Sunday, 15th July 2018  

Vijayavani

ಬಾಲಕನ ವಿಡಿಯೋ ಹಿಂದೆ ಬಿಜೆಪಿ ಕೈವಾಡ ಆರೋಪ - ವಿಡಿಯೋ ತನಿಖೆಗೆ ಸದಾನಂದಗೌಡ ಆಗ್ರಹ - ರಾಜಕಾರಣಿಗಳ ಆಟಕ್ಕೆ ಕೊಡವರ ಆಕ್ರೋಶ        26 ವರ್ಷ ಲಿಂಗಾಯತರೇ ರಾಜ್ಯ ಆಳಿದ್ದಾರೆ - ಕುಮಾರಸ್ವಾಮಿ ಸಿಎಂ ಆಗಿ 2 ತಿಂಗಳಾಗಿದೆ - ಉತ್ತರ ಕರ್ನಾಟಕ ನಿರ್ಲಕ್ಷ್ಯ ಆರೋಪಕ್ಕೆ ದೇವೇಗೌಡ ತಿರುಗೇಟು        ಕೊನೆಗೂ ಶಿರಾಡಿ ಘಾಟ್‌ ಲೋಕಾರ್ಪಣೆ - ವಾಸ್ತು ಪ್ರಕಾರ ರೇವಣ್ಣ ಉದ್ಘಾಟನೆ - ರಾಷ್ಟ್ರೀಯ ಹೆದ್ದಾರಿ ಸಂಚಾರಕ್ಕೆ ಮುಕ್ತ        ಮಟನ್ ಬಿರಿಯಾನಿ, ಚಿಕನ್ ಚಾಪ್ಸ್, ಬೋಟಿ ಗೊಜ್ಜು, ಮೊಟ್ಟೆ - 25 ಸಾವಿರ ಮಂದಿಗೆ ಭರ್ಜರಿ ಬಾಡೂಟ - ಚಾಮುಂಡೇಶ್ವರಿ ಕ್ಷೇತ್ರದ ಜನರಿಗೆ ಜಿಟಿಡಿ ಕೃತಜ್ಞತೆ        ಒಂದು ದೇಶ ಒಂದೇ ಚುನಾವಣೆ - ಮೋದಿ ಪರಿಕಲ್ಪನೆಗೆ ಸೂಪರ್‌ಸ್ಟಾರ್‌ ಬೆಂಬಲ - ಹಣ, ಸಮಯ ಉಳಿತಾಯ ಎಂದ ರಜನಿ        ಉಕ್ಕಿಹರಿಯುತ್ತಿರೋ ಕೃಷ್ಣೆ - ಬೆಳಗಾವಿ, ಚಿಕ್ಕೋಡಿ ಭಾಗದಲ್ಲಿ ಪ್ರವಾಹ ಪರಿಸ್ಥಿತಿ - ಇತ್ತ ತಮಿಳುನಾಡಿನಲ್ಲಿ ಕಾವೇರಿ ಭೋರ್ಗರೆತ       
Breaking News

ಡಬಲ್ ಟೋನ್ಡ್ ಮಿಲ್ಕ್ ಮಾರುಕಟ್ಟೆಗೆ

Thursday, 12.07.2018, 3:00 AM       No Comments

ತುಮಕೂರು : ತುಮಕೂರು ಸಹಕಾರಿ ಹಾಲು ಉತ್ಪಾದಕರ ಸಂಘಗಳ ಒಕ್ಕೂಟ(ತುಮುಲ್) ಕ್ಷೀರ ಕ್ರಾಂತಿ ಎದುರಿಸುವ ಜತೆಗೆ ಖಾಸಗಿ ಸಂಸ್ಥೆಗಳ ದರ ಸಮರ ಎದುರಿಸಲು ದಿಟ್ಟ ಹೆಜ್ಜೆ ಇಟ್ಟಿದೆ.

