Wednesday, 18th July 2018  

Vijayavani

ಸಾಲದ ಸುಳಿಯಲ್ಲಿದ್ರೂ ಐ ಫೋನ್​ ಗಿಫ್ಟ್​ - ಹತ್ತಾರು ಸಮಸ್ಯೆ ಮಧ್ಯೆ ಬೇಕಿತ್ತಾ ದುಬಾರಿ ಉಡುಗೊರೆ​ - ಇಟ್ಕೊಂಡೋರಾರು..? ವಾಪಸ್ ಕೊಟ್ಟವರಾರು.?        ದೆಹಲಿಯಲ್ಲಿದ್ರೂ ರೇವಣ್ಣಗೆ ತವರಿನ ಜಪ - ಹಾಸನದ ಅಭಿವೃದ್ಧಿ ಬಗ್ಗೆ ಕೇಂದ್ರ ಸಚಿವರ ಜತೆ ಚರ್ಚೆ - ಸಿಎಂ ಎಚ್​ಡಿಕೆಯನ್ನೇ ಓವರ್​​ಟೇಕ್​ ಮಾಡಿದ PWD ಮಿನಿಸ್ಟರ್​​​        ಜಾರಕಿಹೊಳಿ ಬ್ರದರ್ಸ್​​​​ ನಡುವೆ ಸಮರ - ದೆಹಲಿಗೆ ಶಾಸಕರನ್ನ ಕರೆದೊಯ್ದ ರಮೇಶ್​​​​​​​ ಜಾರಕಿಹೊಳಿ - ಸತೀಶ್​​ಗೆ ಮಂತ್ರಿಗಿರಿ ತಪ್ಪಿಸಲು ಶಕ್ತಿ ಪ್ರದರ್ಶನ        ಇಂದಿನಿಂದ ಸಂಸತ್ ಅಧಿವೇಶನ - ಮಹಿಳಾ ಮೀಸಲಾತಿ, ತ್ರಿಪಲ್ ತಲಾಖ್​​​​​ ಮಸೂದೆ ಅಂಗೀಕಾರ ಸಾಧ್ಯತೆ - ಸಂಜೆ ರಾಜ್ಯ ಸಂಸದರ ಜತೆ ಸಿಎಂ ಮೀಟಿಂಗ್​​        ವಸತಿ ಯೋಜನೆಯ ಹಣವನ್ನೇ ನುಂಗಿದ್ರು - 140 ಅನರ್ಹರಿಂದ 8 ಕೋಟಿ ಗುಳುಂ ಸ್ವಾಹ - ಗದಗ ನಗರಸಭೆಯಲ್ಲಿ ಬಯಲಾಯ್ತು ಗೋಲ್​ಮಾಲ್​​​​        ದೀಪಾಲಂಕಾರದಿಂದ ಕಂಗೊಳಿಸಿದ ಕೆಆರ್​ಎಸ್​ - ಗಗನ ಚುಕ್ಕಿ ಜಲಪಾತ ನಯನ ಮನೋಹರ - ಡ್ರೋಣ್​​ ಕಣ್ಣಲ್ಲಿ ಸೆರೆಯಾಯ್ತು ಜಲಧಾರೆಯ ದೃಶ್ಯ ವೈಭವ       
Breaking News

