Monday, 19th February 2018  

Vijayavani

ವಿದ್ಯಾರ್ಥಿ ಮೇಲೆ ದರ್ಪ ಮೆರೆದಿದ್ದ ಗೂಂಡಾ ಅರೆಸ್ಟ್ - ಕಬ್ಬನ್‌ ಪಾರ್ಕ್‌ ಪೊಲೀಸರಿಂದ ಬಂಧನ - ಠಾಣೆ ಎದುರು ಕಾರ್ಯಕರ್ತರ ಹೈಡ್ರಾಮಾ        ಶ್ರವಣಬೆಳಗೊಳದತ್ತ ಪ್ರಧಾನಿ ಮೋದಿ ಪಯಣ - ಬಾಹುಬಲಿಗೆ ಹೆಲಿಕಾಪ್ಟರ್‌ ಮೂಲಕ ಪುಷ್ಪನಮನ - ನಾಲ್ಕು ಗಂಟೆ ವೇಳೆಗೆ ಮೈಸೂರಲ್ಲಿ ಬಿಜೆಪಿ ಪರಿವರ್ತನಾ        ಭಾರತವೇ ಎಲ್ಲ ಆವಿಷ್ಕಾರಕ್ಕೆ ಹಾಟ್‌ ಸ್ಪಾಟ್ - ಜನರಿಂದಲೇ ಡಿಜಿಟಲ್ ಇಂಡಿಯಾ ಸಕ್ಸಸ್ - ಹೈದ್ರಾಬಾದ್ ಸಮಾವೇಶಕ್ಕೆ ಮೈಸೂರಿಂದ ಮೋದಿ ಸ್ಪೀಚ್        ಮುಂದುವರಿದ ಪಿಎನ್‌ಬಿ ಬ್ಯಾಂಕ್‌ ಹಗರಣ ಬೇಟೆ - ಬೆಂಗಳೂರಿನ ಹಲವೆಡೆ ಇಡಿ ದಾಳಿ - ನೀರವ್ ಡೈಮಂಡ್ಸ್ ಮಳಿಗೆಗಳಲ್ಲಿ ಶೋಧ        ಕೆ.ಆರ್‌ ಆಸ್ಪತ್ರೆಗೆ ಕೆ.ಎಸ್‌ ಪುಟ್ಟಣ್ಣಯ್ಯ ಪಾರ್ಥಿವ ಶರೀರ ರವಾನೆ - ವಿದೇಶದಿಂದ ಪುತ್ರಿ ಬಂದ ಬಳಿಕ ಬುಧವಾರ ಅಂತ್ಯಕ್ರಿಯೆ - ಗಣ್ಯರಿಂದ ಸಂತಾಪ       
Breaking News

ಪ್ರಜಾಕೀಯಕ್ಕೆ ಉಪ್ಪಿ ರಿಯಲ್ ಎಂಟ್ರಿ?

Saturday, 12.08.2017, 3:08 AM       No Comments

ಬೆಂಗಳೂರು: ಹಲವಾರು ವರ್ಷಗಳಿಂದ ಸಿನಿಮಾ ಹಾಗೂ ಸಾಮಾಜಿಕ ಜಾಲತಾಣಗಳಲ್ಲೂ ರಾಜಕೀಯ ಪರಿವರ್ತನೆಯ ಚರ್ಚೆ ಮಾಡುತ್ತಿದ್ದ ರಿಯಲ್ ಸ್ಟಾರ್ ಉಪೇಂದ್ರ ರಿಯಲ್ಲಾಗಿ ರಾಜಕೀಯಕ್ಕೆ ಕಾಲಿಡುವುದು ಖಾತ್ರಿಯಾಗಿದೆ.

ಸ್ವತಃ ಉಪೇಂದ್ರ ಈ ಕುರಿತು ಧ್ವನಿ ಮುದ್ರಿಕೆಯೊಂದನ್ನು ಶುಕ್ರವಾರ ಬಿಡುಗಡೆ ಮಾಡಿದ್ದಾರೆ. 13 ನಿಮಿಷವಿರುವ ಆಡಿಯೋ ತುಣುಕಿ ನಲ್ಲಿ ಅನೇಕ ವಿಚಾರಗಳನ್ನು ರ್ಚಚಿಸಿದ್ದಾರೆ. ರಾಜಕಾರಣಿಗಳು ಹಾಗೂ ಅಧಿಕಾರಿಗಳು ನಮ್ಮ ನೌಕರರಿದ್ದಂತೆ. ಆದರೆ ಅವರನ್ನೇ ನಮ್ಮ ರಾಜರಂತೆ ಬಿಂಬಿಸಲು ನಮ್ಮ ತಪ್ಪೂ ಕಾರಣ. ಅನರ್ಹರನ್ನು ಮೇಲೆ ಕೂರಿಸಿದ್ದರಿಂದಾಗಿಯೇ ಭ್ರಷ್ಟಾಚಾರ ಹೆಚ್ಚಾಗಿದೆ. ಚುನಾವಣೆಗೆ ಟಿಕೆಟ್ ನೀಡುವ ಮುನ್ನ ತಮ್ಮ ಕ್ಷೇತ್ರದ ಸಮಸ್ಯೆ ಹಾಗೂ ಪರಿಹಾರದ ಕುರಿತು ಲೇಖನ ಬರೆದು ಕಳಿಸಬೇಕು. ಇದನ್ನು ಪಕ್ಷದ ವರಿಷ್ಠರು ಓದಿ ಸೂಕ್ತ ವ್ಯಕ್ತಿಯನ್ನು ಆಯ್ಕೆ ಮಾಡಿ ಟಿಕೆಟ್ ನೀಡುವಂತಾಗಬೇಕು. ಅಭ್ಯರ್ಥಿಗಳನ್ನು ಜಾತಿ, ಮತ, ಹಣದಿಂದ ಅಳೆಯುವುದನ್ನು ಜನರು ಬಿಡಬೇಕು. ಟಿವಿ ಚಾನೆಲ್​ಗಳಲ್ಲಿ ಒಂದೆಡೆ ಕುಳಿತು ರಾಜ್ಯದ ಎಲ್ಲೆಡೆಯ ವರದಿಗಾರರನ್ನು ನಿಯಂತ್ರಿಸುವ ರೀತಿಯಲ್ಲಿ ಸಚಿವರು ಶಾಸಕರ ಮೇಲೆ ನಿಗಾ ಇಡಬೇಕು. ಶಾಸಕರ ಎಲ್ಲ ಕೆಲಸಗಳೂ ಆನ್​ಲೈನ್​ನಲ್ಲಿ ಜನರಿಗೆ ಕಾಣಬೇಕು.