500 ಎಂಎಲ್ 14ರೂ. ಹಾಗೂ ಲೀಟರ್ ಹಾಲು 28 ರೂ.ಗೆ ಲಭ್ಯವಿರುವ ಡಬಲ್​ಟೋನ್ಡ್ ಹಾಲನ್ನು ರಾಜ್ಯದಲ್ಲಿಯೇ ಮೊದಲ ಬಾರಿಗೆ ಬುಧವಾರ ತುಮಕೂರಿನಲ್ಲಿ ಪ್ರಾಯೋಗಿಕವಾಗಿ ಮಾರುಕಟ್ಟೆಗೆ ಬಿಡುಗಡೆಗೊಳಿಸಿದೆ.

ತುಮಕೂರಿನ ಹೊರವಲಯದಲ್ಲಿರುವ ತುಮುಲ್ ಕಚೇರಿ ಸಭಾಂಗಣದಲ್ಲಿ ಮಾಹಿತಿ ನೀಡಿದ ತುಮುಲ್ ಅಧ್ಯಕ್ಷ ಕೊಂಡವಾಡಿ ಚಂದ್ರಶೇಖರ್, ‘ನಂದಿನಿ’ ಬ್ರಾಂಡ್​ನಲ್ಲಿ ಹೊಸ ಮಾದರಿಯ ಡಬಲ್​ಟೋನ್ಡ್ ಹಾಲನ್ನು ಮಾರಾಟ ಮಾಡಲು ಮುಂದಾಗಿದೆ ಎಂದು ಹೇಳಿದರು.

ಹಾಲಿನ ಉತ್ಪಾದನೆ ಜಾಸ್ತಿಯಾದಂತೆ ಮಾರುಕಟ್ಟೆ ವಿಸ್ತರಣೆ ಆಗದ್ದರಿಂದ ಶೇಖರಣೆಯಾದ ಹಾಲನ್ನು ರಾಜ್ಯದ ಇತರೆ ಜಿಲ್ಲೆ, ಹೊರ ರಾಜ್ಯಗಳಿಗೆ ಡೇರಿ, ಒಕ್ಕೂಟಗಳಿಗೆ ಪರಿವರ್ತನೆಗಾಗಿ ರವಾನಿಸಲು ಸಾಕಷ್ಟು ವೆಚ್ಚವಾಗುತ್ತಿತ್ತು. ಮಾರುಕಟ್ಟೆ ವಿಸ್ತರಿಸಲು ಡಬಲ್​ಟೋನ್ಡ್ ಹಾಲನ್ನು ಮಾರುಕಟ್ಟೆಗೆ ಬಿಡುಗಡೆಗೊಳಿಸಿದ್ದೇವೆ ಎಂದರು.

ಪ್ರಸ್ತುತ ಮಾರುಕಟ್ಟೆಯಲ್ಲಿರುವ ಹಾಲಿನಲ್ಲಿ ಶೇ.3.5 ಕೊಬ್ಬಿನಾಂಶ ಹಾಗೂ ಶೇ.8.5 ಜಿಡ್ಡೇತರ ಘನಾಂಶವಿದೆ. ಆದರೆ, ಈ ‘ಡಬಲ್​ಟೋನ್ಡ್’ ಹಾಲಿನಲ್ಲಿ ಶೇ.1.5ಕೊಬ್ಬಿನಾಂಶ ಹಾಗೂ 9.5 ಜಿಡ್ಡೇತರ ಘನಾಂಶವಿದೆ. ಕೊಬ್ಬಿನಾಂಶ ಕಡಿಮೆ ಮಾಡಿ ದರ ಕಡಿಮೆ ಮಾಡಲಾಗಿದೆ.

ತುಮುಲ್ ನಿರ್ದೇಶಕ ಸುರೇಶ್, ವ್ಯವಸ್ಥಾಪಕ ನಿರ್ದೇಶಕ ಮುನೇಗೌಡ ಇದ್ದರು.

