Wednesday, 17th January 2018  

Vijayavani

ಸೈಟ್‌ಗಾಗಿ ಸಾಹಿತ್ಯ ಬರೀತಾರೆ - ತಲೆಬುಡ ಇಲ್ಲದ ಸಂದೇಶಗಳನ್ನ ಕೊಡ್ತಾರೆ - ಬುದ್ಧಿಜೀವಿಗಳ ಮೇಲೆ ಮುಗಿಬಿದ್ದ ಕಾಂಟ್ರವರ್ಸಿ ಸಚಿವ        ಪೂಜೆ ಮಾಡಲು ಬಂದವನು ಮಗಳನ್ನೇ ಕೇಳ್ದ - ಜನರ ಕೈಗೆ ಸಿಕ್ಕಿ ಹಣ್ಣುಗಾಯಾದ ಪಿಳ್ಳಂಗೋವಿ ಬಾಬಾ - ಚಿತ್ರದುರ್ಗದ ಕಂಚಿಪುರ ಗ್ರಾಮದಲ್ಲಿ ಡೋಂಗಿಗೆ ಥಳಿತ        14 ತಿಂಗಳಿಂದ ಸಂಬಳ ನೀಡದ ಸಕ್ಕರೆ ಕಾರ್ಖಾನೆ - ಚಿಕಿತ್ಸೆಗೆ ಹಣವಿಲ್ಲದೇ ಮಗು ಕಳೆದುಕೊಂಡ ಕಾರ್ಮಿಕ - ರಾಜಕಾರಣಿಗಳ ಕಿತ್ತಾಟಕ್ಕೆ ಹಸುಗೂಸು ಬಲಿ        ಐಪಿಎಸ್‌ ಅಧಿಕಾರಿಗಳಿಗೆ ಸಿಎಂ, ಗೃಹ ಸಚಿವರ ತರಾಟೆ - ಮತೀಯವಾದಿಗಳ ಮೇಲೆ ಕ್ರಮಕ್ಕೆ ಸೂಚನೆ - ವಾರ್ಷಿಕ ಸಭೆಯಲ್ಲಿ ಕಾನೂನು ಸುವ್ಯವಸ್ಥೆ ಬಗ್ಗೆ ಕ್ಲಾಸ್        ಗುಜರಾತ್​​​​​ನಲ್ಲಿ ಇಸ್ರೇಲ್​ ಪ್ರಧಾನಿ - ಮೋದಿ ಜತೆಗೆ ಕಾರ್‌ನಲ್ಲಿ ಜಂಟಿ ರೋಡ್‌ ಶೋ - ಸಾಬರಮತಿ ಆಶ್ರಮದಲ್ಲಿ ಚರಕ ಸುತ್ತಿದ ನೆತನ್ಯಾಹು       
Breaking News :

ದುಃಖ ತೋಡಿಕೊಂಡ ಸಂಭಾಷಣೆ ವೈರಲ್

Wednesday, 10.01.2018, 3:03 AM       No Comments

ಚಿಕ್ಕಮಗಳೂರು: ಆತ್ಮಹತ್ಯೆ ಮಾಡಿಕೊಂಡ ವಿದ್ಯಾರ್ಥಿನಿ ಧನ್ಯಶ್ರೀ ಅವರ ತಾಯಿ ದೂರವಾಣಿ ಯಲ್ಲಿ ದುಃಖ ತೋಡಿಕೊಂಡ ಸಂಭಾಷಣೆಯ ತುಣುಕೊಂದು ವಾಟ್ಸ್​ಆಪ್​ನಲ್ಲಿ ಹರಿದಾಡುತ್ತಿದೆ.

ಬಂಧಿತ ಅನಿಲ್ ಬಗ್ಗೆ ತಾವು ಯಾವುದೇ ದೂರು ನೀಡಿಲ್ಲ. ಡೆತ್​ನೋಟನ್ನು ಪೊಲೀಸರೇ ತಮ್ಮೆದುರು ಓದಿ ಹೇಳಿದ್ದು, ಅದರಲ್ಲಿ ಯಾರ ಹೆಸರಿರಲಿಲ್ಲ ಎಂದು ಆಕೆ ತಾಯಿ ವ್ಯಕ್ತಿಯೊಬ್ಬನ ಜತೆ ದೂರವಾಣಿಯಲ್ಲಿ ನಡೆಸಿರುವ ಸಂಭಾಷಣೆಯಲ್ಲಿ ಹೇಳಿದ್ದಾರೆ.

