Friday, 22nd June 2018  

Vijayavani

ಬಜೆಟ್ ಪೂರ್ವಭಾವಿ ಸಭೆ ಆರಂಭ - ಸಮಾಜ ಕಲ್ಯಾಣ, ಹಿಂದುಳಿದ ವರ್ಗಗಳ ಇಲಾಖೆ ಸಭೆ -ಸಿಎಂ ನೇತೃತ್ವದಲ್ಲಿ ಮೀಟಿಂಗ್​​        ಟ್ರಾನ್ಸ್​​​ಫರ್​ಗೆ ನೋ ಬ್ರೋಕರ್ ಸಿಸ್ಟಂ - ಸಿಎಂ, ಡಿಸಿಎಂ ಹೆಸ್ರು ಬಳಸಿದ್ರೆ ದೂರವಿಡಿ - ಪೊಲೀಸ್​​​​ ಅಧಿಕಾರಿಗಳಿಗೆ ಸಿಎಂ ಆರ್ಡರ್​​​​        ಲಾರಿಗೆ ಸಿಲುಕಿ ಆತ್ಮಹತ್ಯೆಗೆ ಯುವಕನ ಯತ್ನ - ಚಕ್ರ ಹರಿದು ಎರಡೂ ಕಾಲು ಕಟ್​ - ಕೊಪ್ಪಳದ ಕುಕನೂರು ಪಟ್ಟಣದಲ್ಲಿ ಘಟನೆ        ಗಂಗಾಧರ ಚಡಚಣ ನಿಗೂಢ ಹತ್ಯ ಪ್ರಕರಣ - 6 ಮಂದಿ ಆರೋಪಿಗಳ ಸಿಐಡಿ ತನಿಖೆ ಪೂರ್ಣ        ಇಂದಿನಿಂದ ಮೆಟ್ರೋದ 6 ಬೋಗಿ ರೈಲು ಓಡಾಟ - ಬೈಯಪ್ಪನ ಹಳ್ಳಿಯಿಂದ ಮೈಸೂರು ರಸ್ತೆ ವರೆಗೆ ಸಂಚಾರ        ಹಜ್​ ಭವನಕ್ಕೆ ಟಿಪ್ಪು ಹೆಸರಿಡಲು ಪ್ರಸ್ತಾಪ- ವಕ್ಫ್​ ಸಚಿವ ಜಮೀರ್​ ವಿರುದ್ಧ ಆಕ್ರೋಶ- ಟಿಪ್ಪು ಹೆಸರಿಟ್ರೆ ಉಗ್ರ ಹೋರಾಟ ಎಂದ ಬಿಜೆಪಿ       
Breaking News

