Friday, 18th August 2017  

Vijayavani

1. ಕಾಂಗ್ರೆಸ್‌ನಲ್ಲಿ ಎಡಪಂಥಿಯರಿಗೆ ಮಾತ್ರ ಮಣೆ- ಚುನಾವಣಾ ತಂತ್ರಗಾರ ಕೈ ಗುಡ್‌ಬೈ- ಅಲ್ಪ ಸಂಖ್ಯಾತರರನ್ನ ಅತಿಯಾಗಿ ಓಲೈಸ್ತಿದ್ಯಾ ಕಾಂಗ್ರೆಸ್‌.? 2. ಜೆಡಿಎಸ್​ ಭಿನ್ನರಿಗೆಲ್ಲಾ ಇಲ್ಲಾ ಟಿಕೆಟ್​ – 3 ಕ್ಷೇತ್ರಗಳ ಟಿಕೆಟ್​​​​​​​​ಗೆ ಖಾತ್ರಿ ನೀಡದ ಖರ್ಗೆ- ತ್ರಿಶಂಕು ಸ್ಥಿತಿಯಲ್ಲಿ ಜೆಡಿಎಸ್​​​​​​ ಭಿನ್ನರ ಸ್ಥಿತಿ 3. ಸಿಲಿಕಾನ್ ಸಿಟಿಗೆ ಖತರ್ನಾಕ್​ ಗ್ಯಾಂಗ್​ ಎಂಟ್ರಿ- ಸೆಕ್ಯೂರಿಟಿ ಡ್ರೆಸ್​​​ನಲ್ಲಿ ಮಾಡ್ತಿದ್ದಾರೆ ಕಳ್ಳತನ- ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಯ್ತು ಕೃತ್ಯ 4. ರಾಜೀನಾಮೆ ಬಳಿಕ ವಿಶಾಲ್‌ ಸಿಕ್ಕಾ ಮೊದಲ ಮಾತು- ನನ್ನ ಜೀವನದ ದುಃಖದ ವಿಚಾರ ಅಂತಾ ಬೇಸರ- ಅತ್ತ ನಾನು ಕಾರಣನಲ್ಲ ಎಂದ ನಾರಾಯಣ ಮೂರ್ತಿ 5. ಯುಪಿ ಆಸ್ಪತ್ರೆಯಲ್ಲಿ ಮಕ್ಕಳ ಸಾವು ಪ್ರಕರಣ- ಹೈಕೋರ್ಟ್‌ನಿಂದ ಯೋಗಿ ಸರ್ಕಾರಕ್ಕೆ ತರಾಟೆಗೆ- ಕೂಡಲೇ ವರದಿ ನೀಡಲು ಸೂಚನೆ
Breaking News :

ಟೋಕಿಯೊ ಒಲಿಂಪಿಕ್ಸ್​ಗೆ ಈಜು ಹಾದಿ

Tuesday, 06.06.2017, 3:00 AM       No Comments

| ಗಣೇಶ್ ಉಕ್ಕಿನಡ್ಕ ಬೆಂಗಳೂರು

ಬಾಲ್ಯದಲ್ಲಿ ಹವ್ಯಾಸಕ್ಕೆಂದು ಕಲಿತ ಈಜು ರಾಷ್ಟ್ರೀಯ, ಅಂತಾರಾಷ್ಟ್ರೀಯ ಮನ್ನಣೆಯನ್ನು ತಂದಿತ್ತಿದೆ. ಟೋಕಿಯೋ ಒಲಿಂಪಿಕ್ ಕನಸಿಗೆ ನೀರೆದಿದೆ. ಬೆಂಗಳೂರಿನ ಯುವ ಪ್ರತಿಭಾವಂತ ಸ್ವಿಮ್ಮರ್ ರಾಹುಲ್ ಎಂ. ಇದೀಗ ಮುಂಬರುವ ಟೋಕಿಯೊ ಒಲಿಂಪಿಕ್ಸ್​ನಲ್ಲಿ ಸ್ಪರ್ಧಿಸುವ ಕನಸಿನಲ್ಲಿದ್ದಾರೆ. ಇತ್ತೀಚೆಗೆ ನಗರದಲ್ಲಿ ನಡೆದ ರಾಜ್ಯ ಸಬ್ ಜೂನಿಯರ್-ಜೂನಿಯರ್ ಈಜು ಕೂಟದಲ್ಲಿ 8 ಸ್ವರ್ಣ ಪದಕ ಗೆದ್ದಿರುವ ರಾಹುಲ್ ಒಲಿಂಪಿಕ್ಸ್ ಅರ್ಹತೆಗೆ ಈಗಿನಿಂದಲೇ ಕಠಿಣ ಸಿದ್ಧತೆಯೊಂದಿಗೆ ಸಜ್ಜಾಗುತ್ತಿದ್ದಾರೆ. ಸ್ವ ಆಸಕ್ತಿಯಿಂದ 10ನೇ ವಯಸ್ಸಿಗೆ ಈಜು ಆರಂಭಿಸಿದ 16 ವರ್ಷದ ರಾಹುಲ್​ಗೆ ವಿಶ್ವ ಶ್ರೇಷ್ಠ ಸ್ವಿಮ್ಮರ್ ಮೈಕೆಲ್ ಫೆಲ್ಪ್ಸ್ ಮಾದರಿ ಹಾಗೂ ಸ್ಪೂರ್ತಿ. ‘24 ಒಲಿಂಪಿಕ್ಸ್ ಪದಕ ವಿಜೇತ ನನಗೆ ಸದಾ ಸ್ಪೂರ್ತಿ. 15ನೇ ವಯಸ್ಸಿಗೆ ಅವರು ಒಲಿಂಪಿಕ್ಸ್ ಪದಕ ಗೆದ್ದ ಸಾಧಕ. ಮುಂಬರುವ 2020ರ ಟೋಕಿಯೊ ಒಲಿಂಪಿಕ್ಸ್​ಗಾಗಿ ಈಗಿನಿಂದಲೆ ಕಠಿಣ ಶ್ರಮಪಡುತ್ತಿದ್ದೇನೆ. ಒಲಿಂಪಿಕ್ಸ್​ನಲ್ಲಿ ಸ್ಪರ್ಧಿಸಿ ಪದಕ ಗೆಲ್ಲುವುದು ನನ್ನ ಜೀವನದ ದೊಡ್ಡ ಕನಸು. ಬಸವನಗುಡಿ ಈಜು ಕೇಂದ್ರದಲ್ಲಿ (ಬಿಎಸಿ) 5 ವರ್ಷಗಳಿಂದ ತರಬೇತಿ ಪಡೆಯುತ್ತಿದ್ದೇನೆ’ ಎನ್ನುವ ರಾಹುಲ್ ವಿವಿ ಪುರಂನ ಜೈನ್ ಕಾಲೇಜಿನಲ್ಲಿ 2ನೇ ಪಿಯುಸಿ ವಿದ್ಯಾರ್ಥಿ.