ಬೆರಗುಗೊಳಿಸುವ ಚಿತ್ತಾರ

Friday, 13.10.2017, 3:02 AM       No Comments

ವಿದೇಶಗಳಲ್ಲಿನ ರಸ್ತೆಗಳ ಬಗ್ಗೆ ನೀವು ಕೇಳಿರಬಹುದು, ನೋಡಿರಬಹುದು. ನೇರವಾಗಿ, ಯಾವುದೇ ಗುಂಡಿ-ಉಬ್ಬುಗಳಿಲ್ಲದ ಉತ್ತಮ ಗುಣಮಟ್ಟದ ರಸ್ತೆಗಳು! ಅಲ್ಲಿ ಅತಿವೇಗದಿಂದ ಸಾಗುವ ವಾಹನಗಳನ್ನು ನಿಯಂತ್ರಿಸಲು ರಸ್ತೆಯಲ್ಲೇ 3ಡಿ ಮಾದರಿ ಹೊಂಡಗಳನ್ನು ಚಿತ್ರಿಸುತ್ತಾರೆ. ದೂರದಿಂದ ನೋಡಿದರೆ ಅವು ನೈಜ ಉಬ್ಬುಗುಂಡಿಗಳಂತೆ ಕಾಣಿಸುವುದರಿಂದ ಕಾರು ಚಾಲಕರು ತಾವಾಗಿಯೇ ನಿಧಾನವಾಗಿ ಸಾಗುತ್ತಾರೆ. ಆದರೆ ಇದೇ ಮಾದರಿ ಚಿತ್ತಾರವನ್ನು ಶಾಪಿಂಗ್ ಮಳಿಗೆ ಹೊರಗೆ ಚಿತ್ರಿಸಿದರೆ ಹೇಗಿರುತ್ತದೆ? ಈ ಬಗ್ಗೆ ಚಿಂತಿಸಿದ ಇಂಗ್ಲೆಂಡ್ ಮೂಲದ ಕಂಪನಿಯೊಂದು ತನ್ನ ಮ್ಯಾಂಚೆಸ್ಟರ್​ನ ಮಳಿಗೆ ಹೊರಗಡೆ 3ಡಿ ಚಿತ್ತಾರ ರೂಪಿಸಿದೆ.

ಗ್ರಾಹಕರು ಮಳಿಗೆ ಪ್ರವೇಶಿಸುವಾಗ ಈ ಚಿತ್ತಾರ ಅವರ ಅರಿವಿಗೆ ಬರುವುದಿಲ್ಲ, ಅದು ನೇರವಾಗಿ ಮತ್ತು ಸ್ಪಷ್ಟವಾಗಿರುತ್ತದೆ. ಆದರೆ ಮಳಿಗೆಯಿಂದ ಹೊರಹೋಗುವಾಗ ಕಾಣುವ ರೀತಿಯೇ ಬೇರೆಯಾಗಿರುತ್ತದೆ. ಪಕ್ಕನೆ ಹೊರಗಡೆ ಬಂದು ನೋಡಿದಾಗ ನೆಲವೇ ಬಾಗಿದಂತೆ ಮತ್ತು ಒಂದು ಕಡೆಗೆ ವಾಲಿಕೊಂಡು ಗುಂಡಿ ಬಿದ್ದಂತೆ ಕಾಣಿಸುತ್ತದೆ. ವಾಸ್ತವದಲ್ಲಿ ನೆಲ ಏನೂ ಆಗಿರುವುದಿಲ್ಲ ಮತ್ತು ಸರಿಯಾಗಿಯೇ ಇರುತ್ತದೆ. ಆದರೆ 3ಡಿ ವಿನ್ಯಾಸ ಮಾತ್ರ ನೋಡುವಾಗ ಪಕ್ಕನೆ ನೆಲ ಬಿರಿದಂತೆ, ಒಂದು ಬದಿಗೆ ವಾಲಿದಂತೆ ಗೋಚರಿಸುವುದರಿಂದ ಗ್ರಾಹಕರು ಗೊಂದಲಕ್ಕೊಳಗಾಗುತ್ತಾರೆ. ಕೊನೆಗೆ ಗಲಿಬಿಲಿಯಿಂದ ಹೊರಬಂದು ಮತ್ತೆ ಹೊರಗೆ ಸಾಗುತ್ತಾರೆ.

ಶಾಪಿಂಗ್ ಮಳಿಗೆಯ ಈ ವಿಚಿತ್ರ ಚಿತ್ತಾರದ ಬಗ್ಗೆ ಗ್ರಾಹಕರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಜತೆಗೆ ಸಾಮಾಜಿಕ ತಾಣಗಳಲ್ಲೂ ಚಿತ್ರ ಹಂಚಿಕೊಂಡು, ಪಕ್ಕನೆ ಹೊರಗೆ ಬಂದು ನೆಲ ನೋಡಿದಾಗ ಏನನ್ನಿಸಿತು ಎಂದು ಹೇಳಿಕೊಂಡಿದ್ದಾರೆ. ಹೀಗಾಗಿ ಮಳಿಗೆಯ ಚಿತ್ರ ಮತ್ತು ಅಲ್ಲಿನ ನೆಲದ ಚಿತ್ತಾರ ಆನ್​ಲೈನ್​ನಲ್ಲಿ ಫೇಮಸ್ ಆಗಿದೆ. -ಏಜೆನ್ಸೀಸ್

Leave a Reply

Your email address will not be published. Required fields are marked *

Back To Top