Wednesday, 18th July 2018  

Vijayavani

ಬಜೆಟ್​​ನಲ್ಲಿ ಅನ್ನಭಾಗ್ಯ ಅಕ್ಕಿ ಕಡಿತ ವಿಚಾರ - 5 ಕೆಜಿ ಅಲ್ಲ, ನಾವು 7 ಕೆಜಿ ಕೊಡುತ್ತೇವೆ - ಆಹಾರ ಸಚಿವ ಜಮೀರ್ ಅಹಮ್ಮದ್ ಹೇಳಿಕೆ        ಲೋಕಸಭೆ ಅಧಿವೇಶನ, ಬಿಜೆಪಿ ಸಭೆ ಹಿನ್ನೆಲೆ- ಜುಲೈ 28ರಂದು ರಾಜ್ಯಕ್ಕೆ ಅಮಿತ್ ಷಾ ಬರೋದು ಡೌಟ್- ದಿಲ್ಲಿಯಲ್ಲೇ ಉಳೀತಾರಾ ಬಿಜೆಪಿ ರಾಷ್ಟ್ರಾಧ್ಯಕ್ಷ?        ಸಚಿವ ಡಿಕೆಶಿ ಒಬ್ಬ ಹುಚ್ಚು ದೊರೆ - ಮೊಹಮ್ಮದ್ ಬಿನ್ ತುಘಲಕ್ ರೀತಿ ಆಡ್ತಿದ್ದಾರೆ - ಮಿನಿಸ್ಟರ್ ವಿರುದ್ಧ ಗುಡುಗಿದ ಮಾಜಿ ಸಂಸದ ಬಸವರಾಜು        ಮಡಿಕೇರಿಯಲ್ಲಿ ಮುಂದುವರಿದ ವರುಣನ ಆರ್ಭಟ - ಹಾರಂಗಿಯಿಂದ ಭಾರಿ ಪ್ರಮಾಣದಲ್ಲಿ ನದಿಗೆ ನೀರು - ಶಾಲಾ ಕಾಲೇಜ್‌ಗಳಿಗೆ ರಜೆ ಮುಂದುವರಿಕೆ        ನಾಳೆಯಿಂದ ಸಂಸತ್ ಮುಂಗಾರು ಅಧಿವೇಶನ - ಪಾರ್ಲಿಮೆಂಟ್​ನಲ್ಲಿ ಪ್ರಧಾನಿ ಸರ್ವ ಪಕ್ಷ ಸಭೆ - ಸುಗಮ ಕಲಾಪಕ್ಕೆ ಸಹಕರಿಸುವಂತೆ ಮನವಿ        ಯುವತಿಗೆ ಕಿರುಕುಳ ನೀಡಿದ ಹೋಮ್‌ಗಾರ್ಡ್‌ - ಆರೋಪಿಯನ್ನ ಕಂಬಕ್ಕೆ ಕಟ್ಟಿಹಾಕಿ ಹಿಗ್ಗಾಮುಗ್ಗಾ ಥಳಿತ - ಯುವತಿ ಹೊಡಿತಕ್ಕೆ ಹೋಮ್‌ಗಾರ್ಡ್‌ ಹಣ್ಣುಗಾಯಿ ನೀರ್‌ಗಾಯಿ       
Breaking News

ತಾಲೂಕಿಗೊಂದು ಮೂತ್ರ ಬ್ಯಾಂಕ್

Wednesday, 15.11.2017, 3:03 AM       No Comments

ನಾಗ್ಪುರ: ರೈತರನ್ನು ಕಾಡುತ್ತಿರುವ ಯೂರಿಯಾ ಕೊರತೆ ಸಮಸ್ಯೆಗೆ ಶಾಶ್ವತ ತೆರೆ ಎಳೆಯುವ ಯತ್ನವಾಗಿ ಕೇಂದ್ರ ಸರ್ಕಾರ ‘ಮಾನವ ಮೂತ್ರ ಬ್ಯಾಂಕ್’ ಯೋಜನೆ ಸಿದ್ಧಪಡಿಸುತ್ತಿದೆ. ಭೂಮಿಯ ಫಲವತ್ತತೆ ಹೆಚ್ಚಿಸುವ ತಂತ್ರಗಾರಿಕೆಯಾಗಿ ಸ್ಥಳೀಯ ಮಟ್ಟದಲ್ಲೇ ಯೂರಿಯಾ ಉತ್ಪಾದಿಸಲು ತಾಲೂಕಿಗೊಂದು ಮೂತ್ರ ಬ್ಯಾಂಕ್ ಸ್ಥಾಪಿಸುವುದು ಯೋಜನೆಯ ಉದ್ದೇಶವಾಗಿದೆ.

