Monday, 11th December 2017  

Vijayavani

1. ಜೈಲಿನ ಆಸ್ಪತ್ರೆಯಲ್ಲಿ ಬೆಳಗೆರೆಗೆ ಚಿಕಿತ್ಸೆ – ಚೇತರಿಸಿಕೊಂಡ್ರೆ ಬ್ಯಾರಕ್‌ಗೆ ರವಾನೆ – ನೆಲದ ಮೇಲೆ ಕೂರಲು ರವಿ ಪರದಾಟ 2. ಕೊತ ಕೊತ ಕುದಿಯುತ್ತಿದೆ ಕುಮಟಾ – ಉಗ್ರ ಸ್ವರೂಪ ಪಡೆದ ಹಿಂದೂ ಸಂಘಟನೆಗಳ ಪ್ರತಿಭಟನೆ – ಆಕ್ರೋಶಕ್ಕೆ ಹೊತ್ತಿ ಉರಿದ ಐಜಿಪಿ ಕಾರು 3. ರಾಹುಲ್ ಗಾಂಧಿಗೆ ಕಾಂಗ್ರೆಸ್ ಅಧ್ಯಕ್ಷ ಸ್ಥಾನ – ಪ್ರತಿಸ್ಪರ್ಧಿ ಇಲ್ಲದ್ದಕ್ಕೆ ಯುವರಾಜನಿಗೆ ಸಾರಥ್ಯ – ದೆಹಲಿಯಲ್ಲಿ ಕಾರ್ಯಕರ್ತರ ಸಂಭ್ರಾಮಾಚರಣೆ 4. ಮಂಡ್ಯದ ಸಂತೆಬಾಚಹಳ್ಳಿ ಕ್ರಾಸ್‌ ಬಳಿ ಭೀಕರ ಅಪಘಾತ – ಟ್ಯಾಂಕರ್ ಹರಿದು ಬೈಕ್ ಸವಾರರು ಸಾವು – ಕೆ.ಆರ್.ಪೇಟೆ ಗ್ರಾಮಾಂತರ ಠಾಣೆ ಪ್ರಕರಣ 5. ಸ್ಟೀಲ್‌ ಬ್ರಿಡ್ಜ್ ಹೋಯ್ತು ಮೆಟ್ರೋ ಬಂತು – ಏರ್‌ಪೋರ್ಟ್‌ಗೆ ರೈಲು ಬಿಡಲು ಸರ್ಕಾರದ ಒಪ್ಪಿಗೆ – ಮಹತ್ವದ ಯೋಜನೆಗೆ ಕ್ಯಾಬಿನೆಟ್‌ನಲ್ಲಿ ಅಸ್ತು
Breaking News :

ಪಾಕ್​ನ ಬಲೂಚ್​ನಲ್ಲಿ ಅಣ್ವಸ್ತ್ರಗಳ ಉಗ್ರಾಣ

Saturday, 12.08.2017, 3:00 AM       No Comments

ವಾಷಿಂಗ್ಟನ್: ಪಾಕಿಸ್ತಾನ ತನ್ನಲ್ಲಿರುವ ಪ್ರಕ್ಷೇಪಕ ಕ್ಷಿಪಣಿಗಳು, ಅಣ್ವಸ್ತ್ರ ಸಿಡಿತಲೆಗಳನ್ನು ಸುರಕ್ಷಿತವಾಗಿ ದಾಸ್ತಾನು ಮಾಡಲು ಬಲೂಚಿಸ್ತಾನದ ಕಡಿದಾದ ಗುಡ್ಡಗಾಡು ಪ್ರದೇಶದಲ್ಲಿ ‘ನೆಲದಾಳದ ಮತ್ತು ಬಲಿಷ್ಠ‘ವಾದ ಉಗ್ರಾಣವನ್ನು ನಿರ್ವಿುಸಿದೆ ಎಂದು ಅಮೆರಿಕದ ತಜ್ಞರು ತಿಳಿಸಿದ್ದಾರೆ.

ವಿಜ್ಞಾನ ಮತ್ತು ಅಂತಾರಾಷ್ಟ್ರೀಯ ಭದ್ರತಾ ಸಂಸ್ಥೆ ಎಂಬ ಅಮೆರಿಕದ ಎನ್​ಜಿಒದ ಡೇವಿಡ್ ಆಲ್​ಬ್ರೖೆಟ್, ಸಾರಾ ಬರ್ಕ್ ಹಾರ್ಡ್, ಆಲಿಸನ್ ಲಾಚ್ ಮತ್ತು ಫ್ರಾಂಕ್ ಪೇಬಿಯನ್ ಎಂಬ ತಜ್ಞರು ಉಪಗ್ರಹ ಆಧಾರಿತ ಅಧ್ಯಯನದ ಬಳಿಕ ಈ ಮಾಹಿತಿ ನೀಡಿದ್ದಾರೆ.

‘ಪಾಕ್​ನ ಆಗ್ನೇಯ ಭಾಗದಲ್ಲಿ ಅತ್ಯಂತ ಬಲಿಷ್ಠವಾದ, ಹೆಚ್ಚಿನ ಸುರಕ್ಷತೆಯುಳ್ಳ ನೆಲದಾಳದ ಉಗ್ರಾಣವೊಂದು ನಿರ್ವಣಗೊಂಡಿದೆ. ಅದರಲ್ಲಿ ಪ್ರಕ್ಷೇಪಕ ಕ್ಷಿಪಣಿಗಳು ಮತ್ತು ಅಣ್ವಸ್ತ್ರ ಸಿಡಿತಲೆಗಳನ್ನು ದಾಸ್ತಾನು ಮಾಡಬಹುದಾಗಿದೆ‘ ಎಂದು ತಜ್ಞರು ಹೇಳಿದ್ದಾರೆ.

