Sunday, 21st October 2018  

Vijayavani

ಚಡಚಣ ಸೋದರರ ಹತ್ಯೆ ಪ್ರಕರಣ-ಸಿಪಿಐ ಅಸೋದೆ 10 ದಿನ ಕಸ್ಟಡಿಗೆ-ಸಂಬಂಧಿಕರ ಮೇಲೂ ದೂರು ದಾಖಲು        ಸಿಸಿಬಿಯಿಂದ ಮುತ್ತಪ್ಪ ರೈಗೆ 8 ಗಂಟೆ ಡ್ರಿಲ್​-ಸೂಕ್ತ ದಾಖಲೆಗಳಿಂದ ಮಾಜಿ ಡಾನ್​​ ಬಚಾವ್​-ಇಂದು ಪೊಲೀಸರಿಂದ ಗನ್​​ಮ್ಯಾನ್​​ಗಳ ವಿಚಾರಣೆ        ಆ್ಯಕ್ಷನ್​​​ಕಿಂಗ್​​​ ವಿರುದ್ಧ ಶೃತಿ ಹರಿಹರನ್​ ಮೀಟು ಏಟು-ನಟಿ ವಿರುದ್ಧ ಸರ್ಜಾ ಫ್ಯಾಮಿಲಿ ಟಾಕ್​​ಫೈಟ್​​-ಆರೋಪಕ್ಕೆ ಸ್ಪಷ್ಟನೆ ನೀಡಲು ಇಂದು ಪ್ರೆಸ್​​ಮೀಟ್​​​        ಸಂಸದರ ನಿಧಿ ಹೊಡೆಯಲು ಮೆಗಾ ಪ್ಲಾನ್​-ನಕಲಿ ಲೆಟರ್​​​​​ಹೆಡ್​​​ ಮೂಲಕ ಲಕ್ಷ ಲಕ್ಷ ಗುಳುಂ-26 ಲಕ್ಷ ನುಂಗಿದ ಭೂಪ ಪೊಲೀಸರ ವಶಕ್ಕೆ        ರಂಗೇರಿತು ಉಪಚುನಾವಣೆ ಅಖಾಡ-ಇಂದು ಪಂಚ ಕ್ಷೇತ್ರಗಳಲ್ಲೂ ನಾಯಕರ ಪ್ರಚಾರ-ದೋಸ್ತಿಗೆ ಹುರುಪು ತಂದ ಗುರು-ಶಿಷ್ಯರ ಮಿಲನ        ಮಡಿಕೇರಿ ಸಂತ್ರಸ್ತರಿಗೆ ಮಾದರಿ ಮನೆಗಳ ನಿರ್ಮಾಣ-5 ರಿಂದ 10 ಲಕ್ಷದೊಳಗೆ ಮೂರು ರೀತಿಯ ಮನೆ-ಜನರು ಕೇಳಿದ ಮನೆ ಎರಡು ತಿಂಗಳೊಳಗೆ ರೆಡಿ       
Breaking News

ಮಂಗನ ಕೈಲಿ ಮರಿಜುವಾನಾ!

Wednesday, 13.06.2018, 3:00 AM       No Comments

‘ಮಂಗನ ಕೈಲಿ ಮಾಣಿಕ್ಯ ಕೊಟ್ಟಹಾಗೆ’ ಎಂಬ ಗಾದೆಮಾತನ್ನು ಕೇಳದವರಿಲ್ಲ. ಆದರೆ ಇದನ್ನೀಗ ಬದಲಿಸಬೇಕಾದ ಕಾಲ ಬಂದಿದೆ. ಅದಕ್ಕೆ ಕಾರಣವಾಗಿರುವುದು ವಿಟಾಲಿ ಜೊರಿವೆಟ್ಸ್ಕಿ