ಸ್ವೀಡನ್​ನಲ್ಲಿ ಯಶಸ್ವಿ: ಮೂತ್ರಬ್ಯಾಂಕ್ ಯೋಜನೆ ಭಾರತಕ್ಕೆ ಹೊಸತಾದರೂ ಈ ಪ್ರಯೋಗ ಸ್ವೀಡನ್​ನಲ್ಲಿ ಯಶಸ್ವಿಯಾಗಿದೆ. ಹೀಗಾಗಿ ಅಲ್ಲಿನ ವಿಜ್ಞಾನಿಗಳ ಸಹಕಾರ ಪಡೆಯುವ ಈ ಯೋಜನೆ ಇನ್ನೂ ಆರಂಭಿಕ ಹಂತದಲ್ಲಿದೆ ಎಂದು ಕೇಂದ್ರ ಸಚಿವ ನಿತಿನ್ ಗಡ್ಕರಿ ತಿಳಿಸಿದ್ದಾರೆ.

ನೈಟ್ರೋಜನ್ ಪವರ್

ನಾವು ಸೇವಿಸುವ ಆಹಾರದಲ್ಲಿರುವ ಪೌಷ್ಟಿಕಾಂಶಗಳನ್ನು ಶೋಧಿಸಿ, ದೇಹಕ್ಕೆ ಅಗತ್ಯವಾದಷ್ಟನ್ನು ಪೂರೈಸುವ ಜೀರ್ಣಾಂಗ ವ್ಯವಸ್ಥೆ ಹೆಚ್ಚುವರಿ ಪೌಷ್ಟಿಕಾಂಶಗಳನ್ನು ಮಲ-ಮೂತ್ರ ರೂಪದಲ್ಲಿ ದೇಹದಿಂದ ಹೊರಹಾಕುತ್ತದೆ. ಹಾಗೆ ಹೊರಹಾಕಲ್ಪಟ್ಟ ಮೂತ್ರದಲ್ಲಿ ಹೆಚ್ಚಿನ ಪ್ರಮಾಣದ ಸಾರಜನಕ (ನೈಟ್ರೋಜನ್) ಇರುತ್ತದೆ. ಇದು ಯೂರಿಯಾಗಿಂತಲೂ ಹೆಚ್ಚು ಫಲವತ್ತತೆ ಹೊಂದಿರುತ್ತದೆ ಎಂಬುದು ವಿಜ್ಞಾನಿಗಳ ಅನಿಸಿಕೆ.

ರೋಗಕ್ಕೆ ಸ್ವಮೂತ್ರ ಪಾನ ಮದ್ದು

ಮಕ್ಕಳು ಬಿದ್ದು ಗಾಯ ಮಾಡಿಕೊಂಡರೆ ಅಥವಾ ಹರಿತ ವಸ್ತು ಬಳಸುವಾಗ ಕೊಯ್ದು ಗಾಯಗೊಂಡರೆ ಅದರ ಮೇಲೆ ಮೂತ್ರ ಮಾಡಿಕೊಳ್ಳುವಂತೆ ಹಿರಿಯರು ಸಲಹೆ ನೀಡುವುದು ನೆನಪಿರಬಹುದು. ಹೀಗೆ ಮಾಡುವುದರಿಂದ ನಂಜಾಗುವುದಿಲ್ಲ (ಸೋಂಕು ತಗಲುವುದಿಲ್ಲ) ಎಂಬುದು ಇದಕ್ಕೆ ಕಾರಣ. ಅದರಂತೆ, ಸ್ವಮೂತ್ರಪಾನ ಮಾಡುವುದರಿಂದಲೂ ನಾನಾ ಬಗೆಯ ರೋಗಗಳಿಂದ ದೂರವುಳಿಯಬಹುದು ಎಂಬ ಮಾತೂ ಇದೆ. ಮಾಜಿ ಪ್ರಧಾನಿ ಮೊರಾರ್ಜಿ ದೇಸಾಯಿ ಆರೋಗ್ಯದ ದೃಷ್ಟಿಯಿಂದ ತಾವು ಸ್ವಮೂತ್ರಪಾನ ರೂಢಿ ಹೊಂದಿರುವುದಾಗಿ ಹೇಳುತ್ತಿದ್ದರು. ಆದರೆ, ಇದು ಮಲದ ಅಂಶದಿಂದ ಮುಕ್ತವಾಗಿರುವಂತೆ ಎಚ್ಚರ ವಹಿಸುವುದು ಮುಖ್ಯ.