ದುಡ್ಡೇ ಇಲ್ಲದೆ ಚುನಾವಣೆ ಗೆಲ್ಲಬೇಕು ಎಂದರೆ ಪಾರ್ಟಿ ಫಂಡ್ ಎನ್ನುವ ವಿಚಾರವೇ ಇಲ್ಲದಂತಾಗಬೇಕು. ಇದೇ ಭ್ರಷ್ಟಾಚಾರಕ್ಕೆ ಮೂಲ. ಸಾಮಾಜಿಕ ಜಾಲತಾಣ ಹಾಗೂ ಮಾಧ್ಯಮಗಳನ್ನಷ್ಟೆ ಬಳಸಿಕೊಂಡು ಬಾಯಿಂದ ಬಾಯಿಗೆ ಪ್ರಚಾರ ಮಾಡಿ ಗೆಲ್ಲುವ ವಾತಾವರಣ ನಿರ್ಮಾಣ ಆಗಬೇಕು‘ ಎಂದಿದ್ದಾರೆ.

ಇಂಥದ್ದೊಂದು ಪ್ರಯತ್ನಕ್ಕೆ ತಾವೇ ಕೈಹಾಕುವುದಾಗಿ ತಿಳಿಸಿರುವ ಉಪ್ಪಿ, ದುಡ್ಡೇ ಇಲ್ಲದ ಪಕ್ಷವೊಂದನ್ನು ಆರಂಭಿಸುವುದಾಗಿ ಹೇಳಿದ್ದಾರೆ. ರಾಜಕೀಯ ಎನ್ನುವ ಬದಲಿಗೆ ‘ಪ್ರಜಾಕೀಯ‘ ಎಂಬ ಪದವನ್ನೂ ಸೃಷ್ಟಿಸಿದ್ದಾರೆ. ‘ಈ ಹೋರಾಟದಲ್ಲಿ ಕೈಜೋಡಿಸಬಲ್ಲವರು ನನ್ನ ಮನೆ ಬಳಿ ಬರುವ ಅವಶ್ಯಕತೆಯಿಲ್ಲ. ತಮ್ಮ ಕ್ಷೇತ್ರದ ಕುರಿತು ಲೇಖನವೊಂದನ್ನು ಬರೆದು ನನಗೆ

ಕಳಿಸಿದರೆ ಸಾಕು. ಇತರೆ ಪಕ್ಷಗಳೂ ಇದೇ ರೀತಿ ಮಾಡ ಬಹುದು. ಯಾರು ಮಾಡಲಿ, ಬಿಡಲಿ ನಾನಂತೂ ಹೆಜ್ಜೆ ಇಟ್ಟಿದ್ದೇನೆ. ಸೋಲುವ ಭಯ, ಗೆಲ್ಲುವ ಅಹಂಕಾರವಿಲ್ಲ. ಸತ್ಯಮೇವ ಜಯತೆ ಘೋಷಣೆಯೊಂದಿಗೆ ಫಲಾಪೇಕ್ಷೆಯಿಲ್ಲದೆ ಕೆಲಸ ಆರಂಭಿಸಿದ್ದೇನೆ’ ಎಂದಿದ್ದಾರೆ.

***

ಗುಟ್ಟು ಬಿಟ್ಟುಕೊಡದ ನಟ

ಹೊಸ ಪಕ್ಷಕ್ಕೆ ಹೆಸರು ಹಾಗೂ ಯಾವಾಗಿನಿಂದ ಪ್ರಾರಂಭ ಎಂಬ ಕುರಿತು ಉಪೇಂದ್ರ ಗುಟ್ಟು ಬಿಟ್ಟುಕೊಟ್ಟಿಲ್ಲ. ಇದೆಲ್ಲದರ ನಡುವೆ ಅವರು ಬಿಜೆಪಿಗೆ ಸೇರ್ಪಡೆ ಆಗಬಹುದು ಎಂಬ ಸುದ್ದಿಗಳೂ ಹರಿದಾಡುತ್ತಿವೆ. ಚಿಂತಕರೊಂದಿಗೆ ಅಮಿತ್ ಷಾ ನಡೆಸುತ್ತಿರುವ ಸಭೆಯಲ್ಲಿ ಭಾಗವಹಿಸಲಿದ್ದಾರೆ ಎನ್ನಲಾಗುತ್ತಿದೆ. ಆದರೆ ಇದ್ಯಾವುದನ್ನು ಉಪೇಂದ್ರ ಖಚಿತಪಡಿಸಿಲ್ಲ.

Leave a Reply

Your email address will not be published. Required fields are marked *

Back To Top