Friday, 20th April 2018  

Vijayavani

ಬಿಜೆಪಿ ಅಭ್ಯರ್ಥಿಗಳ 3 ನೇ ಪಟ್ಟಿ ರಿಲೀಸ್​- 59 ಅಭ್ಯರ್ಥಿಗಳ ಹೆಸರು ಪ್ರಕಟ- ವರುಣಾ, ಬಾದಾಮಿ ಇನ್ನೂ ನಿಗೂಢ        ಜೆಡಿಎಸ್​ನಿಂದ ಸೆಕೆಂಡ್​ ಲಿಸ್ಟ್​ ರಿಲೀಸ್​- ಕೈ, ಕಮಲ ರೇಬಲ್​ಗಳಿಗೆ ಮಣೆ- 57 ಅಭ್ಯರ್ಥಿಗಳ ಪಟ್ಟಿ ಬಿಡುಗಡೆ        ಎಚ್​ಡಿಕೆ ಆಸ್ತಿ ವಿವರ ಘೋಷಣೆ- ಕುಮಾರಸ್ವಾಮಿ 12 ಕೋಟಿ ಒಡೆಯ- ಗುತ್ತೇದಾರ್​ಗಿಂತ ಪತ್ನಿ ಶ್ರೀಮಂತೆ        ನಟಿ ಉಮಾಶ್ರೀ ಆಸ್ತಿ ವಿವರ ಘೋಷಣೆ- ಸಾಕವ್ವ 1 ಕೆ.ಜಿ ಚಿನ್ನಾಭರಣದ ಒಡತಿ- ಅವಲಂಬಿತರು ಯಾರು ಇಲ್ಲವೆಂದು ಪ್ರಮಾಣಪತ್ರ        ಚಾಮುಂಡೇಶ್ವರಿಯಲ್ಲಿ ಸಿಎಂ, ವರುಣಾದಲ್ಲಿ ಯತೀಂದ್ರ- ಅಪ್ಪ-ಮಗ ನಾಮಪತ್ರ ಸಲ್ಲಿಕೆ- ಭಾರಿ ಬೆಂಬಲಿಗರ ಜತೆ ತೆರಳಿ ನಾಮಿನೇಷನ್​​​​​​        ಬೆಂಗಳೂರಿನಲ್ಲಿ ಗಾಳಿ ಸಹಿತ ಮಳೆ- ಮನೆಗೆ ಹೋಗಲು ವರುಣನ ಅಡ್ಡಿ- ಸಂಜೆಯ ಮಳೆಗೆ ವಾಹನ ಸವಾರರು ಕಂಗಾಲು       
Breaking News

ಧೋನಿ ವಿರುದ್ಧದ ಕ್ರಿಮಿನಲ್ ಕೇಸ್ ವಜಾಗೊಳಿಸಿದ ಸುಪ್ರೀಂ ಕೋರ್ಟ್

Friday, 21.04.2017, 3:00 AM       No Comments

ನವದೆಹಲಿ: ಧಾರ್ವಿುಕ ಭಾವನೆಗೆ ಧಕ್ಕೆ ತಂದ ಆರೋಪದ ಮೇಲೆ ಮಹೇಂದ್ರ ಸಿಂಗ್ ಧೋನಿ ವಿರುದ್ಧ ದಾಖಲಿಸಲಾಗಿದ್ದ ಕ್ರಿಮಿನಲ್ ಮೊಕದ್ದಮೆಯನ್ನು ಸುಪ್ರೀಂ ಕೋರ್ಟ್ ಗುರುವಾರ ವಜಾಗೊಳಿಸಿದೆ.

