Tuesday, 25th September 2018  

Vijayavani

ಬಗರ್​ಹುಕುಂ ಭೂಮಿ ಪರಭಾರೆ ಆರೋಪ- ಮಾಜಿ ಡಿಸಿಎಂ ಆರ್. ಅಶೋಕ್​​ ಅರ್ಜಿ ವಜಾ, ಎಸಿಬಿ ತನಿಖೆಗೆ ಹೈಕೋರ್ಟ್ ಅಸ್ತು        ಪುಟ್ಟರಂಗ ಶೆಟ್ಟಿ ನನ್ನನ್ನು ಮಂತ್ರಿ ಮಾಡಿಲ್ಲ- ಕಾಂಗ್ರೆಸ್ ಗುರಿಯಾಗಿಸಿ ನಾನು ಹೇಳಿಲ್ಲ- ಎನ್​​.ಮಹೇಶ್ ತಿರುಗೇಟು        ಶಸ್ತ್ರಚಿಕಿತ್ಸೆ ಬಳಿಕ ದರ್ಶನ್ ಮೊದಲ ದರ್ಶನ- ಆಕ್ಸಿಡೆಂಟ್​ ಕೇಸಲ್ಲಿ ಬಲಿಪಶುವಾದ್ರಾ ಆಂಥೋಣಿ..?- ಅಪಘಾತಕ್ಕೂ ಮುನ್ನ ಪಾರ್ಟಿ        ಹಾಸನದಲ್ಲಿ ಮುಸ್ಲಿಂ ಯುವತಿ ಪ್ರೇಮ - ನಿನಗಿಷ್ಟ ಬಂದವರ ಕಡೆ ಹೋಗುವಂತೆ ಕೋರ್ಟ್​ ತೀರ್ಪು- ಹುಡುಗನ ಬಳಿ ಕಳಿಸದೆ ಹೈಡ್ರಾಮಾ        ನವೆಂಬರ್​​ನಲ್ಲಿ ಮತ್ತೆ ಸನ್ನಿ ಶೋಗೆ ಸಿದ್ಧತೆ- ಕನ್ನಡಪರ ಸಂಘಟನೆಗಳಿಂದ ವಿರೋಧ- ಬೆಂಗಳೂರಿಗೆ ಬರದಂತೆ ಪ್ರತಿಭಟನೆಗೆ ನಿರ್ಧಾರ        ಹ್ಯಾರೀಸ್ ಪುತ್ರ ನಲಪಾಡ್ ಈಗ ಬಾಸ್- ಎರಡು ಮುಕ್ಕಾಲು ಲಕ್ಷ ಕೊಟ್ಟು 8055 ನಂಬರ್ ಖರೀದಿ-  ದಿಗ್ವಿಜಯ ನ್ಯೂಸ್ ಎಕ್ಸ್​ಕ್ಲೂಸಿವ್       
Breaking News

ಜೇಡದ ಸೇಡು!

Thursday, 11.01.2018, 3:02 AM       No Comments

ಗ್ರಾಮೀಣ ಪ್ರದೇಶದ ಮನೆಗಳಲ್ಲಿ ತಿಂಗಳಿಗೊಮ್ಮೆಯಾದರೂ ಜೇಡರ ಬಲೆಯನ್ನು ಗುಡಿಸಲೇಬೇಕಾಗುತ್ತದೆ. ಒಂದು ತಿಂಗಳು ಮನೆಯನ್ನು ಸ್ವಚ್ಛಗೊಳಿಸಿಲ್ಲ ಎಂದರೆ ಮನೆಯ ಮೂಲೆಯಲ್ಲೆಲ್ಲಾ ಜೇಡಗಳು ಮನೆ ಮಾಡಿರುತ್ತವೆ. ಆದರೆ ಈ ಪರಿಸ್ಥಿತಿ ನಗರಗಳಲ್ಲಿ ಇಲ್ಲ. ನಗರವಾಸಿಗಳು ಹಬ್ಬ ಹರಿದಿನ ಬಂದಾಗ ಅಥವಾ ಮನೆ ಪೇಂಟಿಂಗ್ ಎಂದಾಗ ಮನೆಯ ಮೂಲೆಗಳನ್ನು ಸ್ವಚ್ಛಗೊಳಿಸುತ್ತಾರೆ. ಇನ್ನು ವಿದೇಶದಲ್ಲಿ ಜೇಡದ ಸಮಸ್ಯೆಯೇ ಇಲ್ಲ ಎಂದು ಸುಮ್ಮನಾಗುವಂತಿಲ್ಲ. ಏಕೆಂದರೆ ಕ್ಯಾಲಿಫೋರ್ನಿಯಾದಲ್ಲಿ ಜೇಡದ ಸಮಸ್ಯೆಯಿಂದಾಗಿ ಫ್ಲಾಟ್ ಸುಟ್ಟು ಹೋಗಿದೆ.

