Wednesday, 22nd November 2017  

Vijayavani

1. ಉಗ್ರನ ವಿರುದ್ಧ ಕೊಡಲಿಲ್ಲ ಪಾಕ್ ಸಾಕ್ಷ್ಯ – LET ಕ್ರಿಮಿ ಹಫೀಜ್ ಸಯೀದ್​ಗೆ ಕ್ಲೀನ್​ಚಿಟ್ – ಮನೆಯಿಂದ ಹೊರಬರ್ತಾನೆ ಮುಂಬೈ ದಾಳಿ ಮಾಸ್ಟರ್ ಮೈಂಡ್ 2. ಅಲೆಮಾರಿಗಳ ಮನೆ ತೆರವು ವೇಳೆ ಅಮಾನವೀಯ ವರ್ತನೆ – ನಡುರಸ್ತೆಯಲ್ಲಿ ಮಹಿಳೆಗೆ ಹೆರಿಗೆ – ದಿಗ್ವಿಜಯ ನ್ಯೂಸ್​ ವರದಿಗೆ ಡಿಸಿ ಸ್ಪಂದನೆ 3. ಹೆರಿಗೆ ವೇಳೆ ಮೃತಪಟ್ಟಿದ್ದಾಳೆ ಅಂದ್ರು ಡಾಕ್ಟರ್ಸ್​ – ಅಂತ್ಯ ಸಂಸ್ಕಾರದ ವೇಳೆ ಕಣ್ಣು ಬಿಟ್ಲಂತೆ ಬಾಣಂತಿ – ಮನೆಗೆ ತರೋವಷ್ಟರಲ್ಲಿ ಮತ್ತೆ ಸಾವಿನ ದರ್ಶನ 4. ಕೊಪ್ಪಳ ಜಿಲ್ಲಾಪ್ರವಾಸದಲ್ಲಿ ಎಚ್​ಡಿಡಿ – ಗವಿಮಠಕ್ಕೆ ಮಾಜಿ ಪ್ರಧಾನಿ ಭೇಟಿ – ಇಳಿವಯಸ್ಸಿನಲ್ಲೂ ಕಿಂಡಿಯಲ್ಲೆ ತೆರಳಿ ದರ್ಶನ 5. ಯೂರ್ಟನ್​ ವೇಳೆ ಕಾರಿಗೆ ಲಾರಿ ಡಿಕ್ಕಿ – ಡಿಕ್ಕಿ ಹೊಡೆದ ಲಾರಿಗೆ ಟ್ರಕ್ ಡ್ಯಾಶ್ – ಸೌದಿ ಹೈವೇಯಲ್ಲಿ ಹಾರಿಬಲ್ ಆಕ್ಸಿಡೆಂಟ್
Breaking News :

ತಮಿಳುನಾಡಿಗೆ ವಿಜಯ್ ಹಜಾರೆ ಟ್ರೋಫಿ

Tuesday, 21.03.2017, 9:45 AM       No Comments

ನವದೆಹಲಿ: ದಿನೇಶ್ ಕಾರ್ತಿಕ್(112 ರನ್, 120 ಎಸೆತ, 14 ಬೌಂಡರಿ) ಬಾರಿಸಿದ 10ನೇ ಲಿಸ್ಟ್ ಎ ಶತಕದ ನೆರವಿನಿಂದ ತಮಿಳುನಾಡು ತಂಡ ಬಂಗಾಳ ತಂಡಕ್ಕೆ 37 ರನ್​ಗಳಿಂದ ಸೋಲುಣಿಸಿ ದಾಖಲೆಯ 5ನೇ ಬಾರಿ ವಿಜಯ್ ಹಜಾರೆ ಟ್ರೋಫಿ ಏಕದಿನ ಕ್ರಿಕೆಟ್ ಟೂರ್ನಿಯ ಚಾಂಪಿಯನ್ ಆಗಿ ಹೊರಹೊಮ್ಮಿದೆ.

ಫಿರೋಜ್ ಷಾ ಕೋಟ್ಲಾ ಮೈದಾನದಲ್ಲಿ ಸೋಮವಾರ ನಡೆದ ಫೈನಲ್ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಇಳಿದ ತಮಿಳುನಾಡು ತಂಡ, ಕಾರ್ತಿಕ್ ಶತಕದ ನಡುವೆ ಟೀಮ್ ಇಂಡಿಯಾ ವೇಗಿ ಮೊಹಮದ್ ಶಮಿ(26ಕ್ಕೆ 4) ದಾಳಿಗೆ 217 ರನ್​ಗೆ ಸರ್ವಪತನ ಕಂಡಿತು. ಸವಾಲು ಬೆನ್ನಟ್ಟಿದ ಬಂಗಾಳ ಯಾವುದೇ ಹಂತದಲ್ಲಿ ದಿಟ್ಟ ಪ್ರತಿರೋಧ ತೋರದೆ 180 ರನ್​ಗೆ ಆಲೌಟಾಗಿ ಸೋಲೊಪ್ಪಿಕೊಂಡಿತು.