ಮ್ಯಾಗಜೀನ್ ಒಂದರ ಮುಖಪುಟದಲ್ಲಿ ಧೋನಿಯನ್ನು ವಿಷ್ಣುವಿನ ಅವತಾರದಲ್ಲಿ ಚಿತ್ರಿಸಿದ್ದರಿಂದ ಆಂಧ್ರ ಪ್ರದೇಶದ ಕೋರ್ಟ್ ಒಂದರಲ್ಲಿ ಧೋನಿ ವಿರುದ್ಧ ವಿಚಾರಣೆ ನಡೆಯುತ್ತಿತ್ತು. ಈ ಮುನ್ನ ಕರ್ನಾಟಕದ ಹೈಕೋರ್ಟ್​ನಲ್ಲೂ ಧೋನಿ ವಿರುದ್ಧ ದಾಖಲಾಗಿದ್ದ ಇಂಥದ್ದೇ ಪ್ರಕರಣವನ್ನು ಸುಪ್ರೀಂ ಕೋರ್ಟ್ ಕಳೆದ ವರ್ಷ ಸೆಪ್ಟೆಂಬರ್​ನಲ್ಲಿ ವಜಾಗೊಳಿಸಿತ್ತು.

ಧೋನಿಯನ್ನು ವಿಷ್ಣುವಿನ ರೂಪದಲ್ಲಿ ಬಿಂಬಿಸಿದ್ದ ಮ್ಯಾಗಜೀನ್​ನ ಸಂಪಾದಕರ ವಿರುದ್ಧದ ಕ್ರಿಮಿನಲ್ ಪ್ರಕರಣವನ್ನೂ ಸುಪ್ರೀಂ ಕೋರ್ಟ್ ವಜಾಗೊಳಿಸಿದೆ. ಧಾರ್ವಿುಕ ಭಾವನೆಗೆ ದುರುದ್ದೇಶದಿಂದ ಧಕ್ಕೆ ತರಲಾಗಿಲ್ಲ ಎಂದು ಕೋರ್ಟ್ ಧೋನಿ ಮತ್ತು ಸಂಪಾದಕರ ಪರ ತೀರ್ಪು ನೀಡಿದೆ. ಇದರಿಂದ ಅವರ ವಿರುದ್ಧ ಸೆಕ್ಷನ್ 295ಎ (ಧಾರ್ವಿುಕ ಭಾವನೆಗೆ ಧಕ್ಕೆ) ಪ್ರಕಾರ ದಾಖಲಾಗಿದ್ದ ಪ್ರಕರಣವೂ ರದ್ದುಗೊಂಡಿದೆ.

‘ಪ್ರಕರಣದಲ್ಲಿ ಧೋನಿ ಮತ್ತು ಸಹ-ಆರೋಪಿ ಸಂಪಾದಕರ ವಿರುದ್ಧ ಕಾನೂನುಕ್ರಮ ತೆಗೆದುಕೊಂಡರೆ ಅದು ನ್ಯಾಯಕ್ರಮದ ಗೇಲಿ ಆಗುತ್ತದೆ’ ಎಂದು ನ್ಯಾಯಮೂರ್ತಿ ಗಳಾದ ದೀಪಕ್ ಮಿಶ್ರಾ, ಎಎಂ ಖಾನ್​ವಿಲ್ಕರ್ ಮತ್ತು ಎಂಎಂ ಶಾಂತನಗೌಡರ್ ಅವರನ್ನೊಳಗೊಂಡ ನ್ಯಾಯಪೀಠ ಹೇಳಿದೆ. ಆಂಧ್ರದ ಅನಂತಪುರ ಟ್ರಯಲ್ ಕೋರ್ಟ್​ನಲ್ಲಿ ಈ ಪ್ರಕರಣ ದಾಖಲಾಗಿತ್ತು. ಧೋನಿ ಕಾಣಿಸಿಕೊಳ್ಳುತ್ತಿರುವ ವಿವಿಧ ಬ್ರಾಂಡ್ ಉತ್ಪನ್ನಗಳನ್ನು ವಿಷ್ಣುವಿನ ಅವತಾರದ ಹತ್ತು ಕೈಗಳಲ್ಲಿ ನೀಡಿ ಮ್ಯಾಗಜೀನ್ ಮುಖಪುಟ ವಿನ್ಯಾಸಗೊಳಿಸಿತ್ತು.

-ಪಿಟಿಐ

Leave a Reply

Your email address will not be published. Required fields are marked *

Back To Top