ಆಂಧ್ರದ ಮಕ್ಕಳಿಗೆ ‘ತೃಪ್ತಿ’ : ತುಮಕೂರು ಘಟಕದಿಂದ ತಯಾರಾಗುವ 90 ದಿನ ಕೆಡದ ‘ತೃಪ್ತಿ’ ಹೆಸರಿನ ಟೋನ್ಡ್ ಹಾಲು ಆಂಧ್ರಪ್ರದೇಶದ ಸರ್ಕಾರಿ ಶಾಲೆ ಮಕ್ಕಳಿಗೆ ಪೂರೈಸಲಾಗುತ್ತಿದೆ. ಲೀಟರ್​ಗೆ 32.18 ರೂ. ಕೊಟ್ಟು ಆಂಧ್ರ ಸರ್ಕಾರ ಪ್ರತಿದಿನ ಕೊಳ್ಳಲಿದೆ. ತುಮುಲ್ ಪ್ಲೆಕ್ಸಿ ಪ್ಯಾಕ್ ಘಟಕ ಪ್ರತಿದಿನ 90 ಸಾವಿರ ಲೀ. ತಯಾರಾಗುತ್ತಿದೆ. ಸ್ಥಳೀಯ ಮಾರುಕಟ್ಟೆ ಜತೆಗೆ ಆಂಧ್ರ, ಜಮ್ಮುಕಾಶ್ಮೀರ, ಮುಂಬೈ ನಗರದಲ್ಲಿ ಮಾರುಕಟ್ಟೆ ಹೊಂದಿದೆ.

ಜಿಲ್ಲೆಯಲ್ಲಿ ಕ್ಷೀರ ಕ್ರಾಂತಿ : ಜಿಲ್ಲೆಯಲ್ಲಿ ಮೇವಿನ ಅಭಾವ ದೂರವಾಗಿರುವುದರಿಂದ ಪ್ರತಿದಿನ 7.70ಲಕ್ಷ ಲೀ. ಹಾಲು ಶೇಖರಣೆಯಾಗುತ್ತಿದೆ. ನಿರ್ವಹಣೆ ಕಷ್ಟವಾಗಿದೆ. ಹೆಚ್ಚುವರಿ ಹಾಲು ಪರಿವರ್ತನೆಗಾಗಿ ಬೇರೆ ರಾಜ್ಯಗಳಿಗೆ ಕಳುಹಿಸಲಾಗುತ್ತಿದೆ. ಹಾಗಾಗಿ, ಒಕ್ಕೂಟ ಆರ್ಥಿಕ ನಷ್ಟ ಅನುಭವಿಸುತ್ತಿದ್ದು, ಒಕ್ಕೂಟ ಹಾಗೂ ರೈತರ ಹಿತದೃಷ್ಟಿಯಿಂದ ದರ ಇಳಿಕೆಗೆ ತುಮುಲ್ ಮುಂದಾಗಿದೆ. ಆರಂಭದಲ್ಲಿ 25000 ಲೀ. ಡಬಲ್ ಟೋನ್ಡ್ ಹಾಲು ಉತ್ಪಾದನೆಯಾಗಲಿದೆ.

ಖಾಸಗಿಯವರ ಪೈಪೋಟಿ ಎದುರಿಸಿ ನಂದಿನಿ ಹಾಲಿನ ಮಾರಾಟ ಹೆಚ್ಚಿಸುವ ಸವಾಲು ನಮ್ಮ ಮುಂದಿದೆ. ಶೇಖರಣೆಯಾಗುವ ಹಾಲನ್ನು ದ್ರವರೂಪದಲ್ಲಿಯೇ ಮಾರಾಟ ಮಾಡಲು ‘ಡಬಲ್ ಟೋನ್ಡ್’ ಹಾಲನ್ನು ಮಾರುಕಟ್ಟೆಗೆ ಪರಿಚಯಿಸಿದ್ದೇವೆ.

| ಕೊಂಡವಾಡಿ ಚಂದ್ರಶೇಖರ್, ಅಧ್ಯಕ್ಷ, ತುಮುಲ್

Leave a Reply

Your email address will not be published. Required fields are marked *

Back To Top