Wednesday, 17th October 2018  

Vijayavani

ಕಾವೇರಿ ತೀರ್ಥೋದ್ಭವಕ್ಕೆ ಕ್ಷಣಗಣನೆ -  ಸಂಜೆ 6.15ರಿಂದ 6.45ರೊಳಗೆ ಉಕ್ಕಿಹರಿಯಲಿದೆ ಜೀವನದಿ ಕಾವೇರಿ        ಪವಿತ್ರ ತೀರ್ಥಕ್ಕಾಗಿ ಹರಿದು ಬಂದಿದೆ ಭಕ್ತರ ದಂಡು - ತಲಕಾವೇರಿಯಲ್ಲಿ ಬಿಗಿ ಬಂದೋಬಸ್ತ್​ - ಸಿಎಂ ಕುಮಾರಸ್ವಾಮಿ ಉಪಸ್ಥಿತಿ        ನಿಗದಿಯಂತೆ ಬಾಗಿಲು ತೆರೆದ ಅಯ್ಯಪ್ಪ ದೇಗುಲ - ಮಹಿಳಾ ಭಕ್ತರಿಗೆ ಸಿಗಲೇ ಇಲ್ಲ ಮಣಿಕಂಠನ ದರ್ಶನ        ಶಬರಿಮಲೆಯಲ್ಲಿ ಭಾರೀ ಹಿಂಸಾಚಾರ ಹಿನ್ನೆಲೆ - ಪಂಪಾ, ನೀಲಕ್ಕಲ್ ಸೇರಿ 4 ಕಡೆ ನಿಷೇಧಾಜ್ಞೆ ಜಾರಿ - 144 ಸೆಕ್ಷನ್ ಆದೇಶ        ಮೀಟೂ ಅಭಿಯಾನಕ್ಕೆ ಮೊದಲ ವಿಕೆಟ್‌ ಪತನ - ಕೇಂದ್ರ ಸಚಿವ ಸ್ಥಾನಕ್ಕೆ ಅಕ್ಬರ್‌ ರಾಜೀನಾಮೆ       
Breaking News

ಫೈನಲ್​ಗೇರಿದ ತಮಿಳುನಾಡು ತಂಡ

Tuesday, 28.03.2017, 7:52 AM       No Comments

ವಿಶಾಖಪಟ್ಟಣ: ದಿನೇಶ್ ಕಾರ್ತಿಕ್ (93 ರನ್, 98 ಎಸೆತ, 6 ಬೌಂಡರಿ, 1 ಸಿಕ್ಸರ್) ಶತಕವಂಚಿತ ಬ್ಯಾಟಿಂಗ್ ಹಾಗೂ ರಾಹಿಲ್ ಷಾ (37ಕ್ಕೆ 3), ಸಾಯಿ ಕಿಶೋರ್ (39ಕ್ಕೆ 3) ಜೋಡಿಯ ಮಾರಕ ದಾಳಿ ನೆರವಿನಿಂದ ತಮಿಳುನಾಡು ತಂಡ ದೇವಧರ್ ಟ್ರೋಫಿ ಏಕದಿನ ಕ್ರಿಕೆಟ್ ಟೂರ್ನಿಯಲ್ಲಿ ಪ್ರಶಸ್ತಿ ಸುತ್ತಿಗೇರಿತು. ವೈಎಸ್ ರಾಜಶೇಖರ ರೆಡ್ಡಿ ಕ್ರಿಕೆಟ್ ಸ್ಟೇಡಿಯಂನಲ್ಲಿ ಸೋಮವಾರ ನಡೆದ ಪಂದ್ಯದಲ್ಲಿ ವಿಜಯ್ ಹಜಾರೆ ಟ್ರೋಫಿ ಚಾಂಪಿಯನ್ ತಮಿಳುನಾಡು ತಂಡ 73 ರನ್​ಗಳಿಂದ ಭಾರತ ಎ (ಬ್ಲೂ) ತಂಡವನ್ನು ಸೋಲಿಸಿತು. ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದ ತಮಿಳುನಾಡು 6 ವಿಕೆಟ್​ಗೆ 303 ರನ್ ಪೇರಿಸಿದರೆ, ಪ್ರತಿಯಾಗಿ ಹರ್ಭಜನ್ ಸಿಂಗ್ ಸಾರಥ್ಯದ ಭಾರತ ಎ ತಂಡ ಮಂದೀಪ್ ಸಿಂಗ್ (97ರನ್, 114ಎಸೆತ, 6 ಬೌಂಡರಿ, 3 ಸಿಕ್ಸರ್) ಏಕಾಂಗಿ ಹೋರಾಟದ ನಡುವೆಯೂ 44.4 ಓವರ್​ಗಳಲ್ಲಿ 230 ರನ್​ಗೆ ಸರ್ವಪತನ ಕಂಡಿತು. ಭಾರತ ಎ ತಂಡ ಪರ ಕನ್ನಡಿಗ ಮಯಾಂಕ್ ಅಗರ್ವಾಲ್ (12) ಮತ್ತೆ ವೈಫಲ್ಯ ಅನುಭವಿಸಿದರು.

ತಮಿಳುನಾಡು: 6 ವಿಕೆಟ್​ಗೆ 303 (ದಿನೇಶ್ ಕಾರ್ತಿಕ್ 93, ಎನ್.ಜಗದೀಶನ್ 71, ಬಾಬಾ ಇಂದ್ರಜಿತ್ 36*, ಕೌಶಿಕ್ ಗಾಂಧಿ 34, ಶಾರ್ದೂಲ್ ಠಾಕೂರ್ 49ಕ್ಕೆ 3, ಹರ್ಭಜನ್ 57ಕ್ಕೆ 1). ಭಾರತ ಎ: 44. 4 ಓವರ್​ಗಳಲ್ಲಿ 230 (ಮಂದೀಪ್ ಸಿಂಗ್ 97, ಮಯಾಂಕ್ 12, ಕೃನಾಲ್ ಪಾಂಡ್ಯ 36, ರಾಹಿಲ್ ಷಾ 37ಕ್ಕೆ 3, ಸಾಯಿ ಕಿಶೋರ್ 39ಕ್ಕೆ 3).

-ಏಜೆನ್ಸೀಸ್

Leave a Reply

Your email address will not be published. Required fields are marked *

Back To Top