Thursday, 24th August 2017  

Vijayavani

1. ಹಾವೇರಿಯಲ್ಲಿ ಇಂಜೆಕ್ಷನ್‌ ಬಳಿಕ ರೋಗಿ ಸಾವು- ಆಸ್ಪತ್ರೆ ಮುಂದೆ ಪೋಷಕರ ಪ್ರತಿಭಟನೆ- ಸಾವಿನ ಇಂಜೆಕ್ಷನ್‌ ಅಂತಾ ಆರೋಪ 2. ಡಿವೈಎಸ್‌ಪಿ ಗಣಪತಿ ಸಾವು ಪ್ರಕರಣ- ಗಣಪತಿ ಆತ್ಮಹತ್ಯೆ ವೇಳೆ ನನಗೆ ಯಾವುದೇ ಕರೆ ಬಂದಿಲ್ಲ- ಕಾಲ್‌ಡಿಟೆಲ್ಸ್‌ ಡಿಲೀಟ್‌ ಬಗ್ಗೆ ಶಾಸಕ ವಿನಯ್ ಕುಮಾರ್ ಸೊರಕೆ ಪ್ರತಿಕ್ರಿಯೆ 3. ಕೋಲಾರದಲ್ಲಿ ಮಕ್ಕಳ ಸಾವು ಪ್ರಕರಣ- ಆಸ್ಪತ್ರೆಗೆ ಬಿಜೆಪಿ ಸತ್ಯ ಶೋಧನ ಸಮಿತಿ ಭೇಟಿ- ಜಿಲ್ಲೆಗೆ ಇದು ಶೋಭೆಯಲ್ಲ ಎಂದ ಮಾಜಿ ಸಚಿವ ಸುರೇಶ್​ ಕುಮಾರ್​​​ 4. ಮತ್ತೆ ಒಂದಾದ ಸುದೀಪ್​​​​ ದಂಪತಿ- ಪ್ರಿಯಾ-ಸುದೀಪ್​​​​​​​​​​​​​​​​​​​​​ಗೆ ಕಲಾವಿದರ ಶುಭಾಶಯ- ನೂರ್ಕಾಲ ಬಾಳಲಿ ಎಂದ ಜಗ್ಗೇಶ್​​​​​​​ 5. ಬಿಡುಗಡೆಯಾಯ್ತು 200ರ ಹೊಸ ನೋಟು- ನಾಳೆಯಿಂದಲೇ ಬ್ಯಾಂಕ್​​​​​​​​​​​​​​​​​​​​​​​​​​​​​​​​​​ಗಳಿಗೆ ಪೂರೈಕೆ- ಆರ್​​​​​​​ಬಿಐನಿಂದ ಪ್ರಕಟಣೆ
Breaking News :