ಭಗವದ್ದರ್ಶನದ ರಾಜಮಾರ್ಗ

Thursday, 14.09.2017, 3:00 AM       No Comments

ವೇದವೆಂಬುದು ಜ್ಞಾನರಾಶಿ. ಪರಮಾರ್ಥಜ್ಞಾನ ಉಂಟುಮಾಡುವಿಕೆಯೇ ವೇದಾಧ್ಯಯನದ ಪರಮ ಪ್ರಯೋಜನ. ಅದೇ ಮೋಕ್ಷಕ್ಕೆ ಸಾಧನ. ಈ ಲೋಕಕ್ಕೆ ಸೀಮಿತವಲ್ಲದ ಹಾಗೆ ಅತೀಂದ್ರಿಯ ವಸ್ತುವನ್ನು ಪ್ರಾಮಾಣಿಕವಾಗಿ ತಿಳಿಯುವುದಕ್ಕೆ ವೇದ ಬೇಕು. ಜನನ-ಮರಣರೂಪದ ಸಂಸಾರಚಕ್ರ ಅನಾದಿಯಿಂದ ಚಲಿಸುತ್ತಿದೆ. ವ್ಯಕ್ತಿಯೊಬ್ಬ ಮರಣದ ಅನಂತರ ಎಲ್ಲಿರುತ್ತಾನೆ, ಹೇಗಿರುತ್ತಾನೆ ಇತ್ಯಾದಿ ಪ್ರಶ್ನೆಗಳಿಗೆ ಉತ್ತರ ವೇದದಲ್ಲಿದೆ. ನಮಗೆ ಹಿಂದಿನ ಜನ್ಮದ ಅರಿವಿಲ್ಲ, ಮುಂದಿನ ಇರುವಿಕೆಗೆ ಅಸ್ತಿತ್ವ ಗೊತ್ತಿಲ್ಲ. ಯಾಕೆಂದರೆ ಸ್ವರ್ಗ-ನರಕಾದಿಗಳು ನಮ್ಮ ಕಣ್ಣಿಗೆ ಅಗೋಚರ. ಕಣ್ಣಿಗೆ ಕಂಡದ್ದು ಮಾತ್ರ ಸತ್ಯ ಎಂದರೆ; ಕಣ್ಣಿಗೆ ಕಾಣದ್ದನ್ನು, ಅದರ ಅಸ್ತಿತ್ವವನ್ನು ನಿರಾಕರಿಸಲಾಗದು. ಪರಲೋಕವಿಲ್ಲ ಎಂಬುದಕ್ಕೆ ‘ಕಣ್ಣಿಗೆ ಕಾಣದೆ ಇರುವುದರಿಂದ’ ಎಂಬ ಕಾರಣ ಕೊಟ್ಟರೆ, ಪರಲೋಕವಿದೆ ಎಂಬುದಕ್ಕೂ ಇದೇ ಕಾರಣ ನೀಡಬಹುದು. ಯಾಕೆಂದರೆ ಇದೆ-ಇಲ್ಲ ಎಂಬುದನ್ನು ನಿರ್ಧರಿಸಲು ಈ ಲೌಕಿಕ ಕಣ್ಣಿಗೆ ಶಕ್ತವಾಗದು. ಲೋಕಲೋಕಾಂತರಗಳು ಹಾಗಿರಲಿ, ನಮ್ಮ ಮನೆಯ ಗೋಡೆಯ ಸೂಕ್ಷ್ಮ ರಂಧ್ರದೊಳಗಿರುವ ಅತಿ ಸೂಕ್ಷ್ಮ ಜೀವಿಯೂ ಗೋಚರಿಸದೆ ಇರುವಾಗ ಈ ಬರಿಗಣ್ಣು ಬರಿದಾದ ಲೋಕಾನುಭವ ಎಲ್ಲವನ್ನೂ ನಿರ್ಧರಿಸುತ್ತದೆ ಎನ್ನುವುದು ಹಾಸ್ಯಾಸ್ಪದ. ಅಟ್ಟವನ್ನು ಏರಲು ಉದ್ದದ ಕೈಕಾಲುಗಳು ಇದ್ದರೂ ಸಾಧ್ಯವಾಗದಾಗ ಅದಕ್ಕೂ ಉದ್ದದ ಏಣಿ ಬಳಸುವಂತೆ ಅತಿ ಬುದ್ಧಿಮತ್ತೆಗೂ ಹೊಳೆಯದ ವಿಚಾರಗಳನ್ನರಿಯಲು ವೇದವನ್ನು ಅಂದರೆ ಅಮೂಲ್ಯ ಜ್ಞಾನರಾಶಿಯನ್ನು ಮೊರೆ ಹೋಗುವುದು ಅನಿವಾರ್ಯ. ವೇದವನ್ನು ಅರಿತರೆ ಭಗವಂತನನ್ನು ಅರಿತಂತೆ. ವೇದಾರ್ಥ ನಿರ್ಧರಿಸುವುದಕ್ಕೆ ವೇದಾಂಗಗಳು (ಶಿಕ್ಷಾ, ವ್ಯಾಕರಣ, ಛಂದ, ನಿರುಕ್ತ, ಜ್ಯೋತಿಷ, ಕಲ್ಪ) ಸಹಕರಿಸುತ್ತವೆ. ಛಂದಸ್ಸು ವೇದಪುರುಷನ ಪಾದ, ಕಲ್ಪವು ಹಸ್ತ, ಜ್ಯೋತಿಷ್ಯಾಸ್ತ್ರ ಕಣ್ಣು, ನಿರುಕ್ತ ಕಿವಿ, ಶಿಕ್ಷಾಶಾಸ್ತ್ರ ಮೂಗು, ವ್ಯಾಕರಣವೇ ಮುಖ. ವೇದಪುರುಷನ ಸಾಕ್ಷಾತ್ಕಾರವೆಂದರೆ ಅಂಗಸಹಿತ ವೇದಾಧ್ಯಯನ.

 

 

Leave a Reply

Your email address will not be published. Required fields are marked *

Back To Top