Wednesday, 20th June 2018  

Vijayavani

ಐಟಿ ದೂರಿನಲ್ಲಿದೆ ಸ್ಫೋಟಕ ಮಾಹಿತಿ - ಎಐಸಿಸಿಗೆ ಕೋಟಿ ಕೋಟಿ ಕೊಟ್ಟಿದ್ರಾ ಡಿಕೆಶಿ - ಹವಾಲಾ ವ್ಯವಹಾರದಲ್ಲಿ ಡಿಕೆಶಿ ಹೆಸರು        ಉಪ್ಪು-ಹುಳಿ, ಖಾರ ಇಲ್ಲದ ಊಟ - ನಾನ್​ ವೆಜ್​​ನಿಂದ ದೂರ ದೂರ - ಪ್ರಕೃತಿ ಚಿಕಿತ್ಸಾಲಯದಲ್ಲಿ ಸಿದ್ದು ಫುಲ್ ಸಸ್ಯಹಾರಿ        ಕಾಶ್ಮೀರದಲ್ಲಿ ಯೋಧನ ಕಿಡ್ನಾಪ್​​​, ಹತ್ಯೆ ಪ್ರಕರಣ - ಮೃತನ ಮನೆಗೆ ರಕ್ಷಣಾ ಸಚಿವ ಭೇಟಿ - ಕುಟುಂಬಸ್ಥರಿಗೆ ಸಾಂತ್ವನ ಹೇಳಿದ ನಿರ್ಮಲಾ ಸೀತಾರಾಮನ್​​        ರೈತ ಎಂದರೆ, ರಕ್ತ, ಬೆವರು ಸುರಿಸುವ ಅನ್ನದಾತ - ದೇಶದ ಅಭಿವೃದ್ಧಿಗೆ ದೇಶದ ರೈತರ ಕೊಡುಗೆ ಆಪಾರ - ರೈತರ ಜತೆ ಪ್ರಧಾನಿ ಮೋದಿ ಸಂವಾದ        ಬಿಸಿಲು ಬರೋವರೆಗೂ ಬಯಲಲ್ಲೇ ಪಾಠ - ಕುಸಿಯುತ್ತಿರೋ ಶಾಲೆಯಲ್ಲೇ ವಿದ್ಯಾರ್ಥಿಗಳ ನರಳಾಟ - ದಾವಣಗೆರೆಯ ಸರ್ಕಾರಿ ಶಾಲೆಗೆ ಬೇಕಿದೆ ಕಾಯಕಲ್ಪ        ಕಣಿವೆ ರಾಜ್ಯದಲ್ಲಿ ರಾಜಕೀಯ ಬಿಕ್ಕಟ್ಟು ಹಿನ್ನೆಲೆ - ಮೈತ್ರಿ ಮುರಿದ ಬೆನ್ನಲ್ಲೇ ರಾಜ್ಯಪಾಲರ ಆಡಳಿತ ಜಾರಿ- ಮಧ್ಯಾಹ್ನ 2:30ಕ್ಕೆ ಅಧಿಕಾರಿಗಳ ಸಭೆ ಕರೆದ ಗವರ್ನರ್       
Breaking News

ಪ್ರಯೋಗಕ್ಕಿಳಿದ ಕೃತಿ-ದಿಲ್​ಜಿತ್

Friday, 12.01.2018, 3:02 AM       No Comments

ಹೀರೋ ಎಂದರೆ ಹೀಗೆಯೇ ಇರಬೇಕು ಎಂಬ ಕೆಲವೊಂದಿಷ್ಟು ಕ್ಲೀಷೆಗಳಿವೆ. ಕಟ್ಟುಮಸ್ತಾದ ಮೈಕಟ್ಟು ಹೊಂದಿರಬೇಕು, ಹೇರ್​ಸ್ಟೆ ೖಲ್ ಚೆನ್ನಾಗಿರಬೇಕು, ನೋಡಲು ಸುಂದರವಾಗಿರಬೇಕು ಇತ್ಯಾದಿ. ಈ ನಿಯಮಗಳನ್ನೆಲ್ಲ ಗಾಳಿಗೆ ತೂರಿ ಕೆಲವೊಮ್ಮೆ ಪ್ರಯೋಗಗಳೂ ನಡೆಯುತ್ತವೆ. ಸದ್ಯ ಶಾರುಖ್ ಖಾನ್ ಸ್ಟಾರ್​ಗಿರಿ ಬಿಟ್ಟು ಸಂಪೂರ್ಣ ಕುಳ್ಳನ ಅವತಾರದಲ್ಲಿ ಕಾಣಿಸಿಕೊಳ್ಳಲಿರುವ ‘ಜೀರೋ’ ಚಿತ್ರದ ಬಗ್ಗೆ ಈಗಾಗಲೇ ಸುದ್ದಿಯಾಗಿದೆ. ಈಗ ಬಾಲಿವುಡ್​ನಲ್ಲಿ ಮತ್ತೊಬ್ಬ ಹೀರೋ ಕುಳ್ಳನಾಗಲು ಓಕೆ ಎಂದಿದ್ದಾರೆ. ‘ಉಡ್ತಾ ಪಂಜಾಬ್’ ಚಿತ್ರದ ಮೂಲಕ ಹಿಂದಿ ಚಿತ್ರರಂಗಕ್ಕೆ ಎಂಟ್ರಿ ನೀಡಿದ ದಿಲ್​ಜಿತ್ ದೊಸಾಂಜ್ ಅವರೇ ಇಂಥ ಗಟ್ಟಿ ನಿರ್ಧಾರ ತೆಗೆದುಕೊಂಡಿರುವುದು. ಈ ಹಿಂದೆ ‘ರಾಬ್ತ’ ಚಿತ್ರವನ್ನು ನಿರ್ದೇಶಿಸಿದ್ದ ದಿನೇಶ್ ವಿಜನ್ ಅವರು ‘ಅರ್ಜುನ್ ಪಟಿಯಾಲಾ’ ಶೀರ್ಷಿಕೆಯಲ್ಲಿ ಹೊಸ ಸಿನಿಮಾ ಮಾಡುತ್ತಿದ್ದಾರೆ.

