Wednesday, 19th September 2018  

Vijayavani

ಆಸ್ಪತ್ರೆಯಿಂದ ಸಚಿವ ಡಿ.ಕೆ. ಶಿವಕುಮಾರ್​​ ಡಿಸ್ಚಾರ್ಜ್ - ಕೆಲವೇ ಕ್ಷಣಗಳಲ್ಲಿ ಸುದ್ದಿಗೋಷ್ಠಿ - ಎಟಿಎಂ ಆರೋಪಕ್ಕೆ ಉತ್ತರಿಸ್ತಾರಾ?        ಗಾಂಧಿ ಕುಟುಂಬಕ್ಕೆ ಎಟಿಎಂ ಅಂತೆ ಡಿಕೆಶಿ - ಎಐಸಿಸಿಗೆ 600 ಕೋಟಿ ಆಗಿದ್ಯಂತೆ ಡೆಪಾಸಿಟ್ - ಡಿಕೆಶಿ ವಿರುದ್ಧ ಆರೋಪಗಳ ಪಟ್ಟಿ        ಇಡಿ ಪ್ರಕರಣದಲ್ಲಿ ಡಿಕೆಶಿ ಬಂಧನ ಖಚಿತ - ಅರೆಸ್ಟ್‌ ಬೆನ್ನಲ್ಲೇ ಮೈತ್ರಿ ಸರ್ಕಾರ ಖತಂ - ಬಿಜೆಪಿ ರಾಜ್ಯಾಧ್ಯಕ್ಷ ಬಿಎಸ್‌ವೈ ಭವಿಷ್ಯ        ಬೆಂಗ್ಳೂರು ರಸ್ತೆ ಗುಂಡಿಗೆ ಹೈಕೋರ್ಟ್ ಗರಂ - ಬೆಳಗ್ಗೆಯೊಳಗೆ ಗುಂಡಿ ಮುಚ್ಚಿಸಿ - ಕೆಲ್ಸ ಮಾಡದಿದ್ರೆ ಬಿಬಿಎಂಪಿ ಬಂದ್ ಅಂದ್ರು ಸಿಜೆ        ನವಾಜ್​​ ಷರೀಫ್​ಗೆ ರಿಲೀಫ್ - ಜೈಲಿನಿಂದ ಪಾಕ್ ಮಾಜಿ ಪ್ರಧಾನಿ, ಪುತ್ರಿ ಬಿಡುಗಡೆ - ಇಸ್ಲಾಮಾಬಾದ್ ಹೈಕೋರ್ಟ್ ಆದೇಶ        ದುಬೈನಲ್ಲಿ ಏಷ್ಯಾಕಪ್ ಹಣಾಹಣಿ - ಹೈವೋಲ್ಟೇಜ್ ಮ್ಯಾಚ್​ಗೆ ಬದ್ಧ ವೈರಿಗಳು ಸಜ್ಜು - ಟಾಗ್‌ಗೆದ್ದ ಪಾಕ್‌ ಬ್ಯಾಟಿಂಗ್‌ ಆಯ್ಕೆ       
Breaking News

