Sunday, 19th August 2018  

Vijayavani

ರಣಚಂಡಿ ಮಳೆಗೆ ಕುಸಿಯುತ್ತಿದೆ ಕೊಡಗು - ಮತ್ತೆ ಜೋರಾಯ್ತು ಮಳೆ ಅಬ್ಬರ - ಮುಕ್ಕೋಡ್ಲು ಗ್ರಾಮದಲ್ಲಿ 80 ಜನರ ರಕ್ಷಣೆ        ಕ್ಷಣ ಕ್ಷಣಕ್ಕೂ ಆತಂಕ, ಬಿರುಕು ಬಿಟ್ಟ ಧರೆ - ಪ್ರವಾಹದಲ್ಲಿ ಕೊಚ್ಚಿ ಹೋಗ್ತಿದೆ ಬೆಟ್ಟ,ಗುಡ್ಡ - ಕಣ್ಮುಂದೆಯೇ ನೆಲಸಮ ವಾಗ್ತಿದೆ ಬದುಕು        ಕೊಡಗಲ್ಲಿ ಇಂದು ಸಿಎಂ ಎಚ್​ಡಿಕೆ ಪ್ರವಾಸ - ಸಂತ್ರಸ್ಥರ ನೋವು ಆಲಿಸಲಿರುವ ಬಿಎಸ್​ವೈ - ನಿರಾಶ್ರಿತರಿಗೆ ನೆರವು ಅಂದ್ರು ರೇವಣ್ಣ        ಸಂತ್ರಸ್ಥರಿಗೆ ಸ್ಯಾಂಡಲ್​ವುಡ್​​​​​​​​​ ನೆರವಿನ ಹಸ್ತ - ಅಗತ್ಯವಸ್ತುಗಳ ಪೂರೈಸಿದ ಸ್ಟಾರ್ಸ್​​​​​​​​​​​ - ಕೈಲಾದ ಸಹಾಯ ಮಾಡ್ತಿದ್ದಾರೆ ಕರುನಾಡ ಜನರು        ಕೇರಳದಲ್ಲಿ ಕಡಿಮೆಯಾಗ್ತಿಲ್ಲ ನೆರೆ ಅಬ್ಬರ - ಸಾವಿನ ಸಂಖ್ಯೆ 357ಕ್ಕೇ ಏರಿಕೆ - ದೇವರನಾಡಿಗೆ ಹರಿದು ಬರ್ತಿದೆ ನೆರವಿನ ಮಹಾಪೂರ        ಭಾರತ - ಇಂಗ್ಲೆಂಡ್​ ನಡುವಿನ 3ನೇ ಟೆಸ್ಟ್​​​​ ಪಂದ್ಯ - ಬೃಹತ್ ಮೊತ್ತದತ್ತ ಟೀಂ ಇಂಡಿಯಾ - ಶತಕದ ಗಡಿಯಲ್ಲಿ ಎಡವಿದ ಕೊಹ್ಲಿ       
Breaking News

ಭುಜದ ಮೇಲೆ ತಾಯಿ ಶವ ಹೊತ್ತೊಯ್ದ!

Tuesday, 10.10.2017, 3:00 AM       No Comments

ಹೊಸಪೇಟೆ (ಬಳ್ಳಾರಿ): ಉಪವಿಭಾಗೀಯ ಆಸ್ಪತ್ರೆಯಾಗಿ ಮೇಲ್ದರ್ಜೆಗೇರಿರುವ ಇಲ್ಲಿನ 100 ಹಾಸಿಗೆ ಆಸ್ಪತ್ರೆಯಲ್ಲಿ ಒಂದೇ ದಿನ ವೃದ್ಧ ದಂಪತಿ ಭಾನುವಾರ ಮೃತಪಟ್ಟಿದ್ದು, ಮಗನೇ ತಾಯಿ ಶವವನ್ನು ಭುಜದ ಮೇಲೆ ಹೊತ್ತೊಯ್ಯುತ್ತಿರುವ ವಿಡಿಯೋ ಸೋಮವಾರ ವೈರಲ್ ಆಗಿದೆ.