ರಾಹುಲ್​ಗೆ ಅಪ್ಪನೇ ಮೊದಲ ಗುರು

ಕಬಡ್ಡಿ ಆಟಗಾರನಾಗಿರುವ ತಂದೆ ನಾಗರಾಜ್ ಮೋಹನ್ ಅವರೇ ಮಗನ ಮೊದಲ ಈಜು ಗುರು. ‘ಮನೆ ಹತ್ತಿರದಲ್ಲಿ ಸಣ್ಣ ಈಜುಕೊಳವಿತ್ತು. ಸಂಜೆ ಟೈಂಪಾಸ್​ಗೆಂದು ಗೆಳೆಯರೊಂದಿಗೆ ಅಲ್ಲಿಗೆ ಈಜಲು ಹೋಗುತ್ತಿದ್ದೆ. 10ನೇ ವಯಸ್ಸಿಗೆ ಸ್ವಿಮ್ಮಿಂಗ್ ಆರಂಭಿಸಿದೆ. ಅಪ್ಪನೇ ನನ್ನ ಮೊದಲ ಕೋಚ್. ಪ್ರತಿದಿನ ಬೆಳಗ್ಗೆ-ಸಂಜೆ ಒಟ್ಟು 6 ಗಂಟೆ ಅಭ್ಯಾಸ ಮಾಡುತ್ತೇನೆ. ಜಿಮ್ ಕೂಡ ಅಗತ್ಯ ಎನ್ನುವುದು ರಾಹುಲ್ ಅಭಿಪ್ರಾಯ.

ಸ್ಯಾಕ್ ಕೂಟದಲ್ಲಿ ಗಮನಾರ್ಹ ನಿರ್ವಹಣೆ

ರಾಷ್ಟ್ರೀಯ ಕೋಚ್ ಪ್ರದೀಪ್ ಕುಮಾರ್ ಮಾರ್ಗದರ್ಶನದಲ್ಲಿ ಪಳಗಿರುವ ರಾಹುಲ್ ಈಗ ಬಿಎಸಿ ಕೋಚ್ ಪದ್ಮನಾಭನ್​ರಿಂದ ತರಬೇತಿ ಪಡೆಯುತ್ತಿದ್ದಾರೆ. ಕಳೆದ ವರ್ಷ ಶ್ರೀಲಂಕಾದಲ್ಲಿ ನಡೆದ ದಕ್ಷಿಣ ಏಷ್ಯಾ ಈಜು ಚಾಂಪಿಯನ್​ಷಿಪ್​ನಲ್ಲಿ (ಸ್ಯಾಕ್) ರಾಹುಲ್ 800 ಮೀಟರ್ ಫ್ರೀಸ್ಟೈಲ್​ನಲ್ಲಿ ಚಿನ್ನ, 4/100 ಫ್ರೀಸ್ಟೈಲ್ ಹಾಗೂ 4/200 ಫ್ರೀಸ್ಟೈಲ್ ರಿಲೇಯಲ್ಲಿ ಬೆಳ್ಳಿ ಗೆದ್ದಿದ್ದರು. 400 ಮೀ. ಫ್ರೀ ಸ್ಟೈಲ್​ನಲ್ಲಿ ಕಂಚು, 200 ಮೀ. ಬಟರ್​ಫ್ಲೈನಲ್ಲಿ ಬೆಳ್ಳಿ ಪದಕ ಜಯಿಸಿದ್ದರು. ಕಳೆದ ವಾರ ನಡೆದ ರಾಜ್ಯ ಸಬ್ ಜೂನಿಯರ್-ಜೂನಿಯರ್ ಈಜು ಕೂಟದಲ್ಲಿ ಸ್ಪರ್ಧಿಸಿದ 8 ವಿಭಾಗದಲ್ಲೂ ಚಿನ್ನ ಗೆದ್ದಿದ್ದಾರೆ.

ಮಗ ಕ್ರೀಡಾಕ್ಷೇತ್ರದಲ್ಲಿ ಸಾಧನೆ ಮಾಡಬೇಕೆ ನ್ನುವುದು ನನ್ನ ಕನಸು. ಇದಕ್ಕಾಗಿ ಆತನ ಆಸಕ್ತಿಯ ಈಜಿಗೆ ಬೆಂಬಲ ನೀಡುತ್ತಿದ್ದೇನೆ.

| ನಾಗರಾಜ್ ಮೋಹನ್ ರಾಹುಲ್ ತಂದೆ

 

Leave a Reply

Your email address will not be published. Required fields are marked *

Back To Top