ಲೀಟರ್​ಗೆ ಒಂದು ರೂ.

ಮೂತ್ರ ಬ್ಯಾಂಕ್ ಯೋಜನೆಯನ್ನು ಕೇಂದ್ರ ಸರ್ಕಾರ ನಾಗ್ಪುರದ ಧಾಪೇವಾಡ ಗ್ರಾಮದಲ್ಲಿ ಪ್ರಾಯೋಗಿಕವಾಗಿ ಜಾರಿ ಗೊಳಿಸುತ್ತಿದೆ. ಬ್ಯಾಂಕ್​ಗೆ ನೀಡುವ ಪ್ರತಿ ಲೀಟರ್ ಮೂತ್ರಕ್ಕೆ 1 ರೂ.ನಂತೆ ರೈತರಿಗೆ ಹಣವೂ ಪಾವತಿಯಾಗಲಿದೆ.

ಏನಿದು ಮೂತ್ರ ಬ್ಯಾಂಕ್?

ರೈತರು ನೀರಿನಲ್ಲಿ ಬೆರೆಯದ ಮೂತ್ರವನ್ನು 10 ಲೀಟರ್ ಕ್ಯಾನ್​ನಲ್ಲಿ ಶೇಖರಿಸಿ ಬಳಿಕ ಅದನ್ನು ತಾಲೂಕು ಕೇಂದ್ರಗಳ ಮೂತ್ರ ಬ್ಯಾಂಕ್​ಗಳಿಗೆ ನೀಡಿದರೆ ಲೀಟರ್​ಗೆ 1 ರೂ. ದೊರೆಯಲಿದೆ. ಹೀಗೆ ಪಡೆದ ಮೂತ್ರವನ್ನು ಭಟ್ಟಿ ಇಳಿಸಿ(ಡಿಸ್ಟಿಲೇಷನ್) ಶುದ್ಧವಾದ ಸಾರಜನಕ ಭರಿತ ಸಾವಯವ ಯೂರಿಯವನ್ನು ಮೂತ್ರ ಬ್ಯಾಂಕ್​ಗಳು ರೈತರಿಗೆ ನೀಡಲಿವೆ.

 ಪ್ರಕ್ರಿಯೆ ಹೇಗೆ?

ಫಾಸ್ಪರಸ್(ಪಿ) ಮತ್ತು ಪೊಟ್ಯಾಷಿಯಂ(ಕೆ)ಗೆ ಈಗಾಗಲೇ ಪರ್ಯಾಯ ಲಭ್ಯ ಇದೆ. ಅವುಗಳೊಂದಿಗೆ ಮೂತ್ರದಿಂದ ಬೇರ್ಪಡಿಸಿದ ಸಾರಜನಕ(ಎನ್) ಸೇರಿಸಿ ಯೂರಿಯಾ (ಎನ್​ಪಿಎ) ತಯಾರಿಸಲಾಗುತ್ತದೆ. ಇದರಿಂದ, ದುಬಾರಿ ಬೆಲೆಯ ಯೂರಿಯಾ ಖರೀದಿಸುವ, ವಿದೇಶದಿಂದ ಆಮದು ಮಾಡಿಕೊಳ್ಳುವ ತಾಪತ್ರಯವೂ ತಪು್ಪತ್ತದೆ. ಜತೆಗೆ, ಜಲಮೂಲಗಳ ಮಾಲಿನ್ಯ ನಿಯಂತ್ರಿಸಬಹುದು.

Leave a Reply

Your email address will not be published. Required fields are marked *

Back To Top