Saturday, 24th February 2018  

Vijayavani

ಮತ್ತೊಂದು ಸುತ್ತಿನ ರಣಕಹಳೆಗೆ ಕೈ ಸಿದ್ಧತೆ - ಇಂದಿನಿಂದ ಮೂರುದಿನ ರಾಹುಲ್ ರಾಜ್ಯ ಪ್ರವಾಸ - ಅಧ್ಯಕ್ಷರ ಆಗಮನಕ್ಕೆ ಭರ್ಜರಿ ತಯಾರಿ        ಮೈಸೂರಲ್ಲಿ ರಂಗೇರಿದ ಎಲೆಕ್ಷನ್ ಅಖಾಡ - ಸುನಿಲ್ ಬೋಸ್ ಜತೆಗಿರುವ ಜೆಡಿಎಸ್‌ ಅಭ್ಯರ್ಥಿ ಫೋಟೋ ವೈರಲ್ - ಆರೋಪ ತಳ್ಳಿ ಹಾಕಿದ ಅಶ್ವಿನ್ ಕುಮಾರ್‌        ಉದ್ಯೋಗ ಕೊಡಿಸುವುದಾಗಿ ನೇಪಾಳದಿಂದ ಕರೆಸಿದ - ಮದುವೆಯಾಗ್ತೀನಿ ಅಂತಾ ಅತ್ಯಾಚಾರವೆಸಗಿದ - ಕಾಮ ಪಿಶಾಚಿ ಹೋಟೆಲ್‌ ಕ್ಯಾಶಿಯರ್‌ ಎಸ್ಕೇಪ್‌        ಸುಪ್ರೀಂಕೋರ್ಟ್​​ ಆದೇಶಗಾಳಿಗೆ ತೂರಿ ಬಾರ್ ಓಪನ್ ​- ಎಂಜಲು ಕಾಸಿಗಾಗಿ ನಿಯಮ ಉಲ್ಲಂಘಿಸಿದ್ರಾ ಅಧಿಕಾರಿಗಳು -ದಿಗ್ವಿಜಯ ನ್ಯೂಸ್ ರಿಯಾಲಿಟಿ ಚೆಕ್‌ನಲ್ಲಿ ಅಸಲಿ ಮುಖ ಬಯಲು        ಬೋಲ್‌ವೆರ್‌ ಕೊರೆಸಿದ್ದು ಒಂದ್ಕಡೆ - ನೀರು ಚಿಮ್ಮಿದ್ದು ಇನ್ನೊಂದ್ಕಡೆ - ಚಿತ್ರದುರ್ಗದ ಹೊಳಲ್ಕೆರೆಯಲ್ಲಿ ಆಕಾಶಕ್ಕೆ ಉಕ್ಕಿದ ಗಂಗೆ       
Breaking News

ಪವರ್​ಫುಲ್ ಇಲೆಕ್ಟ್ರಾನಿಕ್ ಬಾಂಬ್

Friday, 21.04.2017, 3:00 AM       No Comments

ಮಾಸ್ಕೋ: ಮತ್ತೊಂದು ಜಾಗತಿಕ ಸಮರ ನಡೆಯಬಹುದೆಂಬ ಆತಂಕದ ಛಾಯೆ ಎಲ್ಲಡೆ ವ್ಯಾಪಿಸಿರುವಾಗಲೇ, ರಷ್ಯಾ ಇಲೆಕ್ಟ್ರಾನಿಕ್ ಬಾಂಬ್ ಅಭಿವೃದ್ಧಿಪಡಿಸಿದೆ ಎಂಬ ಸುದ್ದಿಯನ್ನು ಅಲ್ಲಿನ ಸರ್ಕಾರಿ ಸ್ವಾಮ್ಯದ ಟಿವಿ ಚಾನೆಲ್ ಬಿತ್ತರಿಸಿದೆ.

