Sunday, 19th August 2018  

Vijayavani

ರಣಚಂಡಿ ಮಳೆಗೆ ಕುಸಿಯುತ್ತಿದೆ ಕೊಡಗು - ಮತ್ತೆ ಜೋರಾಯ್ತು ಮಳೆ ಅಬ್ಬರ - ಮುಕ್ಕೋಡ್ಲು ಗ್ರಾಮದಲ್ಲಿ 80 ಜನರ ರಕ್ಷಣೆ        ಕ್ಷಣ ಕ್ಷಣಕ್ಕೂ ಆತಂಕ, ಬಿರುಕು ಬಿಟ್ಟ ಧರೆ - ಪ್ರವಾಹದಲ್ಲಿ ಕೊಚ್ಚಿ ಹೋಗ್ತಿದೆ ಬೆಟ್ಟ,ಗುಡ್ಡ - ಕಣ್ಮುಂದೆಯೇ ನೆಲಸಮ ವಾಗ್ತಿದೆ ಬದುಕು        ಕೊಡಗಲ್ಲಿ ಇಂದು ಸಿಎಂ ಎಚ್​ಡಿಕೆ ಪ್ರವಾಸ - ಸಂತ್ರಸ್ಥರ ನೋವು ಆಲಿಸಲಿರುವ ಬಿಎಸ್​ವೈ - ನಿರಾಶ್ರಿತರಿಗೆ ನೆರವು ಅಂದ್ರು ರೇವಣ್ಣ        ಸಂತ್ರಸ್ಥರಿಗೆ ಸ್ಯಾಂಡಲ್​ವುಡ್​​​​​​​​​ ನೆರವಿನ ಹಸ್ತ - ಅಗತ್ಯವಸ್ತುಗಳ ಪೂರೈಸಿದ ಸ್ಟಾರ್ಸ್​​​​​​​​​​​ - ಕೈಲಾದ ಸಹಾಯ ಮಾಡ್ತಿದ್ದಾರೆ ಕರುನಾಡ ಜನರು        ಕೇರಳದಲ್ಲಿ ಕಡಿಮೆಯಾಗ್ತಿಲ್ಲ ನೆರೆ ಅಬ್ಬರ - ಸಾವಿನ ಸಂಖ್ಯೆ 357ಕ್ಕೇ ಏರಿಕೆ - ದೇವರನಾಡಿಗೆ ಹರಿದು ಬರ್ತಿದೆ ನೆರವಿನ ಮಹಾಪೂರ        ಭಾರತ - ಇಂಗ್ಲೆಂಡ್​ ನಡುವಿನ 3ನೇ ಟೆಸ್ಟ್​​​​ ಪಂದ್ಯ - ಬೃಹತ್ ಮೊತ್ತದತ್ತ ಟೀಂ ಇಂಡಿಯಾ - ಶತಕದ ಗಡಿಯಲ್ಲಿ ಎಡವಿದ ಕೊಹ್ಲಿ       
Breaking News

ಬೇನಾಮಿ ಕಂಪನಿಗಳ ವಿರುದ್ಧ ಮುಂದುವರಿದ ಕೇಂದ್ರದ ತನಿಖೆ

Friday, 06.10.2017, 3:00 AM       No Comments

ನವದೆಹಲಿ: ಕಾಳಧನ ವರ್ಗಾವಣೆ, ಭ್ರಷ್ಟಾಚಾರ ನಿಗ್ರಹಕ್ಕೆ ಬಿಗು ಕ್ರಮ ಕೈಗೊಂಡಿರುವ ಕೇಂದ್ರ ಸರ್ಕಾರ, ಎರಡು ದಿನಗಳ ಹಿಂದಷ್ಟೇ ಬೇನಾಮಿ ಕಂಪನಿಗಳ ಎರಡು ಲಕ್ಷ ನಿರ್ದೇಶಕರನ್ನು ಅನರ್ಹಗೊಳಿಸಿತ್ತು. ಇದರ ಬೆನ್ನಲ್ಲೇ ಮತ್ತಷ್ಟು ನಕಲಿ ಕಂಪನಿಗಳ ನಿರ್ದೇಶಕರ ವಿರುದ್ಧ ಕ್ರಮಕ್ಕೆ ಮುಂದಾಗಿದೆ. ಜತೆಗೆ ಬೇನಾಮಿ ಕಂಪನಿಗಳ ಪರವಾನಗಿಯನ್ನು ಕೂಡ ರದ್ದುಪಡಿಸುವ ಕುರಿತು ಚಿಂತನೆ ನಡೆಸಿದೆ. ಕಾರ್ಪೆರೇಟ್ ವ್ಯವಹಾರಗಳ ಖಾತೆ ರಾಜ್ಯ ಸಚಿವ ಪಿ.ಪಿ. ಚೌಧರಿ, ಒಟ್ಟಾರೆ 4.5 ಲಕ್ಷ ನಿರ್ದೇಶಕರು ಅನರ್ಹತೆಗೊಳಗಾಗಲಿದ್ದಾರೆ ಎಂದು ತಿಳಿಸಿದ್ದಾರೆ.