ತಮಿಳುನಾಡು: 47.2 ಓವರ್​ಗಳಲ್ಲಿ 217 ( ದಿನೇಶ್ ಕಾರ್ತಿಕ್ 112, ಬಾಬಾ ಇಂದ್ರಜಿತ್ 32, ಶಮಿ 26ಕ್ಕೆ 4, ಅಶೋಕ್ ದಿಂಡಾ 36ಕ್ಕೆ 3), ಬಂಗಾಳ: 45.5 ಓವರ್​ಗಳಲ್ಲಿ 180 ( ಸುದೀಪ್ 58, ತಿವಾರಿ 32, ಅಶ್ವಿನ್ ಕ್ರಿಸ್ಟ್ 23ಕ್ಕೆ 2, ರಾಹಿಲ್ ಶಾ 38ಕ್ಕೆ 2).

– ಏಜೆನ್ಸೀಸ್

ದಿನೇಶ್ ಕಾರ್ತಿಕ್ ಶತಕದಾಸರೆ

ಗಾಯದಿಂದ ಫಿಟ್ ಆದ ಬಳಿಕ ಹಾಲಿ ಟೂರ್ನಿಯಲ್ಲಿ ಮೊದಲ ಪಂದ್ಯವನ್ನಾಡಿದ ವೇಗಿ ಮೊಹಮದ್ ಶಮಿ ತಮಿಳುನಾಡು ತಂಡಕ್ಕೆ ಮಾರಕ ಆಘಾತ ನೀಡಿದರು. ಇದರಿಂದ 49 ರನ್​ಗೆ 4 ವಿಕೆಟ್ ಕಳೆದುಕೊಂಡು ಅಲ್ಪ ಮೊತ್ತಕ್ಕೆ ಕುಸಿಯುವ ಭೀತಿ ಎದುರಿಸಿತು. ಆದರೆ ತಾಳ್ಮೆಯಿಂದ ಆಡಿದ ದಿನೇಶ್ ಕಾರ್ತಿಕ್, ಬಾಬಾ ಇಂದ್ರಜಿತ್(32), ವಾಷಿಂಗ್ಟನ್ ಸುಂದರ್(22) ಬೆಂಬಲದೊಂದಿಗೆ ತಂಡದ ಮೊತ್ತವನ್ನು 200ರ ಗಡಿ ದಾಟಿಸಲು ಸಫಲರಾದರು. ಪ್ರಶಸ್ತಿ ಜಯದೊಂದಿಗೆ ತಮಿಳುನಾಡು ತಂಡ ದೇವಧರ್ ಟ್ರೋಫಿಗೆ ಅರ್ಹತೆಯನ್ನೂ ಪಡೆದಿದೆ.

ವೈಡ್​ಗೆ ಹಿಟ್ ವಿಕೆಟ್!

ದಿನೇಶ್ ಕಾರ್ತಿಕ್ ವೈಡ್ ಎಸೆತಕ್ಕೆ ಹಿಟ್ ವಿಕೆಟ್ ಆದ ಪ್ರಸಂಗ ಫೈನಲ್ ಪಂದ್ಯದಲ್ಲಿ ನಡೆಯಿತು. ಬಂಗಾಳ ವೇಗಿ ಮೊಹಮದ್ ಶಮಿ ಎಸೆದ ಪಂದ್ಯದ 48ನೇ ಓವರ್​ನಲ್ಲಿ ಲೆಗ್​ಸೈಡ್ ಹೊರಗಡೆ ಬಂದ ಎಸೆತವನ್ನು ಕಾರ್ತಿಕ್ ಪುಲ್ ಮಾಡಲು ಯತ್ನಿಸಿದಾಗ ನಿಯಂತ್ರಣ ತಪ್ಪಿದರು. ಆಗ ಅವರ ಬ್ಯಾಟ್ ವಿಕೆಟ್​ಗೆ ಬಡಿಯಿತು.

ತಮಿಳುನಾಡು ತಂಡ 15ನೇ ಆವೃತ್ತಿಯ ವಿಜಯ್ ಹಜಾರೆ ಟ್ರೋಫಿಯಲ್ಲಿ 5ನೇ ಬಾರಿ (2002-03, 2008-09, 2009-10, 2004-05ರಲ್ಲಿ ಜಂಟಿ ಚಾಂಪಿಯನ್, 2016-17) ಪ್ರಶಸ್ತಿ ಜಯಿಸಿತು. ಬೇರಾವುದೇ ತಂಡ 2ಕ್ಕಿಂತ ಹೆಚ್ಚು ಬಾರಿ ಗೆದ್ದಿಲ್ಲ.

Leave a Reply

Your email address will not be published. Required fields are marked *

Back To Top