ಕ್ಯಾಲಿಫೋರ್ನಿಯಾದಲ್ಲಿ ಜೇಡರ ಬಲೆಯನ್ನು ಸ್ವಚ್ಛಮಾಡಿ ಸುಸ್ತಾಗಿದ್ದ ವ್ಯಕ್ತಿಯೊಬ್ಬರು ದೊಡ್ಡದಾದ ವೂಲ್ಪ ಜೇಡವನ್ನು ಹಿಡಿದು ಬೆಂಕಿ ಹಚ್ಚಿದ್ದಾರೆ. ಅದು ಅವರ ಇಡೀ ಫ್ಲಾಟ್​ಗೆ ಆವರಿಸಿಕೊಂಡಿದೆ. ಸ್ಥಳೀಯರ ಪ್ರಕಾರ, ಜೇಡಕ್ಕೆ ತಗುಲಿದ್ದ ಬೆಂಕಿ ಮ್ಯಾಟ್​ಗೂ ತಗುಲಿ ಎಲ್ಲೆಡೆ ಹಬ್ಬಿಕೊಂಡಿರಬಹುದು ಎನ್ನಲಾಗಿದೆ.

ಅಗ್ನಿ ಅವಘಡ ವಿಷಯ ತಿಳಿಯುತ್ತಿದ್ದಂತೆ, ಅಗ್ನಿ ಶಾಮಕದಳ ಸಿಬ್ಬಂದಿ ಬೆಂಕಿ ನಂದಿಸಲು ಪ್ರಯತ್ನಿಸಿದ್ದಾರೆ. ಆದರೆ ಎಷ್ಟೇ ಪ್ರಯತ್ನಿಸಿದರೂ ಬೆಂಕಿ ಮಾತ್ರ ಬೇಗ ನಂದಲೇ ಇಲ್ಲವಂತೆ. ಈ ಅವಘಡದಲ್ಲಿ ಸುಮಾರು ಲಕ್ಷಾಂತರ ರೂ. ಮೌಲ್ಯದ ವಸ್ತುಗಳು ಹಾನಿಯಾಗಿದ್ದು, ಅಪಾರ್ಟ್​ವೆುಂಟ್​ನ ಕೆಲ ಫ್ಲಾಟ್​ಗಳು ವಾಸಯೋಗ್ಯವಾಗಿ ಉಳಿದಿಲ್ಲ ಎನ್ನಲಾಗಿದೆ. ಈ ಕಥೆ ಕೇಳಿದ ಮೇಲೆ ರಾಜಮೌಳಿಯ ‘ಈಗ’ ಸಿನಿಮಾ ನೆನಪಾಗೇಆಗುತ್ತದೆ. ಅದೇ ರೀತಿ ‘ಜೇಡ’ ಎಂಬ ಹೊಸ ಸಿನಿಕಥೆ ಹೊಳೆದರೂ ಹೊಳೆಯಬಹುದೆನೊ….!

Leave a Reply

Your email address will not be published. Required fields are marked *

Back To Top