ಜತೆಗೆ ಎಲ್ಲ ವ್ಯವಹಾರಗಳ ಸೂಕ್ತ ದಾಖಲೆ ಮತ್ತು ಪ್ರಾಮಾಣಿಕ ತೆರಿಗೆ ಪಾವತಿ, ಲೆಕ್ಕಪತ್ರ ಹೊಂದಿರುವ ಕಂಪನಿಗಳ ನಿರ್ದೇಶಕರ ವಿರುದ್ಧ ಯಾವುದೇ ಕ್ರಮ ಕೈಗೊಳ್ಳುವುದಿಲ್ಲ, ಹೀಗಾಗಿ ಪ್ರಾಮಾಣಿಕರು ಭಯಪಡಬೇಕಿಲ್ಲ ಎಂದು ಚೌಧರಿ ಹೇಳಿದ್ದಾರೆ.

ಈ ಮೊದಲು ಸಚಿವಾಲಯ ವಾರ್ಷಿಕ ಹಣಕಾಸು ವ್ಯವಹಾರಗಳ ವಿವರ ಸಲ್ಲಿಸದ 2,17,239 ನಕಲಿ ಕಂಪನಿಗಳ ಹೆಸರನ್ನು ಪಟ್ಟಿಮಾಡಿತ್ತು. ನಂತರ 3,19,637 ನಿರ್ದೇಶಕರನ್ನು ಗುರುತಿಸಿ, ಅವರನ್ನು ಅನರ್ಹಗೊಳಿಸಿತ್ತು. ಈ ರೀತಿ ಅನರ್ಹಗೊಳ್ಳುವ ನಿರ್ದೇಶಕರ ಪಟ್ಟಿ 4.5 ಲಕ್ಷಕ್ಕೆ ತಲುಪುವ ಸಾಧ್ಯತೆಯಿದೆ. -ಏಜೆನ್ಸೀಸ್

ತೆರಿಗೆ ವಂಚಿಸಲೆಂದೇ ಸೃಷ್ಟಿಯಾಗಿದ್ದ ನಕಲಿ ಕಂಪನಿಗಳ ಅನರ್ಹ ನಿರ್ದೇಶಕರ ಹೆಸರನ್ನು ಬಿಡುಗಡೆ ಮಾಡಿದ್ದ ಕೇಂದ್ರ ಸರ್ಕಾರ, ಈಗ ಕಂಪನಿಗಳ ಪರವಾನಗಿಯನ್ನು ರದ್ದು ಮಾಡಲು ನಿರ್ಧರಿಸಿದೆ. ಕೇಂದ್ರದ ಈ ಕ್ರಮದಿಂದ ಕರ್ನಾಟಕದ ಪ್ರಮುಖ ರಾಜಕೀಯ ನಾಯಕರು, ಉದ್ಯಮಿಗಳು ಸೇರಿದಂತೆ 20,924 ಮಂದಿಗೆ ಸಂಕಷ್ಟ ಎದುರಾಗಲಿದೆ ಎನ್ನಲಾಗಿದೆ.

1 ಜಗದೀಶ್ ಶುಗರ್ಸ್​ನ ಶಿಲ್ಪಾ ಶೆಟ್ಟರ್, ಸಂಕಲ್ಪ ಶೆಟ್ಟರ್, ಪ್ರಶಾಂತ್ ಶೆಟ್ಟರ್

2 ಲಕ್ಷ್ಮಣ ರಾವ್ ಜಾರಕಿಹೊಳಿ ಶುಗರ್ಸ್​ನ ರಮೇಶ ಜಾರಕಿಹೊಳಿ, ಲಕ್ಕಣ್ಣ ಜಾರಕಿಹೊಳಿ, ಲಕ್ಷ್ಮಣ ರಾವ್ ಜಾರಕಿಹೊಳಿ, ಭೀಮಶಿ ಜಾರಕಿಹೊಳಿ, ಸುವರ್ಣ ಜಾರಕಿಹೊಳಿ

3 ರಾಯಲ್ ಶುಗರ್ಸ್ ಲಿಮಿಟೆಡ್​ನ ರವಿಕಾಂತ ಪಾಟೀಲ

4 ಬೀರೇಶ್ವರ ಮಾರ್ಕೆಟಿಂಗ್​ನ ಅಣ್ಣಸಾಹೇಬ ಜೊಲ್ಲೆ

5 ಕ್ವಾಲಿಟಿ ಪ್ರಾಪರ್ಟಿ ಮ್ಯಾನೇಜ್​ವೆುಂಟ್​ನ ಲಿಯಾಂಡರ್ ಪೇಸ್

6 ಎಎಲ್​ವಿ ಪ್ರಾಜೆಕ್ಟ್್ಸ ನಂದಿನಿ ಆಳ್ವ, ಪ್ರಿಯಾಂಕ ಒಬೆರಾಯ್

7 ಜೆ.ಎಚ್. ಪಟೇಲ್ ಹೋಟೆಲ್ಸ್ ಇಂಡಿಯಾ ಪ್ರೖೆ. ಲಿ.ನ ಮಹಿಮಾ ಪಟೇಲ್

Leave a Reply

Your email address will not be published. Required fields are marked *

Back To Top