Sunday, 23rd September 2018  

Vijayavani

ಜಿಮ್​ ತರಬೇತುದಾರನ ಅಪಹರಣ ಮತ್ತು ಹಲ್ಲೆ ಪ್ರಕರಣದಲ್ಲಿ ನಟ ದುನಿಯಾ ವಿಜಯ್​ ಬಂಧನ.        ವಿಧಾನ ಪರಿಷತ್​​ 3 ಸ್ಥಾನಗಳಿಗೆ ಚುನಾವಣೆ: ನಾಮಪತ್ರ ಸಲ್ಲಿಕೆಗೆ ನಾಳೆ ಕೊನೆ ದಿನ, ಬಿಜೆಪಿ ಪಟ್ಟಿ ಇಂದು ಅಂತಿಮ        ಮೋದಿ ಕಳ್ಳ ಎಂದಿದ್ದ ರಾಹುಲ್​ ವಿರುದ್ಧ ನಿರ್ಮಲಾ ಗುಡುಗು: ರಾಹುಲ್​ ಅವರದ್ದು ಕಳ್ಳರ ಕುಟುಂಬ ಎಂದ ಸಚಿವೆ        ಹಾಸನದಲ್ಲಿ ಇಂದು ಹಲವು ಅಭಿವೃದ್ಧಿ ಕಾಮಗಾರಿಗಳಿಗೆ ಚಾಲನೆ ನೀಡಲಿದ್ದಾರೆ ಮುಖ್ಯಮಂತ್ರಿ ಎಚ್​ಡಿಕೆ       
Breaking News

ಫೋಟೋ ಕಣ್ಕಟ್ಟು…

Monday, 16.04.2018, 3:02 AM       No Comments

ಲವು ಬಾರಿ ನಮ್ಮ ಕಣ್ಣನ್ನು ನಾವು ನಂಬಲಾಗುವುದಿಲ್ಲ. ನಮಗೆ ಕಾಣುವುದು ಒಂದು ಅಲ್ಲಿ ಇರುವುದು ಮತ್ತೊಂದು. ಕಣ್ಣೆದುರಿನ ದೃಶ್ಯದ ಕಡೆಗೆ ಸಾಗಿದಷ್ಟು ನಮಗೆ ಕಾಣುತ್ತಿದ್ದ ಚಿತ್ರಣ ಬೇರೆ ರೂಪಪಡೆದು… ಅರೆ, ಇದು ಹೀಗಿದೆಯಾ ಎಂದು ಹುಬ್ಬೇರಿಸುವಂತೆ ಮಾಡುತ್ತದೆ.

ಒಬ್ಬರೇ ಇದ್ದಾಗ ಮತ್ತು ಕುಟುಂಬಸ್ಥರು ಹಾಗೂ ಸ್ನೇಹಿತರೊಂದಿಗೆ ಕಾಲಕಳೆಯುವಾಗ ಹಲವು ಬಾರಿ ಅಂಥ ಅನುಭವ ನಮ್ಮದಾಗಿರುತ್ತದೆ. ಬೆಳಕಿನ ಬಿಂಬ- ಪ್ರತಿಬಿಂಬದ ಆಟದಿಂದ ಮೂಡಿಬರುವ ಈ ದೃಶ್ಯಗಳು ತಲೆ ತಿರುಗಿಸಿದರೆ ಆಶ್ಚರ್ಯವಿಲ್ಲ.

ಸರ್ಕಸ್​ಗಳಲ್ಲಿನ ಮಾಯಾಗನ್ನಡಿ, ವಸ್ತು ಸಂಗ್ರಹಾಲಯಗಳಲ್ಲಿ ಕಾಣಸಿಗುವ ವಿಶೇಷ ವರ್ಣಚಿತ್ರಗಳು ಕಣ್ಣಿಗೆ ಮೋಸ ಮಾಡುವ ದೃಶ್ಯಗಳಿಗೆ ಉದಾಹರಣೆಗಳು. ಆದರೆ ಪ್ರಕೃತಿಯೇ ನಮ್ಮೆದುರು ಕೆಲವು ಬಾರಿ ಆಶ್ಚರ್ಯ ಚಕಿತಗೊಳಿಸುವ ದೃಶ್ಯಗಳನ್ನು ತಂದು ನಿಲ್ಲಿಸುತ್ತದೆ. ಕ್ಯಾಮರಾ ಕಣ್ಣಿಗೆ ಸೆರೆಸಿಕ್ಕ ಅಂಥ ಕೆಲವು ಫೋಟೋಗಳು ಇಲ್ಲಿವೆ.

ಕೆರೆ ದಡ ಆಕಾಶವಾದಾಗ

ಕೆರೆಯ ದಡದಲ್ಲಿನ ನೀರು ಪ್ರಶಾಂತವಾಗಿ ತಿಳಿಗಟ್ಟಿದಾಗ ಅದರಲ್ಲಿ ಕಾಣಸಿಗುವ ಆಕಾಶದಲ್ಲಿನ ಮೋಡಗಳ ಪ್ರತಿಬಿಂಬ ಥೇಟ್ ಆಕಾಶವೇ ಕೆರೆಯಲ್ಲಿದೆಯೇ ಎಂದು ದಿಗ್ಭ್ರಮೆ ಗೊಳ್ಳುವಂತೆ ಮಾಡಿದೆ.


ಬಿಂಬದಲ್ಲಿ ಟೈರ್ ಪರ್ಫೆಕ್ಟ್

ಸೈಕಲ್ ಟೈರ್ ಪಂಚರ್ ಆಗಿ ರಿಮ್ ಸೊಟ್ಟ ಆಗಿದೆಯೋ ಅಥವಾ ನೀರಿನಲ್ಲಿ ಕಾಣುತ್ತಿರುವ ಬಿಂಬದಂತೆ ಸರಿಯಾಗಿಯೇ ಇದೆಯೋ! ಕಣ್ಣೆದುರಿನ ವಾಸ್ತವದಲ್ಲಿ ಸೈಕಲ್ ದುಸ್ಥಿತಿಯಲ್ಲಿದ್ದರೂ, ಬಿಂಬದಲ್ಲಿ ಸ್ಟ್ಯಾಂಡ್​ ತೆಗೆದು ಓಡಿಸಲು ರೆಡಿಯಾಗಿರುವಂತೆ ಕಾಣುವುದು ಆಶ್ಚರ್ಯ.


ವರನ ಹೆಗಲ ಮೇಲೆ ಕಾಲಿಟ್ಟ ವಧು

ಹೊಸದಾಗಿ ಮದುವೆಯಾದ ವಧು ವರ ಸಂಭ್ರಮಿಸುತ್ತಿರುವಾಗ ಸೆರೆಹಿಡಿಯಲಾದ ಈ ಫೋಟೋದಲ್ಲಿ ಯುವಕ ತೊಟ್ಟಿರುವ ಬಿಳಿ ಅಂಗಿ ಮತ್ತು ಯುವತಿಯ ಸಾಂಪ್ರದಾಯಿಕ ಬಿಳಿ ಉಡುಗೆ ಒಂದಕ್ಕೊಂದು ಸೇರಿಕೊಂಡು ಯುವತಿ ತನ್ನ ಕಾಲುಗಳನ್ನು ಯುವಕನ ಹೆಗಲ ಮೇಲೆ ಇರಿಸಿದ್ದಾಳೆನೋ ಎಂದು ಎರಡು ಬಾರಿ ಕಣ್ಣರಳಿಸಿ ನೋಡುವಂತೆ ಮಾಡುತ್ತಿದೆ.

Leave a Reply

Your email address will not be published. Required fields are marked *

Back To Top