ಬಳ್ಳಾರಿ ತಾಲೂಕು ಕೊರ್ಲಗುಂದಿ ಗ್ರಾಮದ ಮಾರೆಪ್ಪ (76) ಮತ್ತು ತಿಪ್ಪಮ್ಮ (70) ಹೊಸಪೇಟೆ ತಾಲೂಕು ಮರಿಯಮ್ಮನಹಳ್ಳಿ ಹೋಬಳಿ ಗಾಳೆಮ್ಮನಗುಡಿ ಗ್ರಾಮದ ಮಗನ ಬಳಿ ವಾಸವಿದ್ದರು. ಉಸಿರಾಟದ ತೊಂದರೆಯಿಂದ ಬಳಲುತ್ತಿದ್ದ ಇವರಿಬ್ಬರನ್ನು ನಗರದ ಸರ್ಕಾರಿ 100 ಹಾಸಿಗೆ ಆಸ್ಪತ್ರೆಯಲ್ಲಿ ಭಾನುವಾರ ದಾಖಲಿಸಲಾಗಿತ್ತು. ಮೊದಲಿಗೆ ನರ್ಸ್​ಗಳು ಈ ದಂಪತಿಗೆ ಗ್ಲೂಕೋಸ್ ನೀಡಿದ್ದರು. ನಂತರ ದಂಪತಿ ತೀವ್ರ ಆರೋಗ್ಯ ಸಮಸ್ಯೆ ಎದುರಿಸಿದರೂ ಸಿಬ್ಬಂದಿ ಎಚ್ಚೆತ್ತುಕೊಂಡಿಲ್ಲ. ಸೂಕ್ತ ಚಿಕಿತ್ಸೆ ನೀಡುವಂತೆ ರವಿ ನರ್ಸ್​ಗಳನ್ನು ಗೋಗರೆದರೂ ಕಾಳಜಿ ವಹಿಸಿಲ್ಲ ಎನ್ನಲಾಗಿದೆ. ಪರಿಣಾಮ ಸಂಜೆ 4.30ರ ಸುಮಾರಿಗೆ ತಂದೆ ಮಾರೆಪ್ಪ, ರಾತ್ರಿ 9 ಗಂಟೆ ಸುಮಾರಿಗೆ ತಾಯಿ ತಿಪ್ಪಮ್ಮ ಮೃತಪಟ್ಟಿದ್ದಾರೆ. ಇದರಿಂದ ಮನನೊಂದ ಮಗ ರವಿ, ಶವಗಳನ್ನು ಕೊಂಡೊಯ್ಯಲು ಸ್ಟ್ರೆಚರ್ ಕೇಳದೆ, ಸ್ವತಃ ತನ್ನ ತಾಯಿ ಶವವನ್ನು ಭುಜದ ಮೇಲೆ ಹೊತ್ತೊಯ್ದಿದ್ದಾರೆ. ಆಸ್ಪತ್ರೆಯಿಂದ ಹೊರಗೆ ಬಂದು ಆಟೋ ಮೂಲಕ ಶವವನ್ನು ಮನೆಗೆ ಕೊಂಡೊಯ್ದಿದ್ದಾನೆ. ಇದಕ್ಕೂ ಮೊದಲು ತಂದೆ ಶವವನ್ನು ತೆಗೆದುಕೊಂಡು ಹೋಗಿದ್ದಾನೆ.

ಉಸಿರಾಟದ ತೊಂದರೆಯಿಂದ ಮಾರೆಪ್ಪ, ತಿಪ್ಪಮ್ಮ ಎಂಬ ವೃದ್ಧ ದಂಪತಿ ಚಿಕಿತ್ಸೆಗಾಗಿ ಆಸ್ಪತ್ರೆಯಲ್ಲಿ ಭಾನುವಾರ ದಾಖಲಾಗಿದ್ದರು. 4.30ರ ಸುಮಾರಿಗೆ ಮಾರೆಪ್ಪ, ರಾತ್ರಿ 8 ಗಂಟೆ ಸುಮಾರಿಗೆ ತಿಪ್ಪಮ್ಮ ಮೃತಪಟ್ಟಿದ್ದಾರೆ. ಆದರೆ, ಆಸ್ಪತ್ರೆಯಲ್ಲಿ ಸ್ಟ್ರೆಚರ್​ಗಳಿದ್ದರೂ, ತಾಯಿ ಶವವನ್ನು ಭುಜದ ಮೇಲೆ ಅವರ ಪುತ್ರ ಏಕೆ ಹೊತ್ತೊಯ್ದ ಎಂಬುದರ ಬಗ್ಗೆ ಮಾಹಿತಿಯಿಲ್ಲ. ಈ ಕುರಿತು ಅಂದು ಕರ್ತವ್ಯದಲಿದ್ದ ಸಿಬ್ಬಂದಿ ವಿರುದ್ಧ ವರದಿ ಸಿದ್ಧ ಪಡಿಸಲಾಗುತ್ತಿದೆ.

| ಡಾ. ಸಲೀಂ ಆಸ್ಪತ್ರೆ ವೈದ್ಯ

Leave a Reply

Your email address will not be published. Required fields are marked *

Back To Top