ಈ ಉಗ್ರಾಣವನ್ನು ಯಾವ ಕಾರ್ಯಕ್ಕಾಗಿ ಬಳಸಲಾಗುತ್ತದೆ ಎಂಬ ಬಗ್ಗೆ ಇನ್ನೂ ಸ್ಪಷ್ಟವಾಗಿಲ್ಲ. ಆದರೆ, ಪಾಕ್ ಇದನ್ನು ಶಸ್ತ್ರಾಸ್ತ್ರ ಕೋಠಿ ಅದರಲ್ಲೂ ವಿಶೇಷವಾಗಿ ಕ್ಷಿಪಣಿಗಳು ಮತ್ತು ಅಣ್ವಸ್ತ್ರ ಸಿಡಿತಲೆಗಳ ಕೋಠಿಯಾಗಿ ಬಳಸುವ ಸಾಧ್ಯತೆ ಹೆಚ್ಚಾಗಿದೆ ಎಂದು ಹೇಳಿದ್ದಾರೆ.‘ಸದಾ ಪ್ರಕ್ಷುಬ್ಧವಾಗಿರುವ, ಉಗ್ರಗಾಮಿ ಚಟುವಟಿಕೆಗಳ ತಾಣವಾಗಿರುವ ಬಲೂಚಿಸ್ತಾನದಲ್ಲಿ ಈ ಉಗ್ರಾಣ ನಿರ್ವಣಗೊಂಡಿದೆ. ಅತ್ಯಂತ ದುರ್ಗಮವಾದ ಮತ್ತು ಕಡಿದಾದ ಬೆಟ್ಟಗುಡ್ಡಗಳಿಂದ ಕೂಡಿರುವ, ಭಾರತ ಸೇರಿ ವಿವಿಧ ಶತ್ರ ರಾಷ್ಟ್ರಗಳ ಗಡಿ ಭಾಗದಿಂದ ಸಾಕಷ್ಟು ದೂರವಾಗಿರುವ ಈ ಪ್ರದೇಶದಲ್ಲಿ ಕೋಠಿಯನ್ನು ಹೊಂದುವುದು ಹೆಚ್ಚು ಸುರಕ್ಷಿತ ಎಂದು ಪಾಕ್ ಭಾವಿಸಿದೆ‘ ಎಂದು ತಿಳಿಸಿದ್ದಾರೆ.-ಏಜೆನ್ಸೀಸ್

***

ಮೂರು ಪ್ರವೇಶದ್ವಾರ

ಈ ಉಗ್ರಾಣಕ್ಕೆ 3 ಪ್ರಮುಖ ಪ್ರವೇಶದ್ವಾರಗಳಿವೆ. ಇವು ತುಂಬಾ ದೊಡ್ಡದಾಗಿದ್ದು, ಅದೆಷ್ಟೇ ದೊಡ್ಡ ವಾಹನವಾದರೂ ಸುಲಭವಾಗಿ ಪ್ರವೇಶಿಸಬಹುದಾಗಿದೆ. ಆ ವಾಹನಗಳು ಸುಲಭವಾಗಿ ತಿರುಗಾಡಲು ಅವಕಾಶವಾಗುವ ರೀತಿ ವಿಶಾಲವಾದ ತೆರೆದ ಜಾಗ ಬಿಡಲಾಗಿದೆ. 2012ಕ್ಕೂ ಮೊದಲು ಈ ಕಟ್ಟಡದಲ್ಲಿ ಹೆಚ್ಚಿನ ಭದ್ರತೆ ಇರಲಿಲ್ಲ. ಆದರೆ, 2014ರ ನಂತರದಲ್ಲಿ ಈ ಕಟ್ಟಡದಲ್ಲಿ ಹೆಚ್ಚಿನ ಭದ್ರತಾ ವ್ಯವಸ್ಥೆಗಳನ್ನು ಏರ್ಪಡಿಸಲಾಗಿದೆ. ಹೆಚ್ಚುವರಿ ಬೇಲಿಗಳನ್ನು ಅಳವಡಿಸಲಾಗಿದ್ದು, ಚೆಕ್​ಪಾಯಿಂಟ್​ಗಳನ್ನೂ ಹೆಚ್ಚಿಸಲಾಗಿದೆ. ಜತೆಗೆ ಆಯಕಟ್ಟಿನ ಜಾಗದಲ್ಲಿ ಕ್ಷಿಪಣಿನಿರೋಧಕ ಕ್ಷಿಪಣಿಗಳನ್ನು ಸ್ಥಾಪಿಸಲಾಗಿದೆ. ಇದರಿಂದಾಗಿ ಈ ಕಟ್ಟಡವನ್ನು ಪಾಕಿಸ್ತಾನ ಅಣ್ವಸ್ತ್ರಗಳ ಕೋಠಿಯಾಗಿ ಪರಿವರ್ತಿಸಿದೆ ಎನ್ನಬಹುದಾಗಿದೆ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.

Leave a Reply

Your email address will not be published. Required fields are marked *

Back To Top