ಎಂಬ ರಷ್ಯಾ ಸಂಜಾತ ಅಮೆರಿಕನ್. ಈತ ಓರ್ವ ಯೂಟ್ಯೂಬ್ ಸ್ಟಾರ್ ಕೂಡ ಹೌದು. ಯೂಟ್ಯೂಬ್​ನಲ್ಲಿ ಸರಿಸುಮಾರು 1 ಕೋಟಿ ಚಂದಾದಾರರನ್ನು ಹೊಂದಿರುವ ಹೆಗ್ಗಳಿಕೆಯಿರುವ ಈತ ‘ಸುಮ್ಮನಿರಲಾರದೆ ಇರುವೆ ಬಿಟ್ಕೊಂಡ್ರು’ ಎಂಬ ಮಾತಿನಂತೆ, ಮಂಗವೊಂದು ಮರಿಜುವಾನ ಮಾದಕದ್ರವ್ಯವನ್ನು ಸೇದುತ್ತಿರುವ ವಿಡಿಯೋವನ್ನು ಯೂಟ್ಯೂಬ್​ನಲ್ಲಿ ಹರಿಯಬಿಟ್ಟ. ನೋಡನೋಡುತ್ತಿದ್ದಂತೆ ಅದು ವೈರಲ್ ಆಗಿಬಿಟ್ಟಿತು, ಜತೆಗೆ ಪೇಟಾ ಸೇರಿ ಪ್ರಾಣಿ ಹಕ್ಕುಗಳಿಗೆ ಸಂಬಂಧಿಸಿದ ವಿವಿಧ ಸಂಘಟನೆಗಳಿಂದ ಹಿಗ್ಗಾಮುಗ್ಗ ಟೀಕೆಗಳನ್ನೂ ಎದುರಿಸಬೇಕಾಗಿ ಬಂತು.

ಪುಟ್ಟ ಕೋತಿಯೊಂದು ವ್ಯಕ್ತಿಯೊಬ್ಬನ ತೊಡೆಯ ಮೇಲೆ ಕೂತಿರುವುದು, ಅಲ್ಲಿಂದ ನೆಗೆದು ಬೇರೆಡೆಗೆ ತೆರಳುವ ಮುನ್ನ ಒಂದಷ್ಟು ದಂ ಹೊಡೆಯುವುದು, ಈ ವಿಲಕ್ಷಣ ದೃಶ್ಯವನ್ನು ಮೊಬೈಲ್ ಫೋನ್​ನಲ್ಲಿ ಚಿತ್ರೀಕರಿಸುತ್ತಿರುವ ವ್ಯಕ್ತಿ ಜೋರಾಗಿ ನಗುವುದು, ತರುವಾಯದಲ್ಲಿ ಕೋತಿಯು ಆಲೂಗಡ್ಡೆ ಚಿಪ್ಸ್ ಮೆಲ್ಲುತ್ತಿರುವುದು… ಹೀಗೆ ದೃಶ್ಯ ಸರಣಿ ಸಾಗುತ್ತದೆ.

‘ಇದನ್ನು ತಮಾಷೆ ಎಂಬಂತೆ ಪರಿಭಾವಿಸಿರುವವರು ಛೀಮಾರಿ ಹಾಕಿಸಿಕೊಳ್ಳಲು ಅರ್ಹರು’ ಎಂದು ಸಾಮಾಜಿಕ ಮಾಧ್ಯಮಗಳಲ್ಲಿ ಕೆಲವರು ಅಸಹನೆ ತೋಡಿಕೊಂಡಿದ್ದರೆ, ‘ತಾವು ದುಶ್ಚಟ ಕಲಿತಿದ್ದು ಸಾಲದೆಂಬಂತೆ ಪ್ರಾಣಿಗಳನ್ನೂ ಅದರ ಬಲಿಪಶುವಾಗಿಸುವುದು ಅದೆಷ್ಟು ಸರಿ?’ ಎಂದು ಇನ್ನು ಕೆಲವರು ಪ್ರಶ್ನಿಸಿದ್ದಾರಂತೆ. ಒಟ್ನಲ್ಲಿ, ಮಂಗನ ಕೈಲಿ ಮರಿಜುವಾನ ಕೊಟ್ಟಿದ್ದಕ್ಕೆ ವಿಟಾಲಿ ಜೊರಿವೆಟ್ಸ್ಕಿ ಸ್ವತಃ ‘ಇಂಗು ತಿಂದ ಮಂಗನಂತೆ’ ಆಗಿರುವುದಂತೂ ದಿಟ!

Leave a Reply

Your email address will not be published. Required fields are marked *

Back To Top