Friday, 20th October 2017  

Vijayavani

1. ಲಿಂಗಾಯತ ಪ್ರತಿಪಾದಕರಾಗಿದ್ದಕ್ಕೆ ಕಲಬುರ್ಗಿ ಹತ್ಯೆ – ಲಿಂಗಾಯತ ವಿಚಾರ ಬರೆದಿದ್ದಕ್ಕೆ ಗೌರಿ ಲಂಕೇಶ್​ ಕೊಲೆ ಶಂಕೆ – ಬೆಂಗಳೂರಿನಲ್ಲಿ ಜಾಮದಾರ್​ ವಿವಾದಾತ್ಮಕ ಹೇಳಿಕೆ 2. ಬಿಜೆಪಿ ಬಿಟ್ಟು ಕಾಂಗ್ರೆಸ್​ ಸೇರಿದಕ್ಕೆ ಮಾರಣಾಂತಿಕ ಹಲ್ಲೆ – ಮಾಜಿ ಕಾರ್ಪೊರೇಟರ್​ ರವೀಂದ್ರ ವಿರುದ್ಧ ಮಹಿಳೆ ಆರೋಪ – ಗಾಯಾಳುವಿಗೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ 3. ಮಲೆ ಮಹದೇಶ್ವರ ಬೆಟ್ಟದಲ್ಲಿ ಮಹಾರಥೋತ್ಸವ – ರಥೋತ್ಸವದ ವೇಳೆ ನೂಕು ನುಗ್ಗಲು – ಭಕ್ತರ ನಿಯಂತ್ರಿಸಲು ಪೊಲೀಸರಿಂದ ಲಾಠಿ ಚಾರ್ಜ್ 4. ಹಾಲಿವುಡ್, ಬಾಲಿವುಡ್​ ಬೇರೆ ಅಲ್ಲ – ಎರಡೂ ಕಡೆ ಲೈಂಗಿಕ ಶೋಷಣೆ ಇದ್ದೆ ಇದೆ – ಸಂದರ್ಶನದಲ್ಲಿ ಸತ್ಯ ತೆರೆದಿಟ್ಟ ಪ್ರಿಯಾಂಕ ಚೋಪ್ರಾ 5. ದೀಪಾವಳಿಗೆ ಪ್ರಧಾನಿ ತಾಯಿ ಫುಲ್ ಖುಷ್​ – ರಾಮನ ಹಾಡಿಗೆ ಸಖತ್ ಸ್ಟೆಪ್ಸ್​ – 97ರ ಹರೆಯದಲ್ಲೂ ಹೀರಾಬೆನ್​ ಜೀವನ ಪ್ರೀತಿ
Breaking News :

ತೆಪ್ಪೋತ್ಸವ ಸ್ಪರ್ಧೆ

Monday, 02.10.2017, 3:00 AM       No Comments

ಕೊಲ್ಹಾರ (ವಿಜಯಪುರ): ಅವಳಿ ಜಿಲ್ಲೆಯ ಜೀವನಾಡಿ ಕೃಷ್ಣಾ ನದಿಯಲ್ಲಿ ದಸರಾ ಹಬ್ಬದ ಪ್ರಯುಕ್ತ ಭಾನುವಾರ ಆಯೋಜಿಸಿದ್ದ ಮೀನುಗಾರರಿಗೆ ರಾಜ್ಯ ಮಟ್ಟದ ತೆಪ್ಪೋತ್ಸವ (ಬುಟ್ಟಿ) ಸ್ಪರ್ಧೆ ಜನಾಕರ್ಷಿಸಿತು.

ಕೊರ್ತಿ-ಕೊಲ್ಹಾರ ಸೇತುವೆ ಪುನರ್ ನಿರ್ಮಾಣ ಹೋರಾಟ ಸಮಿತಿ, ಮೀನುಗಾರಿಕೆ ಇಲಾಖೆ ವಿಜಯಪುರ ಹಾಗೂ ಪಪಂ ಸಹಯೋಗದಲ್ಲಿ ಸ್ನೇಹ ಮಿಲನ ಬನ್ನಿ ವಿನಿಮಯ ಕಾರ್ಯಕ್ರಮವನ್ನು ಆಯೋಜಿಸಿತ್ತು. 3 ಕಿ.ಮೀ. ಉದ್ದದ ಕೊರ್ತಿ- ಕೊಲ್ಹಾರ ಸೇತುವೆಯ ಬೀಳಗಿ ತಾಲೂಕಿನ ಟಕ್ಕಳಕಿ ದಡದಿಂದ ಕೊಲ್ಹಾರ ದಡದವರೆಗೆ ಸಮುದ್ರದಂತೆ ಕಾಣುವ ನದಿಯಲ್ಲಿ ನಡೆದ ಸ್ಪರ್ಧೆಯಲ್ಲಿ ಎಂಟು ತಂಡಗಳು ಭಾಗವಹಿಸಿದ್ದವು. ಸೇತುವೆ ಮೇಲ್ಗಡೆ ನಿಂತು ಹರಿಗೋಲು ಸ್ಪರ್ಧೆಯ ದೃಶ್ಯಾವಳಿಗಳನ್ನು ಸಾವಿರಾರು ಜನರು ಕಣ್ತುಂಬಿಕೊಂಡರು. ಹರಿಗೋಲು ಸ್ಪರ್ಧೆಗೆ ಬಾವುಟ ತೋರಿಸುವ ಮೂಲಕ ಮಾಜಿ ಸಚಿವ ಎಸ್.ಕೆ. ಬೆಳ್ಳುಬ್ಬಿ, ರಾಮನಗೌಡ ಜಕ್ಕನಗೌಡರ ಚಾಲನೆ ನೀಡಿದರು. ಬೀಳಗಿ ಶುಗರ್ಸ್ ಪ್ರಥಮ, ಗಂಗಾಧರ ಕುಂಟೋಜಿ ದ್ವಿತೀಯ, ಭೀಮನಗೌಡ ಪಾಟೀಲ ತೃತೀಯ ಬಹುಮಾನ ಕೊಡ ಮಾಡಿದರು.

ದುರುಗಪ್ಪ, ಹನುಮಂತ ಜೋಡಿಗೆ ಪ್ರಥಮ ಸ್ಥಾನ ಅರಳದಿನ್ನಿಯ ದುರುಗಪ್ಪ, ಹನುಮಂತ ಜೋಡಿ ತಂಡ ಪ್ರಥಮ ಸ್ಥಾನ(15,000 ರೂ.) ತಮ್ಮದಾಸಿಕೊಂಡಿತು. ಚಂದ್ರು, ಮಂಜು ಜೋಡಿ ದ್ವಿತೀಯ ಸ್ಥಾನ (10,000 ರೂ.), ತಾಯಪ್ಪ, ಅನೀಲ ಜೋಡಿ ತೃತೀಯ ಸ್ಥಾನ (7,500 ರೂ.) ಗಳಿಸಿದರು.

 

Leave a Reply

Your email address will not be published. Required fields are marked *

Back To Top