ಈ ಚಿತ್ರದಲ್ಲಿ ಮಾಮೂಲಿಗಿಂತ ಭಿನ್ನವಾದ ಕಥಾಹಂದರ ಇರಲಿದ್ದು, ನಾಯಕನಿಗಿಂತ ನಾಯಕಿಯೇ ಎತ್ತರವಾಗಿರುತ್ತಾಳಂತೆ. ಅಂಥ ಒಂದು ಜೋಡಿಯ ನಡುವೆ ಪ್ರೇಮಾಂಕುರವಾದರೆ ಹೇಗಿರುತ್ತದೆ ಎಂಬುದೇ ಈ ಚಿತ್ರದ ತಿರುಳು. ನಿಜಜೀವನದಲ್ಲಿ ದಿಲ್​ಜಿತ್ 5.8 ಅಡಿ ಎತ್ತರವಿದ್ದರೆ, ಕೃತಿ 5.7 ಅಡಿ ಎತ್ತರವಿದ್ದಾರೆ. ಆದರೆ ಚಿತ್ರದಲ್ಲಿ ಕೃತಿಗಿಂತಲೂ ಕುಳ್ಳನಾಗಿ ದಿಲ್​ಜಿತ್ ಕಾಣಿಸಿಕೊಳ್ಳಲಿದ್ದಾರೆ. ಕೃತಿಗೆ ಇಲ್ಲಿ ಪತ್ರಕರ್ತೆಯ ಪಾತ್ರ ಇರಲಿದೆಯಂತೆ. ಇಂಥ ಭಿನ್ನ ಲವ್​ಸ್ಟೋರಿಯ ಚಿತ್ರದಲ್ಲಿ ನಟಿಸುವುದು ಕೃತಿಗೆ ಹೊಸದೇನೂ ಅಲ್ಲ. ಕಳೆದ ವರ್ಷ ತೆರೆಕಂಡಿದ್ದ ‘ಬರೇಲಿ ಕಿ ಬರ್ಫಿ’ ಚಿತ್ರದಲ್ಲೂ ಕೆಲವೊಂದಿಷ್ಟು ಪ್ರಯೋಗಾತ್ಮಕ ಅಂಶಗಳಿದ್ದವು. ಅವರ ಜತೆ ರಾಜ್​ಕುಮಾರ್ ರಾವ್ ಮತ್ತು ಆಯುಷ್ಮಾನ್ ಖುರಾನ ನಟಿಸಿದ್ದರು. ಆ ಚಿತ್ರ ಅದ್ದೂರಿ ಯಶಸ್ಸು ಕಂಡ ಬಳಿಕ ಕೃತಿ ಮನಸ್ಸು ಪ್ರಯೋಗಾತ್ಮಕ ಕಥೆಗಳ ಕಡೆಗೆ ಹೆಚ್ಚು ಒಲವು ತೋರಿಸುತ್ತಿದೆ. ಅದಕ್ಕೂ ಮುನ್ನ ‘ಹೀರೋಪಂಥಿ’ ಹೊರತುಪಡಿಸಿದರೆ ಅವರು ಮಾಡಿದ ಕಮರ್ಷಿಯಲ್ ಚಿತ್ರಗಳಾದ ‘ರಾಬ್ತಾ’ ಮತ್ತು ‘ದಿಲ್​ವಾಲೇ’ ಚಿತ್ರಗಳು ಸೋಲುಂಡಿದ್ದವು. ಹಾಗಾಗಿ ಕಮರ್ಷಿಯಲ್ ಸಿನಿಮಾಗಿಂತ ಪ್ರಯೋಗಾತ್ಮಕ ಚಿತ್ರಗಳೇ ಲೇಸು ಎಂಬ ನಿರ್ಧಾರಕ್ಕೆ ಅವರು ಬಂದಂತಿದೆ.

Leave a Reply

Your email address will not be published. Required fields are marked *

Back To Top