ಬಾಹು ಪರಾಕ್ರಮ ದಾಖಲೆಗಳು ಬಲಿ

Saturday, 20.05.2017, 3:00 AM       No Comments

ನೂರು ಕೋಟಿ ರೂ. ಕ್ಲಬ್ ಸೇರುವುದೇ ಇದುವರೆಗಿನ ಬಾಲಿವುಡ್ ಸಿನಿಮಾಗಳ ಸಾಧನೆಯಾಗಿತ್ತು. ಶತಕೋಟಿ ಗಳಿಸಿಬಿಟ್ಟರೆ, ಆ ಚಿತ್ರಕ್ಕೆ ವಿಶೇಷ ಮನ್ನಣೆ ಸಿಗುತ್ತಿತ್ತು ಮತ್ತು ಅಂತಹ ಸಾಧನೆಗಳನ್ನು ಹಿಂದಿ ಸಿನಿಮಾಗಳು ಮಾತ್ರ ಹೆಚ್ಚು ಮಾಡುವುದು ಎಂಬ ನಂಬಿಕೆ ಇತ್ತು. ಆದರೆ ತೆಲುಗಿನ ‘ಬಾಹುಬಲಿ 2’ ಅವೆಲ್ಲ ಕಲ್ಪನೆಗಳನ್ನು ಚಚ್ಚಿ ಬೀಸಾಕಿದೆ. ನಂಬಿ, ವಿಶ್ವ ಸಿನಿಮಾರುಕಟ್ಟೆಯಲ್ಲಿ ಈ ಚಿತ್ರ ಗಳಿಸಿರುವುದು ಬರೋಬ್ಬರಿ 1500 ಕೋಟಿ ರೂ.! ಹಿಂದಿ ಡಬ್ ವರ್ಷನ್​ನಿಂದಲೇ 460 ಕೋಟಿ ರೂ. ಗಳಿಕೆಯಾಗಿದ್ದು, ಈ ಪ್ರಮಾಣದ ಕಲೆಕ್ಷನ್ ಮಾಡುವುದಕ್ಕೆ ಹಿಂದಿ ಸಿನಿಮಾಗಳಿಗೇ ಸಾಧ್ಯವಾಗಿಲ್ಲ!! ಎಸ್.ಎಸ್. ರಾಜಮೌಳಿ ನಿರ್ದೇಶನದ ‘ಬಾಹುಬಲಿ 2’ ಬಿಡುಗಡೆಗೊಂಡ ಮೊದಲ ದಿನವೇ 121 ಕೋಟಿ ರೂ. ಕಲೆಹಾಕುವ ಮೂಲಕ ಎಲ್ಲರಲ್ಲೂ ಅಚ್ಚರಿ ಮೂಡಿಸಿತ್ತು. ಭಾರತದ ಒಂದು ಸಾವಿರ ಕೋಟಿ ರೂ. ಕಲೆಕ್ಷನ್ ಮಾಡುವ ಸಿನಿಮಾ ಇದಾಗಲಿದೆ ಎಂಬ ಊಹೆ ಬಾಕ್ಸ್​ಆಫೀಸ್ ಪಂಡಿತರಲ್ಲಿತ್ತು. ಆದರೆ, ಈ ಚಿತ್ರ ಅಂತಹ ನಿರೀಕ್ಷೆಗಳನ್ನು ಮೀರಿ ಗಳಿಕೆ ಮಾಡಿದೆ. ಇದೀಗ ಚಿತ್ರತಂಡವೇ ನೀಡಿರುವ ಅಧಿಕೃತ ಮಾಹಿತಿ ಪ್ರಕಾರ, ‘ಬಾಹುಬಲಿ 2’ ಒಟ್ಟು 1500 ರೂ. ಗಳಿಸಿದೆ. ತೆಲುಗು, ಹಿಂದಿ, ತಮಿಳು, ಮಲಯಾಳಂ ಭಾಷೆಗಳ ಆವೃತ್ತಿಯಿಂದ ಇದುವರೆಗೂ ಭಾರತದಲ್ಲಿ 1225 ಕೋಟಿ ರೂ. ಬಂದಿದ್ದರೆ, ವಿದೇಶದಿಂದ 275 ಕೋಟಿ ರೂ. ಹರಿದುಬಂದಿದೆಯಂತೆ. ಇನ್ನು, ‘ಬಾಹುಬಲಿ 2’ಗೆ ಪೈಪೋಟಿಯೊಡ್ಡಲು ‘ದಂಗಲ್’ ಕಸರತ್ತು ಮಾಡುತ್ತಿದೆ. ಇತ್ತೀಚೆಗಷ್ಟೇ ಚೀನಿ ಭಾಷೆಗೆ ಡಬ್ ಆಗಿರುವ ಈ ಚಿತ್ರ 500 ಕೋಟಿ ರೂ.ಗೂ ಅಧಿಕ ಹಣ ಗಳಿಸಿದೆಯಂತೆ. -ಏಜೆನ್ಸೀಸ್

 

Leave a Reply

Your email address will not be published. Required fields are marked *

Back To Top