೋಪದೇಶ ಮಾಡುತ್ತೇವೆ.

ಶಿಷ್ಯ: ಸ್ವಾಮಿಗಳೇ, ಈಗ ನನ್ನ ತಪ್ಪಿನ ಅರಿವಾಗಿದೆ. ಇನ್ನು ಮುಂದೆ ನನ್ನ ತಂದೆ, ತಾಯಿಯ ಜೊತೆಯಲ್ಲೇ ಇದ್ದು, ಅವರನ್ನು ಚೆನ್ನಾಗಿ ನೋಡಿಕೊಳ್ಳುತ್ತೇನೆ. ಮಾತೃದೇವೋಭವ, ಪಿತೃದೇವೋಭವ ಎಂಬ ಮೊದಲೆರಡನ್ನು ಪಾಲಿಸಿ ನಂತರ ನಿಮ್ಮ ಬಳಿ ಮಂತ್ರೋಪದೇಶಕ್ಕೆ ಬರುತ್ತೇನೆ. ಹೀಗೆ ಗುರುಗಳು ತಮ್ಮ ಹಿತನುಡಿಯಿಂದಲೇ ಎಲ್ಲರನ್ನೂ ತಿದ್ದುತ್ತಿದ್ದರು.

Leave a Reply

Your email address will not be published. Required fields are marked *

Back To Top