ದಿನವಿಡೀ ನಿಂತರೂ ದೊರಕದ ಪಹಣಿ ಪತ್ರ

Wednesday, 11.07.2018, 9:59 PM       No Comments

ನರಗುಂದ: ಪ್ರಸಕ್ತ ಮುಂಗಾರು ಬೆಳೆಗೆ ಫಸಲ್​ಬಿಮಾ ಯೋಜನೆಯಡಿ ಬೆಳೆವಿಮೆ ಕಂತು ಪಾವತಿಸಲು ಜು. 31ಕೊನೆ ದಿನವಾದ ಕಾರಣ ಪಹಣಿ ಪತ್ರ ಪಡೆಯಲು ರೈತರು ಮಿನಿ ವಿಧಾನಸೌಧದಲ್ಲಿ ನಿತ್ಯ ಹರಸಾಹಸ ಪಡುವಂತಾಗಿದೆ. ವಿದ್ಯುತ್ ವ್ಯತ್ಯಯ, ಸರ್ವರ್ ಸ್ಥಗಿತದಿಂದ ಜನಸ್ನೇಹಿ ಕೇಂದ್ರದದಲ್ಲಿ ಕೆಲಸ ನಿಧಾನಗತಿಯಲ್ಲಿ ಸಾಗಿದೆ. ಹೀಗಾಗಿ ತಾಲೂಕಿನ ವಿವಿಧ ಗ್ರಾಮಗಳ ರೈತರು ಪಹಣಿಗಾಗಿ ಎಲ್ಲ ಕೆಲಸಗಳನ್ನು ಬದಿಗೊತ್ತಿ ಕಚೇರಿ ಆರಂಭಕ್ಕೂ ಮುನ್ನ ಪಾಳಿ ಹಚ್ಚುತ್ತಿದ್ದಾರೆ. ಆದರೂ ಕೆಲವರಿಗೆ ಮಾತ್ರ ಪಹಣಿ ದೊರಕುತ್ತಿರುವುದು ರೈತರಿಗೆ ತೊಂದರೆ ಉಂಟುಮಾಡಿದೆ. ಹೀಗಾಗಿ ಇನ್ನುಳಿದ ರೈತರು ಎಲ್ಲಿ ಅವಧಿ ಮುಗಿದು ಹೋಗುತ್ತದೋ ಎಂಬ ಚಿಂತೆಯಲ್ಲಿದ್ದಾರೆ. ಸಕಾಲಕ್ಕೆ ಪಹಣಿ ಪತ್ರಿಕೆ ದೊರೆಯದಿದ್ದರೆ ತಹಸೀಲ್ದಾರ್ ಕಚೇರಿ ಎದರು ಧರಣಿ ನಡೆಸುವುದಾಗಿ ರೈತರಾದ ಪುಂಡಲೀಕಪ್ಪ ಪೂಜಾರ, ಶರಣಪ್ಪ ಬಾಗೂರ, ಕರೀಂಸಾಬ ನದಾಫ್, ವಿ.ವಿ. ವಂಕಲಕುಂಟಿ, ಶಿವಾನಂದ ದಂಡಿನ ಪಂಚಪ್ಪ ರಾಮದುರ್ಗ, ಮಹಾಂತೇಶ ಮಠದ, ಎಸ್.ಕೆ. ದಂಡಾಪೂರ, ಕಾಶಮ್ಮ ಗದಿಗೆಮ್ಮನವರ, ಅಂಜಲಿ ಭರತಣ್ಣವರ, ಚಂದಮ್ಮ ಕಿರೇಸೂರ, ಕಮಲಾಕ್ಷಿ ದುತ್ತರಿ ಇತರರು ತಿಳಿಸಿದ್ದಾರೆ.

ಪಹಣಿಗಳನ್ನು ಎಲ್ಲ ಗ್ರಾಪಂನಲ್ಲಿ ನೀಡಲಾಗುತ್ತಿದೆ. ಈ ಮೊದಲು ನಿರ್ಲಕ್ಷಿಸಿ, ಬೆಳೆವಿಮೆ ಸಮಯ ಸಮೀಪ ಬಂದಾಗ ಎಲ್ಲ ರೈತರು ಒಟ್ಟಿಗೆ ಪಹಣಿ ಪತ್ರ ಪಡೆಯಲು ಆಗಮಿಸಿದ ಕಾರಣ ಸರದಿ ಸಾಲು ಕಂಡು ಬರುತ್ತಿದೆ. ಅಲ್ಲದೆ, ಕೆಲವೊಮ್ಮೆ ವಿದ್ಯುತ್, ಸರ್ವರ್ ಸಮಸ್ಯೆಯಿಂದ ವಿಳಂಬವಾಗಿದೆ. ಆದರೂ ಶೀಘ್ರದಲ್ಲಿ ಪಹಣಿ ಒದಗಿಸಲು ಸೂಚಿಸಲಾಗಿದೆ.
| ಪ್ರಕಾಶ ಹೊಳೆಪ್ಪಗೋಳ, ತಹಸೀಲ್ದಾರ್.

Leave a Reply

Your email address will not be published. Required fields are marked *

Back To Top