ಬಜರಂಗದಳ ಹೆಸರಿನಲ್ಲಿ ಬೆಳ್ತಂಗಡಿಯವ ನೆಂದು ಮೊಬೈಲ್​ನಲ್ಲಿ ಪರಿಚಯಿಸಿಕೊಂಡ ಸಂತೋಷ ಒಮ್ಮೆ ಮಂಗಳೂರಿನವನು, ಮತ್ತೊಮ್ಮೆ ಉಜಿರೆಯವನು ಎಂದು ಪದೇಪದೆ ಕರೆ ಮಾಡಿ ‘ನೀನು ಮುಸ್ಲಿಂ ಯುವಕನನ್ನು ಬೆಂಬಲಿಸುತ್ತೀಯಾ?’ ಎಂದು ಬೆದರಿಕೆ ಹಾಕುತ್ತಿದ್ದ. ತಮ್ಮ ಪತಿ ಆತನ ಜತೆ ಮಾತನಾಡಿದಾಗಲೂ ‘ನಿಮ್ಮ ಮಗಳನ್ನು ಮುಸ್ಲಿಮನಿಗೆ ಕೊಟ್ಟು ಮದುವೆ ಮಾಡಲು ಮುಂದಾಗಿದ್ದೀರಿ. ನಿಮ್ಮ ಕಾಲಿಗೆ ಬೀಳುತ್ತೇವೆ, ಮುಸ್ಲಿಮರನ್ನು ಬೆಂಬಲಿಸಬೇಡಿ. ನಿಮಗೆ ಹಿಂದು ಹುಡುಗರು ಸಿಗಲಿಲ್ಲವೇ..’ ಎಂದೆಲ್ಲ ಹೇಳುತ್ತಿದ್ದ. ಈ ಕಾರಣಕ್ಕೆ ನಾವು ಧನ್ಯಶ್ರೀ ಬಳಿ ಇದ್ದ ಮೊಬೈಲ್ ಕಿತ್ತಿಟ್ಟುಕೊಂಡೆವು ಎಂದು ತಿಳಿಸಿದ್ದಾರೆ.

ಸಂತೋಷ ಪದೇಪದೆ ಬಜರಂಗದಳ ಹೆಸರು ಹೇಳುತ್ತಿದ್ದ ಕಾರಣ ನನ್ನ ಮಗಳೇ ನ್ಯಾಯ ಸಿಗಲಿ ಎನ್ನುವ ಕಾರಣಕ್ಕೆ ಅಧ್ಯಕ್ಷರನ್ನು ಕಳಿಸಿ ಎಂದು ಕೇಳಿಕೊಂಡಿದ್ದಳು. ಆದರೆ ಅನಿಲ್ ಸೇರಿ ಬಂದಿದ್ದ ನಾಲ್ವರಲ್ಲಿ ಸಂತೋಷನಿಂದಾಗುತ್ತಿದ್ದ ಕಿರುಕುಳದ ಬಗ್ಗೆ ತೋಡಿಕೊಂಡಿದ್ದೆವು. ಅಷ್ಟು ಬಿಟ್ಟರೆ ಯಾರ ಬಗ್ಗೆಯೂ ತಾವು ದೂರು ನೀಡಿಲ್ಲ. ಆದರೆ ಪದೇಪದೆ ಕರೆ ಮಾಡಿ ಬೆದರಿಕೆ ಹಾಕುತ್ತಿದ್ದ ಸಂತೋಷ್​ನನ್ನು ಬಂಧಿಸಬೇಕು ಎಂದು ಆಗ್ರಹಿಸಿದ್ದಾರೆ.

ಬೆದರಿಕೆ ಸಂದೇಶ ವೈರಲ್

ಮೂಡಿಗೆರೆ: ವಿದ್ಯಾರ್ಥಿನಿ ಧನ್ಯಶ್ರೀ ಆತ್ಮಹತ್ಯೆ ಮಾಡಿಕೊಂಡ ಬೆನ್ನಿಗೆ ವಾಟ್ಸ್​ಆಪ್ ಗ್ರೂಪೊಂದರಲ್ಲಿ ಹುಡುಗಿಯರಿಗೆ ಕೊನೆಯ ಸಂದೇಶ ಎನ್ನುವ ಬೆದರಿಕೆ ಧಾಟಿಯ ಸಂದೇಶ ಸಂಘಟನೆಯೊಂದರ ಹೆಸರಿನಲ್ಲಿ ವೈರಲ್ ಆಗಿದೆ.

Leave a Reply

Your email address will not be published. Required fields are marked *

Back To Top