ರಷ್ಯಾದ ಇಲೆಕ್ಟ್ರಾನಿಕ್ ವಾರ್​ಫೇರ್(ಆರ್​ಇಡಬ್ಲ್ಯು) ಸಂಶೋಧನಾ ತಂಡ ಈ ಬಾಂಬನ್ನು ಅಭಿವೃದ್ಧಿಪಡಿಸಿದೆ. ಇದರಲ್ಲಿ ಶಕ್ತಿಶಾಲಿ ಇಲೆಕ್ಟ್ರಾನಿಕ್ ಸಿಗ್ನಲ್ ಜಾಮಿಂಗ್ ತಂತ್ರಜ್ಞಾನವನ್ನು ಅಳವಡಿಸಲಾಗಿದೆ. ಇದರೊಂದಿಗೆ ರಷ್ಯಾದ ಸೇನೆ ಅಮೆರಿಕದ ಯುದ್ಧ ವಿಮಾನ, ನೌಕೆ, ಕ್ಷಿಪಣಿಗಳನ್ನು ನಿಷ್ಕ್ರಿಯಗೊಳಿಸಬಲ್ಲ ಸಾಮರ್ಥ್ಯ ಪಡೆದುಕೊಂಡಿದೆ. ಇಲೆಕ್ಟ್ರಾನಿಕ್ ಬಾಂಬ್ ಶತ್ರುರಾಷ್ಟ್ರದ ತಾಂತ್ರಿಕ ವ್ಯವಸ್ಥೆ, ರಾಡಾರ್ ಮತ್ತು ಉಪಗ್ರಹಗಳ ಸಂಕೇತಗಳನ್ನು ಗುರುತಿಸಿ ಅವುಗಳನ್ನೆಲ್ಲ ನಿಷ್ಕ್ರಿಯಗೊಳಿಸುವಷ್ಟು ಶಕ್ತಿಶಾಲಿಯಾಗಿದೆ. ಈ ಬಾಂಬನ್ನು ಅಮೆರಿಕ ಸೇನೆ ಪತ್ತೆಹಚ್ಚಲಾಗದು ಎಂದು ವರದಿ ಹೇಳಿದೆ. ಕೆಲವು ವರ್ಷಗಳ ಹಿಂದೆ ಕಪ್ಪು ಸಮುದ್ರದಲ್ಲಿದ್ದ ಅಮೆರಿಕದ ಯುಎಸ್​ಎಸ್ ಡೊನಾಲ್ಡ್ ಕುಕ್ ಎಂಬ ಸಮರ ನೌಕೆಯ ಮೇಲೆ ರಷ್ಯಾದ ಸಮರ ವಿಮಾನ ಒಂದೇ ಹಲವು ಸಲ ಹಾರಾಟ ನಡೆಸಿದೆ. ಅಂದು, ಇಲೆಕ್ಟ್ರಾನಿಕ್ ಸಿಗ್ನಲ್ ಜಾಮ್ ಮಾಡಲು ಇದೇ ತಂತ್ರಜ್ಞಾನ ನೆರವಾಗಿತ್ತು. ಅಮೆರಿಕದ ಜನರಲ್ ಫ್ರಾಂಕ್ ಗೋರೆನ್ಕ್ ಒಂದಡೆ, ‘ರಷ್ಯಾ ಅಭಿವೃದ್ಧಿ ಪಡಿಸಿರುವ ಇಲೆಕ್ಟ್ರಾನಿಕ್ ಯುದ್ಧೋಪಕರಣಗಳು ಅಮೆರಿಕದ ಕ್ಷಿಪಣಿ, ವಿಮಾನ, ಸಮರ ನೌಕೆ ಸೇರಿ ಎಲ್ಲ ಇಲೆ ಕ್ಟ್ರಾನಿಕ್ ಉತ್ಪನ್ನಗಳನ್ನು ನಿಷ್ಕ್ರಿಯಗೊಳಿಸಬಲ್ಲ ಸಾಮರ್ಥ್ಯ ಹೊಂದಿವೆ’ ಎಂದು ಹೇಳಿದನ್ನು ಕೂಡ ವರದಿ ಉಲ್ಲೇಖಿಸಿದೆ. ಆದಾಗ್ಯೂ, ಇದಕ್ಕೆ ಅಮೆರಿಕ ಇನ್ನೂ ಪ್ರತಿಕ್ರಿಯೆ ನೀಡಿಲ್ಲ.

 

Leave a Reply

Your email address will not be published. Required fields are marked *

Back To Top